Labour & Service Law Pakistan

08/10/2026

Service Laws Awareness.

06/10/2026

05/10/2026

میری عمرِ عزیز اب اس نہج پر پہنچ چکی ہے کہ لوگ مجھے نوجوان ماننے کو تیار نہیں،
اور میں خود کو بوڑھا تسلیم کرنے کے لیے بالکل تیار نہیں۔
قصہ مختصر، میں ساٹھ سال سے زیادہ عمر کا ایک ایسا نوجوان ہوں جسے معاشرہ زبردستی بزرگ بنانے پر تلا ہوا ہے۔
سرِ بازار چار بچوں کی مائیں مجھے انکل کہہ دیتی ہیں، ناواقف لوگ حاجی صاحب، اور بے تکلف دوست چاچا جی کہہ کر پکارتے ہیں۔
مجھے تو لگتا ہے کہ یہ سب مل کر مجھے بوڑھوں کے سانچے میں فٹ کرنے کی ایک اجتماعی سازش کر رہے ہیں۔
اب تو میری اپنی اولاد بھی مجھے جوان رہنے نہیں دیتی۔
خود پیزا اور مرغن غذائیں منگوائیں گے اور میرے سامنے نرم غزائیں رکھ دیں گے!
اور تو اور بیگم صاحبہ بھی موقع ملتے ہی لیکچر شروع کر دیتی ہیں:
"اس عمر میں سادہ غذا کھائیں، احتیاط کریں، کہیں ایسا نہ ہو کہ ڈاکٹروں اور اسپتالوں کے مستقل ممبر بن جائیں!"
سسرال والے یا دیگر احباب جب آتے ہیں تو میرے لیے عجوہ کھجور، آبِ زم زم اور مسنون دعاؤں کی کتاب لازمی لے کر آتے ہیں۔
رشتے دار اپنے بچوں سے کہتے ہیں:
"بیٹا، ان کے پاس بیٹھو، بزرگوں کے ساتھ بیٹھنے سے بہت کچھ سیکھنے کو ملتا ہے۔"
حالانکہ یہ سب محبت کرنے والے اور خیال رکھنے والے لوگ ہیں، مگر انہیں کون سمجھائے کہ اتنی زیادہ خیر خواہی بھی کبھی کبھی اندر کے نوجوان کو گھٹن میں مبتلا کر دیتی ہے۔
*میں روزانہ واک کرتا ہوں، خود کو مسٹر فٹ سمجھتا ہوں اور دل سے میرا ماننا ہے کہ جوانی مجھ سے نہیں، آج کے جوانوں سے رخصت ہو چکی ہے*
اب قریبی رشتہ دار فون کریں تو حال احوال پوچھنے کے بجائے میری صحت کا پوسٹ مارٹم شروع کر دیتے ہیں:
" صاحب، طبیعت کیسی ہے؟ بلڈ پریشر؟ شوگر؟ گھٹنوں کا کیا حال ہے؟ نیند پوری ہوتی ہے؟"
*ایسا محسوس ہوتا ہے جیسے انہیں میری خیریت سے زیادہ میرے اندر کوئی بیماری دریافت کرنے کی خوشی چاہیے۔*
اللہ کا شکر ہے کہ اس نے مجھے کسی کا محتاج نہیں رکھا۔
میرے اندر کا نوجوان آج بھی زندہ ہے، دھڑکتا ہے، خواب دیکھتا ہے۔
میری تھوڑی سی عمر کیا بڑھی، بیگم صاحبہ نے بھی اپنا پروفیسر اور ماں والا روپ اختیار کر لیا ہے۔
کبھی نصیحت، کبھی احتیاط، کبھی صحت، کبھی کچھ۔
*کوئی تو ہو، جو میری وحشتوں کا ساتھی ہو*،
*کوئی تو ہو، جو میری خاموشیوں کو سمجھے*،
*کوئی تو ہو، جو عمر نہ گنے، صرف دل دیکھے*۔
*اب مایوس ہو کر میں نے
*سوشل میڈیا یوٹیوب اور نیٹ فلکس کو اپنا ساتھی بنا لیا ہے* کیونکہ وہاں کوئی شناختی کارڈ دیکھ کر عمر نہیں پوچھتا۔
کچھ دن بیگم نے یہ بھی برداشت کیا، پھر فرمان جاری ہوا:
"جناب! بچے کیا سوچیں گے؟
یہ سب فضول چیزیں ہیں۔ رات کو نیند نہ آئے تو تہجد پڑھ لیا کریں۔ اور داڑھی بھی رکھ لیں، چہرہ نورانی لگے گا۔ فرشتے بھی آسانی کریں گے، شاید یہی آپ کی بخشش کا ذریعہ بن جائے!"
*اور پھر دل نے خود کو یہ کہہ کر تسلی دی*:
*سفر پیچھے کی جانب ہے، قدم آگے ہے میرا*
میں بوڑھا ہوتا جاتا ہوں، جواں ہونے کی خاطر۔
سو صاحبانِ محفل!
عمر کا ساٹھ، ستر یا اس سے آگے پہنچ جانا کوئی جرم نہیں۔
اصل بڑھاپا عمر میں نہیں، سوچ میں آتا ہے۔
جب تک دل میں دوستوں سے ملنے کی خواہش،
چہرے پر مسکراہٹ،
آنکھوں میں خواب،
قدموں میں سفر،
اور زندگی کو بھرپور انداز میں جینے کی خواہش باقی ہے
تب تک ہم بوڑھے نہیں، صرف تجربہ کار جوان ہیں۔
اور ہاں…
میں بھی ساٹھ سے اوپر کا ایک جوان ہوں!
باقی دنیا مانے یا نہ مانے،
میں تو مانتا ہوں!

05/10/2026

Laws Awareness.

05/10/2026

السلام علیکم
کسی شخص کے کردار کو جانچنے کا آسان ترین طریقہ یہ ھے کہ وہ ان لوگوں کے ساتھ کیسا سلوک رکھتا ھے جو اس کے کام نہیں آ سکتے۔
صبح بخیر

02/10/2026

Service Laws Awareness.

02/10/2026

Happy birthday.