Suddat AlAdl Law and Legal Consultancy سّدُة العدل للمحاماة

  • Home
  • Sudan
  • Khartoum
  • Suddat AlAdl Law and Legal Consultancy سّدُة العدل للمحاماة

Suddat AlAdl Law and Legal Consultancy سّدُة العدل للمحاماة Contact information, map and directions, contact form, opening hours, services, ratings, photos, videos and announcements from Suddat AlAdl Law and Legal Consultancy
سّدُة العدل للمحاماة, Lawyer & Law Firm, Khartoum.

🏛️ سُدّة العدل – للمحاماة والاستشارات القانونية
Suddat Al-Adl – Law and Legal Consultancy
منصة قانونية توعوية رائدة تُقدّم خدمات المحاماة والاستشارات القانونية بكفاءة عالية واحترافية دقيقة،
https://wa.me/message/XVLARJQBAJCHH1

🛑 قبل ما تدفع قروش "شقا العمر" في واطة.. ٥ نصائح قانونية لازم تعرفها! 🛑​كتيرين من أهلنا، خصوصاً المغتربين، بيقعوا في فخ ...
18/04/2026

🛑 قبل ما تدفع قروش "شقا العمر" في واطة.. ٥ نصائح قانونية لازم تعرفها! 🛑
​كتيرين من أهلنا، خصوصاً المغتربين، بيقعوا في فخ الاحتيال أو بيشتروا أراضي فيها مشاكل قانونية بتقعدهم في المحاكم سنين. عشان كدة، لو ناوي تشتري "واطة" في السودان، المنشور ده ليك:
​1. شهادة البحث هي "المقدس" 📄
​ما تكتفي بصورة واتساب! لازم تطلع شهادة بحث غرض البيع بتاريخ اليوم ومن مكتب تسجيلات الأراضي المختص. تأكد إنو الأرض "ملك حر" أو "منفعة"، وتأكد من خلوها من أي "رهن" أو "حجز" قضائي.
​2. المعاينـة على أرض الواقع 📍
​أوعى تشتري واطة "على الخريطة" بس. لازم تمشي تقيف فيها بنفسك، وتتأكد إنو أوتادها موجودة، ومطابقة للمخطط. اسأل الجيران (الجيرة قبل الديرة): "الواطة دي حقت منو؟ وهل فيها أي نزاع؟".
​3. تأكد من "تسلسل الملكية" 🔗
​لو بتشتري من شخص غير المالك المسجل في شهادة البحث، لازم تراجع التوكيلات. هل التوكيل "خاص" بالبيع؟ هل هو "ساري المفعول" ولا اتلغى؟ وهل التوكيل موثق من الخارجية والسفارة لو كان البايع مغترب؟
​4. العقد الموثق هو حمايتك ✍️
​ما تعتمد على "مبايعة" عادية بينك وبين البايع. البيع القانوني لازم يتم في مكتب محامي معتمد أو أمام مسجل الأراضي، ويتم توثيقه فوراً عشان تضمن حقك في "خلو الطرف".
​5. إجراءات تحويل الملكية 🏗️
​دفع القروش لازم يكون مرتبط بلحظة التنازل أو "الفراغ" في مكتب الأراضي. أوعى تسلم قروشك كاملة إلا وإنت ضامن إنو اسمك نزل في السجلات الرسمية.
​💡 نصيحة قانونية غالية:
الواطة الما عندها "أوراق رسمية" (حيازة مثلاً) مخاطرتها عالية جداً، مهما كان سعرها مغري.. ابعد عن الشبهات!
​
✉️✍️اكتب لينا في التعليقات نتكلم عن شنو المرة الجاية ولو واجهتك أي مشكلة ومحتاج استشارة اكتب تم و هنتواصل معاك
📩 للتواصل والاستشارات:
https://wa.me/message/XVLARJQBAJCHH1



