الكاتبه والمحاميه زينب

الكاتبه والمحاميه زينب محاميه نظامي وشرعي

09/09/2026

مع الاسف الأغلب جاهل بالقانون وبس يضيع حقه برضه بسأل عامة الناس شو اعمل أو يضع اللوم على القانون والقضاء
للجميع حق الدفاع وهذا الحق كفله الدستور. لو عندك دليل براءه قدمه اسمها بينات دفاعيه. الحق العام يقدم مايثبت شكواه والمتهم أو المشتكى عليه بقدم بيناته الدفاعيه إن وجدت ...
اذا لم يكن لديه بينات وكانت بينات الحق العام ممثلا للمشتكي أو المتهم منتجه وقويه وأثبتت الجرم المسند للمتهم أو المشتكى عليه ( حسب نوع القضيه ) فالقاضي يصدر حكم الإدانة حسب التكييف الجرمي على ضوء البينات الخطبه والشخصيه بما فيها تقارير الطب الشرعي وتقارير الخبره الفنيه ( حسب نوع الجريمه ) أما إن لم يثبت المشتكي دعواه ولا وجود لدليل أو الادله غير كافيه يعلن براءة المشتكى عليه أو المتهم
قلما يصدر قرار بالادانه دون وجود بينات تثبت الجرم المسند للمحكوم عليه فليس قرار البراءه دائما معناه عدم ارتكاب الفاعل لجرمه والعكس غير صحيح نادرا مايصدر الحكم بإدانة انسان برىء لأن الحكم الجزائي ببنى على الجزم واليقين لا الشك والتخمين. والشك يفسر لمصلحة المتهم اصلا
والمتهم برىء حتى تثبت إدانته. نعم يجب أن يثبت المشتكي دعواه ويتم السماح المشتكى عليه أو المتهم بمناقشته أما بنفسه أو بواسطة وكيله ويحب تقديم بيناته. ويستمع بعدها القاضي أو المحكمه للمتهم أو المشتكى عليه ويسمع له بتقديم الافاده الدفاعبه ثم البينات الدفاعيه وبعدها يتم تكييف الجريمه اي تحديد الوصف الجرمي لها من قبل المحكمه ليصار إلى تطبيق القانون على الوقائع وإصدار القرار المناسب حسب نصوص مواد قانون العقوبات وليس من خيال القاضي أو صنعه. يقدر القاضي القيمه الإنتاجية البينات ولدى المحكمه قناعات وسلطات تقديريه في الحكم بالحد الأعلى أو الأدنى العقوبه وعلى ضوء ظروف مشدده للعقوبه أو مخففه لها
مثلا ظرف مشدد اغ**اب قاصر أو هتك عرض حدث بدون رضاه أو رضاه فلا يعتد بالرضا وان بكون مثلا المعتدي اب او اخ او طبيب أو معلم الخ ...
ظروف مخففه مثال ذلك القتل دفاعا شرعيا عن النفس أو المال أو الشرف سواء كان المعتدى عليه الفاعل أو الغير ولها طبعا شروط وضوابط للاستفاده منه في تخفيض العقوبه. ويراعى أيضا لتحدبد العقوبه إسقاط الحق الشخصي ... العفو العام وفي بعض الحرائم إسقاط الحق الشخصي يسقط الحق العام وتلك الجرائم والشكاوى التي تتوقف الملاحقة بها على شكوى المتضرر مباشره مثال ذلك شكوى الذم والقدح والتحقير والتهديد بضرر غير محق وليس كل انواع التهديد اي مش التهديد الي بكون اختصاص بداية جزاء أو جنايات ..

