راولپنڈی پراسیکیوشن پبلک ریلیشنز انفارمیشن گروپ

14/09/2026

راولپنڈی:
*منسٹر پراسیکیوشن پنجاب رانا بلال صاحب* کی سرپرستی اور *محترم پراسیکیوٹر جنرل پنجاب چوہدری عرفان صادق تارڑ صاحب* کی ہدایات پر پولیس اور پراسیکیوشن کے درمیان مؤثر تعاون کے فروغ اور تفتیشی افسران کی پیشہ ورانہ استعدادِ کار میں اضافے کے لیے منعقدہ 4 روزہ تربیتی ورکشاپ کے چوتھے اور آخری روز اہم قانونی موضوع پر خصوصی تربیتی سیشن کا انعقاد کیا گیا۔
ورکشاپ کے آخری روز *ڈپٹی ڈسٹرکٹ پبلک پراسیکیوٹر راولپنڈی رحمان شوکت بھٹی* نے *Gender-Based Violence (GBV)* سے متعلق مقدمات کی مؤثر تفتیش اور پراسیکیوشن کے حوالے سے تفتیشی افسران اور متعلقہ اہلکاروں کو تفصیلی لیکچر دیا۔
تربیتی سیشن کے دوران شرکاء کو *جینڈر بیسڈ وائلنس* کے مقدمات میں تفتیش کے بنیادی قانونی تقاضوں، شواہد کے بروقت حصول اور محفوظ رکھنے، متاثرہ افراد کے ساتھ حساس اور قانونی تقاضوں کے مطابق رویے، بیانات کی درست دستاویز بندی، میڈیکل و فرانزک شواہد کے حصول، چالان کی بروقت تکمیل اور مقدمات کی مؤثر پراسیکیوشن کے حوالے سے عملی رہنمائی فراہم کی گئی۔
لیکچر کے دوران اس امر پر خصوصی زور دیا گیا کہ *GBV* سے متعلق مقدمات میں تفتیش کے ابتدائی مرحلے سے ہی شواہد کی درست دستاویز بندی، متاثرہ شخص کے حقوق اور رازداری کا تحفظ، متعلقہ قانونی و طبی تقاضوں کی تکمیل اور تفتیشی مراحل کی بروقت تکمیل انتہائی اہمیت کی حامل ہے، تاکہ عدالت میں مقدمہ مضبوط انداز میں پیش کیا جا سکے۔
اس تربیتی سیشن میں SSIOU کے تمام تفتیشی افسران جبکہ تمام تھانوں کے محررانِ مالخانہ نے شرکت کی۔ شرکاء نے تربیتی سیشن کو انتہائی مفید قرار دیتے ہوئے *GBV* مقدمات کی تفتیش کے دوران پیش آنے والے مختلف قانونی، عملی اور تکنیکی امور سے متعلق سوالات کیے، جن کے تفصیلی جوابات اور رہنمائی فراہم کی گئی۔
اس موقع پر *ڈسٹرکٹ پبلک پراسیکیوٹر راولپنڈی میاں عمران رحیم* نے کہا کہ پولیس اور پراسیکیوشن کے درمیان مؤثر رابطہ اور باہمی تعاون انصاف کی فراہمی کے عمل کو مزید مضبوط بنانے میں بنیادی کردار ادا کرتا ہے۔ انہوں نے تفتیشی افسران کی پیشہ ورانہ تربیت اور قانونی امور سے آگاہی کو مقدمات کی مؤثر پیروی کے لیے ناگزیر قرار دیا۔
*سٹی پولیس آفیسر راولپنڈی حسن مشتاق سکھیرا* نے بھی پولیس اور پراسیکیوشن کے درمیان تعاون کو مزید مضبوط بنانے اور تفتیشی افسران کی استعدادِ کار میں اضافے کے لیے ایسی تربیتی ورکشاپس کے انعقاد کو خوش آئند قرار دیا۔
4 روزہ تربیتی ورکشاپ کے دوران تفتیشی افسران کو مختلف اہم قانونی موضوعات، شواہد کے حصول و تحفظ، تفتیش کے معیار، چالان کی تکمیل اور مؤثر پراسیکیوشن کے حوالے سے عملی تربیت فراہم کی گئی۔ ورکشاپ کے اختتام پر اس عزم کا اظہار کیا گیا کہ پولیس اور پراسیکیوشن کے درمیان مؤثر رابطہ کاری اور باہمی تعاون کو مزید فروغ دیتے ہوئے آئندہ بھی ایسی تربیتی سرگرمیوں کا سلسلہ جاری رکھا جائے گا، تاکہ مقدمات کی تفتیش اور پراسیکیوشن کے معیار کو مزید بہتر بنایا جا سکے اور عدالتوں میں مؤثر قانونی پیروی کے ذریعے انصاف کی فراہمی کو یقینی بنایا جا سکے۔

