Mahmoud Aboshady- Legal Counsel

27/08/2025

🔴 أهم ما جاء في قانون العمل المصري الجديد 2025

1- إلغاء استمارة 6 وعدم جواز فصل العامل إلا بحكم قضائي من محكمة عمالية متخصصة.
2- إلزام أصحاب العمل بالتأمين الاجتماعي على الموظف من أول يوم عمل.
3- تطبيق الحد الأدنى للأجور على جميع الوظائف مهما كان مكان أو طبيعة العمل.
4- الحد الأقصى لساعات العمل اليومية 8 ساعات والأسبوعية 48 ساعة مع يومين إجازة، ولا يجوز العمل 5 ساعات متواصلة دون ساعة راحة ضمن ساعات العمل.
5- إمكانية مد ساعات العمل إلى 10 ساعات في حالة الطوارئ وبموافقة العامل فقط.
6- إجازة الوضع للنساء 120 يوماً مدفوعة الأجر بالكامل، وتتكرر 3 مرات طوال فترة الخدمة، مع فترتي رضاعة يومياً (نصف ساعة لكل منهما) لمدة عامين بعد الولادة، تحتسبان ضمن ساعات العمل دون خصم من الأجر.
7- الإجازة السنوية: 15 يوماً في السنة الأولى (بعد قضاء 6 أشهر خدمة)، 21 يوماً من السنة الثانية أو لمن تجاوز سنه 50 عاماً، 30 يوماً بعد 10 سنوات خدمة، 45 يوماً لذوي الإعاقة والأقزام، مع 7 أيام إضافية للأعمال الخطرة أو بالمناطق النائية.
8- العمل في الإجازات الرسمية يكون بموافقة الموظف فقط، ويُصرف له 3 أضعاف الأجر اليومي.
9- النص على المساواة في الأجر وحظر أي شكل من أشكال التمييز، مع إدراج تعريف واضح للتنمر والتحرش وعقوبات مستقلة لهما.
10- في العقود محددة المدة: إذا أنهت الشركة العقد مبكراً، تلتزم بدفع شهر راتب عن كل سنة متبقية.
11- في العقود غير محددة المدة: إذا تم الفصل دون سبب مشروع، يحصل العامل على تعويض لا يقل عن شهرين راتب عن كل سنة خدمة.
12- الاعتراف الرسمي بأشكال العمل الحديثة مثل: العمل عن بُعد، الدوام الجزئي، العمل المرن، وتقاسم الوظائف.
13- فترة الاختبار 3 أشهر فقط، ويجوز لأي طرف إنهاء العقد خلالها دون التزامات إضافية.
14- إلزام الشركات بالاحتفاظ بأوراق العاملين 5 سنوات بعد انتهاء الخدمة، مع إمكانية حفظها إلكترونياً.
15- تحديد ساعات عمل النساء بين 7 صباحاً و7 مساءً فقط، ولا يجوز العمل خارج هذه المدة إلا بموافقتهن.
16- إنشاء محاكم عمالية متخصصة تبدأ عملها في أكتوبر 2025، وتلتزم بالفصل في قضايا الفصل خلال 3 أشهر.
17- استبدال نسبة 1% من صافي الأرباح برسوم شهرية من 10 إلى 30 جنيهاً عن كل موظف لصندوق التدريب للشركات التي تضم 30 موظفاً فأكثر.
18- تعويض أفضل عند الفصل التعسفي: العامل يستحق شهرين راتب عن كل سنة خدمة (بدلاً من شهر واحد في القانون القديم).
19- تعزيز حماية العمالة غير المنتظمة: تسجيلهم في قواعد بيانات رسمية، مع صناديق خاصة للتأمينات والإعانات الطارئة.
20- اعتبار حقوق العمال "دين ممتاز" يتم سداده أولاً في حالة إفلاس أو تصفية صاحب العمل.