16/08/2026

حملة تخفيض المهور الى الفين معجل وثلاثه مؤجل او حتى الفين
( هاد.اصلا ان دفعهم كامل او ما طلب دهبها ) برأيي ان كان وميت خط تحتها اصيل محترم بخاف ربه :
والله نعم مافيها اشي
ان الرجل ابن حلال مارح يقصر مع مرته وبخاف ربه فيها مش كلام انشاء حتى العرس مافي داعي الو بهيك شكل والله مش مثاليات .. استفيدي من تكاليف العرس المزيفة ومظاهره والفشخره الكزابه بشي يفيدك وان الزلمه معه وحابب يكرمك اكتر مش غلط لكن تجبري خطيبك يداين وتعيشي طول عمرك مش راضيه وتقارني بينك وبين اختك وسلفتك وانتي اصلا ماكله هوا وجوزك اصلا مش طايقك بس زواجك شكل اجتماعي لشو ؟! عشان مين. ان الزلمه مابخاف ربه وقليل اصل والله ليعبفك ويضغطك للتنازل وما تشوفي منه قرش. مابحكي عبث وان بدك مؤجل عالي بتفكري هيك انك ضمنتي مايطلقك بتكوني غلطانه او مايخونك اسمعي منيح وافهمي الزلمه الي عايش معي بحجة الولاد او خايف يطلق عشان مايدفع وماينحبس مابدك اياه ... الحب الي ضمانته شرط مكتوب على ورقه او مهر تسلطيه على زوجك مابلزمك لا هو ولا زوجك .. الي بحب مابجرح ماببخل مابكسر خاطرك مابخون وان اصيل رح يعوضك واصلا رح يكرمك ومايرضى على رجولته وكرامتو يبخس حقك .. دايما بقول الرجل بعطي قيمتو ترى .. وصلت ؟!
طبعا مابقول لا تطلبي شي طبعا حقك بمهر معجل ومؤجل بس حسب وضعه وان منيح رح بكون هيك زلمه مهرك وتاج راسك ولو معك بتساعديه كمان بتفديه بروحك ان مابضرب مابتنمر مابستغيبك مابجرحك بصونك وبغار عليكي مابقولك روحي ديري حالك ولا معيش وهو معه ولا بقهر قلبك بغيرك ولا بعايرك بشي .. هاد هو جنتك وكنزك الحقيقي. ومهرك المؤجل تمام حقك بس المهر لو خمسه نعم ممكن يفك ضيقتك يجبر شوي من اذاك النفسي لكن رح يروح مهما سرفتي منه لكن يوم واحد بعمرك مع حد غلط وسيء مارح يعوضك عنه شو مادفعلك وحقك تجاهه وبذمته مالو اصلا قيمه محدده مابحكي كلام شعارات ولا اكيد انا بقول تكوني مجانا لا طبعا حقك بمهر ونفقه وحقه عليكي الاحترام الطاعه وتكوني زوجه صالحه .. لما توصلي زوجك ابو ولادك محكمه وتشتكي عليه لو هو حر وشريف وغيور وعندو كرامه مارح يصفالك بحكي ان كان منيح وانتي ظلمتيه اما السيء هاد ربنا بصطفل فيه بس ان بدك تحبسي زوجك لانك زعلني منه وبعدها تصالحتو بكون رجعلك لانه بلا كرامه او عشان الولاد او مصلحته معك رزقه وشغله او راتب الك او اهلك بدعموه وهاد اصلا مش حب ولا اصلا هو معك حب فيكي. ال بحب مابخون ولا ببدل ولا بستغيب ولو حب عليكي اوعي تفكري المهر والنفقه بربوه او هو بحبك او الي اهله ماربوه رح النفقه تربيه لا غلطانه ...
لما زوجين يعرفوا الدين صح وكل واحد يعرف الي الو والي عليه مارح يكون في خلافات زوجيه بحكم الحوار والتفاهم
ولو كرهته او كرهها او ماتفاهموا بكون فراق راقي وبالتراضي بحيث كل واحد يعطي حق الاخر بما يرضي الله وبدون تأثير عالولتد
وممكن هاد المهر مش ضمانه لاستمرار او عدم استمرار الزواج لكن حل وسط ان الزوجه تريد.الخلع ويجب إعادة ماقبضتن فيها ترجعه غير لما يكون المهر ١٠ الاف. كمان لو الزوج بدو يطلق وفعلا مرته سييه بكون المهر المتوسط.حل مناسب للطرفين ان كرهها او كرهته ..
خلاصته الأصيل والي بخاف ربه تدور الايام ومتل ما عمل معك يصير بلي الو ماتخافي منه وقليل الاصل لا بنزعل منه ولا بنزعل عليه
الله بعوضك بالاحسن ولو مش زوج جديد . ربنا أرزاقه متنوعه ترى .. وطز بحب تحت الاكراه او مصلحه او تمثيل او الي فيه خيانه مابلزمك

