Bar Association Dadyal

11/11/2025

10/11/2025

ڈڈیال بار ایسوسی ایشن کے زیرِ اہتمام چیف جسٹس محمد یونس سرکھوی (مرحوم) کی آئینی و قانونی خدمات پر سیمینار

ڈڈیال بار ایسوسی ایشن کے زیرِ اہتمام ایک خصوصی سیمینار کا انعقاد کیا گیا، جس میں مرحوم چیف جسٹس محمد یونس سرکھوی کی آئینی اور قانونی خدمات کو خراجِ تحسین پیش کیا گیا۔ سیمینار میں معروف عدالتی و قانونی شخصیات نے شرکت کی، جن میں چیف جسٹس سردار لیاقت شاہین، (ر)جسٹس یونس طاہر،وائس چیئرمین بار کونسل آزاد کشمیر محمد طارق بشیر ایڈووکیٹ اور جسٹس (ر) چوہدری محمد منیر شامل تھے۔

مقررین نے مرحوم چیف جسٹس محمد یونس سرکھوی کی عدالتی خدمات، انصاف پسندی اور قانون کی بالادستی کے لیے ان کی انتھک کاوشوں کو سراہا۔ ان کا کہنا تھا کہ مرحوم نے اپنے فیصلوں میں غیر جانبداری، شفافیت اور قانون کے اعلیٰ اصولوں کو ہمیشہ مقدم رکھا۔ ان کی شخصیت، اخلاقی اقدار اور نوجوان وکلاء کے لیے رہنمائی کے کردار پر بھی روشنی ڈالی گئی۔

سیمینار کی میزبانی صدر بار ایسوسی ایشن ڈڈیال ابرار حسین شاہ نے کی، جبکہ اسٹیج سیکریٹری کے فرائض تو قیر جاوید ایڈووکیٹ نے انجام دیے۔

اس موقع پر ڈڈیال کی پوری عدلیہ، وکلاء، طلباء، میڈیا اور پریس کے نمائندگان کی بڑی تعداد نے شرکت کی ۔
سیمینار کا مقصد نہ صرف مرحوم چیف جسٹس کی خدمات کو خراجِ عقیدت پیش کرنا تھا بلکہ نئی نسل میں عدلیہ میں قانون کی بالادستی، انصاف اور اصول پسندی کے جذبے کو فروغ دینا بھی تھا۔

04/11/2025

Im a political leader, not a terrorist
Release Yasin Malik .

27/10/2025

بار ایسوسی ایشن ڈڈیال اپنے مظلوم محکوم کشمیری بھائیوں کے ساتھ اظہار یک جہتی کرتی ھے ۔
کشمیر زندہ باد
تحریک آزادی کشمیر زندہ باد
#ڈڈیال

22/02/2025

آج زیر صدرات سید ابرار حسین شاہ ایڈووکیٹ
بار ایسوسی ایشن ڈڈیال کے سینیئر اور بانی ممبران محمد لطیف ثانی ایڈووکیٹ مرحوم اور محمد مجید عابد ایڈووکیٹ مرحوم کی یاد میں تعزیتی ریفرنس منعقد ہوا جس میں معزز ممبران اراکین بار ، سوشل میڈیا، پرنٹ میڈیا اور الیکٹرانک میڈیا کے متعدد ممبران نے شرکت کی۔ اسٹیج سیکرٹری کے فرائض جنرل سیکرٹری راجہ توقیر جاوید ایڈوکیٹ نے ادا کیے تعزیتی ریفرنس کی تقریب کا باقاعدہ آغاز تلاوت کلام پاک سے کیا گیا تلاوت کلام پاک راجہ عدنان صدیق ایڈووکیٹ نے کی اس کے بعد نعت رسول مقبول صلی اللہ علیہ وسلم محمد سفیان علی نے پڑھی اس کے بعد مقررین جسٹس ریٹائرڈ جناب چوہدری منیر ، سابق وزیر حکومت چوہدری افسر شاہد ایڈووکیٹ ، سابق وزیر حکومت مسعود خالد ، سابق سیکرٹری قانون ادریس تبسم ایڈووکیٹ ، سابق وائس چیئرمین بار کونسل شوکت علی کیانی ایڈووکیٹ ، سینئر قانون دان چوہدری انور ایڈووکیٹ ، راجہ علی زمان ایڈووکیٹ ، چوہدری محمد ممتاز ایڈووکیٹ ،
چوہدری محمد آفتاب ایڈووکیٹ ، ندیم کیانی ایڈووکیٹ ، چوہدری محمد خطاب ایڈووکیٹ ، چوہدری محمد صابر ایڈووکیٹ اور محمود کیانی ایڈووکیٹ اور بلال مجید ایڈووکیٹ نے اپنے خیالات کا اظہار کیا اور مرحومین کو خراج عقیدت اور خراج تحسین پیش کیا تقریب کے اختتام پر مرحومین محمد لطیف ثانی ایڈووکیٹ اور محمد مجید عابد ایڈووکیٹ کی مغفرت اور درجات کی بلندی کے لیے دعا سینئر صحافی چوہدری ظہور رشید صاحب نے کی ۔
صمیم علی بٹ ایڈووکیٹ سیکرٹری نشرواشاعت بار ایسوسی ایشن ڈڈیال