#سُدّة_عدل_للمحاماة_والاستشارات_القانونية
Legal_Consultancy

‏ ‏‏كتير من الناس عشان تتهرب من رسوم التسجيل بتقوم تشتري عربية أو بيت بتوكيل والورقة دي بتلف على ٧ أو ١٠ أنفار لحدي ما ت...
16/04/2026

‏
‏
‏كتير من الناس عشان تتهرب من رسوم التسجيل بتقوم تشتري عربية أو بيت بتوكيل والورقة دي بتلف على ٧ أو ١٠ أنفار لحدي ما تقع في يدك.. السؤال هنا هل الورقة دي بتخليك مالك حقيقي ولا إنت ماسك الهواء؟
‏
‏🔵 وعشان نجاوب علي السؤال ده
‏
‏ لازم نعرف انو قانون المعاملات المدنية (المادة 441) بيعتبر إنو الوكالة دي عقد غير لازم وبينتهي فورا بأسباب قهرية زي الموت أو الجنون يعني التوكيل ده مجرد رخصة للتصرف نيابة عن الزول ما وثيقة بتنقل ليك حق الملكية زي ما الناس فاهمة.
‏
‏⚫ طيب الكارثة بتحصل متين؟
‏
‏الكارثة بتكمن في موت الموكل الأصلي لانو في سابقة قضائية (حواء الفكي خليل ضد يونس علي - 1994م - المحكمة العليا) المحكمة أكدت إنو الوكالة بتنتهي بموت الموكل أو عزله للوكيل وده معناه لو المالك الأول مات بكرة الصباح التوكيل اللي في يدك بيصبح حبر على ورق قانونيا والمال بيرجع للورثة اللي ممكن ما يعترفوا بيك أصلا وتلقى نفسك في مواجهة دعوى استرداد حيازة.
‏
‏🟠 هل ممكن الموكل يغدر بيك ويسحب التوكيل؟
‏
‏القانون بيعطي الموكل الحق في عزل الوكيل في أي لحظة وده بيفتح الباب النصب المقنن يعني ممكن الزول يشيل قروشك ويديك توكيل ويمشي يلغيه من وراك في التسجيلات وتبقى إنت قانونياولا تملك إلا ورقة ملغية والعربية أو البيت لسه باسمه.
‏
‏🟢 طيب كيف تضمن إنك بتشتري حاجة نضيفة؟
‏
‏عشان ما تضيع شقي عمرك في ورقة لازم:
‏
‏- تتجنب سلسلة التوكيلات وتصر على الوصول للمالك المسجل في الشهادة.
‏
‏- تكمل إجراءات عقد البيع ونقل الملكية فورا في السجلات الرسمية (عقد + تسجيل).
‏
‏- لو مضطر للتوكيل اتأكد إنو غير قابل للإلغاء وإنو الموكل حي يرزق لحظة الاستلام.
‏
‏🟣 في النهاية
‏
‏رسوم التسجيل اللي عايز توفرها دي ممكن تكلفك الأصل كله.. التوكيل ده أداة إدارية لتسهيل الإجراءات ما أداة ملكية لحفظ الحقوق.. والفرق بيناتهم شعرة.. يا تملك الأصل بالقانون يا تكون مجرد وكيل تحت رحمة القدر ومزاج الورثة.. العبرة دايما بالخواتيم.
‏
‏✉️✍️اكتب لينا في التعليقات نتكلم عن شنو المرة الجاية ولو واجهتك أي مشكلة ومحتاج استشارة اكتب تم و هنتواصل معاك
‏📩 للتواصل والاستشارات:
‏https://wa.me/message/XVLARJQBAJCHH1
‏
‏
‏
‏ #سُدّة_عدل_للمحاماة_والاستشارات_القانونية
‏ Legal_Consultancy

في ناس كتار لمن يكون عليهم دين أو مطالبة مالية بيفتكروا إنو الدائن ممكن يحبسهم في أي لحظة أو يجي ياخد حاجاتهم بالقوة... ...
16/04/2026

