Oval Legal Consultancy & Translation Company Ltd

25/01/2026

"စီးသည့်ရေ ဆည်သည့်ကန်သင်း" — ဇနီးသည်က အိမ်မှာပဲနေတာ၊ ခင်ပွန်းရှာသမျှ ပစ္စည်းတွေအပေါ်မှာ တစ်ဝက်ပိုင်ခွင့် ရှိပါသလား? 🤔📑
💏
​မြန်မာ့ဓလေ့မှာ အိမ်ထောင်ပြုတယ်ဆိုတာ ဘဝချင်းတင်မက ပိုင်ဆိုင်မှုချင်းပါ ပေါင်းစပ်လိုက်တာပါ။ အခြားဘာသာဝင်တွေနဲ့မတူဘဲ မြန်မာဗုဒ္ဓဘာသာဝင်တွေမှာ လင်ပိုင်ရင် မယားပိုင်၊ မယားပိုင်ရင် လင်ပိုင်တဲ့ "အတူပိုင်ဆိုင်ခွင့်" ဆိုတာ ရှိပါတယ်။
​၁။ အိမ်ထောင်မပြုခင်က ပစ္စည်းတွေ ဘာဖြစ်မလဲ? (ပါရင်း နှင့် အထက်ပါ)
​ပါရင်းပစ္စည်း: အိမ်ထောင်ပြုတဲ့အခါ ပါလာတဲ့ပစ္စည်းကို ကျန်တစ်ဦးက (၁/၃) သုံးပုံတစ်ပုံ အကျိုးခံစားခွင့် ရှိလာပါတယ်။
​အထက်ပါပစ္စည်း: အိမ်ထောင်ဟောင်းက ပါလာရင်တော့ အသက်ရှင်စဉ်မှာ နှစ်ဦးပိုင်မဖြစ်ပေမယ့်၊ ကွယ်လွန်တဲ့အခါမှာတော့ အမွေဆက်ခံခွင့် ရှိပါတယ်။
​၂။ ရှာသူနှင့် ထိန်းသူ၏ တန်ဖိုး (နိဿယ နှင့် နိဿိတ)
အိမ်ထောင်တစ်ခုမှာ ခင်ပွန်းကပဲ ရှာဖွေပြီး ဇနီးက အိမ်မှုကိစ္စပဲ လုပ်နေရတယ်ဆိုပါစို့။ ဥပဒေအရ "ရှာသူက ပိုရရမယ်" လို့ ထင်စရာရှိပေမယ့် စီရင်ထုံးတွေကတော့ အင်မတန် ရသမြောက်ပါတယ်။
​"စီးသည့်ရေ ဆည်သည့်ကန်သင်းပမာ စီးပွားရှာရသူက ရှာပြီး အိမ်ထောင်ထိန်းသိမ်းသူက ထိန်းသိမ်းမှ စုဆောင်းမိမည်ဖြစ်၍... လင်နှင့်မယား အညီအမျှ အကျိုးခံစားခွင့်ရှိသည်" ဟု (မခင် နှင့် မောင်ဖိုးစိန်၊ ၆၊ ရန်ကုန် ၁) အမှုမှာ ဆုံးဖြတ်ခဲ့ပါတယ်။
​၃။ အခြားဘာသာဝင်နှင့် လက်ထပ်ထားလျှင်ကော?
ဗုဒ္ဓဘာသာဝင် အမျိုးသမီးတစ်ဦးဟာ အခြားဘာသာဝင် အမျိုးသားတစ်ဦးနဲ့ လက်ထပ်ထားရင်တောင် ၁၉၅၄ ခုနှစ် အထူးထိမ်းမြားမှုအက်ဥပဒေ (ပုဒ်မ ၂၆) အရ မိမိတို့ရဲ့ အမွေဆက်ခံမှုကိစ္စတွေကို မြန်မာ့ဓမ္မသတ်အတိုင်းပဲ ဆုံးဖြတ်ရမှာဖြစ်လို့ အမျိုးသမီးတွေအတွက် အကာအကွယ် အပြည့်ရှိပါတယ်။ (ဒေါ်စောရင် နှင့် မောင်ကြည် စီရင်ထုံး)
​
မြန်မာ့ဥပဒေဟာ ဇနီးသည်တွေရဲ့ အိမ်တွင်းမှုလုပ်ငန်းဆောင်တာတွေကို "တန်ဖိုးမဲ့" လို့ မသတ်မှတ်ဘဲ ခင်ပွန်းနဲ့အညီ တန်ဖိုးထားပေးထားတာဟာ ဂုဏ်ယူစရာ ဓလေ့တစ်ခုပဲ ဖြစ်ပါတယ်။

​📑 ကိုးကားချက်များ:
​ဦးမြစိန် (၂၀၁၁)၊ မြန်မာ့ဓလေ့ထုံးတမ်းဥပဒေ အခြေခံမူများ။
​တရားမစီရင်ထုံးများ (မခင် နှင့် မောင်ဖိုးစိန်၊ ချစ်တီးကုန်တိုက် နှင့် မပု၊ ဒေါ်စောရင် နှင့် မောင်ကြည်)။
အိမ်​ထောင်​ရေးပစ္စည်းခန်းနှင့်စပ်လျဥ်း၍ အခြားသိလိုသည်များကိုလည်း ဆက်သွယ်​မေးမြန်းနိုင်ပါတယ်။
👇👇
Ovallegal
Ph- 09450542734
​ #မြန်မာ့ဓလေ့ထုံးတမ်းဥပဒေ #အိမ်ထောင်ရေးနှင့်ဥပဒေ #စီရင်ထုံး

