Bidhan Law Associates

19/05/2024

समान उमेर समूहका र केही निश्चित उमेरको अन्तरालमा मात्रै भएको प्रेम सम्बन्ध र यौन चाहनाका कारण शारीरिक सम्पर्क हुने अवस्थालाई कानूनको यन्त्रवत व्याख्या गरी सजाय निर्धारण गर्न नहुने ।

वैवाहिक जोडी बीचमा आपसी सहमतिमा हुन सक्ने करणी अपराधिक मनसाय नभई सामाजिक मूल्य मान्यता, समाज विकासको आधारभूत पक्ष एवम् शारीरिक आवश्यकता भएकोले विवाहित पति पत्नी बीचको आपसी सहमति र भावनाका साथ भएको शारीरिक सम्पर्कलाई अन्यथा रुपमा हेरी कसूर कायम गर्नु न्यायोचित हुँदैन। विवाह गरी सँगै बस्ने सहमति गर्नु र विवाह गरी सँगैसाथै रहेको अवस्थामा भएको शारीरिक तथा यौनसम्बन्धलाई लिएर जबरजस्ती करणीजस्तो गम्भीर कसूरमा कठोर सजाय गर्नु समेत विवेक सम्मत नहुने ।

०७५-CR-१९१५ वैवाहिक वलत्कार सम्बन्धी फैसला )
https://supremecourt.gov.np/court/public/media/2024_04/1c8dd6976afe515b4dd8e7890ac040b4.pdf

15/04/2024

नेपालमा सम्बन्ध विच्छेद (Divorce) सम्बन्धी पछिल्लो १० वर्षको तथ्यांक :
- २०७० सालमा ३९४ वटा,
- २०७१ मा १३ सय ७५ वटा,
- २०७२ मा १ हजार ६५ वटा,
- २०७३ मा २ हजार २८३ वटा,
- २०७४ मा २ हजार ७७६ वटा,
- २०७५ मा ३ हजार ९३५ वटा,
- २०७६ मा ५ हजार ८४६ वटा,
- २०७७ मा ६ हजार ६४४ वटा,
- २०७८ मा १४ हजार २७९ वटा,
- २०७९ मा १८ हजार ३४० वटा,
- २०८० मा ३७ हजार वटा ।

स्रोत: आर्थिक सर्वेक्षण २०८०/०८१

14/04/2024

सर्वोच्च अदालतको पछिल्लो आदेशले काठमाडौँको ठमेलस्थित छायाँ सेन्टरको भविष्य संकटमा परेको छ । चैत २० गते सर्वोच्चका न्यायाधीशद्वय प्रकाशमान सिंह राउत र कुमार चुडालको संयुक्त इजलासले छायाँ सेन्टर सरकारी जग्गामा बनेको ठहर गरेपछि यसको भविष्य संकटमा परेको हो ।
सर्वोच्चको आदेशमा उक्त कम्प्लेक्स रहेको ६ वटा कित्ता जग्गामध्ये २ कित्ता २०४४ सालसम्म सरकारी रहेको ठहर गरिएको छ । कित्ता नम्बर १६७ र कित्ता नम्बर १०४० को उक्त जग्गा व्यक्तिको नाममा कसरी दर्ता हुन पुग्यो त्यसको विवरण पठाउन गुठी संस्थान र मालपोत कार्यालयको नाममा सर्वोच्चले आदेश जारी गरेको छ । त्यसमध्ये कित्ता नम्बर १६७ को क्षेत्रफल मात्रै १२ रोपनी १३ आना २ पैसा २ दाम रहेको छ ।
२०३३ सालमा भएको नापी र २०३९ सालमा जारी भएको जग्गाधनी पुर्जामा पनि उक्त कित्ता पोखरीको रुपमा नै किटान गरिएको छ । त्यतिबेलाको पुर्जामा जग्गाधनी सिंह सार्थबाहु गुठी लेखिएको छ । गुठी संस्थानमा रहेको २०४२ सालको फिल्डबुकमा पनि पोखरी नै उल्लेख छ ।

२०४४ मंसिर २३ गते सरकारले निर्णय नै गरेर उक्त पोखरी सरकारको नाममा दर्ता गराएको थियो । त्यसयता बनेको जग्गाधनी स्रेस्तामा पनि पोखरी नै उल्लेख छ । उक्त स्रेस्तामा जग्गाधनीको नाम श्री ५ को सरकार उल्लेख छ ।

पछिल्लो समय माग गरेको विवरण गुठी संस्थान र मालपोत कार्यालयबाट माग भएर आएसँगै सर्वोच्चमा अर्को सुनुवाइ हुनेछ । यो क्रममा उक्त जग्गा व्यक्तिको नाममै कायम रहने सम्भावना कम देखिएको कानूनविद्हरू बताउँछन् ।