27/08/2025

يسعدني ان اكون ضمن هيئة التحكيم في النسخة السابعة من ://www.facebook.com/SCCAArabicMoot التي ينظمها
Center for Commercial Arbitration (SCCA)

أتطلع بشغف للمشاركة في هذه التجربة الأكاديمية المميزة .

كما يسعدني أن أمثل مكتبي Omani & Partners في هذا المحفل العلمي المرموق حيث يولي المكتب تقديرا خاصا لمثل هذه الفعاليات ويثمن الجهود المبذولة في دعم وتأهيل الجيل القادم من الممارسين القانونيين.

إنها تجربة ثرية تمنح الطلاب فرصة فريدة للتدرب على مهارات المرافعة وصياغة الدفوع القانونية في بيئة أقرب ما تكون للممارسة العملية.

خالص التمنيات بالتوفيق لجميع المشاركين والشكر للمركز السعودي للتحكيم التجاري على تنظيم هذا الحدث المميز .

I am pleased to be part of the Arbitral Tribunal in the 7th edition of the Saudi International Arbitration Moot (SIAM7), organized by the Saudi Center for Commercial Arbitration (SCCA).
I look forward with great enthusiasm to participating in this distinguished academic experience.
It is also my pleasure to represent my firm Omani & Partners in this prestigious event, as the firm highly values such initiatives and appreciates the efforts dedicated to supporting and preparing the next generation of legal practitioners.
This is truly a rich experience that provides students with a unique opportunity to practice advocacy skills and draft legal submissions in a setting that closely mirrors real arbitration proceedings.
Best wishes to all participating teams, and sincere thanks to the Saudi Center for Commercial Arbitration (SCCA) for organizing this outstanding event.

21/08/2025

أحدث معارك القهوة… في قاعات المحاكم 👇 👇

شركة Danone الفرنسية قررت ترفع قضية على Chobani في نيويورك.
ليه؟

لأن Chobani، بعد ما اشترت شركة La Colombe، استخدمت عبارة تسويقية قريبة جدًا من عبارة Danone الأصلية “Bright & Mellow”… وغيرت التغليف بتاعها عشان يبقى شبه عبوات STōK—اللي هي ماركة Danone للقهوة الباردة الجاهزة.
يعني من الآخر:

"خدوا الشعار… خدوا اللون… خدوا الشكل… والناس بتتلخبط بينهم"

Danone شايفة إن ده تقليد ممنهج، ومش صدفة وطلبت من المحكمة تعويضات مالية ومنع بيع المنتجات دي.
والأمر لسه ما اتحكمش فيه لحد النهارده.

🧠 طيب، إحنا نستفيد إيه كشركات من القصة دي؟
✳️ الكلمات البسيطة اللي بنحطها على العبوة… ممكن تبقى علامات تجارية غالية!
✳️ التغليف مش بس ديزاين حلو ده أصل قانوني لازم نحميه.

📌 قبل ما تنزل منتج للسوق العالمي تأكد إنك:
1️⃣ سجلت شعارك وتصميم العبوة.
2️⃣ ثبتت هويتك البصرية.

20/08/2025

20/08/2025

🔴 قرار رئيس مجلس الوزراء رقم 2789 لسنة 2025 بشأن قواعد و نظام لجان حصر المناطق التى بها أماكن مؤجرة لغرض السكنى المنصوص عليها بالمادة الثالثة من القانون 164 لسنة 2025 بشأن بعض الأحكام المتعلقة بقوانين إيجار الأماكن وتنظيم العلاقة بين المؤجر والمستأجر.