12/09/2026

راولپنڈی:
*منسٹر پراسیکیوشن پنجاب رانا بلال صاحب کی سرپرستی اور محترم پراسیکیوٹر جنرل پنجاب چوہدری عرفان صادق تارڑ صاحب* کی ہدایات پر پولیس اور پراسیکیوشن کے درمیان مؤثر تعاون کے فروغ اور تفتیشی افسران کی پیشہ ورانہ استعداد کار میں اضافے کے لیے منعقدہ 4 روزہ تربیتی ورکشاپ کے تیسرے روز اہم قانونی موضوعات پر خصوصی تربیتی سیشن کا انعقاد کیا گیا۔
ورکشاپ کے تیسرے روز *اسسٹنٹ ڈسٹرکٹ پبلک پراسیکیوٹر راولپنڈی ثناء اللہ جج* نے تفتیشی افسران اور متعلقہ *افسران کو Trafficking in Persons Act, 2018، The Punjab Food Authority Act, 2011 اور The Punjab Vagrancy Act, 1958* کے تحت درج مقدمات کی مؤثر تفتیش اور پراسیکیوشن کے حوالے سے تفصیلی لیکچر دیا۔
تربیتی سیشن کے دوران شرکاء کو بالخصوص شواہد اکٹھے کرنے اور محفوظ کرنے، نمونہ جات کو بروقت اور مقررہ طریقہ کار کے مطابق لیبارٹری بھجوانے، چالان کی تکمیل، قانونی تقاضوں کو مدنظر رکھتے ہوئے تفتیش مکمل کرنے اور مقدمات میں بریت کی وجوہات کے حوالے سے عملی رہنمائی فراہم کی گئی۔
لیکچر کے دوران اس امر پر خصوصی زور دیا گیا کہ مقدمات کی کامیاب پراسیکیوشن کے لیے تفتیش کے ابتدائی مرحلے ہی سے شواہد کی درست دستاویز بندی، نمونہ جات کی مناسب طریقے سے تحویل و ترسیل، قانونی تقاضوں کی تکمیل اور چالان کی بروقت و جامع تیاری انتہائی اہمیت کی حامل ہے۔
ورکشاپ میں تمام *متعلقہ تفتیشی افسران اور پنجاب فوڈ اتھارٹی* کے افسران نے شرکت کی۔ شرکاء نے تربیتی سیشن کو مفید قرار دیتے ہوئے عملی تفتیش کے دوران پیش آنے والے مختلف قانونی اور تکنیکی امور پر سوالات بھی کیے، جن کے تفصیلی جوابات اور رہنمائی فراہم کی گئی۔
اس موقع پر *سٹی پولیس آفیسر راولپنڈی حسن مشتاق سکھیرا* نے *ڈسٹرکٹ پبلک پراسیکیوٹر راولپنڈی میاں عمران رحیم* کا پولیس اور پراسیکیوشن کے درمیان تعاون کو مزید مؤثر بنانے اور تفتیشی افسران کی استعداد کار بڑھانے کے لیے اس اہم تربیتی ورکشاپ کے انعقاد پر شکریہ ادا کیا۔
سی پی او راولپنڈی نے اس امر پر اتفاق کیا کہ پولیس اور پراسیکیوشن کے درمیان باہمی تعاون، مؤثر رابطہ کاری اور تفتیشی افسران کی پیشہ ورانہ تربیت کو مزید مضبوط بنانے کے لیے آئندہ بھی ایسی تربیتی ورکشاپس اور سیشنز کا انعقاد جاری رکھا جائے گا، تاکہ مقدمات کی تفتیش اور پراسیکیوشن کے معیار کو مزید بہتر بنایا جا سکے اور عدالتوں میں مؤثر قانونی پیروی کے ذریعے انصاف کی فراہمی کو یقینی بنایا جا سکے۔