के हो छायाँ सेन्टर विवाद ?
ठमेलको भगवानबहालमा रहेको झण्डै १५ रोपनी जग्गामा ५ अर्ब रुपैयाँ भन्दा बढीको लगानीमा बनेको कम्प्लेक्स हो छायाँ सेन्टर । नेपाल इन्भेष्टमेन्ट मेगा बैंकका अध्यक्षसमेत रहेका चर्चित व्यवसायी पृथ्वीबहादुर पाँडेको मुख्य लगानी रहेको उक्त कम्प्लेक्स उनकै आमा छायाँदेवी पाँडेको नाममा छायाँ सेन्टर राखिएको हो । कम्प्लेक्समा ६३ जना व्यवसायीको लगानी रहेको जनाइएको छ ।

ठमेलभित्रको ठमेल भनेर ब्राण्डिङ गरिएको उक्त कम्प्लेक्सभित्र पाँचतारे अलफ्ट होटलदेखि कम्प्लेक्समा तीन वटा मल्टिप्लेक्स थिएटरका, ट्राभल एजेन्सी, ब्यांक्वेट हल, सेमिनार हल, रिसेप्सन हल, रेष्टुरेन्ट, क्लबलगायत व्यापारिक संस्थाहरूसमेत रहेका छन् । २०७५ सालमा तत्कालीन संस्कृति पर्यटन तथा नागरिक उड्डयनमन्त्री योगेश भट्टराईले उक्त कम्प्लेक्सको उद्घाटन गरेका थिए ।

निर्माण शुरु हुँदाकै बखतमा उक्त कम्प्लेक्सको वैधानिकताबारे अदालतमा मुद्दा दर्ता भएको थियो । २०७० सालमा निर्माण शुरु गरिएको उक्त भवनको निर्माणविरुद्ध २०७१ सालमै स्थानीय गुठियार तथा अनुसन्धानकर्ता भागवत नरसिंह प्रधानले सर्वोच्चमा मुद्दा दायर गरेका थिए ।

अहिले ९ वर्षपछि पनि यसको मुद्दा अदालतमा विचाराधीन अवस्थामा छ । यद्यपि ९ वर्षको मुद्दामा बादीको मागलाई सहयोग पुग्ने गरी केही ठहरहरू भएका छन् । चैत २० गतेको आदेशले यसलाई थप बल पुर्याएको छ ।

उक्त मुद्दामा वादी प्रधानले उक्त कम्प्लेक्सले ओगटेकोमध्ये १२ रोपनी जग्गा कुनै बेला सिंह सार्थबाहु गुठीको नामको पोखरी रहेको दावी गरेका छन् । २०४४ सालमा सरकारले निर्णय गरेर यो पोखरीलाई सार्वजनिक गरेको उनको दाबी छ । २०५३ सालपछि पाँडे समूहले उक्त जग्गालाई निजी बनाएको देखिन्छ ।

उक्त जग्गा राणा शासनकालमै जग्गा गुठीको नाममा भएको प्रधानको दाबी छ । राणा प्रधानमन्त्री चन्द्रशम्शेरका छोरा केशर शम्शेरले उक्त पोखरी गुठीलाई वार्षिक १२५ रुपैयाँ तिर्ने गरी १९७७ सालमा पोखरी आफ्नो कम्पाउन्डमा पारेका थिए ।

केशरशम्शेरको मृत्युपछि उनका छोरा केयुर शमशेरले पोखरी सुकाएर २०२७ सालदेखि धान रोप्न शुरु गरेका थिए । त्यसरी खेत रोप्न थालेपछि गुठीले उक्त जग्गा आफ्नो भएको र केशर शम्शेरले हडपेको भन्दै फिर्ता गर्न मागसहित तत्कालीन मध्यमाञ्चल क्षेत्रीय अदालतमा मुद्दा हालेको थियो । उक्त मुद्दामा हारे पनि सर्वोच्चमा पुनरावेदनमा जाँदा गुठीले उक्त मुद्दा जितेको थियो ।

अहिले सर्वोच्चमा दायर मुद्दामा प्रधानले उक्त कम्प्लेक्सलाई भत्काएर परम्परागत पोखरीलाई पुरानै अवस्थामा कायम गर्नुपर्ने माग गरेका छन् ।

रास्वपाका नेताको समेत संलग्नता
छायाँ सेन्टरको उक्त जग्गा सरकारी रहेको अदालतको ठहरसँगै राष्ट्रिय स्वतन्त्र पार्टीका नेता सुमनविक्रम पाण्डेसमेत विवादमा तानिएका छन् । उनी हाल छायाँ कम्प्लेक्सका थर्ड म्यान हुन् । मार्केटिङ हेर्ने सञ्चालक सदस्य रहेका उनी छायाँ कम्प्लेक्स निर्माणदेखि नै यो परियोजनामा उनी संलग्न हुँदै आएका थिए । अहिले उनीमाथि अहिले गम्भीर प्रश्न तेर्सिएको छ ।
पाण्डे २०७९ सालमा राष्ट्रिय स्वतन्त्र पार्टीका तर्फबाट नुवाकोट क्षेत्र नम्बर २ का उम्मेदवार थिए । त्यतिबेला मतका आधारमा दोस्रोसमेत भएका थिए ।
उक्त क्षेत्रमा नेपाली कांग्रेसका अर्जुननरसिंह केसी विजयी भए । पछिल्लो समय रास्वपाका नेताहरू एकपछि अर्काे काण्डमा जोडिँदै गर्दा पाण्डे सरकारी जग्गा हडप्ने प्रकरणमा जोडिएका हुन् ।

