23/05/2026
🔷 مرحلة الشفوي بختصار:
✅ أولا الإتصال لهاد المرحلة كاتكون عبر اتصال هاتفي مباشر بالمترشح في وحدة من الأرقام لي عطيتيهم نهار بغيتي تسجل في الموقع ( المراحل من بعد الكتابي كاملين كايكونو بهاد الطريقة).
✅ بالنسبة لمرحلة الشفوي فيها يوماين، في اليوم الأول عندك الشفوي ( كادخل عند واحد اللجنة و كاتبقا طرح عليك مجموعة من الأسئلة) و موراها عندك الطبيب و هاد المرحلة إقصائية ( أول حاجة كايعبر ليك الطول و و الوزن و طونسيو و الشوف و السنان و من بعد كادخل عند طبيب كايشوف واش فيك شي ضربة و واش كاتوقف مقاد...) من بعد مكادوز هاد المرحلة الأخيرة (الطبيب) بنجاح كاتمشي تجري عندك 1500 متر كلما جبتيها في وقت قصير كتاخد نقطة مزيانة( نتا دير مجهودك باش تكملها و في وقت زوين و لكن يلا ما قدرتيش ما تبركش على راسك تصدق طايح تما لا يكلف الله نفسا الا وسعها). منين كاتسالي هاد المراحل كاملين بنجاح كايجيبو لاليست ديال الناس لي ناجحين كايقولك لي سمع سميتو غذا يكون مع 7 في بوقنادل يلا دوزتي في اليوم الأول في الفوارت و يلا دوزتي في المعهد كايقولك عندك مدرسة الخيالة ملاصقة مع المعهد و راه لي دوز دوك المراحل بنجاح راه كايدوز للنهار الثاني.
✅ في اليوم الثاني عندكم مرحلة البسيكو و هاد المرحلة فيها الكتابي كادوزوه هو الأول عاد كادخلو عند الأستاذ كادوزو الشفوي هاد المرحلة غير ما تكدبش و تعامل بطبيعتك بلا ما تصنع ما والو و حاول ما تخدمش على هاد المرحلة باش تبقا كما نتا و دخل واثق من راسك ماشي نتا داخل و كاتفكر فداكشي لي خدمتي تبقا متوتر ( كاين شي مترشحين كايكون عوال على أول سؤال غايكون هو قدم راسك😅 يقدر ما يقولكش قدم راسك) يقدر أول سؤال يجيك هو شهاد الحوايج جايني بهم وخا نتا جاي لابس عادي أو شهاد الحسانة داير و نتا محسن عادي هادو عطيتك غير أمثلة و صافي منين غايسالي معاك غايقولك سير الله يسهل عليك و صافي ما يقولك لا ناجح ولا ساقط صافي كاتمشي بحالك لداركوم و تكمل حياتك عادي يلا خدام رجع لخدمتك ويلا كاتقرا رجع لقرايتك و رد لبال لتلفونك منين يبداو مرحلة البحث عاوتاني غايصونيو عليك يلا نجحتي في مرحلة البسيكو. و الله يسهل عليكم كاملين 🤲
✍️ أخوكم ياسر ديما معاكم في كافة مراحل المباراة❤️
