قانونك بين يديك

قانونك بين يديك مرحبًا بكم في قانونك بين يديك، هنا تجدون معلومات قانونية عامة ومبسطة تساعدكم على فهم حقوقكم وواجباتكم

✅️ واش ممكن تسافري بلا موافقة الأب؟ لا، خاص موافقة الأب خطية ومصادق عليها (autorisation paternelle)، أو حكم قضائي يعفيك ...
06/05/2025

✅️ واش ممكن تسافري بلا موافقة الأب؟
لا، خاص موافقة الأب خطية ومصادق عليها (autorisation paternelle)، أو حكم قضائي يعفيك من هاد الموافقة، خصوصاً فحالته إذا كان معتقل أو مضرور.

✅️ واش كاين الحل؟
نعم، كاين حل قانوني:
1. تقديم طلب للمحكمة (قسم قضاء الأسرة): كتطلبي فيه إذن بالسفر بالبنت دون موافقة الأب بسبب: أنه معتقل.
وأن الهجرة فيها مصلحة للطفلة (مستقبل، تعليم، استقرار...).
المحكمة ممكن تحكم ليك بالإذن باسم الحضانة ومصلحة القاصر.
2. وكاين حل اسهل هو انك تواصلي معاه الا كان شي واحد كتفهم وتعلميه بلي كاين ويعطيك الموافقة بلا صداع الرأس

وعليكم السلام، فهاد الحالة ما كاين عليك حتى مسؤولية قانونية، وما كايناش شي عقوبة، لأنه :1 - ما دارش بيناتكم عقد كراء أو ...
06/05/2025

وعليكم السلام، فهاد الحالة ما كاين عليك حتى مسؤولية قانونية، وما كايناش شي عقوبة، لأنه :
1 - ما دارش بيناتكم عقد كراء أو أي التزام قانوني.
2 - ما خديتي منهم لا عربون لا فلوس.
3 - وما كان حتى ضرر مباشر ليهم يمكن يحتجّو بيه.

والسمسار (الوسيط العقاري) كيحتافظ بحقو يرفض التعامل مع أي زبون، خصوصاً إلا حسّ بشي خطر أو ما ارتاحش.

يعني ما عندهم حتى حق يديكلاريو عليك، وإذا داروها راه ما كاين لا حكم لا عقوبة فحقك، لأن النية وحدها ماشي جريمة، والحرية في المعاملة محفوظة.

الا ماعتوكليش محامي راه ضروري الحضور ديالك حيت الا ما حضرتيش للجلسة بدون مبرر، قد تعتبر المحكمة ذلك إما موافقة ضمنية على...
06/05/2025

الا ماعتوكليش محامي راه ضروري الحضور ديالك حيت الا ما حضرتيش للجلسة بدون مبرر، قد تعتبر المحكمة ذلك إما موافقة ضمنية على الدعوى أو قد تحدد موعدًا آخر للمحاكمة..
على داك شي من الأفضل تحضري ويمكنك إخبار القاضي أنك لا ترغب في الطلاق وتوضيح الأسباب التي تجعلك ترفضين الطلاق. القاضي سيأخذ ذلك في عين الاعتبار، وعلى الأغلب المحكمة ستحاول إجراء صلح بينكما...
ونطلبوا من الله يجمع شملكم..

✅️ أولا : نحللو الوضعية القانونية :1. البنت عمرها 16 عام فقط → يعني قاصر قانونيًا. العلاقة اللي وقعات بينها وبين الراجل ...
05/05/2025

✅️ أولا : نحللو الوضعية القانونية :
1. البنت عمرها 16 عام فقط → يعني قاصر قانونيًا. العلاقة اللي وقعات بينها وبين الراجل (عندو 29 سنة) تُعتبَر جريمة اغ**اب قاصر، حتى ولو كانت برضاها، وهادشي علاش تحكم عليه بـ5 سنين، حسب الفصل 485 من القانون الجنائي. وراه الاعتراف بالولد لا يعفيه من أنه يقضي العقوبة ديالو..
2. هو اعترف بالولد قدام الوكيل العام، وقال بلي بغا يتزوج ويعترف بالطفل → هذا الاعتراف ممكن يكون مفيد فالمستقبل باش تدير البنت إثبات النسب للولد.
3. الولد مازال بلا أوراق → خاص تدير طلب "إثبات النسب" عند قاضي الأسرة، حتى بدون موافقة العائلة ديال الأب، ماشي ضروري يرضاو، المحكمة هي اللي كتفصل.

✅️ ثانيا : شنو خاصها دير دابا:
1. تدير دعوى "إثبات النسب":
تمشي عند محكمة الأسرة وتطلب "إثبات النسب" لولدها بناءً على اعتراف الأب.
تجيب:
1 - نسخة من تصريح الولادة (من المستشفى).
2 - تصريح أو نسخة من محضر الاعتراف اللي دار الأب قدام النيابة.
3 - شهادة طبية للولادة.
4 - نسخة من بطاقة التعريف ديالها.

** من بعد طلب تسجيل الطفل في الحالة المدنية:
بعد ما يتم إثبات النسب، يمكن تسجيل الطفل باسم الأب في الحالة المدنية.

* وعندها الحق طلب إعفاء أو تخفيض من مصاريف المحكمة: بما أنها ماعندهاش دخل، تقدر تطلب "المساعدة القضائية" من المحكمة باش يعفوها من مصاريف المحامي والدعوى.

مرحبًا بكم في صفحتكم "قانونك بين يديك"،هنا تجدون معلومات قانونية عامة ومبسطة تساعدكم على فهم حقوقكم وواجباتكم في مختلف ا...
05/05/2025

مرحبًا بكم في صفحتكم "قانونك بين يديك"،
هنا تجدون معلومات قانونية عامة ومبسطة تساعدكم على فهم حقوقكم وواجباتكم في مختلف المجالات، من بينها:

1. قضايا الأسرة (الطلاق، النفقة، الحضانة...)
2. العقارات (الكراء، البيع، الإرث...)
3. قانون الشغل (الطرد، العقود، الأجور...)
4. الجنح والمخالفات البسيطة
5. ومجالات قانونية أخرى تهم حياتكم اليومية

** نُقدم لكم استشارات قانونية مجانية بهدف التوجيه فقط، ولسنا محامين ولا نقدم خدمات التمثيل القانوني أمام المحاكم.

هدفنا: نشر الوعي القانوني وتمكين المواطن من فهم القانون بلغة بسيطة ومفهومة.

Address

Tangier

Website

Alerts

Be the first to know and let us send you an email when قانونك بين يديك posts news and promotions. Your email address will not be used for any other purpose, and you can unsubscribe at any time.

Shortcuts

Share

Category