23/05/2025
*پێشینەی تاوان بریتی یە لە ئەنجامدانی تاوان کە بە گویرەی مادەکانی قانوونی عقوبات عێراقی بەنص باسی تاوانەکە کراوە یان ئەو تاوانانەی کە بە قانونی تایبەت رێکخراوە وەک (قانونی تیرۆر یان قانونی مخدرات .....
*دوای ئەوەی کە دادگا بە گوێرەی کردەوە تاوانکارییە حکم دەردەکات بە تاوانبارکردنت لێرەوە پێشینەی تاوانت بۆ دروست دەبێت .........
*لەئیستەدا لە هەر پارێزگایەک بەرێوەبەرایەتیەکی پێشینەی تاوان ( ادلە جنائی) هەیە هەر کەسێک دوای ئەوەی لە لایەن دادگاکانەوە تاوانبار دەکریت دوای ئەوەی حکمەکەی پلەی کۆتایی وەردەگریت دادگاکان وێنەیەک لە بریاری دادگا دەنێرن بۆ ادلەی جنائی بۆ ئەوەی لە ئەنجام دانی کردەیەکی تاوانکاری دیکە پێشینەکەی دێتەوە بۆ دادگا زانیاری پی دەگات کە کەسەکە پێشتر تاوانبار بووە بە گویرەی مادەیەکی دیاری کراو ....
*ئەم پێشینەی کاریگەری هەیە کە بە پێی جوری تاوانەکە پێشینەی تاوانت هەبێ کارت پێ نادرێیت لە هەندی دەزگاو فەرمانگە و کەرتی تایبەت یان لە کاتی دامەزراندن داوای پێشینەی تاوانت لێ دەکەن یان زۆر جار سەفەر کردن یان پێدانی قبوڵ بۆ خۆێندن لە دەرەوە داوای بڕوانامەی پیشینەی تاوانت لێ دەکەن کەلەلایەن بەڕێوەبەرایەتی پێشینەی تاوان پێت دەدریت بەلام چەند سزایەک هەیە کە بە پێشینە دانانریت
ئەنجومەنی شوورای هەرێمی کوردستان لەتازەترین ڕا دەربڕیندا دەڵێت ئەم جۆرە سزایانە بە پێشینەی تاوان دانانرێت
١ /بریاری بەندکردنی بە مادەی ( ٤٣ ) قەرزداری لە یاسای جێبەجێکردن نابێتە پێشینەی تاوان
٢/ بریاری دەرچوو لەسەر کەفیل بەپێی ماددەی (١١٩) لە یاسای بنەما دادگەرییە سزایەکان نابێتە پێشینەی تاوان .
٣/ فەرمانی سزایی دەرچوو لە دادگاکانی لێکۆلینەوە لە تاوانی جۆری سەرپێچی بەپێی مادەی (١٣٤) یاسای بنەما دادگەرییە سزایەکان دەبێتە پێشینەی تاوانکاری
٤/ بڕیارە دەرچوەکان لەسەر تاوانباری نەوجەوان بەپێی یاسای چاودێری نەوجەوان نابێتە پێشینەی تاوانکاری