20/01/2026

ဥပဒေ၏ ချိန်ခွင်လျှာနှင့် ရက်ပေါင်း (၃၀) ၏ ကံကြမ္မာ" ⚖️🍂
​
"ကျွန်တော် ငွေပေးဖို့ အဆင်သင့်ပါပဲ၊ ၃ ရက်လေးပဲ နောက်ကျသွားတာပါ..." ဆိုသည့် တိုးလျှိုးသံသည် တရားရုံး၏ အေးစက်သော နံရံများရှေ့တွင် ပဲ့တင်ထပ်ရုံမျှသာ ရှိခဲ့သည်။ ဥပဒေ၏ ကမ္ဘာတွင် တစ်ခါတစ်ရံ၌ 'အချိန်' သည် နှလုံးသွေးထက်ပင် အရေးပါနေတတ်သည်ကို ထိုသူတို့ သိရှိသွားချိန်တွင်တော့ အရာအားလုံး နောက်ကျခဲ့ပြီ ဖြစ်သည်။
​စိတ်ကူးကြည့်လိုက်ပါ... သင့်မိသားစု မျိုးဆက်ပေါင်းများစွာ သွေးချွေးနှင့် ရင်းနှီးတည်ဆောက်ခဲ့သော၊ အမှတ်တရများစွာ ခိုအောင်းနေသည့် " ဧည့်ရိပ်မွန်" ကြီးသည် သူစိမ်းတစ်ယောက်၏ လက်ထဲသို့ လေလံဖြင့် ပါသွားခဲ့ပြီ။ သင်က ဒီကရီကျငွေ အပြည့်အဝဖြင့် ပြန်ရွေးရန် အသင့်ရှိနေပါလျက်နှင့် "၃ ရက်လေး" နောက်ကျသွားခြင်းကြောင့် ထိုအိမ်ကြီးကို ထာဝရ လက်လွှတ်လိုက်ရမည်ဆိုလျှင်... သင် ဘယ်လောက်တောင် ရင်ထုမနာ ဖြစ်ရမလဲ။ 💔
​ဒါဟာ ပုံပြင်မဟုတ်ပါဘူး။ ဥပဒေ၏ အရှိတရားကို မီးမောင်းထိုးပြနေသည့် တကယ့်ဖြစ်ရပ်မှန် စီရင်ထုံးတစ်ခု ဖြစ်ပါသည်။📜✨
​📌 လေလံစင်မြင့်ထက်က ဝမ်းနည်းဖွယ်နိဂုံး📝
​မြန်မာပြည် အောက်ပိုင်း မြို့တစ်မြို့ရှိ ထင်ရှားသော "ဧည့်ရိပ်မွန်" ပိုင်ရှင်များသည် စီးပွားရေး အလှည့်အပြောင်းကြောင့် ဘဏ်တွင် ပစ္စည်းပေါင်နှံခဲ့ရသည်။ ကံမကောင်းစွာဖြင့် အကြွေးမဆပ်နိုင်သည့်အခါ တရားရုံးက အပေါင်ဒီကရီအရ ထိုရိပ်မွန်ကို လေလံတင်ခဲ့သည်။
​လေလံအောင်သည့်နေ့: ၁၇-၈-၀၆ (ကျပ်သိန်း ၁၂၀၀ ဖြင့်) 💰
​ပြန်လည်လျှောက်ထားသည့်နေ့: ၂၀-၉-၀၆ (၃၃ ရက်မြောက်နေ့) 🕜
​ပိုင်ရှင်များက "လေလံကို ပယ်ဖျက်ပေးပါ၊ ပေးရန်ရှိသည်များကို အကုန်သွင်းပြီး ပြန်ရွေးပါရစေ" ဟု တရားရုံးချုပ်အထိ အဆင့်ဆင့် တိုက်ပွဲဝင်ခဲ့သော်လည်း ဥပဒေ၏ အေးစက်သော စီရင်ချက်က သူတို့ကို စောင့်ကြိုနေခဲ့ပါသည်။

