Adv Tahir Islam Butt

25/04/2026

: پنجاب میں کم عمری کی شادی اب ایک ناقابل ضمانت جرم ہے
پنجاب چائلڈ میرج ریسٹرینٹ آرڈیننس 2026 کے مطابق 18 سال سے کم عمر کی شادی پر مکمل پابندی عائد کر دی گئی ہے۔
سزاؤں کی تفصیل:
1۔ نکاح رجسٹرار کے لیے ایک سال قید اور ایک لاکھ روپے جرمانہ مقرر کیا گیا ہے۔
2۔ بالغ شوہر یا بیوی کو تین سال تک سخت قید اور پانچ لاکھ روپے تک جرمانہ ہو سکتا ہے۔
3۔ شادی کی آڑ میں 18 سال سے کم عمر جسمانی تعلق پر سات سال تک قید اور دس لاکھ روپے جرمانہ ہے۔
4۔ والدین اور شادی میں مدد کرنے والوں کے لیے تین سال تک قید کی سزا رکھی گئی ہے۔
5۔ بچے کو شادی کے لیے منتقل کرنا چائلڈ ٹریفکنگ مانا جائے گا جس کی سزا سات سال قید ہے۔
یہ قانون بچوں کے تحفظ اور معاشرے میں انصاف کے قیام کے لیے نافذ کیا گیا ہے۔ پولیس کو فوری گرفتاری کا اختیار حاصل ہے اور عدالتیں نوے دن میں فیصلہ کرنے کی پابند ہیں

22/04/2026

حق مہر: محض ایک رسم نہیں بلکہ عورت کا قانونی حق ھے۔
نکاح کے وقت طے کیا جانے والا حق مہر محض ایک کاغذی کارروائی یا دکھاوے کی رسم نہیں ہے، بلکہ یہ وہ مالی حق ہے جو اسلام اور پاکستان کا قانون براہِ راست عورت کو دیتا ہے۔ عام طور پر نکاح نامے میں مہر کی دو اقسام لکھی جاتی ہیں: مہر معجل (جو فوراً ادا کرنا ہو) اور مہر غیر معجل (جو بعد میں مطالبے پر یا کسی خاص وقت پر ادا کرنا ہو)۔
ہمارے معاشرے میں یہ غلط فہمی عام ہے کہ مہر کا مطالبہ صرف علیحدگی یا طلاق کی صورت میں ہی کیا جا سکتا ہے، جبکہ حقیقت اس کے بالکل برعکس ہے۔
حق مہر کے حوالے سے اہم قانونی حقائق
مطالبہ کسی بھی وقت ممکن
حق مہر عورت کی اپنی ملکیت ہے۔ بیوی دورانِ نکاح کسی بھی وقت اپنے شوہر سے مہر کی رقم یا جائیداد کا مطالبہ کر سکتی ہے۔ اس کے لیے طلاق ہونا یا علیحدگی اختیار کرنا قانونی طور پر ہرگز ضروری نہیں ہے۔
فیملی کورٹ سے رجوع
اگر شوہر مہر کی ادائیگی سے انکار کرے تو بیوی فیملی کورٹ میں دعویٰ دائر کرنے کا مکمل حق رکھتی ہے۔ عدالت ایسے کیسز میں شوہر کو پابند کرتی ہے کہ وہ طے شدہ رقم یا جائیداد ہر صورت بیوی کے حوالے کرے۔
مہر کی ادائیگی اور رخصتی کا حق
قانون کے مطابق اگر مہر "معجل" (فوری ادا کرنے والا) طے ہوا ہو اور شوہر وہ ادا نہ کرے، تو بیوی کے پاس یہ قانونی حق ہے کہ وہ رخصتی سے انکار کر دے یا شوہر کے ساتھ رہنے سے تب تک منع کر دے جب تک اسے اس کا حق نہ مل جائے۔
عدالتی ڈگری پر عملدرآمد
اگر عدالتی حکم کے باوجود شوہر مہر ادا نہ کرے تو فیملی کورٹ کے پاس سخت اختیارات موجود ہیں۔ عدالت شوہر کی منقولہ اور غیر منقولہ جائیداد (مکان، دکان، گاڑی وغیرہ) قرق کر کے یا اسے فروخت کر کے رقم بیوی کو دلوا سکتی ہے۔ اسی طرح شوہر کی تنخواہ سے بھی کٹوتی کا حکم دیا جا سکتا ہے۔
رقم، سونا یا جائیداد
حق مہر صرف نقدی تک محدود نہیں ہوتا۔ اگر نکاح نامے میں مہر کے طور پر سونا، مکان یا کوئی زمین لکھی گئی ہے، تو شوہر وہی مخصوص چیز بیوی کے نام منتقل کرنے کا پابند ہے۔
وقت کی کوئی قید نہیں
حق مہر چاہے کتنا ہی سال پرانا کیوں نہ ہو، اس کی قانونی حیثیت ختم نہیں ہوتی۔ یہاں تک کہ شوہر کی وفات کی صورت میں بھی یہ رقم قرض سمجھی جاتی ہے اور شوہر کی وراثت تقسیم ہونے سے پہلے بیوی کا مہر ادا کیا جاتا ہے۔
حق مہر عورت کو مالی استحکام اور عزت فراہم کرنے کے لیے ہے، اسے بوجھ یا محض ایک رسم نہ سمجھا جائے۔ نکاح نامے کی اصل کاپی سنبھال کر رکھیں کیونکہ یہی آپ کے اس حق کا سب سے بڑا ثبوت ہے۔
اگر آپ کے نکاح نامے کے کالم نمبر 13 سے 16 تک کے حوالے سے کوئی قانونی پیچیدگی ہے یا آپ اس بارے میں مزید معلومات چاہتے ہیں، تو آپ رابطہ کر سکتے ہیں۔
ایڈووکیٹ محمد طاہر اسلام بٹ

