01/06/2026
(کم عمر ڈرائیورز کے خلاف مشترکہ آگاہی مہم)🩼🏍️🚘🚨
*اینٹی اسٹریٹ کرائم فورم کراچی کے زیر اہتمام ضلع کورنگی ،لانڈھی سب ڈویژن میں ٹریفک آگاہی مہم کا کامیاب انعقاد*
📣
کراچی: اینٹی اسٹریٹ کرائم فورم کراچی کے زیر اہتمام سب ڈویژن لانڈھی میں ٹریفک آگاہی (Traffic Awareness) اور ٹریفک قوانین کی پاسداری کے حوالے سے ایک کامیاب اور مؤثر پروگرام کا انعقاد کیا گیا۔🤝
پروگرام کا مقصد شہریوں میں ٹریفک قوانین سے متعلق شعور بیدار کرنا، حادثات کی روک تھام اور محفوظ سفر کے فروغ کے لیے عوامی آگاہی فراہم کرنا تھا۔
🖊️
اس موقع پر لانڈھی سب ڈویژن کی حدود میں خصوصی ٹریفک آگاہی کیمپ بھی قائم کیا گیا جہاں شہریوں، موٹر سائیکل سواروں، پبلک ٹرانسپورٹ ڈرائیورز اور نوجوانوں کو ٹریفک قوانین، روڈ سیفٹی اور ذمہ دارانہ ڈرائیونگ کے حوالے سے معلومات فراہم کی گئیں۔
👮🏻♂️
پروگرام کا انعقاد ڈی آئی جی ٹریفک کراچی سید پیر محمد شاہ کی خصوصی ہدایات کے مطابق کیا گیا، جبکہ تقریب میں ایس ایس پی ضلع کورنگی اسرار صاحب، ڈی آئی جی کراچی کے پی آر او سہیل صاحب، سب ڈویژن لانڈھی کے تمام ایس اوز، ایڈیشنل ڈپٹی کمشنر کورنگی سہیل آرائیں صاحب، اسسٹنٹ کمشنر لانڈھی غنی عباس صاحب، ایس ایچ او لانڈھی حمید کھوکھر صاحب سمیت ضلع کورنگی کی مختلف برادریوں کے صدور، جنرل سیکریٹریز، سماجی شخصیات، سیاسی و مذہبی نمائندگان اور شہریوں کی بڑی تعداد نے شرکت کی۔
🤝
فورم کے چیئرمین سید عثمان الحسن ایڈوکیٹ، وائس چئیرمین محمد عمر فاروق قادری و مقررین نے تقریب سے خطاب کرتے ہوئے نے کہا کہ ٹریفک قوانین کی پابندی مہذب معاشروں کی پہچان ہے اور بڑھتے ہوئے ٹریفک حادثات کی روک تھام کے لیے عوامی شعور بیدار کرنا وقت کی اہم ضرورت ہے👉🏻
انہوں نے شہریوں پر زور دیا کہ وہ دورانِ سفر ہیلمٹ کے استعمال، سیٹ بیلٹ باندھنے، اوور اسپیڈنگ سے گریز کرنے اور ٹریفک سگنلز کی پابندی کو اپنی روزمرہ زندگی کا حصہ بنائیں۔
📰
مقررین نے اینٹی اسٹریٹ کرائم فورم کراچی کی جانب سے عوامی مفاد میں ٹریفک آگاہی مہم کے انعقاد کو سراہتے ہوئے کہا کہ ایسے پروگرام نہ صرف شہریوں میں احساس ذمہ داری پیدا کرتے ہیں بلکہ ٹریفک نظم و ضبط کے قیام میں بھی اہم کردار ادا کرتے ہیں۔
✊🏻
اینٹی اسٹریٹ کرائم فورم کراچی کے عہدیداران نے اپنے خطاب میں کہا کہ فورم مستقبل میں بھی ٹریفک پولیس، ضلعی انتظامیہ اور دیگر اداروں کے تعاون سے عوامی آگاہی کے ایسے پروگراموں کا سلسلہ جاری رکھے گا تاکہ شہریوں میں قانون کی پاسداری اور سماجی ذمہ داری کے شعور کو فروغ دیا جا سکے۔
🇵🇰
پروگرام کے اختتام پر مہمانانِ خصوصی، پولیس افسران، انتظامی حکام، برادریوں کے نمائندگان اور شرکاء کا شکریہ ادا کیا گیا اور اس عزم کا اظہار کیا گیا کہ محفوظ اور منظم کراچی کے قیام کے لیے تمام ادارے اور شہری مل کر اپنا کردار ادا کریں گے۔
جاری کردہ:
اینٹی اسٹریٹ کرائم فورم کراچی
مرکزی سیکریٹریٹ