10/09/2026

*پولیس اور پراسیکیوشن کے باہمی تعاون سے تفتیشی افسران کی پیشہ ورانہ استعدادِ کار میں اضافے کے لیے 4 روزہ تربیتی ورکشاپ کا آغاز*
راولپنڈی (10 ستمبر 2026): *وزیر پراسیکیوشن محترم رانا بلال صاحب* کی سرپرستی اور *محترم پراسیکیوٹر جنرل پنجاب عرفان صادق تارڑ صاحب* کی ہدایات پر پولیس اور پراسیکیوشن کے درمیان باہمی تعاون کو مزید مؤثر بنانے اور تفتیشی افسران کی پیشہ ورانہ استعدادِ کار میں اضافے کے لیے پولیس لائنز راولپنڈی میں تفتیشی افسران کے لیے چار روزہ خصوصی تربیتی ورکشاپ کا آغاز کر دیا گیا۔۔
ورکشاپ کا مقصد تفتیشی افسران کو مختلف نوعیت کے مقدمات میں قانونی تقاضوں، شواہد کے درست حصول و تحفظ، تفتیش کے معیار، چالان کی تکمیل اور مقدمات میں بریت کی وجوہات سے آگاہ کرنا ہے تاکہ ناقص تفتیش کے امکانات کو کم اور مقدمات کے مؤثر قانونی انجام کو یقینی بنایا جا سکے۔
ورکشاپ کے پہلے روز *10 ستمبر 2026 کو اسسٹنٹ ڈسٹرکٹ پبلک پراسیکیوٹر راولپنڈی مرید رضا* نے *قتل* کے مقدمات کے حوالے سے تفتیشی افسران کو تفصیلی لیکچر دیا۔ انہوں نے ایف آئی آر کے اندراج سے لے کر تفتیش کی تکمیل اور چالان عدالت میں پیش کرنے تک مختلف قانونی و تفتیشی پہلوؤں پر روشنی ڈالی۔ اس موقع پر تفتیشی افسران کو شواہد کے درست طریقے سے حصول، ان کی محفوظ تحویل، موقع واردات سے شواہد اکٹھا کرنے، گواہان کے بیانات، میڈیکل و فرانزک شواہد اور کیس پراپرٹی کی مناسب حفاظت کے حوالے سے عملی رہنمائی فراہم کی گئی۔ مزید برآں قتل کے مقدمات میں ملزمان کی بریت کی اہم وجوہات اور تفتیش کے دوران پائی جانے والی خامیوں پر بھی تفصیلی گفتگو کی گئی۔
*11 ستمبر 2026 کو اسسٹنٹ ڈسٹرکٹ پبلک پراسیکیوٹر محمد شہباز طاہر* کی جانب سے *منشیات* کے مقدمات کے حوالے سے تفتیشی افسران کو تربیت دی جائے گی، جس میں برآمدگی، نمونہ جات، کیس پراپرٹی، فرانزک شواہد، چین آف کسٹڈی اور دیگر قانونی تقاضوں کو زیرِ بحث لایا جائے گا۔
*12 ستمبر 2026 کو اسسٹنٹ ڈسٹرکٹ پبلک پراسیکیوٹر ثناء اللہ جج کی جانب سے Prevention of Trafficking in Persons Act, 2018 اور Vagrancy Act کے* تحت درج مقدمات کے مختلف قانونی و تفتیشی پہلوؤں پر لیکچر دیا جائے گا، جبکہ *اسسٹنٹ ڈسٹرکٹ پبلک پراسیکیوٹر شمائلہ جاوید کی جانب سے Food Authority Act 2011* کے تحت درج مقدمات میں مؤثر تفتیش، شواہد کے حصول اور قانونی تقاضوں کے حوالے سے تفتیشی افسران کی رہنمائی کی جائے گی۔
ورکشاپ کے آخری روز 14 ستمبر 2026 کو *ڈپٹی ڈسٹرکٹ پبلک پراسیکیوٹر رحمان شوکت بھٹی کی جانب سے Gender Based Violence (GBV)* کے تحت درج مقدمات کے حوالے سے تفصیلی لیکچر دیا جائے گا، جس میں تفتیش کے قانونی تقاضوں، متاثرہ افراد کے حقوق، شواہد کے تحفظ، متعلقہ قانونی دفعات پر عملدرآمد اور ایسے مقدمات میں بریت کی وجوہات اور تفتیشی خامیوں سے بچنے کے طریقہ کار پر خصوصی توجہ دی جائے گی۔
اس موقع پر *سٹی پولیس آفیسر راولپنڈی حسن مشتاق سکھیرا* نے پولیس اور پراسیکیوشن کے درمیان اس مؤثر پیشہ ورانہ تعاون کو سراہتے ہوئے *فاضل ڈسٹرکٹ پبلک پراسیکیوٹر راولپنڈی میاں عمران رحیم* کا تفتیشی افسران کے لیے اس نوعیت کی تربیتی ورکشاپ کے انعقاد پر شکریہ ادا کیا۔ انہوں نے اس امر پر زور دیا کہ مؤثر تفتیش اور مضبوط پراسیکیوشن انصاف کی فراہمی کے بنیادی ستون ہیں اور دونوں اداروں کے درمیان مسلسل رابطہ اور تعاون مقدمات کے بہتر قانونی نتائج کے لیے انتہائی اہم ہے۔
*فاضل ڈسٹرکٹ پبلک پراسیکیوٹر راولپنڈی میاں عمران رحیم* نے کہا کہ پولیس اور پراسیکیوشن کا مشترکہ مقصد قانون کی بالادستی، میرٹ پر مقدمات کی پیروی اور عوام کو بروقت انصاف کی فراہمی ہے۔ تفتیشی افسران کی قانونی و فنی تربیت سے نہ صرف تفتیش کا معیار بہتر ہوگا بلکہ مقدمات میں غیر ضروری نقائص اور بریت کے امکانات میں بھی کمی آئے گی۔ انہوں نے کہا کہ مستقبل میں بھی پولیس اور پراسیکیوشن کے باہمی تعاون سے ایسی تربیتی سرگرمیوں کا سلسلہ جاری رکھا جائے گا۔
پولیس اور پراسیکیوشن کے اس مشترکہ تربیتی اقدام کو انصاف کی مؤثر فراہمی، معیارِ تفتیش میں بہتری اور مقدمات کے مضبوط قانونی فالو اَپ کی جانب ایک اہم پیش رفت قرار دیا جا رہا ہے۔

