29/01/2022
Mir Nayyar Abbas A young sindhi writer and a poet wrote a content about brotherhood of and ..
We should appreciate his content and try to share this positive message to all our and brothers & sisters..
Really a good message for stay positive and brotherhood of these two nations.
اور
تحریر: میر نیّر عباس
وطنِ عزیز پاکستان کا حالیہ صوبہ بنام سندھ 5 ہزار سال اک پرانی تہذیب اور ثقافت ہے، یہ دھرتی بہت سے صوفی بزرگان اور اولیاء کرام کے وجود کی برکت سے مشہور اور باب الاسلام کے نام سے جانی جاتی ہے۔
پاکستان بننے کے بعد جب پاکستان میں رہنے والے کچھ ہندو اور انڈیا میں بسنے والے مسلمانوں کی ہجرت کا سلسلہ شروع ہوا تو پاکستان آنے والے افراد جب پنجاب کی سرحد میں پہنچ کر رکے تو پنجابی لوگوں نے انہیں کہا کہ "یہاں نہیں آگے جائیں پاکستان آگے ہے" ، پھر جب وہ تمام لوگ سندھ پہنچے کر رکے تو انہیں سندھ کے مختلف شہروں (کراچی، میرپورخاص، ٹنڈوجام، سانگھڑ وغیرہ) میں بہت ہی پیار عزت و احترام کیساتھ جگہ دی گئی اور وہ وہیں مختلف شہروں میں ٹھہر گئے، (مہاجر عربی زبان کا لفظ ہے جس کی معنی ہے ہجرت کرنے والا/ کسی کام کے لئے نقل مکانی کرنے والا) تب سے ہمارے مہاجر بھائیوں کے خاندان سندھ کے مکمل رہائشی ہیں۔ لیکن افسوس کی بات یہ یے کہ کچھ شرپسند عناصر جو دونوں قوموں (سندھی/مہاجر) میں موجود ہیں جو کہ مسلسل یہی کام کر رہے ہیں کہ کسی نہ کسی طرح اس دھرتی کا امن خراب کرتے رہیں پھر وہ کبھی لسانی فسادات کو ہوا دے کر تو کبھی کوئی اور رنگ!!
اک بات جو ہم دونوں قوموں کو سمجھنے کی ضرورت ہے کہ پاکستان کے سیاستدان عوام کو اپنے مفادات کی خاطر کبھی لڑوادیتے ہیں تو کبھی صلح کروادیتے!! درحقیقت ہم سب ان چیزوں سے ناآشنا ہیں قوم پرستی کے نام پر مختلف تنظمیں چاہے وہ "ایم کیو ایم" ہو یا "پی پی پی" دراصل یہ اپنے مفادات کی خاطر ان دو قوموں کے اندر مختلف انداز میں فسادات پھیلانے کا کام کر رہی ہیں، اگر یہ دونوں تحریکیں اور ان جیسی اور تنظیمیں بھی اپنے لوگوں سے سچی ہوتی تو آج سندھ اک ترقی یافتہ دھرتی بن چکی ہوتی۔
سندھ دھرتی اور یہاں بسنے والے لوگوں کی دلوں میں پیار، امن اور مہمانوازی جیسی بیشمار خصوصیات شامل ہیں ہم نے پاکستان بننے کے بعد جیسے مہاجر بھائیوں کو خوش آمدید کہہ کر عزت و مہمانوازی کیساتھ اس دھرتی پہ جگی دی تھی وہی عزت آج بھی سندھیوں کے دل میں باقی ہے بس مسئلہ یہ ہے کہ اس دھرتی کو اپنا بنائیں یہاں ہر رہنے والا فخر سے خود کو سندھی کہے اس دھرتی کا مل کر حق ادا کریں جس نے 75 سال سے ہماری کئی نسلوں کو اپنی گود میں پالا ہے، یہ تعصّبانہ باتیں چھوڑنی ہوں گی کہ آپ فلاں ہیں ہم فلاں، مہاجر تبہی ہوتے جب آکر واپس چلے جاتے اب ہمارے بھائی یہاں رہ رہے ہیں تو اپنی شناخت بھی اس دھرتی سے جوڑ لیجیے۔
اس دھرتی پر کیے گئے ہر وار کو ناکام بنائیں، اپنی صفوں سے ایسے لوگوں کو نکال دیں جو لسانی فسادات کو ہوا دیں، ہر زبان اچھی ہے اردو اور سندھی دونوں ہماری ہی زبانیں ہیں بس مسئلہ یہ ہے کہ ہمیں اپنی سوچ کو مثبت بنا کر اک دوسرے سے بھائی چارہ قائم کر کے اپنے تمام دشمن عناصر اور ان کے عزائم کو ناکام بنانا ہوگا۔
آئیں!! مل کر اس دھرتی کا حق ادا کریں اور ان تمام فسادات سے ہٹ کر خود کو اس سندھ دھرتی کا حقیقی اور بہترین شہری ثابت کریں۔
نہ اردو غیروں کی زبان ہے اور نہ سندھی!!
یہ ہماری ہی زبانیں ہیں، سندھ کا ہر فرد چاہے وہ اردو بولے یا سندھی وہ سندھی ہی ہے!!
دشمن کو ناکام بنائیں، دھرتی کی محبت عام کریں۔
#سندھی ❤
✌
❤
💖✌