​⚖️
​၁။ ⏰ တစ်ရက်သည် တစ်သက်စာ ဆုံးရှုံးမှု ဖြစ်နိုင်သည်
လေလံတင်ရောင်းချခြင်းကို ပယ်ဖျက်ရန် လျှောက်ထားရာတွင် ကာလစည်းကမ်းသတ်ဥပဒေ ပုဒ်မ ၁၆၆ အရ ရက်ပေါင်း ၃၀ အတွင်း အမီလျှောက်ထားရမည် ဖြစ်သည်။ တရားရုံးချုပ်က ရှေးယခင်စီရင်ထုံး (6 Rangoon 498) ကို ကိုးကားလျက် ပြတ်သားစွာ မိန့်ကြားခဲ့သည်မှာ -
​"A day's delay... cannot be disregarded (လျှောက်လွှာတင်ရန် တစ်ရက်ကလေး နောက်ကျခြင်းကိုပင် ဥပဒေအရ လျစ်လျူရှု၍ မရနိုင်)" 🚫
​၃ ရက်မျှ နောက်ကျခြင်းသည် ဥပဒေရှေ့မှောက်တွင် မိမိ၏ အခွင့်အရေးကို ထာဝရ ဆုံးရှုံးစေရန် လုံလောက်သော အကြောင်းပြချက် ဖြစ်သွားခဲ့ရပါသည်။
​၂။ 💰 "စကားလုံး" ထက် "လက်တွေ့အလုပ်" ကိုသာ ဥပဒေက ကြည့်သည်
တရားမကျင့်ထုံးဥပဒေ အမိန့် ၃၄၊ နည်း ၃ (၂) အရ အပေါင်ပစ္စည်း ပြန်ရွေးချင်လျှင် "ငွေသွင်းပါရစေ" ဟု အရင်လျှောက်ထားရုံဖြင့် မလုံလောက်ပါ။ ဒီကရီကျငွေ၊ တရားစရိတ်နှင့် လေလံအောင်သူအတွက် နစ်နာကြေး ၅% ကို တရားရုံးသို့ အရင်ဦးဆုံး လက်ရောက်ပေးသွင်းပြီးမှသာ "လေလံပယ်ဖျက်ပေးပါ" ဟု လျှောက်ထားရမည် ဖြစ်သည်။ ငွေမသွင်းဘဲ စာရွက်ပေါ်တွင် လျှောက်နေခြင်းသည် ရေပေါ်မှာ ရုပ်ပုံရေးသကဲ့သို့ အကျိုးမဲ့လှပါသည်။ 💵🏛️
​💡 ဥပဒေကပေးသော သင်ခန်းစာ ✨
​"ဥပဒေဆိုသည်မှာ နိုးကြားသူတို့ကိုသာ ကာကွယ်ပေးတတ်ပြီး၊ အိပ်ပျော်နေသူတို့ကိုမူ ကာကွယ်ခြင်းမပြု" ဟူသော လက်သုံးစကားသည် ဤအမှုတွင် အသက်ဝင်လှသည်။
​သင့်တွင် ရပိုင်ခွင့်များ ရှိနေနိုင်သော်လည်း ထိုရပိုင်ခွင့်ကို အသုံးချရန် "မှန်ကန်သော အချိန် (Time)" နှင့် "မှန်ကန်သော နည်းလမ်း (Procedure)" တို့ မရှိခဲ့လျှင် သိန်းထောင်ချီတန်သော ပိုင်ဆိုင်မှုများသည်လည်း လေထဲမှ ရုပ်အိမ်ကဲ့သို့ ပျက်စီးသွားနိုင်ကြောင်း ဤစီရင်ထုံးက သတိပေးနေပါသည်။ မိမိ၏ ရပိုင်ခွင့်ကို ကာကွယ်ရန် ဥပဒေကို မျက်ခြေမပြတ် စောင့်ကြည့်ဖို့ လိုအပ်လှပါသည်။ 🌬️🏠
​📖 အကိုးအကား (Reference):
🔹 ၂၀၀၇ ခုနှစ်၊ တရားမအထူးအယူခံမှုအမှတ် ၂၂
🔹 တရားမကျင့်ထုံးဥပဒေ အမိန့် ၂၁၊ နည်း ၈၉
🔹 တရားမကျင့်ထုံးဥပဒေ အမိန့် ၃၄၊ နည်း ၃ (၂) ခြွင်းချက်
🔹 ကာလစည်းကမ်းသတ်ဥပဒေ ပုဒ်မ ၁၆၆
​မိမိတို့၏ ပိုင်ဆိုင်မှုများကို ဥပဒေနှင့်အညီ မှန်ကန်စွာ ကာကွယ်နိုင်ကြပါစေ။ ဗဟုသုတအဖြစ် Share ပေးနိုင်ပါတယ်ခင်ဗျာ။ 🔄⚖️
​ #ဥပဒေဗဟုသုတ #စီရင်ထုံး #အပေါင်ပစ္စည်း #လေလံ #သုတရသ #ဒီကရီကျငွေ

15/01/2026

ဟန်​ဆောင်စာချုပ်​ကြောင့် ဆုံးရှုံးသွား​သော သိန်းရာချီသည့်​ချေး​ငွေများ

အမှု၏ အကျဉ်းချုပ်-
------------------------
👱‍♀️တရားလို (ဒေါ်ညွန့်ကြည်) က အိမ်နဲ့မြေ ဝယ်ဖို့ စရန်ငွေ ၁၆၀ သိန်း ပေးထားတယ်။ ရောင်းသူက စာချုပ်အတိုင်း မလုပ်ပေးလို့ စရန်ငွေရဲ့ နှစ်ဆ (၃၂၀ သိန်း) ပြန်ရလိုမှု နဲ့ တရားစွဲပါတယ်။

🙅‍♂️တရားရှုံး (ဒေါ်မြမြစန်း ပါ ၂) က ဒါဟာ တကယ်အရောင်းအဝယ်လုပ်တာ မဟုတ်ဘူး။ ပိုက်ဆံ (၁၂၀ သိန်း) ချေးထားလို့ အာမခံအနေနဲ့ ဟန်ဆောင်စာချုပ်ချုပ်ထားတာ။ စရန်ငွေလည်း တစ်ပြားမှ မရခဲ့ဘူး" လို့ ထုချေပါတယ်။

⚖️ တရားရုံးအဆင့်ဆင့်၏ ဆုံးဖြတ်ချက်
------------------------------------------------
၁။ ခရိုင်တရားရုံး (မူလရုံး) က တရားလိုဘက်ကို အနိုင်ပေးပြီး စရန်ငွေနဲ့ လျော်ကြေး သိန်း ၂၀၀ ပေးစေလို့ အမိန့်ချပါတယ်။

