Adv Mujahid Mahmood

26/06/2026

10محرم کا دن ہمیں اُن مقدس لمحوں کی یاد دلاتا ہے جب اہلِ بیتؓ نے انتہائی سخت حالات میں بھی اللہ تعالیٰ پر کامل بھروسہ رکھا۔ کربلا کا پیغام یہ ہے کہ حق کا راستہ کتنا ہی کٹھن کیوں نہ ہو، ایک سچا مؤمن کبھی اپنے اصولوں کا سودا نہیں کرتا۔
آئیے ان بابرکت ایام میں حضرت امام حسینؓ اور شہدائے کربلا کی قربانیوں کو یاد کرتے ہوئے اپنے دلوں کو محبتِ رسول ﷺ اور محبتِ اہلِ بیتؓ سے منور کریں، اپنے گناہوں کی معافی مانگیں اور امتِ مسلمہ کے امن، اتحاد اور سربلندی کے لیے دعا کریں۔

سلام ہو امامِ حسینؓ پر،
سلام ہو شہدائے کربلا پر،
اور سلام ہو اُن قربانیوں پر جنہوں نے حق کو ہمیشہ کے لیے زندہ کر دیا۔
الہم صل علی محمد و آل محمد۔
آمین یارب العالمین،
یا رب رحمتہ للعالمین۔
(جمعہ مبارک)

21/06/2026

Happy Father،s Day
شدید دھوپ میں گھنا سایہ دار درخت، باپ...
ہم نےاکثر بیٹوں کو باپ کا جنازہ کندھوں پر اٹھاتے دیکھا ہے،مگر اگر کبھی بد قسمتی سےآپ کسی جوان بیٹے کےجنازے پر کھڑے ایک باپ کو دیکھیں تو آپ جان جائیں گےکہ اس رشتے کےدکھ کی انتہا کیا ہوتی ہے۔
اگراللہ کےکرم سے آپکےوالد حیات ہیں تو آج ہی اُنکا ہاتھ تھام لیجیے،اُنکے ساتھ چند لمحےگزار لیجیے،اُنکی باتیں سن لیجیے۔یقین جانیے،ایک دن یہی لمحے زندگی کا سب سےقیمتی سرمایہ بن جائیں گے۔

اوراگرآپکےوالد اس دنیا سے رخصت ہوچکے ہیں تو اُنکی قبر پرحاضری دیجیے،فاتحہ پڑھیے،اُنکے لیےدعا کیجیے،قبر کے سرہانے کھڑے ہو کر ان سے باتیں کیجیے۔وہاں بھی فیض ملتا ہے،وہاں بھی دعائیں قبول ہوتی ہیں،کیونکہ باپ اپنی اولاد کےلیےکسی ولی سےکم نہیں ہوتا۔
فادرز ڈے پراپنے باپ کو صرف یاد نہ کیجیے،اُنکی قدر بھی کیجیے...اور انہیں بھرپور وقت بھی دیجیے۔۔۔
سب سے آخر میں سلام اُس باپ پر،جو کربلا کے تپتے ہوئے میدان میں جنت کا سردار اور کلمۂ حق کا وارث ہو کر بھی اپنے ہاتھوں اپنے جواں سال بیٹوں،بھتیجوں اور شیر خوار بچےکو نیزوں اور تیروں کا نشانہ بنتا دیکھتارہا،مگر زبان پر شکوہ نہیں بلکہ شکرِ خدا جاری رہا۔۔

15/06/2026

یکم جولائی 2026 سے "لیٹ فائلر" کی کیٹیگری ختم ہو جائے گی اور صرف دو کیٹیگریاں باقی رہ جائیں گی:

✅ فائلر
❌ نان فائلر

اگر کوئی شخص مقررہ تاریخ (Due Date) گزرنے کے بعد فائلر بننا چاہے تو اسے گوشوارے کے ساتھ اضافی رقم ( ATL Surcharge) جمع کروانا ہوگی:

🔹 فردِ واحد (Individual) : 25,000 روپے
🔹 شراکتی کاروبار (AOP/Firm) : 50,000 روپے
🔹 کمپنی : 100,000 روپے

یعنی مقررہ تاریخ کے بعد فائلر بننے کی صورت میں مذکورہ رقم ادا کرنے کے بعد ہی فعال ٹیکس دہندہ (Filer) کا درجہ ملے گا.

