ژووری پارێزەرانی هەریر / غرفة محامیی حریر

19/03/2026

کوردى/عربی

پیرۆزبایی

بەناوى سەرۆک و ئەندامانى ئەنجومەنى سەندیکاى پارێزەرانى کوردستان، پیرۆزباییى خۆمان ئاڕاستەى هەموو موسڵمانانى کوردستان و عێراق، بەتایبەتى پارێزەرانى ئازیز دەکەین بەبۆنەى هاتنەوەى جەژنى رەمەزانى پیرۆز. داواکارین لە خواى گەورە تاعەت و رۆژووى هەمووانى قبووڵ کردبێت.
لە خواى گەورە دەپاڕێینەوە کەوا مانگى پیرۆزى رەمەزان و جەژن بکاتە هۆکارێک بۆ کوژاندنەوەى ئاگرى ئەو شەڕە و نەهێشتنى ئاسەوارەکانى لەسەر هاووڵاتییانى هەرێمى کوردستان و عێراق.
هیوادارین جەژن ببێتە مایەى خۆشیى و سەلامەتیى و پاراستنى گیانى هاووڵاتییانمان و لە زیانى گیانیى و ماددى بەدوور بن و هەرێمى کوردستان پارێزراو بێت لە هەموو هێرش و شەڕ و دوژمنکارییەکان.
دووبارە پیرۆزە و هەموو لایەک لە خۆشى بن.

سەندیکاى پارێزەرانى کوردستان

تهنئة

باسم رئيس وأعضاء مجلس نقابة محامي كردستان، نتشرّف بأن نرفع أسمى آيات التهاني وأصدق التبريكات إلى عموم المسلمين في إقليم كردستان والعراق، ولا سيما الأسرة القانونية من المحامين الأفاضل، بمناسبة حلول عيد الفطر المبارك، سائلين المولى عزّ وجل أن يتقبّل من الجميع الصيام والقيام وصالح الأعمال.
ونسأل الله تعالى أن يجعل من هذا الشهر الفضيل وعيده المبارك منطلقًا لنشر السلام، وسببًا في إطفاء نار الحروب، ورفع المعاناة عن كاهل أبناء إقليم کوردستان والعراق.
كما نرجو أن يكون العيد مناسبة تعمّ فيها الطمأنينة والسكينة، وأن يحفظ الله أرواح مواطنينا ويصونهم من كل سوء، ويجنّبهم الخسائر البشرية والمادية، وأن يديم على إقليم کوردستان نعمة الأمن والاستقرار، بعيدًا عن كل أشكال العدوان والنزاعات.
وكل عام وأنتم بألف خير، أعاده الله عليكم باليمن والبركات.

نقابة محامي کوردستان

04/01/2026

ئەمڕۆ یەکشەممە رێکەوتى 4-1-2026 لە ژووری پارێزەرانی هەریر ، رۆژى پارێزەران بە بەرزى ڕاگیرا و بە ئامادەبوونى بەڕێزان بەرپرسی ژووری پاریزەران صابر زبیر عیسی و تەواوی پاریزەرانی هەریر وە بە بەشداری بەرێز دادوەری دادگای بەرای هەریر و بەریز قائمقامی قەزای هەریرو بەریز جێ بەجێ کاری دادی هەریرو بەرپرسی شارەوانی هەریرو بەشی کشتوکالی هەریرو ئەفسەرانی بنکەی پۆلیسی هەریر و تەواوی فەرمانبەرانی دادگا یادی ئەم رۆژە کرایەوە کە سەندیکای پاریزەران لە رێکەوتی ٣/١/١٩٩٣ دامەزراوە.
بۆیە دواى پێشوازى کردن، بەشداربوان پیرۆزباییان لەو رۆژە پیرۆزەى پارێزەران کرد و ئاماژەیان بە گرینگى پایە و رۆڵى پارێزەران دا، کە توێژێکى باڵاى کۆمەڵگان و بەرگریکارى ماف و داکۆکیکارى دادپەروەرین.
و شیرینى دابەش کرا و وێنەى یادگارى بەو بۆنەیە چرکێندران.