18/04/2026

کیا پہلی بیوی کی اجازت کے بغیر دوسری شادی کی جا سکتی ہے؟ قانون کیا کہتا ہے

یہ ایک عام سوال ہے جو اکثر پوچھا جاتا ہے کہ آیا مرد پہلی بیوی کی اجازت کے بغیر دوسری شادی کر سکتا ہے یا نہیں۔
قانونی طور پر پاکستان میں دوسری شادی پر مکمل پابندی نہیں ہے، لیکن اس کے لیے ایک باقاعدہ طریقہ کار موجود ہے جس پر عمل کرنا ضروری ہے۔
قانون کے مطابق دوسری شادی سے پہلے متعلقہ یونین کونسل سے اجازت لینا لازم ہوتی ہے۔ اس کے لیے ایک درخواست دی جاتی ہے جس پر Arbitration Council
فیصلہ کرتی ہے۔
اگر کوئی شخص یہ اجازت لیے بغیر دوسری شادی کر لیتا ہے تو نکاح ختم نہیں ہوتا، لیکن اسے قانونی نتائج کا سامنا کرنا پڑ سکتا ہے، جیسے جرمانہ یا سادہ قید۔ اس کے علاوہ پہلی بیوی کو بھی قانونی چارہ جوئی کا حق حاصل ہوتا ہے۔
عملی طور پر دیکھا گیا ہے کہ زیادہ تر مسائل اسی وقت پیدا ہوتے ہیں جب قانون کو نظر انداز کیا جاتا ہے۔
اس لیے بہتر یہی ہے کہ کسی بھی ایسے فیصلے سے پہلے قانون کو سمجھا جائے اور اس کے مطابق عمل کیا جائے۔

17/04/2026

نام تبدیل کیا ہے… کیونکہ ذمہ داری بڑھ گئی ہے۔
سے Cyber Jurista “” اب
“ایڈوکیٹ محمد طاہر اسلام بٹ”
ہم نے دیکھا کہ عوام صرف سائبر کرائم ہی نہیں بلکہ فیملی، سول، کریمنل اور دیگر قانونی مسائل میں بھی درست رہنمائی سے محروم ہے۔
اسی لیے اب یہ پلیٹ فارم ہر قسم کی قانونی مثلاً۔ ۔
سائبر فراڈ
سائبر ہراسمنٹ
فیملی کیسز
جائیداد کے تنازعات
کریمنل معاملات
نیب کیسز
آگاہی کے لیے وقف ہے۔
قانونی شعور ہی آپ کا سب سے بڑا تحفظ ہے۔
فالو کریں، سیکھیں، اور دوسروں تک یہ آگاہی
ضرور پہنچائیں۔
ایڈووکیٹ محمد طاہر اسلام بٹ

15/04/2026

15/04/2026

Real ones, real vibes 💯

14/04/2026

“NAB Court Lahore ✔️
Back to the office—work never stops.”

07/04/2026

الحمدللہ ، نہ تو چیک بدنیتی سے جاری کیا گیا تھا، نہ کسی قرض کی ادائیگی کے لیے تھا اور نہ ہی کوئی رقم واجب الادا تھی۔
چیک کے غلط استعمال پر بنائے گئے مقدمہ نمبر 357/26 بجرم 489-ایف تھانہ ٹاؤن شپ لاہور میں نے اپنے الزام علیہ کو ڈسچارج کروایا۔