31/05/2026

ایک بزرگ کہتے ھیں کہ سرِ بازار چلتے ھوئے کسی نے میرے ٹخنے پر ڈنڈے سے چوٹ لگائی درد اور غضب کی کیفیت میں پلٹ کر جو مارنے والے کو دیکھا .تو ایک نابینا اپنے ڈنڈے سے رستہ ٹٹول رھا تھا .غصے کی کیفیت جھٹ سے شفقت اور ترس میں تبدیل ھو گئ اور میں نے اس نابینا کا ہاتھ پکڑ لیا اور اس کو اس کی منزل تک پہنچا کر آیا ..
اس دن مجھے احساس ھوا کہ جب انسان کا نقطہ نظر تبدیل ھوتا ھے تو جذبات بھی تبدیل ھو جاتے ھیں ،، ھمیں آج ایک دوسرے کے بارے میں نقطہ نظر تبدیل کرنے کی ضرورت ھے. جذبات خود ھی تبدیل ھو جائیں گے .
وہ شخص زندگی میں کبھی ہار نہیں سکتا جو صبر کرنا سیکھ لے .
صبر کرنا جتنا دشوار ہوتا ہے اس کا پھل اتنا ہی مزیدار ہوتا ہوتا ہے .
کبھی بھی کسی انسان کی طرف سے اپنی ناقدری پہ نہ کڑھنا..
کیونکہ
قدر و قیمت کا تعین ہمیشہ وقت کرتا ہے ...
درجات کا تعین اوپر طے ہوتا ہے - انسانی رویوں میں الجھو گے تو ساری عمر الجھے رہو گے...
بس "عیب اور غیب" کے جاننے والے سے اپنے معاملات درست کرلو ، تمہارے سب معاملات سلجھ جائیں گے............