02/01/2026

3ى یەک، رۆژى پارێزەرانى کوردستان پیرۆزە

بەبۆنەى رۆژى پارێزەرانى کوردستان، کە لە رێکەوتى (3-1)ى هەموو ساڵێک یاد دەکرێتەوە، بەناوى سەرۆک و ئەندامانى ئەنجومەنى سەندیکاى پارێزەران پیرۆزباییی لە خۆمان و تەواوى پارێزەرانى خۆشەویست دەکەین.
سى و یەک ساڵ بەر لە ئێستا و لە 3-1-1993 پەرلەمانى کوردستان بەشێوەیەکى فەرمى، بڕیارى دانپێنانى بە دەستەى کاتى دامەزرێنەرانى سەندیکاى پارێزەرانى کوردستان کرد، کە (10) پارێزەرى کوردستان، کە بەڕێز سەرۆکى ئێستاى سەندیکاى پارێزەرانى کوردستان، یەکێک بوو لەوان، وەکو ئەرکێکى نیشتمانیى و کوردستانیى و پیشەییانە، سەندیکاى پارێزەرانى کوردستانیان دامەزراند.
سەندیکاى پارێزەرانى کوردستان، کە بەپێى یاسا دامەزراوە و بەپێى یاساش کار دەکات، پەیوەندییەکانى لەگەڵ دەسەڵاتەکانى تەشریعیى و جێبەجێکردن و دادوەریى لە هەرێمى کوردستان لەسەر بنچینەى رێزگرتن لە یاسا و پارێزەران و جێبەجێکردنى یاسایە. هەمیشە داواکاریمان ئەوە بووە و دەبێت، کە پێویستە لەو چوارچێوەیە لە پێگەى پارێزەران بڕوانن. هەرچەندە لێرە و لەوێش کەمتەرخەمیى و کەموکوڕیش هەبووە، بەڵام سەندیکا بەردەوام لە هەوڵ و هەماهەنگى دا بووە و دەبێت لەگەڵ لایەنە پەیوەندیدارەکان و هەموو رێگا پیشەییى و یاساییەکان بۆ چارەسەرکردنى کێشەى پارێزەران دەگرێتە بەر.
سەندیکاى پارێزەرانى کوردستان، کە بە تەواوی پشت بە داهاتەکانى خۆى دەبەستێت، کە بە سیستەمێکى ژمێریاریى تۆکمەى وردبینیکراو لەلایەن چاودێریى دارایى هەرێم، بەڕێوەدەچێت و سیستەمێکى خانەنشینى سەربەخۆى هەیە و مافى پارێزەران بە تەواوى دەستەبەرە لەڕووى خانەنشینیەوە.
لەماوەى دوو ساڵى رابوردوو، تۆمارى ئەندامانى سەندیکاى پارێزەرانى کوردستان بە هەماهەنگى فەرمانگەى تەکنەلۆژیاى زانیاریى و ئەنجامدانى پرۆسەى بایۆمێترى، بە تەواوى پاک کرایەوە، کە بەپێى یاسا نابێت پارێزەر لە هەمان کات فەرمانبەر یا وەزیفەى گشتی هەبێت و پرۆسەکەش بەردەوامە.
سەندیکاى پارێزەرانى کوردستان هەماهەنگیى تەواوى لەگەڵ ئەنجومەنى دادوەریى هەرێمى کوردستان هەیە لەپێناوى بەرقەرارکردن و جێبەجێکردنى یاسا و هەروەها بەهەمان شێوەش لەگەڵ سەرۆکایەتیى داواکاریى گشتیى و وەزارەتى داد و دەسەڵاتى جێبەجێکردن بەشێوەیەکى گشتى.
لە پلانى گرینگى ئەمساڵى سەندیکاى پارێزەرانى کوردستان، پرۆسەى بە ئەلیکترۆنیکردنى کاروبارەکانى سەندیکا، لە نێویشیاندا مامەڵە کارگێڕیى و داراییەکانى سەندیکا، بەجۆرێک پارێزەران بتوانن سوودى لێ وەربگرن و رێگا دوورەکانیان، نزیک ببێتەوە.
دووبارە پیرۆزباییى ئەو رۆژە (3-1) لە هەموو پارێزەرانى خۆشەویست دەکەین، هیوادارین پێکەوە هەموومان پارێزگارى لە بەرزى پیشەى پیرۆزى پارێزەرایەتی بکەین و دەست لەناو دەست، پارێزەران لە پێگە و پایەى گەورە ببینین.
هەر سەرکەوتوو و سەرفراز بن