07/09/2026

*ایڈیشنل ڈسٹرکٹ اینڈ سیشن جج محترمہ *افشاں اعجاز صوفی صاحبہ (ماڈل کورٹ) نے قتل کے مقدمہ نمبر 1468/2025بجرم 148*149*302 ت پ تھانہ چکالہ راولپنڈی کا فیصلہ سناتے ہوئے ملزمان محمد عارف کو سزائے موت اور 10 لاکھ روپے ہرجانہ اور اور ملزم محمد عثمان کو عمر قید اور پانچ لاکھ روپے ہرجانہ کی سزا دی ہے
یہ فیصلہ پبلک پراسیکیوٹر ملک مرید رضا فاضلADPP صاحب کی بہترین پیروی اور انتہائی محنت کے نتیجے میں سامنے آیا۔
اس موقع پر محترم فاضل ڈسٹرکٹ پبلک پراسیکیوٹر راولپنڈی میاں عمران رحیم صاحب نے پراسیکیوٹر کی کاوشوں کو سراہتے ہوئے کہا ہے کہ پراسیکیوشن کے قابل قدر پراسیکیوٹر نے سنگین جرائم میں انصاف کے تقاضے پورے کرنے کے لیے انتھک محنت کی ہے۔ انہوں نے مزید کہا کہ راولپنڈی پراسیکیوشن کا عزم ہے کہ اس گھناؤنے جرائم میں ملوث عناصر کو سخت سے سخت سزائیں دلوا کر معاشرے میں انصاف اور قانون کی بالادستی کو یقینی بنایا جائے گا۔ اور متحرمہ مریم نواز صاحبه CM پنجاب اور فاضل پراسکیوٹر جزل صاحب کے وژن پر عمل کیا جائے گا
از دفتر چوہدری ثناء اللہ جج اسسٹنٹ ڈسٹرکٹ پبلک پراسیکیوٹر راولپنڈی/پبلک ریلیشنز آفیسر پنجاب کریمینل پراسکیوشن ڈسٹرکٹ راولپنڈی

