Cyber Times of Fonees

Cyber Times of Fonees A blog for sharing life good times and bad times

28/02/2024

راج خبر عن انو الروس استعملو صواريخ كوريه شماليه .. فيها اجزاء اوروبيه وامريكيه .. في الحرب على اوكرانيا .. الخبر ده زكرني حادثه حصلت في ٢٠١٩ عندما اسقطت قوات شرق ليبيا طائرة سوخوي .. الطيار بتاعا من فنزويلا لكن يحمل الجنسيه الامريكيه .. واضح انو الحروبات في النهايه بتفتح الباب على مصراعيه لكل المغامرين .. وتجار الحروب والناس الما فاهمة الفرق بين الحياة والموت .. وصناع السياسه بنتظرو المنتصر عشان ياخد عضويه النادي العالمي للمغفلين .. واثناء ذلك برضو في كميه من مجالات العمل بتزدهر .. اجهزة اعلاميه ومنظمات وغيرو .. واعتقد انو ده جوهر النظام العالمي الجديد ... البسخر كل شي لي خدمتو .. ابتداء من التكنلوجيا المتقدمه وانتهاء باخر لص او جهادي او رجل قبيله كل على حسب ما يعتقد .. مرحبا بالعالم الحر

18/10/2023

يرفض فرانز فانون كما رفض من بعده بن لادن، رغم اختلاف الأيديولوجيتين، أن يُنزع حق المقاومة بالعنف الأخلاقي

وهنا توقف مهم جداً في أهمية قراءة فلسفة العنف الأخلاقي، بين المجالين الماركسي و"الجهادي" الحديث الذي أعلنه زعيم تنظيم القاعدة التاريخي أسامة بن لادن، فهناك تطابق دقيق بينه وبين فرانز فانون، ففلسفة المدافعة بالعنف الأخلاقي كونها ضرورة لردع التوحّش الغربي، والذي كان يتمثل في عمليات القوة الغربية الإمبريالية، حسب الإحصاءات وطبيعة جرائمها الموثقة، ولهُ جذور في تاريخ العالم، هذا فضلاً عن الحروب الدينية في الغرب ذاته.
ويرفض فانون هنا كما رفض من بعده بن لادن، رغم اختلاف الأيديولوجيتين، أن يُنزع حق المقاومة بالعنف الأخلاقي، الذي قد يصيب المدنيين الغربيين في كفاح العالم الجنوبي، ليس قصداً ولكن محاولة لردع ما اعتبره فانون أقصى درجات الإرهاب التي تعيشها البشرية، عبر هذه القوى الكولونيالية. ويرفض فانون بحزم أي اعتذارياتٍ تقدّم للغرب، ويراها محض مقاييس مزدوجة لا قيمة لها في العدالة الإنسانية. ولعلي اُرجّح هنا أن خطاب أسامة بن لادن، وخصوصا حين الرجوع إلى رسائله التي صادرتها القوات الأميركية وسجله، التي حرص مكتب التحقيقات الفيدرالي (إف بي آي) على طمسه، وبالذات رسائله، حين اندلاع حركة الربيع العربي، وكانت أكثر اعتدالاً من مبادئ فانون، غير المُتَحفِظ على خسائر الغرب المدنية في مواضع الصراع، سوى أن الفارق هي عمليات القاعدة خارج مسرح الأمم المضطهدة. ولم أر لفانون رفضاً لها، لكنها لم تبرُز في فلسفته، بينما حضرت بقوة في خطط القاعدة المركزية، هذا مع إعادة دراسة فكر أسامة بن لادن وتحوّلاته التي تحتاج إلى استقلال وشفافية للوصول إلى المصادر.
ولربما كان اندفاع القاعدة إلى ممارسة العنف الأخلاقي مع العالم الإسلامي ذاته تحوّلاً مركزياً لأسامة بن لادن، بسبب تأثيرات حركة الجهاد المصرية وغيرها، فاشتبكت مع شعوب الجنوب عبر مقاتلة القوى الأمنية والداخل الوطني في المجتمعات المسلمة، وهو ما كان مشتركاً آخر في فلسفة العنف الأخلاقي.