17/05/2026

‏جب ہم 60 برس کی عمر کو پہنچتے ہیں، تو ہم زندگی کے آخری مرحلے میں داخل ہو جاتے ہیں۔ مکمل اندھیرا چھانے سے پہلے، کچھ "مناظر" ایسے ہوتے ہیں جنہیں ہمیں یاد رکھنا چاہیے۔ اگر ہم انہیں یاد رکھیں، تو ذہنی طور پر تیار ہوں گے اور گھبرائیں گے نہیں۔
پہلا منظر: آپ کے ساتھ کم لوگ ہوں گے۔
آپ کے بزرگ—والدین، دادا دادی—اکثر اس دنیا سے جا چکے ہوں گے۔
آپ کے ہم عمر اپنی ہی پریشانیوں میں الجھے ہوں گے۔
نئی نسل اپنی زندگی میں مصروف ہوگی۔
حتیٰ کہ آپ کا شریکِ حیات بھی آپ سے پہلے جا سکتا ہے۔
آپ کے دن لمبے اور تنہا ہو سکتے ہیں۔
آپ کو اکیلے جینا اور تنہائی کا سامنا کرنا سیکھنا ہوگا۔
دوسرا منظر: معاشرے کی توجہ ختم ہو جائے گی۔
چاہے آپ کا ماضی کتنا ہی شاندار ہو، کتنے ہی معروف رہے ہوں—
بڑھاپے میں ہر کوئی عام بوڑھا مرد یا عورت بن جاتا ہے۔
روشنی کا ہالہ اب آپ پر نہیں ہوگا۔
آپ کو چپ چاپ ایک طرف کھڑے ہو کر نئی نسل کی کامیابی اور جوش کو سراہنا سیکھنا ہوگا—بغیر حسد یا شکایت کے۔
تیسرا منظر: راستے میں خطرات بڑھ جائیں گے۔
ہڈیوں کا ٹوٹنا، دل کی بیماریاں، دماغ کی کمزوری، کینسر—یہ سب آپ کے دروازے پر دستک دے سکتے ہیں، چاہے آپ چاہیں یا نہ چاہیں۔
آپ کو بیماری کے ساتھ جینا سیکھنا ہوگا، صحت کو کامل ہونے کا خواب چھوڑ دینا ہوگا۔
اچھا رویہ رکھنا اور مناسب ورزش کرنا آپ کا مشن بن جائے گا۔خود کو حوصلہ دینا سیکھیں۔
چوتھا منظر: آپ واپس بستر تک محدود ہو سکتے ہیں، جیسے بچپن میں تھے۔
جیسے ہم پیدا ہوئے تو ماں نے بستر پر ہمارا خیال رکھا۔
زندگی بھر کی جدوجہد کے بعد، ہم وہیں واپس آ جاتے ہیں: بستر پر۔
اب دوسروں کی دیکھ بھال کے محتاج ہوتے ہیں۔
لیکن اس بار شاید ماں جیسا پیار کرنے والا کوئی نہ ہو۔
اگر کوئی ہے بھی، تو ممکن ہے وہ اتنی محبت سے نہ کرے—
اکثر یہ خدمتگار ہوتے ہیں، جو باہر سے مسکراتے ہیں مگر اندر سے بے صبرے ہوتے ہیں۔
آپ کو عاجزی اور شکرگزاری کے ساتھ جینا سیکھنا ہوگا۔
پانچواں منظر: راستے میں بہت سے لوگ دھوکہ دیں گے۔*
ٹھگ جانتے ہیں کہ بزرگوں کے پاس کچھ جمع پونجی ہوتی ہے—
وہ ہر طریقہ آزمائیں گے: فون، پیغامات، ای میل، مفت چیزیں، کرشماتی علاج، “بابا جی کی برکت”، لمبی عمر کی گولیاں—سب کچھ، صرف آپ کی جیب خالی کرنے کے لیے۔
ہوشیار رہیں۔ اپنا پیسہ بچائیں۔ عقلمندی سے خرچ کریں۔
چھٹا منظر: اپنے شریکِ حیات (یا قریبی ساتھی) کے ساتھ نرمی سے پیش آئیں۔*
نرمی سے بات کریں، محبت سے، خیال رکھیں—خاص طور پر اپنے شریکِ حیات کا۔
وہ آپ کی آخری “زندگی کی بچت” ہیں۔
60 کے بعد بچوں پر انحصار غیر یقینی ہے
ان کی اپنی زندگی، اپنا خاندان ہوتا ہے۔
آخر میں صرف آپ دونوں ایک دوسرے کے سہارے رہ جاتے ہیں۔
اس عمر میں بھٹکنے کا نہیں۔ بس ایک دوسرے کو کھونے کا خوف ہوتا ہے۔
رات پوری طرح چھانے سے پہلے، زندگی کا یہ آخری حصہ آہستہ آہستہ مدھم ہوتا ہے، اور سفر مشکل ہو جاتا ہے۔
لہٰذا 60 کے بعد،
زندگی کو حقیقت کے ساتھ دیکھنا سیکھیں۔
اسے پیار کریں، اس سے لطف اٹھائیں۔
نہ معاشرے کو کنٹرول کرنے کی کوشش کریں، نہ بچوں کی زندگی میں دخل دیں۔
نہ دوسروں پر رعب ڈالیں، نہ انہیں کمتر سمجھیں—
ایسا رویہ صرف خود کو اور دوسروں کو تکلیف دیتا ہے۔
بڑھاپے میں ہمیں عزت دینا سیکھنا ہے۔
زندگی کے آخری مرحلے کو سمجھداری، سکون، اور روحانی تیاری کے ساتھ قبول کرنا ہے۔
قدرت کے راستے پر خاموشی سے چلتے جائیں۔
“رات بہت آہستہ آہستہ اترتی ہے”—آئیے زندگی کے آخری پڑاؤ کے لیے نرمی اور دانائی سے تیاری کریں…

17/03/2026