07/09/2026

*ایڈیشنل ڈسٹرکٹ اینڈ سیشن جج محترمہ *افشاں اعجاز صوفی صاحبہ (ماڈل کورٹ) نے قتل کے مقدمہ نمبر172/2024بجرم 148*149*302 ت پ تھانہ راوت راولپنڈی کا فیصلہ سناتے ہوئے ملزمان محسن علی ولد عبدالجبار-عمیر احمد ولد اصف حسین اور یاسر محمود ولد عبدالمالک کو سزا موت 10-10لاکھ حرجانہ کی, سزا سنائی* ہے
یہ فیصلہ پبلک پراسیکیوٹر ملک مرید رضا فاضلADPP صاحب کی بہترین پیروی اور انتہائی محنت کے نتیجے میں سامنے آیا۔
اس موقع پر محترم فاضل ڈسٹرکٹ پبلک پراسیکیوٹر راولپنڈی میاں عمران رحیم صاحب نے پراسیکیوٹر کی کاوشوں کو سراہتے ہوئے کہا ہے کہ پراسیکیوشن کے قابل قدر پراسیکیوٹر نے سنگین جرائم میں انصاف کے تقاضے پورے کرنے کے لیے انتھک محنت کی ہے۔ انہوں نے مزید کہا کہ راولپنڈی پراسیکیوشن کا عزم ہے کہ اس گھناؤنے جرائم میں ملوث عناصر کو سخت سے سخت سزائیں دلوا کر معاشرے میں انصاف اور قانون کی بالادستی کو یقینی بنایا جائے گا۔ اور متحرمہ مریم نواز صاحبه CM پنجاب اور فاضل پراسکیوٹر جزل صاحب کے وژن پر عمل کیا جائے گا
از دفتر چوہدری ثناء اللہ جج اسسٹنٹ ڈسٹرکٹ پبلک پراسیکیوٹر راولپنڈی/پبلک ریلیشنز آفیسر پنجاب کریمینل پراسکیوشن ڈسٹرکٹ راولپنڈی