في ناس كتار لمن يكون عليهم دين أو مطالبة مالية بيفتكروا إنو الدائن ممكن يحبسهم في أي لحظة أو يجي ياخد حاجاتهم بالقوة... وإنو كلمة (يا تدفع يا أسجنك ) دي نهاية المطاف ومافي بعدها كلام.
‏
‏والفهم ده ناقص وفيهو تخويف ما ليهو لازمة صاح إنو الدين هم بالليل ومذلة بالنهار لكن القانون السوداني نظم طريقة المطالبة بالديون وحمى المديون (الشخص العليهو القروش) من الإجراءات التعسفية والبهدلة.
‏
‏ ؟
‏
‏القانون وضح ليك حقوقك عشان مافي زول يستغلك أو يضغط عليك نفسيا:
‏
‏1- الحبس ما أول حل ولا هو الحل الوحيد:
‏- الحبس بسبب الديون المدنية ما هو الإجراء الأول الدائن لازم يمشي المحكمة الأول ويثبت الدين وياخد حكم نهائي.
‏- بعد الحكم المحكمة بتبدأ في إجراءات التنفيذ وأول حاجة بتنظر فيها هي ممتلكاتك التانية (قروش في بنك، عربية، عقار زايد عن حاجتك).
‏- الحبس بيكون للمديون المماطل يعني القادر يدفع ورافض أما لو ثبت للمحكمة إنك معسر يعني بالجد ما عندك وظروفك كعبة فالمحكمة ممكن تديك مهلة أو تقسط ليك الدين.
‏
‏2- ما أي حاجة عندك ممكن تتحجز:
‏- القانون بيحميك وبيحمي أسرتك من التشرد. في حاجات أساسية مافي زول بيقدر يحجز عليها عشان يسدد بيها الدين.
‏- #مثلا بيت السكنى الأساسي بتاعك وبتاع أسرتك عفش البيت الضروري، هدومك، والعدة أو الأدوات بتاعة شغلك اللي بتأكلك عيش القانون ما بيخليك في الشارع عشان يسدد دين.
‏
‏3- التهديد والمضايقة ما من حق الدائن:
‏- لو الدائن بدأ يهددك أو يزعجك باتصالات كتيرة في أوقات ما مناسبة أو يجي مكان شغلك ويعمل ليك فضيحة دي كلها تصرفات ما قانونية.
‏- طريق الدائن الوحيد هو المحكمة أي تصرف فيه بلطجة أو تشهير بيك من حقك أنت تشتكيهو وتاخد حقك منو.
‏
‏4- من حقك تطلب مهلة أو تقسيط:
‏- حتى بعد صدور الحكم لو ظروفك المالية صعبة من حقك تتقدم بطلب لقاضي التنفيذ وتشرح ليهو وضعك وتطلب تقسيط المبلغ على دفعات حسب مقدرتك.
‏- القاضي عندو سلطة تقديرية في الحتة دي ولو اقتنع بظروفك ممكن يوافق على طلبك القصة في النهاية فيها جانب إنساني.
‏
‏ ؟
‏
‏عشان القصة تكون واضحة الدائن ما بيقدر ينفذ الحكم براهو... لازم يتبع الخطوات دي:
‏
‏- الخطوة الأولى: رفع الدعوى في المحكمة
‏لازم الدائن يفتح بلاغ أو يرفع دعوى مدنية، والمحكمة تعلنك عشان تجي تدافع عن نفسك أو تقر بالدين.
‏
‏- الخطوة الثانية: صدور الحكم النهائي
‏بعد ما القاضي يسمع الطرفين، بيصدر حكم بالدين لو ثبت ليهو.
‏
‏- الخطوة الثالثة: إجراءات التنفيذ
‏لو ما سددت بعد الحكم الدائن بيفتح إجراءات تنفيذ والمحكمة هي اللي بتشرف على التنفيذ زي الحجز على الأموال أو المرتب وما بيتم أي إجراء إلا بأمر من القاضي.
‏
‏ ؟
‏
‏أكيد لا زي ما القانون بيحميك عليك واجبات أساسية:
‏- تسدد الدين لو عندك المقدرة.
‏- تكون صريح وواضح في عرض ظروفك المالية للمحكمة.
‏- ما تحاول تهرب قروشك أو تسجل ممتلكاتك بأسماء ناس تانيين عشان تتهرب من السداد لأنو ده يعتبر تحايل على القانون وعقوبتو وخيمة.
‏
‏ #ختاما
‏
‏الدين لازم يتسدد ده حق أصيل للدائن. لكن طريقة السداد والمطالبة بيهو لازم تكون عبر القانون وباحترام. القانون عمل توازن دقيق بين حق الدائن في استرداد أمواله، وحق المديون في الحفاظ على كرامته وأساسيات حياته.
‏
‏أي مطالبة بالدين خارج إطار المحكمة وفيها تهديد أو إزعاج هي إجراء باطل وممكن يعرض الدائن نفسو للمساءلة.
‏
‏✉️✍️اكتب لينا في التعليقات نتكلم عن شنو المرة الجاية ولو واجهتك أي مشكلة ومحتاج استشارة اكتب تم و هنتواصل معاك
‏📩 للتواصل والاستشارات:
‏https://wa.me/message/XVLARJQBAJCHH1
‏
‏
‏
‏ #سُدّة_عدل_للمحاماة_والاستشارات_القانونية
‏ Legal_Consultancy