#تشريعات

19/08/2025

هو أنت عايز تشتغل محامي Corporate فعلًا؟
ولا بتقول كده علشان حاسسها كلمة شيك وشكلها حلو؟
ولا بتهرب من نزول المحاكم، وشايف إن محامين التقاضي زي اللي في الأفلام متبهدلين وبيجروا بالروب في الشوارع؟

طيب… أنت عارف الأول محامي الـ Corporate بيعمل إيه؟

بص يا سيدي، الموضوع بيتقسم لأكتر من حاجة.
كلمة Corporate معناها إنك محامي للشركات عمومًا.
وده ببساطة في الأغلب بيتقسم لجزئين:

⸻

الجزء الأول:

إنك تشتغل في مكتب بيشتغل شركات بس، مكتب عادي أو متوسط أو عنده potential ولسه Startup.
هنا بيكون شغلك:
• تأسيس شركات
• جمعيات عادية وغير عادية
• تراخيص
• إقامات
• ضرائب
• تأمينات
وغيرها… بحب أسميها Basic Corporate.

⸻

الجزء الثاني:

تشتغل في مكتب أو law firm من الـ Top tier أو حتى Second tier، عندهم حجم أعمال كبير ومتعمقين.
هتشتغل على اللي فوق، ومعاه جوانب تانية ممكن تكون:
• في نفس الـ Department
• أو في Department تانية

زي:
‏ • Mergers & Acquisitions
‏ • Capital Markets
‏ • FinTech
‏ • Oil and Gas
‏ • Finance

⸻

هل الـ Corporate حلو؟
آه، مفيش مشكلة، لكن مش لأسبابك اللي بتفكر فيها، وإنها “كلمة شكلها حلو”…
فأنت محتاج تعيد التفكير في المفهوم تاني.

وسؤال مهم:
هل لو اشتغلت Basic Corporate بس، هتشوفه إضافة؟
أو هتستمتع؟
ممكن تجرب، بس لازم تبقى عارف:

لو بتحب التفكير والـ Creativity، ده مش مكانك (من وجهة نظري).
لأن الـ Basic Corporate ممل، وبعد شوية هتحس إنك حفظت كل حاجة فيه.
ولو المكتب مش هيخليك تتعمق، كل حاجة هتبقى تمبلت ومحفوظة سواء في الـ Drafting أو الإجراءات.

⸻

نروح للجزء التاني والأهم:

هل الـ Dispute Resolution وحش؟

أولًا:

الـ Dispute Resolution بيتقسم لحاجتين:
‏ 1. Litigation
‏ 2. Arbitration

⸻

نبدأ بـ Litigation:

وده نوعين:

الأول:
نزاعات الأفراد، زي:
• مدني
• أحوال شخصية
• جنائي
• وغيره
وده بيشتغله أكتر من ٨٥٪؜ من مكاتب المحاماة العادية.

الثاني:
هو Corporate Litigation.
وهنا المكتب بيتعامل مع نزاعات تخص الشركات، وده الأمتع من وجهة نظري.

هتشتغل على:
• نزاعات عمالية
• قضايا مدنية
• مشاكل بين شركات
وغيرها

وده الأغلب في Law Firms الكبيرة، لأنها مش بتشتغل في قضايا الأفراد.

يبقى ببساطة:
قضايا الأفراد = مكاتب عادية
قضايا الشركات = Law Firms

⸻

من وجهة نظري:

الأمتع هو Corporate Litigation لأنه بيجمع بين:
• شياكة الـ Corporate
• والتفكير وحل النزاعات، اللي هو في رأيي جوهر المحاماة

أما الـ Basic Corporate، سهل حد تاني يعمله، زي المحاسب القانوني.
لكن قضايا الشركات… مين غير المحامي يشتغلها؟

⸻

ثاني جزء في Dispute Resolution:

‏Arbitration
وده مقتصر على عدد قليل جدًا من المكاتب في مصر عندها فعلاً حجم أعمال كبير فيه

وعلشان محدش يضحك عليك:
التحكيم زيه زي التقاضي في الجوهر، الفرق في طريقة العمل، لأنه قدام هيئة تحكيم مش محكمة
فيه اختلافات بسيطة عمليًا، بس نفس الفكرة:

“أنت بتفكر إزاي تحل القضايا وتدافع عن موكلك”.