၂။ တိုင်းဒေသကြီးတရားလွှတ်တော်: အရောင်းအဝယ်စာချုပ်ဟာ ဟန်ဆောင်စာချုပ် ဖြစ်လို့ ပျက်ပြယ်တယ်" လို့ ဆုံးဖြတ်ပါတယ်။ ဒါပေမဲ့ တရားရှုံးက ၁၂၀ သိန်း ချေးထားတယ်လို့ ဝန်ခံထားတဲ့ အတွက် တရားမကျင့်ထုံးဥပဒေ အမိန့် ၁၂၊ နည်းဥပဒေ ၆ အရ "ဝန်ခံချက်အရ" ၁၂၀ သိန်းကို တရားလို အား ပြန်ပေးစေလို့ အမိန့်ပြင်လိုက်ပါတယ်။

၃။ ပြည်ထောင်စုတရားလွှတ်တော်ချုပ် (နောက်ဆုံးအဆင့်) က တိုင်းတရားလွှတ်တော်ရဲ့ အမိန့်ကို ပယ်ဖျက်ပြီး တရားလို၏ အမှုကို လုံးဝ (လုံးဝ) ပလပ် (Dismiss) လိုက်ပါတယ်။
________________________________________
💡 ဤစီရင်ထုံး၏ အရေးကြီးသော ဥပဒေသ
-------------------------------------------------
၁။ အမှုအမျိုးအစား မတူလျှင် ဒီကရီချပေး၍မရပါ "အရောင်းအဝယ် စရန်ငွေပြန်ရလိုမှု" နှင့် "ချေးငွေပြန်ရလိုမှု" သည် ဥပဒေအရ အကြောင်းခြင်းရာ လုံးဝမတူပါ။ တရားလိုက အရောင်းအဝယ် အမှုအဖြစ် စွဲဆိုထားပြီးမှ အမှုထဲတွင် ချေးငွေဖြစ်ကြောင်း ပေါ်ပေါက်လာရုံဖြင့် ထိုချေးငွေအတွက် အနိုင်ဒီကရီ ချပေး၍ မရပါ။

၂။ ဝန်ခံချက် (Admission) ၏ အကန့်အသတ် တရားမကျင့်ထုံး အမိန့် ၁၂၊ နည်းဥပဒေ ၆ အရ "ဝန်ခံချက်အရ ဒီကရီချမှတ်ပေးခြင်း" ဆိုသည်မှာ စွဲဆိုထားသော အမှု၏ အကြောင်းခြင်းရာပေါ်တွင် ဝန်ခံမှသာ အကျုံးဝင်ပါသည်။ အရောင်းအဝယ်အမှုတွင် "ချေးထားတာပါ" ဟု ဝန်ခံခြင်းသည် အမှု၏ အခြေခံအကြောင်းရင်းကို ငြင်းဆိုခြင်းဖြစ်သဖြင့် ထိုဝန်ခံချက်အပေါ် မူတည်၍ အနိုင်ပေး၍ မရနိုင်ပါ။

၃။ ဟန်ဆောင်စာချုပ်၏ အကျိုးဆက် အမှန်တကယ် ချေးငွေဖြစ်ပါလျက် အိမ်ခြံမြေ အရောင်း အဝယ်စာချုပ်အဖြစ် ဟန်ဆောင်ချုပ်ဆိုခြင်းသည် ဥပဒေရှေ့မှောက်တွင် အကာအကွယ်မရနိုင်ပါ။ စာချုပ်သည် ဟန်ဆောင်စာချုပ်ဖြစ်ကြောင်း ပေါ်ပေါက်ပါက ထိုစာချုပ်မှာ အစကတည်းက ပျက်ပြယ် ပါသည်။
________________________________________
✅ လူထုအတွက် သင်ခန်းစာ
✍️ချေးငွေကို အရောင်းအဝယ်စာချုပ်ဖြင့် မချုပ်ပါနှင့်: ပိုက်ဆံချေးလျှင် ချေးငွေစာချုပ် (သို့မဟုတ်) အပေါင်စာချုပ်ကိုသာ တရားဝင်ချုပ်ဆိုပါ။
✍️အမှုစွဲလျှင် တိကျပါစေ: မိမိရလိုသည်မှာ "ချေးငွေ" လား "စရန်ငွေ" လား ဆိုသည်ကို အစကတည်းက မှန်ကန်စွာ စွဲဆိုရပါမည်။ အရောင်းအဝယ်အမှုအဖြစ် စွဲဆိုပြီးမှ ချေးငွေအဖြစ် အနိုင်ရလို၍ မရနိုင်ကြောင်း သတိပြုရန် ဖြစ်ပါသည်။

👩‍🦳နိဂုံးချုပ်: တရားလိုသည် ချေးငွေ ၁၂၀ သိန်း တကယ်ရရန် ရှိနေသော်လည်း "အရောင်းအဝယ်အမှု" အဖြစ် မှားယွင်းစွဲဆိုခဲ့ခြင်းနှင့် စာချုပ်မှာ ဟန်ဆောင်ဖြစ်နေခြင်းတို့ကြောင့် နောက်ဆုံးတွင် တစ်ပြားမှ မရဘဲ အမှုရှုံးသွားခြင်း ဖြစ်ပါသည်။

✍️စီရင်ထုံးအညွှန်း - ၂၀၂၂ ခုနှစ်၊ မြန်မာနိုင်ငံတရားစီရင်ထုံး၊ စာမျက်နှာ (၁၇-၃၈)

အထက်ပါစီရင်ထုံးအား အကျဥ်းချုပ်ပြီး လူအများအလွယ်ဖတ်ရှုသိရှိနိုင်ရန်အတွက် ​ရေးသား​​ပေးခြင်းဖြစ်ပါ​ကြောင်း။
AKL

