Discuss About You by Legally

Discuss About You by Legally Contact information, map and directions, contact form, opening hours, services, ratings, photos, videos and announcements from Discuss About You by Legally, Entertainment Lawyer, Yangon, Mayangone.

A warm and confidential safe space for eyeryone to discuss your legal challenges. ⚖️
✨ Thriving with you by Advocate Lawyer.

သင့်အနားမှာ စိတ်ချလက်ချ အားကိုးလို့ရမယ့် ဥပဒေရေးရာလက်တွဲဖော်။

Legal Tip of the weekend ✒️📚
05/07/2026

Legal Tip of the weekend ✒️📚



🌿အိမ်ခြံမြေငှားရမ်းခြင်းဆိုသည်မှာ အိမ်ရှင်နှင့် အိမ်ငှား နှစ်ဦးနှစ်ဖက်ကြားတွင် ယုံကြည်မှု တည်ဆောက်ရသည့် ကိစ္စဖြစ်သော်လည်...
03/07/2026

🌿အိမ်ခြံမြေငှားရမ်းခြင်းဆိုသည်မှာ အိမ်ရှင်နှင့် အိမ်ငှား နှစ်ဦးနှစ်ဖက်ကြားတွင် ယုံကြည်မှု တည်ဆောက်ရသည့် ကိစ္စဖြစ်သော်လည်း၊ လက်တွေ့တွင်မူ စာရွက်စာတမ်း အထောက်အထား ခိုင်မာမှုကသာ အဓိက အကာအကွယ် ဖြစ်သည်။

🌿စပေါ်ငွေများစွာ ပေးအပ်ထားရသည့် အခြေအနေမျိုးတွင် ပိုမို၍ သတိထားရပါမည်။ အငှားစာချုပ်တစ်စောင်တွင် မဖြစ်မနေ ပါဝင်သင့်သည့် အနှစ်ချုပ်အချက်များကို အောက်ပါအတိုင်း သဘောရိုးဖြင့် အကြံပြုလိုပါသည်။

🌿 ​၁။ ပိုင်ဆိုင်မှု စိစစ်ခြင်းနှင့် အထောက်အထားများ

စာချုပ်မချုပ်မီ အိမ်ရှင်၏ မှတ်ပုံတင်နှင့် ပိုင်ဆိုင်မှုစာရွက်စာတမ်း (ဂရန်/အိမ်မြေစာရင်း) မူရင်းကို မဖြစ်မနေ စစ်ဆေးပါ။

အိမ်ရှင်ကိုယ်တိုင် မဟုတ်ဘဲ ကိုယ်စားလှယ်က တဆင့်ချုပ်ဆိုပါက တရားဝင် အထူးကိုယ်စားလှယ်လွှဲစာ (SPA) ရှိမရှိ စစ်ဆေးပါ။

🌿 ​၂။ ငွေပေးချေမှုနှင့် ပြန်လည်ရရှိမှု

စပေါ်ငွေသည် အိမ်ငှားအတွက် အရေးကြီးဆုံးဖြစ်သည်။ စာချုပ်တွင် "ပြန်လည်ရရှိနိုင်သော အာမခံငွေ" ဖြစ်ကြောင်း ရှင်းလင်းစွာ ရေးသားပါ။

အိမ်ရှင်ဘက်မှ စာချုပ်ကို အကြောင်းမဲ့ ရပ်စဲပါက စပေါ်ငွေကို ချက်ချင်းပြန်အမ်းရန်နှင့် လျော်ကြေးပေးရန် အချက်များကို ထည့်သွင်းပါ။

ငွေပေးချေမှုတိုင်းတွင် အိမ်ရှင်ထံမှ လက်မှတ်ပါသည့် ဖြတ်ပိုင်းရယူပါ၊ ဖြစ်နိုင်လျှင် ဘဏ်မှတဆင့်သာ ငွေလွှဲပေးပါ။

🌿 ​၃။ ပြုပြင်ထိန်းသိမ်းမှု တာဝန်ခွဲဝေခြင်း

အိမ်တွင်းပစ္စည်းများ ပျက်စီးပါက မည်သူ့တာဝန်ဖြစ်သည်ကို ခွဲခြားသတ်မှတ်ပါ။ ပုံမှန် ဟောင်းနွမ်းပျက်စီးမှုများအတွက် အိမ်ရှင်က တာဝန်ယူရမည်ဖြစ်ပြီး၊ အိမ်ငှား၏ ပေါ့ဆမှုကြောင့် ပျက်စီးမှုများအတွက် အိမ်ငှားက ပြုပြင်ပေးရမည်ဖြစ်သည်။

အိမ်မငှားမီ ပစ္စည်းများ၏ အခြေအနေကို ဓာတ်ပုံရိုက်၍ မှတ်တမ်းထားခြင်းက နောက်ပိုင်း အငြင်းပွားမှုများကို လျော့နည်းစေပါလိမ့်မည်။