سەندیکاى پارێزەرانى کوردستان
ژووری پاریزەرانی هریر

08/02/2025

ئاگاداری

ئاگاداری گشت پارێزەرانی خۆشەویست دەکەینەوە، کە بەیانی یەکشەممە ٩-٢-٢٠٢٥ کاژێر ١١ی بەیانی لە گشت لق و ژوورەکانی سەندیکا لە تەواوی شار و شارۆچکەکانی کوردستان گردبوونەوەیەک لەناو لق و ژوورەکانی سەندیکا یاخود لەبەردەم دادگاکان(بەپێی گونجاوی لق یا ژوورەکانی پارێزەران) ئەنجام دەدرێت و بەیاننامەی سەندیکای پارێزەرانی کوردستان دەخوێندرێتەوە ( کە بۆ ئەو مەبەستە ئامادە کراوە) وەک ناڕەزاییەک دژی ئەو تاوانەی دەرحەق دژ بە ئەندامێکی سەندیکامان ڕوویدا و تیایدا داواکاریی پارێزەران و سەندیکا لەو بارەیەوە دەخرێتە ڕوو.
داواکارین لە هەموو پارێزەران، بۆ بەرگریکردن لە خێزانی دادوەریی و سەروەریی یاسا ئامادە بن.

سەندیکای پارێزەرانی کوردستان

05/01/2025

ئەمڕۆ یەکشەممە رێکەوتى 5-1-2025 بە ئامادەبوونى بەڕێز بەپرسی ژوور پارێزان پارێزەر [صابر زبیر عیسی ]وە پاریزەرانی ئە ئەندام لە ژوورەکەمان وە ئامادەبونی بەرێز دادوەری دادگای بەرای هەریر و بەرێز دادوەری داواکاری گشتی وە بەرێز قائیمقامی قەزای هەریرو بەرێز مدیر بنکەی پۆلیسی هەریری و کارتی نیشتمانی هەریرو جێەجێ کردنی هەریر فەرمانبەرانی دادگاو لایەنی تر لە مەراسیمێکدا رۆژى پارێزەران بەرز ڕاگیرا.
لە مەراسیمەکە، باس لەو رۆژە پیرۆزەکرا کە رۆژی دامەزراندنی سەندیکای پارێزەرانە [3/ 1/ 1993]و لە هەمو ساڵێک لەم رۆژە ئەو یادە دەکرێتەوە وە باس ڵە گرینگى پارێزەران کرا لە خێزانی دادوەری وە پاشان شیرینى دابەش کرا. پاشان میوانان پیرۆزباییان لە پارێزەران و سەندیکا کرد و رۆڵى پارێزەرانیان بەرز نرخاند و هیواى سەرکەوتن و بەردەوامیان بۆ پارێزەران خواست.
هەر بەو بۆنەیەوە چەندین وێنەى یادگارى چرکێندران.