15/08/2026

الله يكسر ايدو وايد كل من يتجبر ياعمي كرهان مرتك طلقها وانتي ان كرهانه زوجك خلص ياناس اتركيه وتنازلي بدكيش من واحد هيك مهر ولا نفقه والأهل كمان شفتوا البنت بتتعنف طلقوها خايفين من لقب مطلقه اما مشوهه والناس تشك وتقول الله اعلم ليش مهو في ناس ذمتها مطاطيه وانت يا عنتر بجوز بتخاف من خيالك وبتستقوى على ست لو فرضا عامله فاحشه طلقها وابعتها لاهلها.. بعدين احنا متناقضات ومرات الضحيه والجاني على نفسه لما نسكت على العنف ماحد بغير طبعه وان بدك تربيه باسم حبس النفقه صدقيني الي مش متربي وامه ماربته بدك تربيه بحبس على. نفقه ؟ ميت مره قلت قليل الاصل مابدنا منه شي وماراح يخاف ربه ولا يدفع لو ميت عقد بضغطك وبهددك وبخوفك لتعيفي عيشتك وتتنازلي والاصيل الحر الغيور رح يدفعلك ولو كرهك بطلقك بالتراضي والإحسان لا بشهر فيكي ولا بسيء لسمعتك حتى يطلعك وسخه .. ميت مره قلت انو الرجل بس يقدم لمرته شي بقدم قيمتو فهو شو قيمته رح يعطيكي ولو تنازلتي هو مارح يقبلها ولا يرضاها على كرامته ورجولته والنهايات اخلاق. خلص اخلعيه بالكندره العفو منكو حتى لو معك اعطيه لتخلصي هو بس زواج بالاسم وشوفوني متزوجه ولا مخلفه خمسه كله عشان الناس الله يلعن الناس على كل الأحوال حاكيه ومحد بترك حد الا يحكي طز عشره المهم راحة راسك ولا تقولوا عشان الولاد. اي مشان الله بكفي كزب لو بهمك امومتك وانت بهمك ابوتك مارضيتوا تظلموهم معكم كله عايش زواج شكلي والطلاق العاطفي كارثه اكتر من الطلاق الفعلي. ستي الله بعوضك ولو ماعوصك زوج عوضك راحة بالك وانت كمان حلو الله بعوضك والله عفنا كلشي من ورا منشورات الحرب بين الأزواج وعفنا الزواج كله الواحد يضل لحاله بحاله وخلص ولا وجع القلب ❤️ مش هيكككك

لن أنسى من كان معي في أشد الحظات وجعا وحاجة للدعم المعنوي ولن أنسى من تخلى عني أو ظهر على حقيقته البشعه ففي الحالتين بصم...
15/08/2026

لن أنسى من كان معي في أشد الحظات وجعا وحاجة للدعم المعنوي ولن أنسى من تخلى عني أو ظهر على حقيقته البشعه ففي الحالتين بصمة لن تنسى المغروفةسأرده أضعاف أضعافه مهما طال الزمن . والاساءة والاذى لن اغفر لها لكن دون رد دون انتقام دون ضرر سأترك كل الردود للزمن حتى قيام الساعة انا لا اغفر ابدا ...

Address

السيله
Amman

Opening Hours

09:00 - 17:00

Website

Alerts

Be the first to know and let us send you an email when الكاتبه والمحاميه زينب posts news and promotions. Your email address will not be used for any other purpose, and you can unsubscribe at any time.

Shortcuts

Share

Category