🌿 ၄။ ​"စာချုပ်ရပ်စဲခြင်းဆိုင်ရာ သဘောတူညီချက်

အိမ်ရှင်သည် စာချုပ်သက်တမ်း မကုန်ဆုံးမီ အိမ်ကို ပြန်လည်ရယူလိုပါက အိမ်ငှားအား အနည်းဆုံး (၁) လ ကြိုတင်၍ စာဖြင့် အကြောင်းကြားရမည်။

ထိုသို့ အကြောင်းကြားသည့်အခါ အိမ်ရှင်သည် အိမ်ငှားထံမှ ရယူထားသော အာမခံငွေ (Deposit) ကို အိမ်ငှား အိမ်မှ မပြောင်းရွှေ့မီ (သို့မဟုတ်) ပြောင်းရွှေ့သည့်နေ့တွင် အပြည့်အဝ ပြန်လည်ပေးအပ်ရမည်။

အိမ်ရှင်ဘက်မှ (၁) လ ကြိုတင်အကြောင်းကြားခြင်းမပြုဘဲ စာချုပ်ကို ရပ်စဲပါက သို့မဟုတ် အိမ်ငှားကို အတင်းအဓမ္မ ဆင်းခိုင်းပါက အိမ်ရှင်သည် အိမ်ငှားအား လျော်ကြေးအဖြစ် [ဥပမာ - လစဉ်အိမ်လခ၏ ၂ ဆ] ကို ပေးလျော်ရမည်။"

🌿​၅။ စာချုပ်၏ တရားဝင်မှု

စာချုပ်ကို ရပ်ကွက်လူကြီးများ၊ သက်သေများရှေ့တွင် လက်မှတ်ထိုးရုံပါ။ စပေါ်ငွေများစွာပေး၍ ငှားရမ်းနေထိုင်ပါက စာချုပ်စာတမ်းရုံးတွင် မှတ်ပုံတင် သင့်ပါသည်။

🌿အငှားစာချုပ်ဆိုသည်မှာ အိမ်ရှင်ရော အိမ်ငှားပါ အဆင်ပြေစေရန်အတွက် ရေးသားသည့် သဘောတူညီချက် ဖြစ်သည်။ စာချုပ်ချုပ်ဆိုရာတွင် အချက်အလက်များ တိကျပြီး ရှင်းလင်းနေပါက နောင်တစ်ချိန်တွင် ဖြစ်လာနိုင်သည့် ပြဿနာများကို ကြိုတင်ကာကွယ်ပြီးသား ဖြစ်ပါလိမ့်မည်။

တတ်သိနားလည်ကျွမ်းကျင်သည့် ရှေ့နေဖြင့် တိုင်ပင်ဆွေးနွေးချုပ်ဆိုခြင်းက စာချုပ်အား ခိုင်မာ ကျစ်လစ်သော သက်သေခံတစ်ခုဖြစ်လာစေမည် ဖြစ်သည်။

🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿

ပုံနှင့်စာသားများအား လွတ်လပ်စွာ မျှဝေနိုင်ပါသည်။
ဤ Post ပါ စာသားနှင့် Post များအား Crd ပေး၍ ပြန်လည်ကူးယူ ဖော်ပြမှုများကို ခွင့်မပြုပါ။


ကျွန်မတို့ ပတ်ဝန်းကျင်မှာ “မယားက စွန့်ပစ်ရင် ၁ နှစ်၊ လင်က စွန့်ပစ်ရင် ၃ နှစ်ဆိုရင် အလိုလို ကွာရှင်းပြီးသား ဖြစ်သွားတာပဲ”...
01/07/2026

ကျွန်မတို့ ပတ်ဝန်းကျင်မှာ “မယားက စွန့်ပစ်ရင် ၁ နှစ်၊ လင်က စွန့်ပစ်ရင် ၃ နှစ်ဆိုရင် အလိုလို ကွာရှင်းပြီးသား ဖြစ်သွားတာပဲ” ဆိုတဲ့ အရပ်စကားကို ခဏခဏ ကြားဖူးကြပါလိမ့်မယ်။ ဒါဟာ လုံးဝ (လုံးဝ) မဟုတ်မှန်တဲ့ အမှားကြီးတစ်ခု ဖြစ်ပါတယ်။

​ဘယ်လောက်ပဲ အဆက်အသွယ်ပြတ်ပါစေ၊ ဘယ်နှစ်နှစ်ပဲ ခွဲနေနေ၊ တရားဝင် မကွာရှင်းသေးသရွေ့ လင်မယားအရာ မပျက်ယွင်းပါဘူး။ ဒါဆို ဥပဒေကြောင်းအရ အချက်အလက်တွေကို သေချာနားလည်အောင် ဖော်ပြပေးလိုက်ပါတယ်ရှင်။

🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿

🌥️ အလိုအလျောက် ကွာရှင်းခြင်းဆိုတာ ရှိပါသလား?