08/01/2026

2/2026

04/01/2026

💞ယခင်ကထက် လိုအပ်ချက်​တွေပိုများလာတဲ့ နိုင်ငံခြားသားနဲ့ မြန်မာအမျိုးသမီး ထိမ်းမြားလက်ထပ် ကျမ်းကျိန်လွှာ။ 💞
✍️သက်ဆိုင်ရာနိုင်ငံသံရုံး​ထောက်ခံချက်ရဖို့ ဘယ်လို​ဆောင်ရွက်ရမလဲ။ ဒီအချက်က လက်ထပ်ဖို့ရန်အတွက် အဓိကလိုအပ်ချက်ပါ။ ဒါနဲ့ပတ်သက်လို့ သိချင်တာရှိရင် free ဆက်သွယ်​မေးမြန်းနိုင်ပါတယ်။

26/12/2024

👉ပစ္စည်းလွှဲပြောင်းရေးဥပဒေပုဒ်မ ၅၄
အရ ရောင်းချခြင်းဆိုသည်မှာ ပိုင်ဆိုင်မှု
ကိုလွှဲပြောင်းခြင်းဖြစ်၍ --
မရွှေ့မပြောင်းနိုင်သော ပစ္စည်းကို ဝယ်သူက ရောင်းသူအပေါ် လက်ရောက်ရလိုကြောင်း သို့မဟုတ် ရောင်းဖိုးငွေနှင့် နစ်နာကြေးရလိုကြောင်း စွဲဆိုမှုတွင် ရောင်းသူသည် အဆိုပါပစ္စည်းအပေါ် တရားဝင်ပိုင်ဆိုင်မှုမရှိကြောင်း ပေါ်ပေါက်နေပါလျှင် ပစ္စည်းလက်ဝယ် ရထိုက်ခွင့်ရှိကြောင်း ဒီကရီကို 🏛ချမှတ်နိုင်မည်မဟုတ်ပေ။

26/12/2024

ယစ်မျိုးလိုင်စင်အမျိုးအစား

Credit - ဦးမောင်မောင်ညွန့်

25/12/2024

Merry Christmas to you all !!! 🎄💝

We, Oval Legal, wish you all the best.🎁🎉🤗

22/12/2024

အိမ်ခြံေမြ ဝယ်ယူရာတွင် အခွန်ဆောင်မည့်သူများအတွက် ( ၂၀၂၄-၂၀၂၅-ခုနှစ် ) တန်ဖိုးဖြတ် ( ရာဖြတ်နှုန်းထား )

👉ရာဖြတ်တင်ရာမှာ အောင်ပါစာရွက်စာတမ်းများလိုအပ်ပါတယ်--

(က) ၄ - လအတွင်း ချုပ်ဆိုထားသော အရောင်း အဝယ်စာချုပ် (မူရင်းနှင့်မိတ္တူ)

(ခ) ၁-နှစ် အတွင်း ရေးဆွဲထားသော ရောင်း/ဝယ်အတွက် ေမြစာရင်းပုံစံ (၁၀၅/၁၀၆)။

(ဂ) မြေငှားစာချုပ်(ဂရန်)မူရင်း (သို့) မြေပိုင်မြေ၊ ဘိုးဘပိုင်ေမြဖြစ်လျှင် မှတ်ပုံတင် ဆက်စပ်စာချုပ်များ။

(ဃ) ရှေ့/နောက်/ညာ မြေကွက်ဓာတ်ပုံ(၁)စုံ။

(င) ရောင်းသူ၊ ဝယ်ယူသူ၊ အသိသ်သေတို့၏ အိမ်ထောင်စုစာရင်းနှင့်နိုင်ကတ်မိတ္တူ။ (ယခုနောက်ပိုင်း ရောင်းသူ၊ဝယ်သူနိုင်ကတ်နဲ့အိမ်ထောင်စုစာရင်းမူရင်းတင်ပြရပါတယ်)

(စ) က၊ခ၊ဂ၊ဃ၊င ပါစာရွက်စာတမ်းမိတ္တူ(၃)စုံကို ရာဖြတ်ရုံသတ်မှတ်လျှောက်လွှာပုံစံနဲ့အတူ တင်ပြရပါတယ်။

19/12/2024

To attend the Legal Translation Commission Meeting.

16/12/2024

👉မြန်မာဗုဒ္ဓဘာသာ အမျိုးသားနှင့် အမျိုးသမီးတို့သည် အိမ်ထောင်ပြုလိုက်သည်နှင့် တပြိုင်နက် အခြား ဘာသာဝင် များနှင့်မတူပဲ ပစ္စည်းခန်း၌ လင်ပိုင်သည့် ပစ္စည်းတွင် မယားပိုင်ဆိုင်ခွင့် ရှိသကဲ့သို့ မယားပိုင်ဆိုင် သော ပစ္စည်း တွင်လည်း လင်ကပိုင်ဆိုင်ခွင့်ရှိသည့် အတူပိုင်ဆိုင် ကြသူများ ဖြစ်ကြသည်။

ထိုသို့အတူ ပိုင်ဆိုင်ကြသူများ ဖြစ်သောကြောင့် မည်သည့်ပစ္စည်း များသည် လင်မယားတို့နှင့် သက်ဆိုင် ပြီး အကျိုးခံစား ခွင့် ရှိကြောင်းကို ဆက်လက်ဖော်ပြပါမည်။

အောက်ဖော်ပြပါ အင်္ဂါရပ်အမျိုးအမည်များတွင် မြန်မာ ဗုဒ္ဓဘာသာ လင်နှင့်မယားတို့ အကျိုးခံစားခွင့် ရှိကြ သည်။ ၎င်းတို့မှာ-👇👇
၁။ ပါရင်း
၂။ အထက်ပါ
၃။ ခန်းဝင်
၄။ သာမန်လက်ထက်ပွား
၅။ နှစ်ပါးစုံ
၆။ အမွေရလက်ထက်ပွား တို့ဖြစ်ကြသည်။

