South Waziristan Bar Association.

27/05/2026

Eid Mubarak to all the brethren from fraternity.

09/05/2026

07/03/2026

پریس ریلیز
جنوبی وزیرستان بالخصوص لوئر وزیرستان میں ماہِ رمضان کے بابرکت مہینے کے دوران پیش آنے والے دہشت گردی کے حالیہ واقعات انتہائی تشویشناک اور قابلِ افسوس ہیں۔ حالیہ دنوں میں رونما ہونے والے افسوسناک واقعات، جن میں گزشتہ روز ایڈووکیٹ نواب علی کے چچا کی اغواء کی واردات، ایک نابالغ بچے کا بہیمانہ قتل اور آج ہونے والا دھماکہ شامل ہیں، علاقے کی امن و امان کی صورتحال پر سنگین سوالات کھڑے کرتے ہیں۔

ریاست کی بنیادی ذمہ داری شہریوں کے جان و مال کا تحفظ اور علاقے میں امن و امان کا قیام ہے۔ بدقسمتی سے موجودہ حالات اس امر کی نشاندہی کرتے ہیں کہ ریاستی ادارے اپنی ذمہ داریوں کی ادائیگی میں خاطر خواہ کامیاب نظر نہیں آ رہے۔ اپنی بدانتظامی اور غفلت کو محض مسلح تنظیموں کے کھاتے میں ڈال کر خود کو ذمہ داری سے بری الذمہ قرار دینا نہ صرف حقیقت سے چشم پوشی ہے بلکہ عوام کے ساتھ ناانصافی کے مترادف بھی ہے۔

ہم پرزور مطالبہ کرتے ہیں کہ عسکری ادارے, ضلعی انتظامیہ اور پولیس فوری طور پر مؤثر اقدامات کرتے ہوئے علاقے میں اپنی رٹ قائم کریں اور عوام کے جان و مال کے تحفظ کو یقینی بنائیں۔ اگر متعلقہ ادارے اپنی آئینی اور قانونی ذمہ داریاں ادا کرنے سے قاصر ہیں تو پھر عوامی وسائل سے حاصل کیے جانے والے لاکھوں اور کروڑوں روپے کے مراعات اور اخراجات کا کوئی جواز باقی نہیں رہتا۔

ضرورت اس امر کی ہے کہ ذمہ دار ادارے سنجیدگی کا مظاہرہ کرتے ہوئے امن و امان کی بحالی کے لیے ٹھوس اور فوری اقدامات کریں تاکہ عوام میں پائی جانے والی بے چینی اور عدم تحفظ کے احساس کا خاتمہ ممکن ہو سکے۔
صدر
ڈسٹرکٹ بار ایسوسی ایشن
جنوبی وزیرستان

02/02/2026

Heartfelt congratulations to the respected staff members of the District Judiciary South Waziristan on their well-deserved promotion to the posts of Assistant (BPS-16).
We wish you continued success and excellence in your professional responsibilities.

27/01/2026

پریس ریلیز

ڈسٹرکٹ بار جنوبی وزیرستان کی جانب سے مرحوم عبدالمجید لاگری ایڈووکیٹ کے ایصالِ ثواب کے لیے ایک مختصر تعزیتی پروگرام منعقد کیا گیا۔ پروگرام کی صدارت صدر ڈسٹرکٹ بار عبد الرحمن گنگا کی عدم موجودگی کے باعث جنرل سیکرٹری ڈسٹرکٹ بار احسان محسود ایڈووکیٹ نے کی۔
اس تعزیتی تقریب میں بار کے معزز وکلاء کرام کے علاوہ سینئر سول جج اور سول جج صاحبان ضلعی عدلیہ ڈسٹرکٹ جنوبی وزیرستان نے بھی شرکت کی۔
پروگرام کا آغاز تلاوتِ کلامِ پاک سے کیا گیا، جس کے بعد مرحوم کی مغفرت اور درجات کی بلندی کے لیے خصوصی دعا کی گئی۔
آخر میں جنرل سیکرٹری ڈسٹرکٹ بار احسان محسود ایڈووکیٹ نے معزز عدلیہ کے جج صاحبان اور شریک وکلاء کا شکریہ ادا کیا۔ پروگرام کا اختتام مرحوم عبدالمجید لاگری ایڈووکیٹ اور پوری امتِ مسلمہ کے لیے اجتماعی دعا پر ہوا۔
جاری کردہ: پریس سیکرٹری
ڈسٹرکٹ بار جنوبی وزیرستان

15/01/2026

آج ڈسٹرکٹ بار ایسوسی ایشن جنوبی وزیرستان میں وکلا کے لیے سالانہ لیگل ڈائریز کی تقسیم کی تقریب منعقد ہوئی۔ یہ تقریب جنرل سیکریٹری ڈسٹرکٹ بار ایسوسی ایشن جنوبی وزیرستان، احسان اللہ محسود ایڈووکیٹ صاحب کی کاوشوں سے ممکن ہوئی۔

نو آمدہ ڈسٹرکٹ اینڈ سیشن جج جنوبی وزیرستان جناب گوہر علی صاحب نے معزز وکلا میں لیگل ڈائریز تقسیم کیں۔

اس موقع پر صدر ڈسٹرکٹ بار ایسوسی ایشن جناب عبدالرحمن گنگا ایڈووکیٹ صاحب نے وکلا کی حوصلہ افزائی اور تقریب میں شرکت پر معزز سیشن جج صاحب کا دلی شکریہ ادا کیا۔