17/01/2025

سابق صدر بار ایسوسی ایشن ڈڈیال مجید عابد ایڈووکیٹ صاحب کی وفات پر بار ایسوسی ایشن ڈڈیال نے 3 دن سوگ کا اعلان کیا ہے
مرحوم کی نماز جنازہ آج بروز جمعہ اڑھائی بجے 2:30 کالج گراونڈ ڈڈیال میں ادا کی جائے گی
بلال مجید ایڈووکیٹ صاحب اور سلیم مغل ایڈووکیٹ صاحب و دیگر لواحقین کو صبر جمیل عطا فرمائے
دعا ہے اللہ پاک مرحوم کی کامل بخشش و مغفرت فرمائے آمین -
دوران سوگ وکلاء عدالتوں میں پیش نہ ہوں گے -

19/12/2024

*بار ایسوسی ایشن ڈڈیال*
نوتعینات جوڈیشل افیسر ایڈیشنل ضلع قاضی سرفراز عباسی صاحب جبکہ تبدیل ہونے والے جوڈیشل افیسر ضیاء الرحیم صاحب کے اعزاز میں صدر بار ایسوسی ایشن ڈڈیال اسرار نواز ایڈووکیٹ نےجسٹس شیراز کیانی ہال میں دعوت کا اہتمام کیا جس میں جوڈیشل افیسران ایڈیشنل ڈسٹرکٹ و سیشن جج وقاص افسر صاحب، سول جج نعیم احمد صاحب، اور تحصیل قاضی سلیمان ساقی صاحب اور کثیر تعداد میں بار ایسوسی ایشن ڈڈیال کے ممبران نے شرکت کی
سٹیج سیکرٹری کے فرائض جنرل سیکرٹری بار ایسوسی ایشن ڈڈیال عدنان صدیق ایڈووکیٹ نے سرانجام دیئے
دعوت کا باقاعدہ آغاز چوہدری مصدق ایڈووکیٹ نے تلاوت کلامِ پاک سے کیا جوڈیشری کی طرف سے نو تعینات ایڈیشنل ضلع قاضی سرفراز عباسی صاحب نے خیالات کا اظہار کرتے ہوئے بار ایسوسی ایشن ڈڈیال کی دعوت کا شکریہ ادا کیاجبکہ تبدیل ہونے والے ایڈیشنل ضلع قاضی ضیاء الرحیم صاحب نے اپنے خطاب میں بار ایسوسی ایشن ڈڈیال کا شکریہ اور نیک خواہشات کا اظہار کیا
صدر بار ایسوسی ایشن ڈڈیال اسرار نواز ایڈووکیٹ نے تبدیل ہونے والے افیسر اڈیشنل ضلع قاضی ضیاء الرحیم صاحب کے لئے نیک خواہشات کا اظہار کرتے ہوئے کہا کہ ضیاء الرحیم صاحب اچھے آفیسر، صاحب علم، خوش اخلاق، اور غیر جانبدار آفیسر ہیں جنہوں نے اپنے دور میں اپنے فیصلوں کے ساتھ قانون پر اپنی دسترس کو منوایا جس پر پوری بار ایسوسی ایشن ڈڈیال نے خراج تحسین پیش کیا
صدر بار ایسو سی ایشن ڈڈیال اسرار نواز ایڈووکیٹ نے اپنے خیالات کا اظہار کرتے ہوئے انکی خدمات کو سراہا اور اس امید کے ساتھ کے اللہ تعالٰی انکی صلاحیتوں کو مدنظر رکھتے ہوئے انکی عزت، ترقی و زندگی میں اضافہ فرمائے اور اسی طرح جہاں بھی جائیں خوش اسلوبی اور غیر جانبداری سے اپنے فرائض منصبی انجام دیتے رہیں
اسی موقع پر صدر بار ایسوسی ایشن ڈڈیال اسرار نواز ایڈووکیٹ نے نئے ایڈیشنل ضلع قاضی سرفراز عباسی صاحب کو خوش آمدید کہا اور امید ظاہر کی کہ وہ اپنے فرائض منصبی اپنے پہلے دور کی طرح دوبارہ جاری رکھیں گئے
جبکہ آخر میں صدر بار ایسوسی ایشن ڈڈیال اسرار نواز ایڈووکیٹ نے سینئر ممبر بار ایسو سی ایشن ڈڈیال محمدلطیف ثانی ایڈووکیٹ کی وفات کو گہرا صدمہ قرار دیا جس پر پوری بار ایسوسی ایشن ڈڈیال اور تحصیل ڈڈیال کی فضاء سوگوار ہے اور ان کی جدائی میں آج سوگ کا اعلان کیا اور وکلاء عدالتوں میں پیش نہ ہوئے ہیں -