🌙✨🏛️ سُدّة العدل – للمحاماة والاستشارات القانونيةSuddat Al-Adl – Law and Legal Consultancyتتقدم بأسمى آيات التهاني والتب...
19/03/2026

🌙✨🏛️ سُدّة العدل – للمحاماة والاستشارات القانونية
Suddat Al-Adl – Law and Legal Consultancy

تتقدم بأسمى آيات التهاني والتبريكات إلى الشعب السوداني الكريم، وإلى الأمة الإسلامية جمعاء، بمناسبة حلول عيد الفطر المبارك.

نسأل الله أن يعيده عليكم بالخير واليُمن والبركات، وأن يتقبل منا ومنكم صالح الأعمال، وأن يجعله عيد سلام وأمن واستقرار على وطننا الحبيب.

كل عام وأنتم بخير،
وعيدكم مبارك 🌸🤍

⚖️ الحرابة في القانون السوداني (المعروفة بـ تسعة طويلة)الحرابة تُعتبر من أخطر الجرائم في القانون السوداني، لأنها ما بتكو...
15/11/2025

⚖️ الحرابة في القانون السوداني (المعروفة بـ تسعة طويلة)

الحرابة تُعتبر من أخطر الجرائم في القانون السوداني، لأنها ما بتكون اعتداء على شخص واحد وبس، بل تهديد لأمان المجتمع كله.

القانون الجنائي لسنة 1991، في المادة (168)، عرّف الحرابة بأنها:

"أي شخص يوقف الناس في الطريق العام ويستخدم القوة أو السلاح بهدف نهبهم، أو تخويفهم، أو الاعتداء عليهم."

بمعنى بسيط: أي زول يشيل سلاح أو قوة في الشارع عشان ينهب الناس أو يرهبهم—even لو ما سرق فعلياً—فده يعتبر حرابة.

🔸 العقوبات حسب الجريمة:

لو حصل قتل: العقوبة إعدام.

لو في نهب بدون قتل: ممكن يكون إعدام أو الصلب.

لو استخدم السلاح بس بدون نهب أو قتل: العقوبة السجن المؤبد أو قطع من خلاف.

