10/04/2025
سی سی پی او پشاور قاسم علی خان اور ایس ایس پی آپریشنز مسعود احمد کا جید علماء کرام کیساتھ ملاقات
موجودہ حالا ت کے پیش نظر شہر میں امن و امان کی صورتحال برقرار رکھنے اور مذہبی رہنماءو اور عبادت گاہوں کے تحفظ کیلئے تمام وسائل کو بروئے کار لایا جا رہا ہے،
علماء کرام، عبادت گاہوں اور عوام کی جان و مال کے تحفظ کیلئے پشاور پولیس سنجیدہ ہے بین المذاہب ہم آہنگی اور تمام مسالک کے جید علماء کرام حضرات کا تحفظ اولین ترجیحات میں شامل ہے جس کے لئے تمام مسالک اور مختلف مکاتب فکر سے تعلق رکھنے والے رہنماءو کے ساتھ رابطے میں ہیں،
ملک کے امن، خوشحالی اور ترقی میں علماء کرام کا مثبت کردار رہا ہے، انتشار پھیلانے والے ملک دشمن عناصر کو جلد ہی بے نقاب کیا جائے گا
سی سی پی او قاسم علی خان
نمائندہ وفود نے چند تجاویز بھی پیش کی اور امن و امان کے قیام ، مذہبی رہنماءوں کے تحفظ اور بین المذاہب ہم آہنگی کو فروغ دینے میں پولیس کے کردار کو بھی سراہتے ہوئے پولیس کے ساتھ بھرپور تعاون کا عزم بھی ظاہر کیا
جید علماء کرام نے امن پسند معاشرے کے قیام کی خاطر مختلف مذاہب کے مابین تعاون کی ضرورت پر زور دیتے ہوئے اس ضمن میں ہر قسم کے تعاون کی بھی یقین دہانی کرائی۔
اس موقع پر سابق امیر مولاناخیرالبشر صاحب مولانا حسین احمد مدنی ایڈوکیٹ، مولانا امان اللہ حقانی ، وفاق المدارس العربیہ کے صوبائی ناظم مولانا حسین احمد ، سابق ایم این اے مولانا عبدالاکبر چترالی، جے یوآئی ضلعی امیر مولانا مسکین شاہ و دیگر علماء کرام نے بھی خطاب کیا۔