⸻

في النهاية:

الكلام ده كله للـ شرح فقط.
ليه؟
علشان:
• تبقى فاهم
• ولو جاتلك فرصة اختيار (نادرًا)، تختار صح

لكن

لو مش مخيّر وجالك شغل وانت لسه بتبدأ:
دوس فيه، أياً كان في أي مجال من اللي فوق.

يعني لو جالك Basic Corporate:
اشتغل فيه!
لأن مفيش حاجة مش هتفيدك

وبعد ما تجرب، اقف مع نفسك وشوف:

هل أكمل في الطريق ده… ولا لأ؟
كمان متنساش ان اصلا في مجالات تانية للمحاماة غير دول، هبقا اتكلم عنهم في جزء لوحدة.

11/08/2025

لو إنت خريج حقوق… أو حتى في الكلية ولسه بتجهز نفسك، ركز في الكلام ده:
شهادة الحقوق لوحدها مش كفاية… السوق عايزك تكون فاهم القانون + عندك مهارات عملية تخليك مميز عن أي حد تاني.

1️⃣ فهم القانون بشكل عملي:
• Introduction to English Common Law – عشان توسع فهمك للنظام القانوني العالمي:
https://www.coursera.org/learn/english-common-law
• International Law in Action – هتفهمك إزاي القانون الدولي بيشتغل في الواقع:
https://www.coursera.org/learn/international-law-in-action

⸻

2️⃣ مهارات البحث والكتابة القانونية:

تقدر تبدأ بكورس عام مفيد لطلاب القانون، وبعدها تطوّر من نفسك في الكتابة:
• A Law Student’s Toolkit (من جامعة Yale)
الكورس ده هيقدملك مصطلحات وأدوات قانونية أساسية وتأسيسية قويّة لو إنت داخل لمرحلة الكتابة القانونية أو التخرج. 
الرابط: https://www.coursera.org/learn/law-student

⸻

3️⃣ مجالات تقدر تشتغل فيها بعد التخرج (غير المحاماة التقليدية):
• Corporate Law – محامي شركات
• Compliance & Risk Management – الالتزام وإدارة المخاطر في الشركات
• Legal Translator – الترجمة القانونية (خصوصًا لو لغتك الإنجليزية قوية)
• Human Resources & Contracts – في إدارات الموارد البشرية والعقود

⸻

4️⃣ مهارات جانبية هتفرق معاك:
• Communication Skills – لأن المحامي أو المستشار القانوني لازم يعرف يقنع ويتكلم كويس:
https://www.coursera.org/learn/wharton-communication-skills
• Negotiation Skills – مهارات التفاوض وحل النزاعات:
https://www.coursera.org/learn/negotiation-skills

⸻

5️⃣ تدور على شغل إزاي؟
• اعمل بروفايل قوي على LinkedIn وشارك مقالات أو تحليلات قانونية.
• تابع إعلانات مكاتب المحاماة والشركات على مواقع التوظيف (Wuzzuf – Forasna – LinkedIn Jobs).
• ما ترفضش التدريب في البداية حتى لو مجاني… ده اللي بيبني CV محترم.
• وسّع شبكتك بعلاقات في الوسط القانوني، احضر ندوات وفعاليات.

⸻

الخلاصة:
اللي بيشتغل في القانون النهارده مش بس حافظ نصوص… ده فاهم إزاي يطبقها، بيعرف يدور، يكتب، ويتواصل صح.
ابدأ من دلوقتي… وخلي كل مهارة تتعلمها تبنيك خطوة خطوة.

Offered by University of Michigan. We all negotiate on a daily basis. On a personal level, we negotiate with friends, family, landlords, car ... Enroll for free.

07/08/2025

تلقيت عشرات الرسائل بخصوص أنباء متداولة عن دعوى دستورية أعادتها المحكمة الدستورية العليا للمفوضين بشأن قانون الإيجار القديم.. والربط بينها وبين القانون الجديد رقم ١٦٤ لسنة ٢٠٢٥.. خاصة وأن بعض المواقع صاغت الخبر ليبدو وكأن القانون الجديد هو محل الطعن.. أو أن هناك صلة بين الأمرين.

