23/09/2026
တိုက်ခန်းဝယ်ဖို့ ကြိုးစားနေသူများ၊ တွန့်ဆုတ်နေသူများ ဗဟုသုတ ရရှိစေရန်
🙏🙏🙏🙏🙏🙏🙏
ပြန်လည် ကူးယူဖော်ပြပေးလိုက်ပါတယ်။🩷🩷🩷
အိမ်ခြံမြေ ဝယ်ပြီးမှ BCC မပါလို့ စိတ်ပူနေကြသူများနဲ့ ဝယ်ဖို့ တွန့်ဆုတ်နေသူများအတွက် တိုက်ခန်းအမျိုးအစား ၃ မျိုးရဲ့ တရားဝင်မှု အခြေအနေကို အတိုချုံး ရှင်းပြပေးလိုက်ပါတယ်။
၁။ ဒဏ်ကြေးတိုက် (Without တိုက်) ❌
အခြေအနေ: ဂရံမြေမဟုတ်ဘဲ YCDC ခွင့်ပြုမိန့်မရှိဘဲ မိမိသဘောဖြင့် ဆောက်ထားခြင်း။
တရားဝင်မှု: YCDC က တရားစွဲပြီး ဒဏ်ရိုက်ထားသော်လည်း တရားမဝင်ပါ။ တရားသူကြီး ဆုံးဖြတ်ချက်မှာ ပြန်ဖျက်ခိုင်းလေ့ရှိပါတယ်။
သုံးသပ်ချက်: ဘယ်တော့မှ တရားမဝင်သလို နေထိုင်ခွင့်နှင့် တရားဝင်မီတာ လျှောက်ခွင့်လည်း မရှိပါ။
၂။ ဘုတ်စိမ်းတိုက် 🟢
အခြေအနေ: ဂရံမြေ (သို့) အရပ်စာချုပ်မြေပေါ်တွင် YCDC ခွင့်ပြုမိန့်ဖြင့် ဆောက်သော (၃ ထပ်ခွဲ / ၅ ထပ်) တိုက်များ ဖြစ်ပါတယ်။
တရားဝင်မှု: YCDC ၏ ဥပဒေအရ BCC လျှောက်ထားရန် မလိုသည့် အမျိုးအစားဖြစ်၍ BCC ပြစရာ မလိုပါ။
သုံးသပ်ချက်: တရားဝင် နေထိုင်၊ ရောင်းဝယ်နိုင်ပြီး အခန်းတိုင်း တရားဝင် မီတာ ရရှိပါတယ်။
(⚠️ မှတ်ချက် - ယခုအခါ ၄င်းအဆောက်အဦးမျိုး ဆောက်လုပ်ရန် ခွင့်မပြုတော့ပါ။)
၃။ BCC ပါသောတိုက် 💯
အခြေအနေ: ဂရံမြေပေါ်တွင် YCDC ခွင့်ပြုမိန့်ဖြင့် စနစ်တကျ ဆောက်လုပ်ထားသော တိုက်များ။
တရားဝင်မှု: တိုက်ပြီးပါက YCDC မှ လူနေထိုင်ခွင့်လက်မှတ် (BCC) တရားဝင် ထုတ်ပေးပါတယ်။
သုံးသပ်ချက်: အခိုင်မာဆုံး အမျိုးအစားဖြစ်ပြီး တရားဝင် မီတာရရှိခြင်း၊ နေ/ရောင်း/ငှား ပြုလုပ်နိုင်ခြင်းအပြင် ဘဏ်ချိတ်ဖြင့်ပါ ဝယ်ယူနိုင်ပါတယ်။
မိမိဝယ်ယူမည့် တိုက်ခန်း၏ တရားဝင် ခိုင်မာမှုကို သေချာစိစစ်ပြီးမှ ဝယ်ယူကြဖို့ တိုက်တွန်းချင်ပါတယ်။