13/09/2023

اها يا البرهان ...
فولكر استقال
ووروتو قال ليك صافيه لبن ... ولد لبات زاتو ممكن نشيلو ليك بره
لكن علي الصادق بتاعك ده ... شوف ليهو صرفه ... الجماعه ديل ما قصرو معاك ... واحدة بي واحدة ولا شنو

11/06/2023

محاوله ربط الهجوم الانتحاري القام بيهو الدعم السريع بي قحت والاطاري ... محاولة لايجاد مسوغات لشن حرب اخرى اكثر ضراوة على كل من يطمح في سودان حر ومعافى

25/05/2023

يا جماعه وزير الماليه ليهو كم اسبوع بقول الاسبوع الجاي بنحل مشكله المصارف وندي الناس رواتبم ... اها لسه ... انا في اعتقادي انو رغم الضرر الكبير الذي لحق بفروع البنوك في الخرطوم لكن ما تزال هناك بنيه تحتيه صلبه لم تستطع زخات الرصاص في اتلافها .. متمثله في الشركه السودانيه للخدمات المصرفيه ... لو قدرو يرجعو الشبكه بتاعة ال ATM ممكن كل تطبيقات البنوك تشتغل والناس تستفيد من خدمات التحويل والشراء ... الاسبوع الجاي انشاء الله

20/05/2023

نصيحه مني للناس القاعدة في السودان ... حفاظا هلى سلامتكم النفسيه والعقليه ... مفروض اي زول يقفل حسابات تويتر وفيس بوك واي سوشيال ميديا وازعاج ...

05/05/2023

ناس الاقتصاد طبعا بكونو قادرين يقرو المشهد الراهن ده مع ارتفاع اسعار الفائدة على الدولار .. والاثر العالمي وانهيار بعض البنوك العالميه .. وجماعتنا ديل طبعا في نص القصه دي .. خصوصا بعد التحالفات الجديدة .. ايران والسعوديه كمثال ... الصين كقوة عظمى .. والمديدة الحارة بين روسيا والغرب ... تركيا اردوغان البستعد لخوض انتخابات ... دي كلها حاجات حاضرة بي وضوح في النزاع الجاري الان

25/04/2023

غض النظر عن فداحة المنظر .. وعواقب ما حدث .. اعتقد انه تمرين جيد للفريقين .. تعرفنا من خلاله على القدرات القتاليه للجيش خصوصا سلاح الجو .. وكذلك احترافيه الدعم السريع في الحرب الخاطفه وقتال المدن .. وهي دعايه جيدة لباقي دول العالم والمنطقه في حال رغب البعض في حروب من هذا النوع .. نعرف جميعا ان الحرب اصبحت مجال عمل تصرف عليه الميزانيات الضخمة .. اما نحن كشعوب مغلوب على امرها نجيد تمثيل دور الضحيه .. المسرحيه الان مفروض تكون في اخر فصولها لان الفكرة منها اصبحت واضحة .. على المخرج الان البحث عن نهايه سعيدة ومنطقيه .. ليسدل الستار ويذهب الجمهور للنوم
تصبحون على وطن

16/04/2023

اليوم الثاني من الحرب
لا ندري للان اي كفة رجحت
على كل حال هي حرب .. خاسر كل من خاضها
اللهم انصر السودان واهله

24/02/2023

جمعتكم راحة وسعادة

30/10/2022

الاسافير تبشر بي تسويه وشيكه ... وافاق حل على شنو ما عارف ... ناس قحت يمشو كل مرة للسفير السعودي ويشربو القهوة بالعجوة مع العسكر ويتونسو في الاخر نفس المواقف ... ديل ما دايرين زول يجيب سيرة الشهداء ... وديل يقولو العدالة الانتقاليه اساس لي اتفاق .... اذن مافي اتفاق ولا تسوية ولا يحزنون ... والشارع ده فتر يااخ ... ارحمو الشباب ديل شوية ... كل يوم موت وعويق وبعد مطلعنهم مساطيل وشماسه ... لمتين يعني الكلام ده
قفيل كباري وقطع انترنت ... والله فترنا
امشو لي بوتين جيبو القنبلة القذرة ولا اي عواليق ...ريحونا من العزاب ده

الزول ده جيبو وزير استثمار في الحكومة الجايه عشان يسكت ساي ما يوجع لينا قلبنا
26/10/2022

الزول ده جيبو وزير استثمار في الحكومة الجايه عشان يسكت ساي ما يوجع لينا قلبنا

Address

Khartoum
11111

Telephone

+249 91 005 9111

Website

Alerts

Be the first to know and let us send you an email when Cyber Times of Fonees posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Cyber Times of Fonees:

Shortcuts

Share

Category