28/08/2026

27/08/2026

*ڈسٹرکٹ پبلک پراسیکیوٹر راولپنڈی میاں عمران رحیم صاحب* نے *پراسیکیوٹر جنرل پنجاب جناب عرفان صادق تارڑ صاحب* سے ان کے دفتر میں ملاقات کی اور انہیں پراسیکیوٹر جنرل پنجاب کا منصب سنبھالنے پر دلی مبارکباد پیش کی۔
ملاقات کے دوران *میاں عمران رحیم صاحب نے جناب عرفان صادق تارڑ صاحب* کے لیے نیک خواہشات اور تمناؤں کا اظہار کرتے ہوئے کہا کہ ان کی پیشہ ورانہ قابلیت، قانونی امور پر عبور اور وسیع تجربہ محکمہ پراسیکیوشن کے لیے یقیناً ایک قیمتی اثاثہ ثابت ہوگا۔ انہوں نے اس امید کا اظہار کیا کہ ان کی قیادت میں پنجاب پراسیکیوشن سروس مزید مضبوط، مؤثر اور جدید خطوط پر استوار ہوگی۔
میاں عمران رحیم صاحب نے پراسیکیوٹر جنرل پنجاب کو پھولوں کا گلدستہ بھی پیش کیا اور ان کے لیے کامیابی، استقامت اور نیک نامی کی دعا کی۔
اس موقع پر محکمہ پراسیکیوشن کی کارکردگی کو مزید بہتر بنانے، مقدمات کی مؤثر پیروی، زیرِ التواء مقدمات کے بروقت فیصلوں، تفتیش کے معیار میں بہتری اور پراسیکیوشن و پولیس کے درمیان مزید مؤثر رابطہ کاری کے حوالے سے بھی باہمی تعاون کے عزم کا اظہار کیا گیا۔
*پراسیکیوٹر جنرل پنجاب جناب عرفان صادق تارڑ صاحب* نے مبارکباد اور نیک تمناؤں پر *ڈسٹرکٹ پبلک پراسیکیوٹر راولپنڈی میاں عمران رحیم صاحب* کا شکریہ ادا کیا اور اس عزم کا اظہار کیا کہ محکمہ پراسیکیوشن کو مزید فعال، مؤثر اور عوام دوست بنانے کے لیے تمام دستیاب وسائل بروئے کار لائے جائیں گے۔
ملاقات خوشگوار ماحول میں اختتام پذیر ہوئی، جبکہ دونوں افسران نے انصاف کی بروقت فراہمی، قانون کی بالادستی اور عوام کے اعتماد کو مزید مستحکم کرنے کے لیے اپنا بھرپور کردار ادا کرنے کے عزم کا اعادہ کیا۔

17/02/2026

باتسلیمات از دفتر ڈسٹرکٹ پبلک پراسیکیوٹر راولپنڈی
پریس ریلیز (پبلک ریلیشنز)
مورخہ: 17 فروری 2026
وزیرِ اعلیٰ پنجاب کے وژن "انصاف سب کے لیے" کے مطابق، محکمہ پبلک پراسیکیوشن پنجاب فوجداری نظامِ انصاف کو مؤثر، جدید اور عوام دوست بنانے کے لیے مسلسل اقدامات کر رہا ہے۔ اسی سلسلے میں قتل، عصمت دری و جنسی زیادتی اور منشیات کے مقدمات کی تفتیش اور ٹرائل کے معیار کو بہتر بنانے کے لیے پراسیکیوٹرز اور پولیس افسران کی استعدادِ کار میں اضافہ ناگزیر ہے۔
اس مقصد کے پیشِ نظر، دفتر ڈسٹرکٹ پبلک پراسیکیوٹر راولپنڈی کے زیرِ اہتمام مورخہ 19 تا 21 فروری 2026 ایک خصوصی تربیتی پروگرام منعقد کیا جا رہا ہے۔ اس تربیت میں نامور قانونی ماہرین اور معزز شخصیات اپنے وسیع تجربے اور پیشہ ورانہ مہارت کی بنیاد پر شرکاء کو رہنمائی فراہم کریں گے۔
تربیتی سیشن میں معزز شخصیات شرکت کریں گی جن میں
*جناب عبدالعزیز صاحب ریٹائرڈ جسٹس، لاہور ہائی کورٹ
جناب حسن رضا پاشا صاحب ریٹائرڈ جسٹس، لاہور ہائی کورٹ اور
جناب رضوان عباسی صاحب ممبر، پاکستان بار کونسل شامل ہیں*
یہ تربیتی پروگرام جدید تفتیشی تقاضوں، مؤثر استغاثہ، شواہد کے بہتر استعمال اور عدالت میں مقدمات کی مضبوط پیروی کے حوالے سے عملی رہنمائی فراہم کرے گا، جس کے نتیجے میں فوجداری مقدمات کے معیار اور کارکردگی میں نمایاں بہتری متوقع ہے۔ اس اقدام سے نہ صرف انصاف کی بروقت فراہمی ممکن ہوگی بلکہ عوام کا نظامِ انصاف پر اعتماد بھی مزید مستحکم ہوگا