03/06/2025
کراچی میں ملزم سلمان فاروقی پر مقدمے میں لگائی گئی دفعات کی سزا کیا ہو سکتی ہے؟
کراچی میں نوجوان پر تشدد کرنے والے ملزم سلمان فاروقی کو دو روزہ جسمانی ریمانڈ پر پولیس کے حوالے کیا گیا ہے۔
ملزم پر درج کی گئی ایف آئی آر میں تعزیراتِ پاکستان )پاکستان پینل کوڈ/پی پی سی) کی پانچ دفعات لگائی گئی ہیں۔ ان دفعات میں 34،342 ، 354، 504 اور 506B شامل ہیں۔
پاکستان پینل کوڈ (PPC) کی دفعہ 34 مشترکہ نیت کے اصول کو بیان کرتی ہے۔ اس دفعہ کے تحت کہ اگر کوئی مجرمانہ فعل متعدد افراد کی طرف سے مشترکہ طور پر کیا جاتا ہے، تو ہر فرد اس فعل کے لیے ذمہ دار ہے گویا اس نے اسے اکیلے کیا ہے۔ پاکستان پینل کوڈ (PPC) کی دفعہ 342 غیرقانونی حراست میں رکھنے کے بارے میں ہے۔ اس میں کہا گیا ہے کہ جو شخص کسی بھی شخص کو غیرقانونی تحویل میں یا زبردستی روک کر رکھتا ہے اسے ایک سال قید یا تین ہزار روپے سے زیادہ جرمانہ یا دونوں سزائیں دی جائیں گی۔
پاکستان پینل کوڈ (PPC) کی دفعہ 354 کا تعلق کسی عورت پر حملہ یا مجرمانہ طاقت کے استعمال سے ہے جو اس کی عزت / وقار کو مجروح کرنے کے ارادے سے یا یہ جانتے ہوئے کہ ایسا کرنے کا امکان ہے۔ اس جرم کی سزا قید ہے جس کی مدت دو سال تک ہوسکتی ہے۔
پاکستان پینل کوڈ (PPC) کی دفعہ 504 جان بوجھ کر انسانی توہین سے متعلق ہے جس سے امن و امان کی خرابی کا خدشہ ہوتا ہے۔ یہ دفعہ کسی ایسے شخص کے لیے سزا کا تعین کرتی ہے جو جان بوجھ کر توہین کرتا ہے اور اس طرح کسی دوسرے شخص کو مشتعل کرتا ہے، یہ جانتے ہوئے کہ اشتعال انگیزی عوامی امن کو خراب کرنے یا کسی اور جرم کا ارتکاب کرنے کا سبب بنے گی۔
پاکستان پینل کوڈ (PPC) کی دفعہ 506B مجرمانہ نوعیت کی دھمکیوں کے لیے ہے، خاص طور پر جب دھمکی میں موت یا شدید چوٹ شامل ہو۔ سندھ ہائی کورٹ کے ایک فیصلے کے مطابق اس دفعہ کے تحت جرم ثابت ہونے پر سزا سات سال قید یا جرمانہ یا دونوں ہو سکتی ہے۔
الحمدللہ ڈیفنس میں نجی کمپنی کے مالک کا نوجوان پر تشدد کا مقدمہ تھانہ گزری میں درج کرلیا گیا مقدمہ میں سلمان فاروقی مسلح گارڈ اور نامعلوم افراد نامزدہیںُل
مقدمہ واقعہ کے عینی شاہد اور اہل علاقہ محمد سلیم کی مدعیت میں درج کیا گیا ہے ، مقدمہ میں جان سے مارنے کی دھمکیاں ، تشدد ، بلوہ اور ہجوم میں بے عزت کرنے کی دفعات شامل پولیس نے بنگلے سے گارڈ سے سمیت دو افراد کو حراست میں لے رکھا ہے