القانون مشدد جداً في موضوع الحرابة لأنها بتشكل خطر على الأمن العام، وأي زول يهدد أمان الشارع كأنّه بيهدد حياة الناس واستقرار البلد كله.
✉️✍️اكتب لينا في التعليقات نتكلم عن شنو المرة الجاية ولو واجهتك أي مشكلة ومحتاج استشارة اكتب تم و هنتواصل معاك
📩 للتواصل والاستشارات:
https://wa.me/message/XVLARJQBAJCHH1



#سُدّة_عدل_للمحاماة_والاستشارات_القانونية
Legal_Consultancy

11/10/2025

الزول لو ما بصرف على بتو، هل يجوز ليهو يتولى عقد زواجا؟
كلام الليله دة حار شديد لكن والله تقبلو زي دة بس ( #عشان الدكتور لو ما نضف الجرح كله للآخر وشال اللحم الميت حاتحصل عدوى ويلتهب)

في أبهات ما عارفين بناتهم أكلن شنو؟ شربن شنو؟ ولا نامن كيف؟ خصوصاً لما ينفصل من الأم، وتتحمل هي تعب التربية والسهر والمعاناة، أو يقيفوا معاها أهلها أو أهل الراجل ( ) ويعلمو البت ويقروها، ويربوها لحدي ما تبقى زولة فخر للمجتمع
؟
ويشاورو الأب يقول:
#طيب ياحاج نسألك سؤال بسيط؟
إنت بتك دي عارف ليها شنو عشان تعترض؟
كنت عارف عنها شنو طول السنين دي؟
ولا بس إتذكرت إنك أبوها لما جابوا ليك خبر العرس؟
؟
لازم نقيف وقفة ونتأمل في الفرق بين حاجتين مهمات جداً وهن #الحضانة و #الولاية، وده عشان نفهم جمال النصوص القانونية والحكمة من وضعها
#الحضانة
في القانون معناها تربية المحضون والقيام بشؤونه، من أكل وشرب ولبس ورعاية وتعليم، فلو الطفل وجد أي زول مستحق للحضانة، أكيد حيتربى وحيطلع زول ... صاح؟ عشان كدة عدم الصرف ما بمنع الأب من الحق في الحضانة لما المحضون يصل السن القانوني لحضانه الرجال

فهي حاجة مختلفه تماماً، دي حقت الرجال العصبات بنفسهم (ناس الحارة والبعرفوا الرجالة جد جد) البجيبو الفرشات وبنومو في حوش المستشفى لما الولد يمرض والبدقو البت لمن تغلط وبورها كيف تطلع محترمة وبت ناس وبعلمو الولد كيف يكون راجل وما يطلع زول خايب وعاطل ساي، عشان كده قانون الأحوال الشخصية للمسلمين 1991م في المادة (32) قال:
(الولي في الزواج هو العاصب بنفسه على حسب ترتيب الإرث) وترتيبهم على حسب نص المادة (378) كالآتي:
2- الأبوة, وتشمل الأب لوحده
3- الجدود والأخوة، وتشمل أب الأب وإن علا والأخ لأب
4- بنى الإخوة، وتشمل أبناء الإخوة الأشقاء أو لأب وان نزلوا
5- العمومة، وتشمل العم الشقيق والعم لأب وأبناءهم وان نزلوا

كمان أضاف قاعدة ذهبية بتورينا روعة العدالة وحكمة المشرّع، وقال بكل وضوح وصراحة في المادة (36)
(إذا ترك الولي الإنفاق على موليته سنة كاملة بدون عذر مع وجوبها عليه شرعاً؟ تسقط ولايته عليها) عدييييييييل كدة ... كان تابو كان ترضو

مربط الفرس ومحل الإنصاف، لأنه ما معقول الأعْمام أو الجد يقيفو مع البنت من يومها الأول، يصرفوا عليها، يعلموها، يربوها، ويكونوا سندها وسترها، بالذات البمرق من المدرسة وهو صغير عشان يصرف على أمه وأخواته ... ويجي الأب الغائب بكل بساطة في الدقيقة (90) يعترض على زواجها عشان عنده حساسية مع أمها أو خلاف قديم