၁။ ပါရင်း
‐---------------------
ပါရင်းဆိုသည်မှာ ငယ်လင်၊ငယ်မယားဖြစ်ကြသည့် အိမ်ထောင်ဖက်များ၏ အိမ်ထောင်မပြုမီကတည်းက ပိုင်ခဲ့ပြီး အိမ်ထောင်ပြုရာတွင် ပါလာသည့်ပစ္စည်း ဖြစ်သည်။မြန်မာဗုဒ္ဓဘာသာနှစ်ဦးတို့သည် ထိမ်းမြား လကထပ်ပြီးသည်နှင့် တပြိုင်နက် တစ်ဦး၏ ပါရင်း ပစ္စည်းတွင် ကျန်တစ်ဦးက သုံးပုံတစ်ပုံ အကျိုးခံစား ခွင့် ရှိသည်။ပါရင်းပစ္စည်း ယူလာသူက သုံးပုံနှစ်ပုံ ရရှိသည်။

၂။ အထက်ပါ
----------------------
အထက်ပါဆိုသည်မှာ တစ်ခုလပ် သို့မဟုတ် မုဆိုးဖို၊ မုဆိုး မ ဖြစ်သည့် အိမ်ထောင်ဖက်များ၊ အိမ်ထောင် ဟောင်းများ ဖြစ်သည့် အထက်အိမ်ထောင်၌ ပိုင်ခဲ့၍ အိမ်ထောင်သစ် ပြုရာတွင် ပါလာသည့်ပစ္စည်း ဖြစ်သည်။အထက်ပါ ပစ္စည်းမှာ ပါရင်းပစ္စည်း ကဲ့သို့ မဟုတ် မည်သည့်အခါမှ လင်မယားနှစ်ဦးပိုင် မဖြစ်ပါ။မြန်မာ့ဓလေ့ထုံးတမ်း ဥပဒေအရ အိမ်ထောင်ကြီး များသည် တစ်ဦး၏ အထက်ပါ ပစ္စည်းတွင် ကျန် တစ်ဦးက အကျိုးသက်ဆိုင်ခွင့်ပါ။သို့ရာတွင် ၎င်းတို့ နှစ်ဥိီးအနက် တစ်ဦးဦး ကွယ်လွန်သော အခါ ကျန် တစ်ဦးက ကွယ်လွန်သူ၏အမွေကို ဆက်ခံခွင့် ရှိပေ သည်။

၃။ ခန်းဝင်
---‐------------
ခန်းဝင်ဆိုသည်မှာ ထိမ်းမြားစဥ်က ထိမ်းမြားသူ နှစ်ဦးအား သူတို့၏ မိဘ၊ဘိုးဘွား၊ သားချင်း မိတ်ဆွေ သင်္ဂဟများက လင်နှင့်မယား နှစ်ဦးအကျိုးအတွက် လက်ဖွဲ့သော သို့မဟုတ် ပေးသော ပစ္စည်း ဖြစ်သည်။ပါရင်းပစ္စည်းကို ထိမ်းမြားစဥ် အခါ၌ ခန်းဝင်ပစ္စည်း အဖြစ် ကြေညာလျှင် ခန်းဝင်ပစ္စည်း ဖြစ်သွားသည်။ထိုသို့ ကြေညာသော်လည်း မရွှေ့မပြောင်း နိုင်သော ပစ္စည်းဖြစ်လျှင် မှတ်ပုံတင်ပေးရန် လိုအပ်သည်။ခန်းဝင်ပစ္စည်းတွင် လင်နှင့်မယားတို့ အညီအမျှ အကျိုး ခံစားခွင့် ရရှိကြသည်။