والحقيقة أنه لا توجد أي صلة بين الأمرين.. نهائيا.
لا التوقيت.. ولا محل الطعن.. ولا الموضوع!
والدعوى دي أقرب للحكم الصادر من "الدستورية" عام ٢٠١٨ بخصوص عدم دستورية الامتداد للأشخاص الاعتبارية.. واللي صدر على أساسه القانون الانتقالي ١٠ لسنة ٢٠٢٢ اللي هينتهي العمل به في مارس ٢٠٢٧.

05/08/2025

صدق السيد الرئيس عبد الفتاح السيسي على قانون رقم ١٦٤ لسنة ٢٠٢٥ بشأن بعض الأحكام المتعلقة بقوانين إيجار الأماكن وإعادة تنظيم العلاقة بين المؤجر والمستأجر
👇 👇 👇

أبرز ملامح القانون رقم 164 لسنة 2025
(إيجار الأماكن وإعادة تنظيم العلاقة بين المؤجِّر والمستأجِر)

👈 نطاق السريان: يطبق على الوحدات السكنية وغير السكنية المؤجرة للأشخاص الطبيعيين الخاضعة لقانوني 49/1977 و136/1981.

مدة بقاء العقود القائمة: تنتهى عقود الإيجار السكني بعد 7 سنوات من تاريخ نفاذ القانون، وغير السكني بعد 5 سنوات، ما لم يتفق الطرفان على إنهائها قبل ذلك.
إعادة تقدير الأجرة

الوحدات السكنية بالمناطق المتميّزة: 20 ضعف الأجرة القانونية الحالية (حد أدنى 1 000 جنيه).
بالمناطق المتوسطة والاقتصادية: 10 أضعاف (حد أدنى 400 جنيه للمتوسطة و250 جنيه للاقتصادية).
الوحدات غير السكنية: 5 أضعاف الأجرة القانونية السارية.
زيادة سنوية دورية 15 ٪ على الأجرة المحسوبة طبقاً للمادتين السابقتين.
حالات الإخلاء قبل انقضاء المدة:
ترك العين مغلقة أكثر من سنة دون مبرر.
ثبوت امتلاك المستأجر أو من امتد إليه العقد لوحدة أخرى صالحة لنفس الغرض.

ويحق للمؤجر استصدار أمر بطرد الممتنع عن الإخلاء من قاضى الأمور الوقتية.

👈 بديل سكنى من الدولة: للمستأجرين الحاليين -قبل نهاية المدد- التقدم بطلب للحصول على وحدة سكنية أو غير سكنية من الوحدات المتاحة لدى الدولة بنظام الإيجار أو التمليك مقابل إقرار بإخلاء العين القديمة.

👈 إلغاء القوانين القديمة: تُلغى قوانين 49/1977، 136/1981 وتعديلاتهما بعد مرور سبع سنوات من تاريخ العمل بهذا القانون.

النشر والعمل بالقانون: ينشر في الجريدة الرسمية ويُعمل به من اليوم التالي لتاريخ النشر (4 أغسطس 2025

29/05/2025

أثناء قراءتي لأحد الكتب القانونية المتخصصة لفت انتباهي تصنيف دقيق لأنواع عقود الفرنشايز والنماذج المختلفة التي يتم من خلالها إدارتها واللى تبين ان "الفرنشايز" مش مجرد مطاعم وكافيهات؟

بل هو نظام قانوني دقيق فيه أنواع ونماذج متعددة، ممكن تغير طريقة توسع أي علامة تجارية حول العالم.
أولًا: أنواع عقود الفرنشايز...
يوجد العديد من المجالات التي يمكن أن ترد عليها عقود الفرنشايز، من أهمها:

1️⃣ فرنشايز التصنيع (Manufacturing or Processing Plant Franchise)
يشمل هذا النوع من الفرنشايز نقل مانح الفرنشايز (الفرنشايزور) المعرفة الفنية اللازمة لتصنيع المنتجات أو تجميعها إلى الممنوح له.
🔸 يلتزم مانح الفرنشايز تعاقديًا بأن ينقل للممنوح له جميع المعلومات اللازمة للإنتاج.
🔸 تنتشر هذه الصورة من الفرنشايز في صناعة تعبئة المياه الغازية، كوكاكولا مثالًا.