02/01/2025

بەیاننامەیەک لە سەندیکاى پارێزەرانى کوردستانەوە

بەبۆنەى رۆژى پارێزەرانى کوردستان، کە لە رێکەوتى (3-1)ى هەموو ساڵێک یاد دەکرێتەوە، بەناوى سەرۆک و ئەندامانى ئەنجومەنى سەندیکاى پارێزەران پیرۆزباییی لە خۆمان و تەواوى پارێزەرانى خۆشەویست دەکەین.
سى و یەک ساڵ بەر لە ئێستا و لە 3-1-1993 پەرلەمانى کوردستان بەشێوەیەکى فەرمى، بڕیارى دانپێنانى بە دەستەى کاتى دامەزرێنەرانى سەندیکاى پارێزەرانى کوردستان کرد، کە (10) پارێزەرى کوردستان، کە بەڕێز سەرۆکى ئێستاى سەندیکاى پارێزەرانى کوردستان، یەکێک بوو لەوان، وەکو ئەرکێکى نیشتمانیى و کوردستانیى و پیشەییانە، سەندیکاى پارێزەرانى کوردستانیان دامەزراند.
پارێزەران گرینگترین توێژى کۆمەڵگان و سەرمەشقى پێشکەوتنى سەقامگیرییى، سەروەریى و جێبەجێکردنى یاسان لە هەر جڤاکێک.
پارێزەران کە ئەندامى خێزانى دادوەریین و بە دادوەرى وەستاو دەناسرێن، تەواوکەریى سیستەمى دادوەریین و پێکەوە لەگەڵ ئەندامانى دادوەرى دانیشتوو و ئەندامانى داواکارى گشتیی، لەپێناو تۆکمەکردنى سیستەمەکە و راپەڕاندنى کارى دادوەرییى و بەرپاکردنى دادپەرروەرى کار دەکەن.
لەهەر وڵاتێک و ناوچەیەکى ئەو جیهانە، پارێزەران کەشێکى یاساییى و دروستیان بۆ بڕەخسێت و ڕاوێژى یاساییى پێویستیان لێ وەربگیرێت و لە بۆتەقەى یاسا کاروبارى هاووڵاتییان ڕابپەڕێنن،دام و دەزگاى فەرمیى و کەرتى تایبەت پێش دەکەوێت و خۆشگوزەرانى پەرە دەسێنێت.
پێویستە پارێزەران تەواو ئازاد بن لە بریکارییەتى مافى بەرگریکردن لە هاووڵاتییان، تا ئەو پرەنسیپ و مافە جێگیرتر و چەسپاوتر و رێزلێگیراو تر بکرێت، دیموکراسیى و ئازادى پتر لە وڵات پێش دەکەون.
لەهەر کونجێکى ئەو زەمینە، پارێزەران بەهێز بن و پێگەى یاساییى و کۆمەڵایەتیى تەواوى خۆیان پێ بدرێت، سیستەمى بەڕێوەبردن و سیاسیى ئەو شوێنە، جێگاى متمانەى زیاتر دەبێت.
سەندیکاى پارێزەرانى کوردستان، هەموو هەوڵ و تەقەڵایەکى بۆ ئەوەیە پارێزەران لە چوارچێوەى یاساى پارێزەرایەتیى و یاسا بەرکارەکانى کوردستان و عێراق و پێوەر و پرنسیپە نێودەوڵەتییەکان رێک بخات و پێگەى ئەندامانى سەندیکاى پارێزەرانى کوردستان، کە پارێزەرانى ئازیزن، بەرزتر و گەورەتر بکات.
سەندیکاى پارێزەرانى کوردستان، کە بەپێى یاسا دامەزراوە و بەپێى یاساش کار دەکات، پەیوەندییەکانى لەگەڵ دەسەڵاتەکانى تەشریعیى و جێبەجێکردن و دادوەریى لە هەرێمى کوردستان لەسەر بنچینەى رێزگرتن لە یاسا و پارێزەران و جێبەجێکردنى یاسایە. هەمیشە داواکاریمان ئەوە بووە و دەبێت، کە پێویستە لەو چوارچێوەیە لە پێگەى پارێزەران بڕوانن. هەرچەندە لێرە و لەوێش کەمتەرخەمیى و کەموکوڕیش هەبووە، بەڵام سەندیکا بەردەوام لە هەوڵ و هەماهەنگى دا بووە و دەبێت لەگەڵ لایەنە پەیوەندیدارەکان و هەموو رێگا پیشەییى و یاساییەکان بۆ چارەسەرکردنى کێشەى پارێزەران دەگرێتە بەر.
سەندیکاى پارێزەرانى کوردستان، کە بە تەواوی پشت بە داهاتەکانى خۆى دەبەستێت، کە بە سیستەمێکى ژمێریاریى تۆکمەى وردبینیکراو لەلایەن چاودێریى دارایى هەرێم، بەڕێوەدەچێت و سیستەمێکى خانەنشینى سەربەخۆى هەیە و مافى پارێزەران بە تەواوى دەستەبەرە لەڕووى خانەنشینیەوە.
لەماوەى ساڵى رابوردوو دەستکرا بە پرۆسەى بایۆمێترى پارێزەران، کە لە پێناو بەرژەوەندیى پارێزەرانى راستەقینە بوو و لیستى پارێزەران بە تەواوى پاککرایەوە و ئەمەش بە هەماهەنگى لەگەڵ ئەنجومەنى وەزیران و فەرمانگەى تەکنەلۆژیاى زانیارى بوو، کە جێگاى خۆیەتى دەستخۆشیان لێ بکەین.
پارێزەران ئەمساڵ، دەبنە خاوەنى باڵەخانەیەکى شیاو بە پێگەى خۆیان و کاروبارەکانیان ئەمساڵ لەو باڵەخانەیە جێبەجێ دەبێت و پلانى سەندیکا ئەوەیە کە لەماوەى داهاتوو کاروبارەکان لە پڕۆژەیەکى تەکنەلۆژیاییى تۆکمە، بە ئەلیکترۆنى بکرێت.
هەروەها بەمەبەستى بەرزکردنەوەى ئاستى رۆشنبیریى و یاساییى و پیشەیى پارێزەران، پلانى سەندیکاى پارێزەرانى کوردستان ئەوەیە کە پەیمانگاى پارێزەرایەتیى بکرێتەوە، کە بەشێکى باڵەخانەکەى سەندیکا بۆ ئەو پەیمانگایە تەرخان کراوە و پێداویستییەکانیشى دابین کراون.
وەک ئەنجومەنى سەندیکاى پارێزەرانى کوردستان، دووبارە پابەندبوونى خۆمان بە ئەنجامدانى هەڵبژاردنى پارێزەران دەکەینەوە، هەروەک لەماوەى پێشووتر ئەنجاممان داوە و ئامادەى گشت هاوکارییى و هەماهەنگییەکین لەگەڵ لیژنەى سەرپەرشتیى و لایەنەکانى پەیوەندیدار بۆ ئەنجامدانى هەڵبژاردن.
وەک ئەرکێکى یاساییى و پاڵپشتیمان بۆ فەرمانبەرانى هەرێمى کوردستانیش داواکارین کەوا حکومەتى فیدڕاڵ ئەرکە دەستوورییى و داراییەکانى بەرانبەر حکومەتى هەرێمى کوردستان و فەرمانبەران جێبەجێ بکات و لەژێر هیچ بیانوو و پاساوێک ئەو بابەتە وەک چەکێکى سیاسى بەکار نەهێندرێت. پێویستیشە تا زووە کابینەى نوێى حکومەتى هەرێمى کوردستان پێک بهێنرێت و بە تەباییى و یەکگرتوویى مامەڵە لەگەڵ حکومەتى عێراق و لایەنە ئیقلیمیى و نێودەوڵەتییەکان بکرێت، بۆ ئەوەى کورد و هەرێمى کوردستان لەو گۆڕانکارییە گەورانەى کە ناوچەکە بەخۆیەوە دەبینێت، بەهێزەوە دەربکەوێت.
دووبارە پیرۆزباییى ئەو رۆژە (3-1) لە هەموو پارێزەرانى خۆشەویست دەکەین، هیوادارین پێکەوە هەموومان پارێزگارى لە بەرزى پیشەى پیرۆزى پارێزەرایەتی بکەین و دەست لەناو دەست، پارێزەران لە پێگە و مەنزڵگاى گەورە ببینین.
هەر سەرکەوتوو و سەرفراز بن

