28/06/2026
🌸♿ دھی رانی پروگرام میں خصوصی افراد کے لیے خوشخبری
پنجاب حکومت نے وزیراعلیٰ دھی رانی پروگرام 2025-26 کے تحت ایک اہم اور حوصلہ افزا اقدام کیا ہے۔
اس پروگرام میں نہ صرف خود معذور (خصوصی) خواتین بلکہ معذور افراد کی بیٹیاں بھی اہل امیدواروں میں شامل ہیں، تاکہ وہ بھی عزت و وقار کے ساتھ اپنی نئی زندگی کا آغاز کر سکیں۔
✅ عمر: 18 سے 40 سال
✅ پنجاب کا ڈومیسائل
✅ غیر شادی شدہ ہونا ضروری
✅ درخواست خود دلہن، والد، والدہ یا سرپرست بھی جمع کرا سکتے ہیں۔
🌸 منتخب دلہن کو حکومت پنجاب کی جانب سے 2 لاکھ روپے سلامی اے ٹی ایم کارڈ کے ذریعے فراہم کیے جائیں گے، جبکہ اجتماعی شادی کی تقریب کا انتظام بھی حکومت کرے گی۔
یہ اقدام اس بات کا مثبت پیغام ہے کہ خصوصی افراد اور ان کے خاندانوں کو بھی حکومتی فلاحی منصوبوں میں شامل کیا جا رہا ہے۔
📢 تاہم ہماری مؤدبانہ گزارش ہے کہ اس پروگرام پر مکمل شفافیت اور بروقت عملدرآمد یقینی بنایا جائے تاکہ ہر مستحق خصوصی خاتون اور ہر مستحق معذور والد کی بیٹی بلاامتیاز اس سہولت سے فائدہ اٹھا سکے۔
ساتھ ہی یہ بھی ضروری ہے کہ خصوصی دلہنوں کے لیے شادی کی تقریبات، مقامات اور تمام انتظامات مکمل طور پر قابلِ رسائی (Accessible) ہوں تاکہ وہ کسی دشواری کے بغیر اس پروگرام سے مستفید ہو سکیں۔
خصوصی افراد کو سہولت دینا احسان نہیں، بلکہ ان کا آئینی اور انسانی حق ہے۔
#شادی