ما ظلم ... بل أنصف وقال بلسان الحق (من ترك المسؤولية لا يستحق السلطة)
ودي قمة العدل والرحمة، لأنه الولاية ما تشريف ولا تسلط ... بل تكليف ومسؤولية، عشان كرامة المرأة تكون محفوظة وتُصان بيها مصلحتها ... دة القانون كدة
؟
الولاية بتنتقل لمن بعده في الترتيب القولناهو فوق دة عشان ما تتعطل مصالح البنت بسبب عناد أو إهمال شخص واحد
#ختاماً
قانون الأحوال الشخصية للمسلمين 1991م ده وُضعوهو بي روح دينية و إنسانية راقية جداً بتجمع بين نصوص الشريعة وعدالة الواقع عشان يحمي المرأة ويضع الأمور في نصابها الصحيح ... بلاش كلام فارغ

✉️✍️اكتب لينا في التعليقات نتكلم عن شنو المرة الجاية ولو واجهتك أي مشكلة ومحتاج استشارة اكتب تم و هنتواصل معاك
📩 للتواصل والاستشارات:
https://wa.me/message/XVLARJQBAJCHH1



#سُدّة_عدل_للمحاماة_والاستشارات_القانونية
Legal_Consultancy

تُعلن سُدّة العدل – للمحاماة والاستشارات القانونية عن استئناف أعمالها من ولاية الخرطوم، بعد انقضاء فترة الحرب وما تبعها...
03/10/2025

تُعلن سُدّة العدل – للمحاماة والاستشارات القانونية عن استئناف أعمالها من ولاية الخرطوم، بعد انقضاء فترة الحرب وما تبعها من ظروف استثنائية.

وإذ نعود لمزاولة مهامنا القانونية بكامل طاقمنا وإمكاناتنا، فإننا نؤكد التزامنا بتقديم الخدمات القانونية والمرافعات والاستشارات المتخصصة، بكل مهنية وشفافية، خدمةً لعملائنا الكرام وحفاظاً على حقوقهم.

📞 للتواصل والاستفسار: [0125552365]
https://wa.me/message/XVLARJQBAJCHH1

نسأل الله أن يعمّ السلام والاستقرار ربوع وطننا العزيز، وأن نكون عند حسن ظنكم وثقتكم.

والله ولي التوفيق

سُدّة العدل – للمحاماة والاستشارات القانونية
Legal_Consultancy

19/08/2025

⚖️ المتهم بريء حتى تثبت إدانته

📖 قال النبي ﷺ:
"البينة على المدعي واليمين على من أنكر" (رواه البخاري ومسلم).
✅ الأصل في الإنسان البراءة
✅ لا عقوبة بلا حكم قضائي
✅ لا إدانة بلا دليل قاطع
🔑 مبدأ يحمي الحرية ويحقق العدالة ويمنع الظلم.
✉️✍️اكتب لينا في التعليقات نتكلم عن شنو المرة الجاية ولو واجهتك أي مشكلة ومحتاج استشارة اكتب تم و هنتواصل معاك
📩 للتواصل والاستشارات:
https://wa.me/message/XVLARJQBAJCHH1



#سُدّة_عدل_للمحاماة_والاستشارات_القانونية
Legal_Consultancy

15/08/2025

📌 السلطة المدنية للمحكمة – تعويض المتضرر من الجريمة

وفقاً للمادة (204) من القانون، للمحكمة الجنائية صلاحية الحكم بالتعويض للمضرور عن الضرر الناتج عن الجريمة، مع مراعاة الآتي:

1️⃣ لا ازدواج في المطالبة
إذا رفع المضرور دعوى مدنية منفصلة للتعويض، لا يحق له المطالبة به أمام المحكمة الجنائية إلا إذا تنازل عن الدعوى الأولى.