18/12/2024

اِنّا لِلّٰهِ وَاِنّا اِلَيْهِ رَاجِعُوْن
سینئر ممبر بار ایسو سی ایشن ڈڈیال محمدلطیف ثانی ایڈووکیٹ برمنگھم میں قضائے الٰہی سےوفات پا گئے ہیں مرحوم کی نماز جنازہ کا اعلان بعد میں کیا جاۓگا
لطیف ثانی ایڈووکیٹ کی وفات بار ایسوسی ایشن ڈڈیال کے لئے ایک صدمہ ہے
کل بار ایسو سی ایشن ڈڈیال کے وکلاء بطور سوگ عدالتوں میں پیش نہیں ہونگے
اللہ پاک مرخوم کی کامل مغفرت فرمائے
آمین-

07/11/2024

قرار داد

آج مورخہ 07/11/2024 کو بار ایسو سی ایشن کا ہنگامی اجلاس زیر صدارات اسرار نواز ایڈووکیٹ ہوا۔
جس میں صدر آزاد حکومت ریاست جموں و کشمیر کی طرف سے جاری ہونے والے صدارتی آرڈینینس جس میں آزاد حکومت ریاست جموں و کشمیر کی طرف سے لوگوں کے اظہار رائے پر پابندی عائد کی گئی کے بارے میں اظہار خیال کرتے ہوئے جملہ اراکین نے اس کو عوامی بنیادی حقوق سلب کرنے کے مترادف قرار دیا

اس آرڈیننس کے حوالے سے بار ایسوسی ایشن ڈڈیال کے ممبران میں شدید غم و غصہ پایا جاتا ہے۔

یار ایسوسی ایشن ڈڈیال نے بذیل قرار داد منظور کی :۔

یہ کہ حکومت ریاست جموں و کشمیر فل فور صدارتی آرڈینیں واپس لے بصورت دیگر بار ایسوسی ایشن ڈیال جملہ بار ایسوسی ایشنز اور بار کو نسل کے ساتھ مشاورات کے بعد جلد لائحہ عمل کا اعلان کرے گی۔
یہ کہ بار ایسوسی ایشن ڈڈیال کسی بھی کالے قانون جو بنیادی انسانی حقوق کے خلاف ہو کو نہیں مانتی۔

07/09/2024

صدر بار ایسوسی ایشن ڈڈیال کہ طرف سے ڈڈیال بار میں ختم نبوت کے عظیم موضوع پر تقریب منعقد ہوئی ۔
اس موقع پر بار ایسوسی ایشن ڈڈیال کے ممبران نے کثیر تعداد میں شرکت کی۔ صدر بار ایسوسی ایشن ڈڈیال اسرار نواز ایڈووکیٹ ، جنرل سیکریٹری بار ایسوسی ایشن ڈڈیال راجہ عدنان صدیق ایڈووکیٹ سمیت دیگر نے ختم نبوت کی اہمیت و افضلیت پر ایمان افروز خطاب کیا۔
اس موقع پر ختم نبوت کے عقیدے کی تاریخی و دینی حیثیت پر روشنی ڈالی اور اس بات پر زور دیا کہ عقیدہ ختم نبوت مسلمانوں کے ایمان کا بنیادی جز ہے، جس پر کسی قسم کی سودے بازی نہیں کی جا سکتی۔
اس عقیدے کی حفاظت کے لیے ہر قربانی دینے کو تیار ہیں۔تقریب کے آخر میں ملک و ملت کی سلامتی کے لئے خصوصی دعا بھی کروائی گئی۔

04/09/2024

سینیر قانوندان سابق وائس چیئرمین بار کونسل آزاد کشمیر شوکت علی کیانی ایڈووکیٹ صاحب کے بتیجھے کی فاتح خوانی؛
اللہ پاک مرحوم کی مغفرت فرمائے آمین-