၄။ သာမန်လက်ထက်ပွား
-----------------------
သာမန်လက်ထက်ပွားဆိုသည်မှာ အိမ်ထောင်ပြုပြီး နောက် ဇနီးမောင်နှံ တစ်ဦးဦး၏ ကြိုးပမ်းမှုဖြင့် ဖြစ်ထွန်းရရှိသည့် ပစ္စည်းဖြစ်သည်။သာမန်လက်ထက် ပွားပစ္စည်းကို ခွဲဝေရာ၌ မြန်မာ့ဓလေ့ထုံးတမ်း ပစ္စည်း ခန်း ဥပဒေအရ ခွဲဝေရသည်။ပစ္စည်းခန်းဥပဒေတွင် မည်သူသည်နိဿယ(ထောက်ပံ့သူ) ဖြစ်သည် ၊ မည်သူသည် နိဿိတ(မှီခိုသူ)ဖြစ်သည် ဟူသော အခြေအနေအပေါ်မူတည်၍ ခွဲဝေရသည်။
နိဿယ(ထောက်ပံ့သူ) ဆိုသည်မှာ ထိုသူတစ်ဦးတည်း ၏ ကြိုးပမ်းရှာဖွေမှုဖြင့် သော်လည်းကောင်း ၊ ထိုသူ၏ ကုသိုလ်ကံဖြင့် အမွေရရှိ၍သော်လည်းကောင်း ရရှိ သည့်သူကို ခေါ်ခြင်းဆိုဖြစ်သည်။
နိဿိတ(မှိီခိုသူ) ဆိုသည်မှာ ထိုသူ၏ကုသိုလ်ကံတရား သို့မဟုတ် ကြိုးပမ်းမှုကို မှီခိုနေသည့်သူကို ခေါ်ဆိုခြင်း ဖြစ်သည်။
သာမန်လက်ထက်ပွား ပစ္စည်းအားခွဲဝေရာ၌ အိမ်ထောင်ကြီးချင်းဖြစ်စေ၊ တစ်ဦးက အိမ်ထောင်ကြီး ဖြစ်ပြီး ကျန်တစ်ဦးက အပျို၊ လူပျိုဖြစ်လျှင် ဖြစ်စေ နှစ်ဦးပိုင်ပစ္စည်းတို့တွင် အညီအမျှ ရခွင့်ရှိသော်လည်း လင်နှင့်မယားတို့သည် နိဿယနှင့် နိဿိတ အခြေနေ ဖြစ်ပါက နိဿယ(ထောက်ပံ့သူ)က သုံးပုံနှစ်ပုံ၊ နိဿိတ(မှီခိုသူ)က သုံးပုံတစ်ပုံ ရခွင့်ရှိသည်။
လင်မယားနှစ်ဦး သဘောတူကွာရှင်းကြရာတွင် နိဿယနှင့် နိဿိတ အခြေအနေဖြစ်ပါက ထောက်ပံ့သူ ကနှစ်ပုံ ၊ မှီခိုသူက တစ်ပုံရရှိသည်ဟုဆိုသော်လည်း "မခင်နှင့် မောင်ဖိုးစိန် ၊၆ ၊ ရန်ကုန် ၁ " အမှုတွင်-
"စီးသည့်ရေ ဆည်သည့်ကန်သင်းပမာ စီးပွားရှာရသူက ရှာပြီး အိမ်ထောင်ထိန်းသိမ်းသူက ထိန်းသိမ်းမှ စုဆောင်းမိမည်ဖြစ်၍ ထောက်ပံ့၊မှီခိုသည့် သဘော မထားပဲ နှစ်ဦးကြိုးပမ်းရရှိသည့် နှစ်ပါးစုံနှင့်မခြား လင်နှင့်မယားတို့ အညီအမျှ အကျိုးခံစားခွင့်ရှိသည်" ဟူ၍ စီရင်ထုံးဖွဲ့ထားသည်ကို တွေ့ရသည်။
အထက်ပါစီရင်ထုံးအား "ချစ်တီးကုန်တိုက် နှင့်မပု (၁၄ ရန်ကုန် ၆၉၇)အမှုတွင်လည်း သာမန်လက်ထက်ပွား ပစ္စည်း၌ လင်နှင့်မယားတို့ အညီအမျှ အကျိုးခံစားခွင့် ရှိကြသည်"ဟူ၍ လိုက်နာ ထုံးဖွဲ့ထားသည်ကို တွေ့ရ ပါသည်။

၅။ နှစ်ပါးစုံ
---------------------
နှစ်ပါးစုံဆိုသည်မှာ အိမ်ထောင်ပြုပြီးနောက် ဇနီး မောင်နှံ နှစ်ဦး အတူတူကြိုးပမ်းမှုဖြင့် ဖြစ်ထွန်းရရှိ သည့် ပစ္စည်းဖြစ်သည်။နှစ်ပါးစုံ ပစ္စည်းမှာ လင်နှင့် မယားတို့ နှစ်ဦးစလုံး ဒိုးတူဘောင်ဘက် ရှာဖွေရရှိသော ပစ္စည်းဖြစ်၍ အညီအမျှ အကျိုးခံစားခွင့် ရှိကြသည်။

၆။ အမွေရလက်ထပ်ပွား
အမွေရလက်ထက်ပွားဆိုသည်မှာ အိမ်ထောင်ပြု ပြီးနောက် ဇနီးမောင်နှံ တစ်ဦးဦး အမွေဆက်ခံ ရရှိသည့်ပစ္စည်း ဖြစ်သည်။အမွေရလက်ထက်ပွား ပစ္စည်း၌မူ အမွေရသူက သုံးပုံနှစ်ပုံ ၊ ကျန်သူက သုံးပုံတစ်ပုံ အကျိုးခံစားခွင့် ရှိသည်။
ခရစ်ယာန်ထိမ်းမြားခြင်း ဥပဒေတွင် လင်နှင့်မယား တို့၏ ပစ္စည်းပိုင်ဆိုင်ခွင့်နှင့် ဥပဒေရေးရာ အနေအထား မှာ အစ္စလာမ် တရားဥပဒေနှင့် အလားတူဖြစ်ပြီး လင်ပိုင်ပစ္စည်းသည် မယားနှင့် မသက်ဆိုင်သကဲ့သို့ မယားပိုင်ပစ္စည်းသည်လည်း လင်နှင့်မသက်ဆိုင်ပါ။တစ်ဦးအမွေရသည့်ပစ္စည်းဖြစ်စေ ၊ ကြိုးပမ်းရှာဖွေ ရရှိသည့် ပစ္စည်းဖြစ်စေ၊ထိုသူ တစ်ဦးတည်းသာလျှင် ပိုင်ဆိုင်ခွင့်ရှိသည်။တစ်ဦးဦးသေဆုံးမှသာလျှင် အမွေခန်း ဥပဒေနှင့်အညီ ထိုက်သင့်သော အမွေစုကို ခံစားခွင့် ရှိကြသည်။
ဟိန္ဒူဓလေ့ထုံးတမ်းဥပဒေအရ မယားဖြစ်သူသည် လင်ယောက်ျား အသက်ရှင်လျှက်ရှိစဥ် အိမ်တွင် နေထိုင်ခွင့် နှင့် ကျွေးမွေးစောင့်ရှောက်မှု ခံယူခွင့်မှအပ လင်ယောက်ျား၏ ပစ္စည်းအပေါ် အခွင့်အရေး တစ်စုံတစ်ရာ မရှိပါ။လင်ယောက်ျား သေဆုံးသည့် အခါတွင်လည်း သားယောက်ျား ကျန်ရစ်လျှင် အိမ်တွင် နေထိုင်ခွင့်နှင့် ကျွေးမွေး စောင့်ရှောက်မှု ခံယူခွင့်မှအပ အခြားခံစားခွင့် မရှိပါ ထို့အပြင်

