Өмгөөллийн Түмэн Адвокатс хуулийн фирм - Tumen Advocates Law Firm

09/06/2026

ТАТВАРЫН БОДЛОГЫН ХУВИЛБАР 📄

*️⃣Хувь хүний орлогын албан татварыг 10%-аас бууруулах шаардлагатай гэдэгт олон хүн санал нийлэх нь зүйн хэрэг. Гэхдээ бүх хүний орлогын татварыг ижил 1% болгох нь үнэхээр шударга шийдэл мөн үү?

➡️Татварын шударга тогтолцоо бол бүгд ижил татвартай байх тухай бус, хүн бүрийн бодит орлого, тухайн орлого хэдэн ам бүл, амьдралд зарцуулагдаж байгаагаар нь татварыг үнэлж, шатлалтай тогтоохыг хэлнэ.

➡️Татварын бодлого нь зөвхөн орлогоор тэгшитгэн татварыг ижил тогтоох бус, татвар төлөгч олсон орлогоороо хэдэн ам бүл тэжээж байгаа, аж амьдарлын төлөөх иргэн хүний үүрэг, хариуцлагатай нь харгалзах байдлаар шинэчлэлийг хийх цаг нь болсон. Ж: сард 2 сая төгрөгийн орлоготой ганц бие хүн, мөн 2 сая төгрөгийн орлоготой боловч 4 ам бүл тэжээдэг хүн хоёрын амьдарлын чанар, төлбөрийн чадвар ижил биш. Орлого нь ижил боловч зарцуулалт нь өөр, мөн амьдарлын өмнө хүлээж буй үүрэг, хариуцлага нь ч ялгаатай юм.

🤱🏻Хүүхдээ өсгөх, өндөр настан асрах, хөгжлийн бэрхшээлтэй гэр бүлийн гишүүнээ халамжлах нь зөвхөн тухайн гэр бүлийн дотоод асуудал биш. Энэ бол улсын хүн ам зүйн бодлогод нөлөөлөх ач холбогдолтой, мөн нийгмийн ачааллыг үүрэлцэж буй явдал тул зайлшгүй үнэлэх ёстой зүй ёсны хөдөлмөр юм.

Тиймээс татварыг бууруулахдаа бүх хүнд ижил хэмжээгээр бус, бодит нийгмийн ачаалал үүрч байгаа өрхөд илүү хөнгөлөлтийг чиглүүлэх хувилбарыг Татварын хуулийг хэлэлцэх үед санал гаргаж хэлэлцүүлнэ.

Саналын товч:
▪️ Нийтлэг ХХОАТ-ийн хувь – 5%
▪️ Гэр бүлийн 1 гишүүнээ асран хамгаалдаг бол – 4%
▪️ Гэр бүлийн 2 гишүүнээ асран хамгаалдаг бол – 3%
▪️ Гэр бүлийн 3 гишүүнээ асран хамгаалдаг бол – 2%
▪️ Гэр бүлийн 4 ба түүнээс дээш хүнийг асран хамгаалдаг бол – 1%

Асрахуйн эдийн засгийг татварын бодлогод тусгах анхны оролдлого тул иргэд та бүхэн санаа бодлоо харамгүй хуваалцаарай.🙌🏻

Жич: Зургийг Өөрчлөлтийн төлөөх эмэгтэйчүүд ТББ-с авлаа.
https://www.facebook.com/women4changemongolia

#асрахуйнэдийнзасаг

_____________
Khurelbaatar Baasanjargal

17/01/2026

29/10/2025

10-р сарын 29-нд болох "Улаанбаатар В2В-Хуульчидтай уулзах өдөр" арга хэмжээнд Өмгөөллийн Түмэн Адвокатс хуулийн фирм - Tumen Advocates Law Firm оролцоно.
Өмгөөллийн Түмэн Адвокатс хуулийн фирм - Tumen Advocates Law Firm-ээс мэдээлэл авах, уулзалт хийхээр төлөвлөж байсан бол 10-р сарын 29-ний 15 цагт хүрэлцэн ирж, мэдээлэл авах боломжтой.
Арга хэмжээнд бүртгүүлэх: https://docs.google.com/forms/d/1uqh3pw6fCxkbYxQEkO5JRzpctQk1W3nTTjKMM3VypTk/edit

24/11/2024

Монгол Улсын Үндсэн хуулийн цэцийн 2024 оны 11 дүгээр сарын 22-ны өдрийн Дунд суудлын хуралдаанаар Татварын ерөнхий хуулийн зарим заалт Монгол Улсын Үндсэн хуулийн холбогдох заалтыг зөрчсөн эсэх маргааныг хянан хэлэлцлээ.