04/04/2026

آن لائن پولٹری فارمنگ انویسٹمنٹ: منافع یا بڑا فراڈ؟
آج کل سوشل میڈیا پر مرغی فارمنگ
(Desi & Broiler)
میں سرمایہ کاری کے نام پر عوام کو لوٹنے کا ایک نیا طریقہ تیزی سے پھیل رہا ہے۔ معصوم شہریوں کو گھر بیٹھے لاکھوں کمانے کا جھانسہ دے کر ان کی عمر بھر کی جمع پونجی ہڑپ کی جا رہی ہے۔
فراڈ کا طریقہ کار (Modus Operandi):
پُرکشش پیشکش: شروع میں بہت چھوٹی رقم سے سرمایہ کاری کا آغاز کرنے کو کہا جاتا ہے۔
جعلی اعتماد: سوشل میڈیا پر چھوٹے فارمز یا شیڈز کی ویڈیوز دکھا کر یقین دلایا جاتا ہے کہ کاروبار حقیقی ہے۔
غیر حقیقی منافع: بغیر کسی محنت کے ماہانہ غیر معمولی منافع (Fixed Returns) کا لالچ دیا جاتا ہے۔
بڑا وار: جیسے ہی لوگ زیادہ رقم انویسٹ کرتے ہیں، یہ گروہ غائب ہو جاتا ہے۔
حقائق جو آپ کو جاننا ضروری ہیں:
کاروبار کا اصول: کوئی بھی حقیقی کاروبار مستقل اور غیر معمولی منافع کی ضمانت نہیں دے سکتا۔ کاروبار میں نفع اور نقصان دونوں کے امکانات ہوتے ہیں۔
تصدیق کی اہمیت: سوشل میڈیا پر نظر آنے والی ہر آفر حقیقت نہیں ہوتی۔ زبانی دعوؤں پر کبھی بھروسہ نہ کریں۔
قانونی حیثیت: کسی بھی اسکیم میں پیسہ لگانے سے پہلے اس کمپنی کی رجسٹریشن اور قانونی حیثیت لازمی چیک کریں۔
احتیاطی تدابیر:
نامعلوم افراد یا غیر رجسٹرڈ کمپنیوں کو آن لائن رقم منتقل نہ کریں۔
گھر بیٹھے راتوں رات امیر ہونے والے شارٹ کٹ سے بچیں۔
کسی بھی مشکوک سرگرمی کی صورت میں فوری طور پر متعلقہ حکام سے رابطہ کریں۔
سائبر جورسٹا (Cyber Jurista) کا مقصد آپ کو ڈیجیٹل دنیا کے خطرات سے باخبر رکھنا ہے۔ آپ کی آگاہی ہی آپ کی حفاظت ہے۔
تحقیق کریں، محفوظ رہیں۔
Cyber Jurista

03/04/2026

قانونی طور پر مضبوط اور رجسٹرڈ معاہدہ کرایہ داری آپ کی زندگی بھر کی جمع پونجی سے بنے گھر۔مکان دوکان یا دیگر پراپرٹیز کی حفاظت کا ضامن ھے۔
کرایہ نامہ کی رجسٹریشن: کیوں اور کیسے؟
پنجاب رینٹڈ پریمیسز ایکٹ 2009 کے تحت ہر مالک مکان اور کرایہ دار کے لیے اپنے معاہدے کو رجسٹر کروانا قانونی طور پر لازم ہے۔ اگر آپ کا معاہدہ رجسٹرڈ نہیں ہے، تو تنازع کی صورت میں رینٹ ٹربیونل یا عدالت میں کیس دائر کرتے وقت آپ کو سالانہ کرایہ کا 10 فیصد جرمانہ ادا کرنا پڑ تا ہے۔
۔
سمندر پار پاکستانیوں کے لیے انتباہ
بیرون ملک مقیم مالکان کے لیے غیر رجسٹرڈ معاہدہ سب سے زیادہ خطرناک ثابت ہوتا ہے۔ قبضہ مافیا اور فراڈیے گروپ ایسے ہی کمزور معاہدوں کا فائدہ اٹھا کر جائیداد پر قابض ہو جاتے ہیں۔ ایک بار قبضہ ہو جائے تو اصل مالک کو اپنی ہی جائیداد واپس لینے کے لیے کئی سالوں تک قانونی جنگ لڑنی پڑتی ہے۔

حالیہ کامیابی ٹرائل کورٹ تا
لاھور ھائی کورٹ لاھور
حالیہ دنوں میں، میں نے ایک ایسا ہی پیچیدہ کیس ٹرائل کورٹ، اپیل اور لاہور ہائی کورٹ تک لڑا اور الحمدللہ کامیابی حاصل کی۔ بالآخر بیلف کے ذریعے جائیداد کا قبضہ اصل مالک کو دلوا دیا گیا۔۔
اگر آپ مالک مکان ہیں یا کرایہ دار، تو آج ہی اپنے معاہدے کی قانونی حیثیت کو یقینی بنائیں اور اسے رجسٹر کروائیں۔