سەندیکاى پارێزەرانى کوردستان

#رۆژى #پارێزەران

26/09/2024

پرسەنامە

بەناوى ته واوي ئه ندامانى ژوره كه مان و ژورى پاريزه راني هرير پرسە و سەرەخۆشى خۆمان ئاڕاستەى پارێزەران به رپرسى ژورمان پاريزه ر صابر زبير عيسى وه پاريزه ر محمد زبير عيسى ) دەکەین بەهۆى کۆچى دواییى داپيري بەڕێزیانەوە.
لەخواى گەورە داواکارین خوالێخۆشبيت بە بەهەشتى بەرین شاد بکات و سێبوورى بنه ماله كه يان بداتەوە.
انا لله وانا الیه راجعون

30/07/2024

پرسە

بەناوی ته واوى پارێزەرانی ئه ندام له ژوره كه مان پرسە و خەمناکی خۆمان بە کۆچی دواییی پارێزەر (یونس رمضان يونس) رادەگەنین، کە بەداخەوە دويني کۆچی دواییی کرد.
داواکارین لە خوای گەورە سێبووری هەموو لایەکمان بدات و خوالێخۆشبووش بە بەهەشتی بەرین شاد بکات

انا للە وانا الیە راجعون

24/02/2024

ماوەی نوێکردنەوەی بەشداری ساڵانە درێژ کرایەوە

لەپێناوی دەرفەت دانی زیاتر بە پارێزەرانی ئازیز و لەبەرچاو گرتنی دۆخی ئابووریی و رەچاوکردنی، ئەنجومەنی سەندیکای پارێزەرانی کوردستان بڕیاریدا بە درێژکردنەوەی ماوەی نوێکردنەوەی بەشداری ساڵانە (ناسنامە) ی ساڵی ٢٠٢٤ بۆ ٣٠-٠٤-٢٠٢٤ بەبێ ئەوەی پێبژاردنی بکەوێتە سەر.
ئەو درێژکردنەوەیە تەنها بۆ یەکجارە و داواکارین پارێزەران تا ئەو ماوەیە ناسنامەکانیان نوێ بکەنەوە.

29/11/2023