2️⃣ إدخال جميع الأطراف المعنية
يجوز للمحكمة ضم أي شخص له مصلحة أو عليه التزام في دعوى التعويض (مثل شركة التأمين أو الشركاء في الفعل).

3️⃣ سماع البينات
على المحكمة سماع الأدلة التي تثبت الضرر وتحدد مقدار التعويض.

4️⃣ إدراج التعويض في ورقة الاتهام
إذا رأت المحكمة أن هناك أساساً للتعويض، تُدرج ذلك في ورقة الاتهام وتسمع رد المتهم.

5️⃣ حق الدفاع
يجوز للمتهم أو أي طرف معني تقديم الأدلة لنفي التعويض أو تخفيضه.

6️⃣ تحديد المبلغ بوضوح
إذا حكمت المحكمة بالتعويض، تحدد المبلغ صراحة، سواء كان مستقلاً أو جزءاً من الغرامة.

⚖️ الخلاصة: هذه الأحكام تضمن تحقيق العدالة للمضرور، وحماية حقوق الدفاع، وتفادي تضارب أو ازدواج المطالبات بالتعويض.

✉️✍️اكتب لينا في التعليقات نتكلم عن شنو المرة الجاية ولو واجهتك أي مشكلة ومحتاج استشارة اكتب تم و هنتواصل معاك
📩 للتواصل والاستشارات:
https://wa.me/message/XVLARJQBAJCHH1



#سُدّة_عدل_للمحاماة_والاستشارات_القانونية
Legal_Consultancy

13/08/2025

🖐️البلة عمل في الخرطوم في إحدى الشركات لمدة 5 سنوات ثم قدم استقالته بإرادته.
بعد خروجه طالب الشركة بدفع مكافأة نهاية الخدمة وأجوره المتأخرة لكن الإدارة رفضت بحجة أنه استقال ولا يحق له المطالبة بأي مستحقات.
🖐️فما هو موقف القانون السوداني؟
🖐️هل يفقد العامل حقوقه بمجرد الاستقالة؟

⚖️ هل تفقد حقوقك إذا استقلت من العمل؟

📍 في السودان، الاستقالة لا تعني ضياع حقوقك.

🔹 لو أنت عامل وقررت تقدم استقالتك، فهذا لا يلغي مستحقاتك القانونية عن فترة عملك، ومنها:

💵 الأجور المتأخرة

🎁 مكافأة نهاية الخدمة (إذا كانت المدة تؤهلك)

🌴 بدلات الإجازات السنوية غير المستعملة

📜 القانون السوداني واضح: استقالتك هي مجرد إنهاء لعقد العمل بإرادتك، لكنها لا تُعتبر تنازلاً عن الحقوق المكتسبة، إلا إذا وقعت بإرادتك وبدون ضغط على إقرار قانوني بالتنازل (ومع ذلك قد يُطعن فيه إذا كان مخالفًا للقانون).
💡 الخلاصة:
حتى لو خرجت من العمل برغبتك، لك الحق تطالب بكل مستحقاتك حتى آخر يوم عملت فيه.
✉️✍️اكتب لينا في التعليقات نتكلم عن شنو المرة الجاية ولو واجهتك أي مشكلة ومحتاج استشارة اكتب تم و هنتواصل معاك
📩 للتواصل والاستشارات:
https://wa.me/message/XVLARJQBAJCHH1



#سُدّة_عدل_للمحاماة_والاستشارات_القانونية
Legal_Consultancy

Address

Khartoum

Website

Alerts

Be the first to know and let us send you an email when Suddat AlAdl Law and Legal Consultancy سّدُة العدل للمحاماة posts news and promotions. Your email address will not be used for any other purpose, and you can unsubscribe at any time.

Shortcuts

Share

Category