Үндсэн хуулийн цэцийн энэхүү хуралдаанаас Татварын ерөнхий хуулийн 13 дугаар зүйлийн 13.4 дэх хэсэгт “Татвар төлөгч нь татварын хууль тогтоомжийг зөрчсөн бөгөөд хууль тогтоомжид заасан хугацаанд зөрчлөө арилгаагүй, нэг зөрчлийг гурав болон түүнээс дээш удаа давтан гаргасан, эсхүл эрэн сурвалжлагдаж байгаа татвар төлөгчийн талаар татварын алба татвар төлөгчийн зөвшөөрөлгүйгээр нийтэд мэдээлж болно.” гэж заасны “Татвар төлөгч нь татварын хууль тогтоомжийг зөрчсөн бөгөөд хууль тогтоомжид заасан хугацаанд зөрчлөө арилгаагүй, нэг зөрчлийг гурав болон түүнээс дээш удаа давтан гаргасан ...” гэсэн нь Монгол Улсын Үндсэн хуулийн Арван зургадугаар зүйлийн 13 дахь заалтад “халдашгүй, чөлөөтэй байх эрхтэй. Хуульд заасан үндэслэл, журмаас гадуур дур мэдэн хэнийг ч ... эрх чөлөөг нь хязгаарлахыг хориглоно. ...” гэж заасныг зөрчсөн болохыг тогтоон, тус заалтыг 2024 оны 11 дүгээр сарын 22-ны өдрөөс түдгэлзүүлэхээр шийдвэрлэж Цэц 2024 оны 04 дүгээр дүгнэлтийг гаргасан.

Түүнчлэн Татварын ерөнхий хуулийн 34 дүгээр зүйлийн 34.4.1 дэх заалтад “татвар төлөгчийн дансны мэдээлэл болон уг данстай холбоотой эзэмшигчийн талаарх мэдээллийг татварын албаны шаардсанаар тухай бүр;”, 34.4.3 дахь заалтад “татвар төлөгчийн дансны гүйлгээний мэдээллийг татварын албанаас бичгээр, эсхүл цахим хэлбэрээр гаргасан хүсэлтийг үндэслэн.” гэж тус тус заасан нь Үндсэн хуулийн Арван зургадугаар зүйлийн 13 дахь заалтыг зөрчөөгүй байна гэж шийдвэрлэлээ.

https://constitutionalcourt.mn/?p=3987

18/01/2024

Онцгой байдлын Аврагч офицер, ахлагч залууст төрийн албатай холбоотой багц хуулиудаар сургалт орлоо.
ЭРЭЛХЭГ ЗАЛУУСТ АЛБАНД НЬ АМЖИЛТ ХҮСЬЕ!
Нийслэлийн Аврах тусгай анги. 2024.01.18

21/11/2023

Монгол улсад согтуугаар тээврийн хэрэгсэл жолоодоход 400,000₮ байдаг атлаа приусээр таксинд явбал 5,000,000₮ -р иргэнээ торгох юм гэнэ үү🤔
(Утаа, түгжрэлийг бууруулах яаралтай горимоор багц хууль)

10/07/2023

🇲🇳САЙХАН НААДААРАЙ🇲🇳

Тулгар төрийн 2232, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ой Үндэсний их баяр наадмын мэндийг өргөн дэвшүүлье!

16/06/2020

Үндсэн Хуулийн Цэцийн 2018.01.31 өдрийн хуралдаан.
МОНГОЛ УЛСЫН ҮНДСЭН ХУУЛИЙН НЭРИЙН ӨМНӨӨС ДҮГНЭЛТ ГАРГАХ нь:
... Монгол Улсын батлан хамгаалах тухай хуулийн 12 дугаар зүйлийн 12.1.5 дахь заалтад “дайн бүхий байдал, дайны байдал зарласан тохиолдолд Монгол Улсын зэвсэгт хүчний ерөнхий командлагчийн хэрэгжүүлэх бүрэн эрхийг хуулиар тогтоох;” гэж хуульчилсан нь Үндсэн хуулийн Хорьдугаар зүйлийн “Монгол Улсын Их Хурал бол төрийн эрх барих дээд байгууллага мөн бөгөөд хууль тогтоох эрх мэдлийг гагцхүү Улсын Их Хуралд хадгална.” гэснийг зөрчсөн байна.