🌤️ ​အများစု သိချင်နေကြတဲ့ “လင်မယား အတူမနေ၊ မထောက်ပံ့၊ အဆက်အသွယ်မလုပ်ရင် ဘယ်နှစ်နှစ်ကြာမှ အလိုအလျောက် ကွာရှင်းပြီးသား ဖြစ်မလဲ” ဆိုတဲ့ မေးခွန်းရဲ့ အဖြေကတော့— "လင်မယား နှစ်ယောက်ထဲက တစ်ယောက်ယောက် ကွယ်လွန်မှသာ အလိုလို ပြတ်စဲမှာ ဖြစ်ပါတယ်"။ ခွဲနေရုံမျှဖြင့် အလိုအလျောက် ကွာရှင်းပြတ်စဲခြင်း မရှိပါ။

🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿

🌥️ ​အကယ်၍ သဘောထားချင်း မတိုက်ဆိုင်လို့ သော်လည်းကောင်း၊ တစ်ဖက်ဖက်က ပျက်ကွက်လို့ သော်လည်းကောင်း ကွာရှင်းချင်တယ်ဆိုရင် တရားရုံးမှာ အောက်ပါအချက်တွေနဲ့ လျှောက်ထားနိုင်ပါတယ်။

🌤️ ​ဇနီးဖြစ်သူဘက်မှ ကွာရှင်းခွင့် လျှောက်ထားနိုင်ခြင်း:

🌤️ ​လင်ဖြစ်သူက နေအိမ်မှ စွန့်ခွာသွားပြီး (၃) နှစ်တိုင်အောင် အဆက်အသွယ်နှင့် အထောက်အပံ့ မရှိခြင်း။

🌤️ ​လင်ဖြစ်သူက နောက်အိမ်ထောင် ပြုသွားခြင်း။

🌤️ ​ဇနီး၏ ကိုယ်စိတ်နှစ်ပါး ဆင်းရဲစေရန် နေ့စဉ်နှင့်အမျှ နှိပ်စက်ခြင်း သို့မဟုတ် လက်ရောက်မှု (ကိုယ်ထိလက်ရောက် ကျူးလွန်မှု) တစ်ကြိမ်မျှ ပြုလုပ်ရုံဖြင့်လည်း အကျုံးဝင်ခြင်း။

🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿

🌥️ ​ခင်ပွန်းဖြစ်သူဘက်မှ ကွာရှင်းခွင့် လျှောက်ထားနိုင်ခြင်း:

🌤️ ​ဇနီးဖြစ်သူက ခိုင်လုံသော အကြောင်းပြချက်မရှိဘဲ နေအိမ်မှ စွန့်ခွာကာ (၁) နှစ်တိုင် အဆက်အသွယ်မလုပ်၊ ပြန်ပေါင်းရန် မကြိုးစားခြင်း။

🌤️ ​ဇနီးဖြစ်သူ အိမ်ထောင်ရေး ဖောက်ပြန်ခြင်း။

🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿

🌥️ မြန်မာ့ထုံးတမ်းဥပဒေအရ ဗုဒ္ဓဘာသာဝင်တွေဟာ ကွာရှင်းတဲ့အခါ "ကာယကံရှင် နှစ်ဦးစလုံးရဲ့ လွတ်လပ်တဲ့ ဆန္ဒကသာ အဓိက" လို့ စီရင်ထုံးတွေမှာ အများအပြား ဖော်ပြထားပါတယ်။ သို့သော်လည်း စီရင်ထုံးဆိုတာ ပြဌာန်းဥပဒေ မဟုတ်တဲ့အတွက် အငြင်းပွားစရာ ကြုံလာရင် နစ်နာမှုတွေ ရှိလာနိုင်ပါတယ်။

🌥️ ​အထူးသဖြင့် လက်ရှိကျင့်သုံးနေတဲ့ " တလင်တမယားစနစ် ကျင့်သုံးရေးဥပဒေ " တည်မြဲနေတဲ့ ကာလအတွင်းမှာတော့ ဥပဒေကြောင်းအရ စိတ်အချရဆုံးနဲ့ အရှင်းလင်းဆုံးဖြစ်အောင် တရားရုံးများမှာသာ တရားဝင် ကွာရှင်းပြတ်စဲခြင်းက အကောင်းဆုံး ဖြစ်ပါကြောင်း အသိပေး မျှဝေလိုက်ရပါသည်။

🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿

ပုံနှင့်စာသားများအား လွတ်လပ်စွာ မျှဝေနိုင်ပါသည်။
ဤ Post ပါ စာသားနှင့် ပုံ များအား Crd ပေး၍ ပြန်လည်ကူးယူ ဖော်ပြမှုများကို ခွင့်မပြုပါ။ 😼

Admin Team



Address

Yangon
Mayangone

Website

Alerts

Be the first to know and let us send you an email when Discuss About You by Legally posts news and promotions. Your email address will not be used for any other purpose, and you can unsubscribe at any time.

Shortcuts

Share

Category