2️⃣ فرنشايز التوزيع (Distributing Franchise)
يهدف إلى تمكين الممنوح له من تسويق المنتجات ضمن نظام معين يحدده المانح، والذي يلتزم بتوريد المنتجات إلى الممنوح له خلال مدة العقد وضمن النطاق الجغرافي المتفق عليه.
🔸 يقدم المانح مساعدات فنية في مجال التسويق، مثل:
الإعلانات -خدمات الصيانة-توفير قطع الغيار
🔸 يشبه هذا النوع في كثير من خصائصه عقد امتياز البيع التجاري، مما جعل بعض فقهاء القانون الفرنسي يعتبرونه النموذج الأمريكي لعقد الامتياز التجاري.

3️⃣ فرنشايز تقديم الخدمات (الفرنشايز الخدماتي)
يضع فيه المانح بعض الخدمات تحت تصرف الممنوح له، الذي يقدمها بدوره إلى الزبائن باسم وشعار المانح وتحت مسؤوليته.
📌 يستخدم في مجالات متعددة، مثل:
صيانة السيارات
الفنادق
محلات الوجبات السريعة
مكاتب تأجير السيارات

4️⃣ فرنشايز البنيان التجاري (Business Format Franchise)
ويعد اليوم الشكل الأكثر رواجًا وشيوعًا من أشكال الفرنشايز.
🔸 يهدف أساسًا إلى تعزيز شهرة العلامة التجارية والتعريف بها لدى العملاء.
🔸 يُعد أقرب الأنواع إلى عقد الترخيص باستخدام العلامة التجارية، ويُطلق عليه أيضًا "عقد الترخيص".
📌 يُستخدم بكثرة في:
الفنادق
الكافيتيريات
المحلات التي تقدم منتجات تحمل ماركات مشهورة أو خدمات استهلاكية

5️⃣ الفرنشايز الاستثماري
🔸 بموجبه يتم الاتفاق على استثمار مؤسسة معينة بالكامل، بما في ذلك استراتيجيتها، وطبيعة عملها، وحملاتها الإعلانية.
🔸 لا يقتصر الأمر هنا على نقل المعرفة والأساليب التقنية فقط، بل يشمل إدارة كيان متكامل.

ثانيًا: النماذج التي يتم من خلالها إدارة الفرنشايز
تتعدد نماذج إدارة الفرنشايز لتحديد الحقوق والواجبات والأنشطة التي يتعهد بها كل طرف. ويمكن تكييف تلك النماذج حسب طبيعة المشروع وأهدافه. نذكر منها:

1. امتياز المحل (الداخلي)
هو النموذج الأبسط والأكثر وضوحًا لإدارة "الفرنشايز الفردي"، ويُستخدم في الحالات التي يكون فيها كل من المانح والممنوح له في نفس الدولة.

2. امتياز المنطقة (الامتياز الإقليمي)
يهدف إلى تغطية منطقة جغرافية كبيرة من خلال إنشاء عدة محال أو متاجر، إما دفعة واحدة أو بشكل متدرج خلال مدة محددة.
ويأخذ هذا النموذج شكلين:
أ. امتياز اتفاقية المطور (Developer Agreement Franchise)

ب. الامتياز الرئيسي (Master Franchise)

ختامًا
التنويع في عقود ونماذج الفرنشايز يعكس مرونة هذا النظام القانوني والاستثماري، ويتيح للجهات المختلفة اختيار النموذج الأنسب لطبيعة أنشطتها وحجم توسعها.

#الفرنشايز #الاستثمار