လက်ထက်ပွားပစ္စည်းနှင့် နှစ်ပါးစုံပစ္စည်း မတူပေ။
“ ဦးဖေ နှင့် ဦးမောင်မောင်ခ ( ၁၀ ရန်ကုန်၂၆၁ ( ၂၆၈)) “ အရ လက်ထက်ပွား၌ ( ၁ ) “ သာမန်လက်ထက် ပွား “ နှင့် ( ၂) အမွေဆက်ခံရရှိသည့် “ အမွေရလက်ထက် ပွား” ဟူ၍ နှစ်မျိုးရှိသည်။ လင် သို့မဟုတ် မယား တစ်ဦးတစ်ယောက်တည်း ကြိုးပမ်းရှာဖွေမှုဖြင့် ရရှိသော ပစ္စည်းမှာ “ သာမန်လက်ထက်ပွား “ ဟုခေါ်သည်။ လင် သို့မဟုတ် မယား တစ်ဦးတစ်ယောက်တည်း အမွေဆက်ခံရရှိသော ပစ္စည်းမျိုးကို “ အမွေ ရလက်ထက်ပွား “ ဟုခေါ်သည်။ လင်နှင့်မယား နှစ်ဦးကြိုးပမ်းမှုဖြင့် ရရှိသောပစ္စည်း သို့မဟုတ် ရှိရင်းစွဲပစ္စည်းမှ ရရှိပွားများလာသည့် ပစ္စည်းကို “ နှစ်ပါးစုံ” ခေါ်သည်ဟု ပြဆို သည်။ ထို့ကြောင့် လက်ထက်ပွားပစ္စည်းနှင့် နှစ်ပါးစုံပစ္စည်း မတူ တစ်မျိုးစီဖြစ် ကြောင်း ထင်ရှားပေသည်။

“ ဒေါ်စောရင် နှင့် မောင်ကြည် ( ၁၉၆၂ မတစရုံးချုပ် ၂၂၇ ) “ အမှုတွင် ဒေါ်စောရင်၏ ခင်ပွန်း ကျောက်တထောင်သည် ကွန်ဖြူးရှပ်ဘာသာကိုး ကွယ်သည့် တရုတ်လူမျိုးဖြစ်သည်။ ကျောက်တထောင် မသေမီ သေတမ်းစာပြုလုပ်၍ ၎င်းတို့ လင်မယားနှစ်ဦးအမည်ဖြင့် ဝယ်ယူထားသည့် အခင်းဖြစ်မြေကို အထက် သားသမီး များအား ပေးခဲ့သည်။ ကျောက်တထောင်သေပြီးနောက် ရုံးတွင် ထိုသေတမ်းစာကို အတည်ပြုသည်။ ဒေါ်စောရင်က အခင်းဖြစ်မြေမှာ မိမိနှင့် ကျောက်တထောင်တို့ အတူတူဝယ်သဖြင့် မိမိက တစ်ဝက်ပိုင်၍ မြေတစ်ဝက် ခွဲယူလိုကြောင်း တရားစွဲသည်။ တရားရုံးချုပ်က ဒေါ်စောရင်ကို အနိုင်ပေးရာတွင် “ မြန်မာပြည်တွင် ၁၉၅၄ ခုနှစ်က ဗုဒ္ဓဘာသာဝင်မိန်းမများ အထူးထိမ်းမြားမှုနှင့် အမွေဆက်ခံမှုအက်ဥပဒေပြဋ္ဌာန်းခဲ့ရာ ပုဒ်မ ၂၆ အရမှာ ယင်းအက်ဥပဒေအရ ထိမ်းမြားသူတို့၏ သို့တည်းမဟုတ် ထိမ်းမြားခဲ့ကြသည်ဟု မှတ်ယူခြင်းခံရသူ တို့၏ အမွေ ဆက်ခံမှုနှင့် စပ်လျဉ်းသည့်ကိစ္စအားလုံးကို ထိုသူတို့နှင့် ထိုသူတို့၏ မိသားစုအားလုံးသည် ဗုဒ္ဓဘာသာဝင် မြန်မာလူမျိုးချည်း ဖြစ်ဘိသကဲ့သို့ ဗုဒ္ဓ ဘာသာဓမ္မသတ်အတိုင်း ဆုံးဖြတ်ရမည်ဟု အတိအလင်း ပြဋ္ဌာန်း ထားသည်” ဟု ဖော်ပြထားသည်။

[ဦးမြစိန်၂၀၁၁ ခုနှစ် မတ်လ ၊ မြန်မာဓလေ့ထုံးတမ်းဥပဒေ အခြေခံမူများ ၊

{လက်ထပ်ထိမ်းမြားခြင်း၊ကွာရှင်းခြင်းနှင့်
ပစ္စည်းခွဲဝေခြင်းမှတ်စု
Credit

11/12/2024

စာချုပ်စာတမ်းများမှတ်ပုံတင်ဥပဒေ👇👇

စာချုပ်စာတမ်းများ မှတ်ပုံတင်ဥပဒေ (၂၀၁၈)