10/02/2024
السلام علیکم،
امید ہے کہ آپ سب خیریت سے ہوں گے۔ الیکشن کمپین میں تعاون پر سبھی دوستوں، رشتہ داروں، محلے داروں کا بہت بہت شکریہ۔ میری سوشل میڈیا ٹیم کا بہت شکریہ۔ تمام ووٹروں کا بھی شکریہ کہ جنہوں نے بے غرض مجھے ووٹ دیا۔ خاص طور پر میرے اہل خانہ کا شکریہ جو اس تمام عرصے میں پورے صبر واستقامت کے ساتھ میرے ساتھ کھڑے رہے۔ یہ زندگی کا ایک بڑا بھرپور تجربہ تھا۔ یوں کہہ لیں کہ رستہ منزل سے بھی خوبصورت تھا۔ 19 دسمبر 2023 سے 09 فروری 2024 تک شاید ہی کوئی ایسا دن آیا ہوگا کہ جب میں 5-4 گھنٹے سے زیادہ سویا ہوں۔ انشاء اللہ! اس تجربے سے آنے والے دنوں میں میرے علاقے کے لوگ مستفید ہوں گے۔ ہر کام کی ایک ابتداء ہوتی ہے، یہ ہماری ابتداء ہے۔ انشاء اللہ! انتہا کے متعلق ہم نہیں، دنیا بتائے گی۔ ہم الیکشن ہارے ہیں لیکن ہمت نہیں ہارے۔ اللّٰہ تعالیٰ ہم سب کا حامی و ناصر ہو۔ آمین
پاکستان زندہ باد
پاکستان پائندہ باد
زیر تحریر:
جب تک رزلٹ فارم 45 کے مطابق جاری نہیں ہوتے۔ تب تک آپ یہ یاد رکھیں کہ فارم 45 کے مطابق پہلی 5-4 سیاسی جماعتوں کے بعد آزاد امیدواران میں سب سے زیادہ ووٹ آپ کے بھائی نے حاصل کیے ہیں۔
