22/05/2024
سوال: ہاؤسنگ سوسائٹیوں میں فراڈ ہوتے ہیں ؟
جواب : جی بالکل ہوتے ہیں ، یہاں تک کہ تربوز کٹوائے بنا لے آو تو اس میں بھی فراڈ ہو جاتا ہے ،
سوال : قسطوں والے پلاٹ میں بس کاغذ کا ٹکڑا ملتا ہے ۔ پلاٹ تو نہیں ملتا
جواب : آپ میں اتنا جگرا ہے کہ پوری پیمنٹ لیے بغیر اپنا گھر یا پلاٹ کسی کے نام لگا دو ؟ اسی طرح ہاؤسنگ سوسائٹیوں میں بھی پیمنٹ مکمل ہونے پر پلاٹ ملتا ہے
سوال : لیکن پھر بھی پیسے دینے کے دوران کاغذ ہی ہوتا ہے ؟
جواب : سٹامپ بھی خالی کاغذ ہی ہوتا ہے اور رجسٹری بھی کاغذ ہی ہے ، یہاں تک کہ نوٹ بھی کاغذ ہی ہیں ۔ انہی کاغذوں کی ویلیو ہوتی ہے ۔ بحریہ ٹاؤن اور ڈی ایچ اے سے لے کر بڑی بڑی ہاؤسنگ سوسائٹیوں میں لوگوں نے ایسے قسطوں پر "کاغذ" لے کر ہی پلاٹ اور پھر مکان بنائے ہیں
سوال : لیکن وہ فراڈ والی بات ؟؟؟؟
جواب : اگر ادھر ادھر سے سن کر ، بل بورڈز ، اشتہار ، بڑے گیٹ ، مجسمے اور شو شا دیکھ کر پلاٹ بک کرواؤ گے تو فراڈ کی امید زیادہ ہے۔
سوال : تو پھر کیا کریں ؟
جواب : پہلے کنفرم کریں کہ
سوسائٹی کے پاس زمین موجود ہے ، مالک کا ٹریک ریکارڈ کیا ہے ، اپروول موجود ہے ، ڈویلپر کون ہے ؟ پہلے سے ڈویلپ بلاک ہیں تو ڈیلیوری سپیڈ کیا رہی ہے ؟ کوئی فراڈ کیس تو نہیں ؟ اوور سیلنگ تو نہیں ہوئی ؟ علاقہ کے ریٹ کیا ہیں ، بجٹ کے اندر ہے ؟علاقہ کے گورنمنٹ ڈویلپمنٹ پلانز کیا ہیں ؟ مستقبل میں ریٹ بڑھنے کے چانس کتنے ہیں ؟ سوسائٹی گروتھ کیسی ہے اور ایسی ہی ساری معلومات اور کنفرمیشن ضروری ہے
سوال : یہ سب مجھ جیسے عام بندے کو کون بتائے گا ؟
جواب : ہر ہاؤسنگ سوسائٹی ہب میں کوئی نہ کوئی لازمی ایسا بندہ مل جائے گا جو محض ڈیلر نہیں ہو گا بلکہ آپ کی انویسٹمنٹ کو محفوظ اور منافع بخش بنا سکتا ہو گا ۔ اسے تلاش کریں ، اس سے مشورہ کریں
سوال : آپ بتا دیں فلاں جگہ انویسٹمنٹ کر لوں ؟
جواب : دنیا بہت بڑی ہے ۔ ہم ہر جگہ یہ ساری سٹڈی نہیں کر سکتے ۔ جن سوسائٹی ہب میں ہماری ورکنگ ہے وہاں تو ایک ایک بات بتا سکتے ہیں ، بجٹ کے مطابق اچھا مشورہ دے سکتے ہیں ، سارا پراسس کروا سکتے ہیں ، مشکوک یا خطرناک سوسائٹیز میں انویسٹمنٹ نہ کرنے کی نشاندہی کر سکتے ہیں لیکن جہاں ہماری اتنی تفصیلی ورکنگ نہیں ہے اس بارے مشورہ بھی نہیں دے سکتے .