02/02/2024

चिनियाँ जासुस भएको आरोपमा ‘पक्राउ गरी’ भारतीय प्रहरी हिरासतमा आठ महिना राखिएको एउटा परेवा सफाइपछि रिहा भएको छ ।

'टाइम्स अफ इन्डिया' का अनुसार मुम्बईको एक बन्दरगाहमा पखेटामा ‘चिनियाँजस्तो लिपिमा लेखिएको सन्देश’ सहित याे परेवा समातिएको थियो । शुरुमा प्रहरीले जासुसी गरेको आरोपमा चराविरुद्ध मुद्दा दर्ता गरेको थियो तर अनुसन्धान पूरा भएपछि उनीहरूले आरोप फिर्ता लिएका थिए ।

याे परेवालाई सहरको एक अस्पतालमा थुनेर राखिएको थियो भने प्रहरीले अनुसन्धान गरिरहेको थियो । पिपुल फर द एथिकल ट्रिटमेन्ट अफ एनिमल्स (पेटा) को भारतीय कार्यालयले यो अनुसन्धानमा आश्चर्यजनक आठ महिना लागेको बताएकाे छ ।

पेटा इन्डियाका अनुसार प्रहरीले बुधवार अस्पताललाई परेवा छोड्न औपचारिक अनुमति दिएको छ । स्थानीय सञ्चारमाध्यमका अनुसार याे परेवा स्वस्थ अवस्थामा रिहा भएको छ ।

25/01/2024

प्रतिवादीहरू फरार रहनुको अर्थ निजहरू विरूद्धको अभियोग स्वतः प्रमाणित हुने भन्ने होइन । कुनै पनि कसुर प्रमाणको आधारमा स्थापित हुने वा नहुने न्यायिक मान्यता हो । प्रतिवादी फरार रहँदैमा प्रमाणको भार वादीबाट प्रतिवादीमा स्वतः सर्छ र कसुरदार नै हुन्छ भनी मान्न नमिल्ने । प्रतिवादी फरार रहेकै आधारमा कसुरदार ठहर्‍याउने हो भने न्यायको मान्य सिद्धान्तसमेत पराजित हुन जाने ।

24/01/2024

सदियौंदेखि भोगचलन गर्दै आएको पुर्ख्यौली जग्गा सँधियारले मिचेपछि न्याय पाउने आसमा महीनैपिच्छे तारेख लिन बर्दियादेखि काठमाडौंसम्म साइकल चढेर आउजाउ गर्ने ६५ वर्षे शालिकराज अहिरको कथा-व्यथा।

सदियौंदेखि भोगचलन गर्दै आएको पुर्ख्यौली जग्गा सँधियारले मिचेपछि न्याय पाउने आसमा महीनैपिच्छे तारेख लिन बर्दिय....

05/01/2024

🔎थुनुवा र कैदीको अधिकार सम्वन्धी महत्वपूर्ण जानकारी ↩️
साभारः सर्वोच्च अदालत, न्यायमा पहुँच आयोग, २०७६

04/01/2024

💒अदालती दर्ता बिवाहको आवश्यक कागजात र दर्ता प्रक्रिया

26/12/2023

बच्चा बाबुसँग बस्ने अदालतको फैसला रहेको भए तापनि आमा नै प्राकृतिक संरक्षक हुने - सर्वोच्चको व्याख्या ।

फैसलाको पूर्णपाठका लागि हेर्नुहोस्ःhttps://supremecourt.gov.np/cp/assets/downloads/supreme_246021.pdf

20/12/2023

हार्दिक बधाई तथा शुभकामना ।

सर्वोच्च अदालतमा ६ जना न्यायाधीश नियुक्त भएका छन् । नियुक्त हुनेहरुमा सारंगा सुवेदी, अब्दुल अजिज मुसलमान, महेश शर्मा पौडेल, टेक प्रसाद ढुंगाना, सुनील कुमार पोखरेल र बालकृष्ण ढकाल रहेका छन् । संसदीय विशेष सुनुवाइ समितिबाट अनुमोदन भएसँगै बुधबार राष्ट्रपति रामचन्द्र पौडेलले नियुक्त गरेका हुन् ।

20/12/2023

फौजदारी कानून(Criminal Law) प्रारम्भिक सुनुवाई सम्बन्धी संक्षिप्त जानकारी⚖️🙏

19/12/2023

फरक मिति, समय र जिल्लामा मुद्दा चलाइए तापनि निरन्तर रुपमा कुनै कसूर भएमा दोहोरो खतराको सिद्धान्त लागू भई एकपटक मात्र मुद्दा चलाउन मिल्ने, सर्वोच्चको व्याख्या ।