هاوسەرى خواناس

10/06/2023

الحمد لله على کل حال
سوپاس و ستایش بۆ خواى گەورە سوپاس بۆ ئەو خوایەى کە لە نەبوونەوە ئێمەی هێناوەتە بوون ئەو خوایەىى کە هەموو شت لە نێوان پیتى ک و نوندایە ، ئەى خوایە گیان رزگارمان بکە لە نەبوونى و هەژاری و کەم دەستى و بێ دەستەڵاتى یا ارحم الراحمین اللهم آمین

30/01/2022

20/07/2017

پرسیار:
سیفەتی تەواوەتی حیجابی ئافرەت چۆنە؟
وەڵام:
بسم الله الرحمن الرحیم سوپاس و ستایش بۆ خواى گەورە وە درودو سڵاو لە سەر گیانى پێغەمبەرى خوا وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
سیفەت وشێوازی تەواوەتی باڵاپۆشی ئافرەت ئەوەیە كە هەموو لەشی داپۆشێت بەرامبەر پیاوی نامەحرەم، چونكە ئەوە دوورترو پارێزراوترە لە دروست بوونی خراپەو فیتنە، سەبارەت بە مەحرەمەكانیش ئەوا دەتوانێت ئەو شوێنانە بەدەربخات كە بەدەرەوەن وەكو دەستەكان وپێكان وسەرو دەم وچاوو قاچ وقۆڵیش، چونكە ئەم شوێنانە بەدەرەوەن.
الشیخ محمد بن صالح العثيمین - فتاوی نور علی الدرب>>>>>>>>بەهیواى سود مەند بوونى هەموو لایەک

30/08/2016

18/04/2016

هاوسەرى خوا ناس ئە و کەسەیە کە ئامادەیە هەموو رۆژێک گیانێکى هەبێت فیدایى بکات لە پێناوى هاوسەر و منداڵەکانى بۆ ئەوەى ژیانیانیان نەشوێت و لانەى بەختەوەریان هەمیشە دڵ شاد و گەشاوە بێـ ، جا تۆش ئەى خوشکى ئیماندارم گەر دەتەوێت چێژ لە جوانى و خۆشییەکانى هەردوو جیهان وەربگریت ئەوا بەو بەشە رازى بە کە خواى پەروەردگار پێى بەخشیوت .

15/07/2014

اللهم بلغنا ليلة القدر آمين

26/01/2014

لحمد لله رب العالمين والصلاة والسلام على نبينا محمد وعلى آله وصحبه أجمعين، أما بعد،
ئەی ئەو خوشكەی كە ئیمان و باوەڕبوون بە خودای پەروەردگار لە دڵتدا جێگیر بووە، ئەی ئەو خوشكەی كە خوا و پێغەمبەرەكەیت –صلی الله علیە وسلم- خۆش ئەوێت، ئەی ئەو خوشكەی كە خوای گەورە نیعمەتی پاكی و تەندروستیەكی باش و بیر و هۆشی پێ بەخشیویت، ئەی ئەو خوشكەی كە سوجدە تەنها بۆ خوای پەروەردگار دەبەیت و تەنها بەندەی ئەویت......
بیرت بێت كە تۆ باوەڕداریت، تۆ موسوڵمانیت، ئیسلام تۆی پاك كردۆتەوە لە هەموو شتێكی پیس و گومانلێكراو....
تۆ ئەو كەسەی كە أبو هریرە -خوای گەورە لێی ڕازی بێت- دەڵێ: لە پێغەمبەرەوە -صلی الله عليه وسلم- وەصێتی كردوە بەوەی كە: مَنْ كَانَ يُؤْمِنُ بِاللَّهِ وَالْيَوْمِ الْآخِڕ فَإِذَا شَهِدَ أَمْرًا فَلْيَتَكَلَّمْ بِخَيْرٍ أَوْ لِيَسْكُتْ. وَاسْتَوْصُوا بِالنِّسَاءِ، فَإِنَّ الْمَرْأَةَ خُلِقَتْ مِنْ ضِلَعٍ، وَإِنَّ أَعْوَجَ شَيْءٍ فِي الضِّلَعِ أَعْلَاهُ، إِنْ ذَهَبْتَ تُقِيمُهُ كَسَرْتَهُ، وَإِنْ تَرَكْتَهُ لَمْ يَزَلْ أَعْوَجَ، اسْتَوْصُوا بِالنِّسَاءِ خَيْرًا. [بخاري/ النكاح/٣٨٩٠] واتە: هەركەسێ باوەڕی بەخواو ڕۆژی دوایی هەیە، هەرشتێكی بینی یان چاك بڵێت یان بێدەنگ بێت، ئامۆژگاری وەرگرن و چاك بن لەگەڵ ژنان، چونكە لەپەراسوو دروست كراون، لارترین بەشی پەراسووش لای سەرەوەیەتی، ئەگەر هەوڵی ڕاست كردنەوەی بدەیت دەیشكێنیت، ئەگەر وازیشی لێبهێنیت بەلاری دەمێنێتەوە، ئامۆژگاری چاكەم وەربگرن دەربارەی ژنان.
خوشكەكەم بیرت بێت تۆ بەشێكی گەورەی لە ژیانی پیاو دا تۆ دایكیت، خێزانیت، خوشكیت...
ئازیزەكەم ڕێگەم ئەدەیت چەند پرسیارێكت لێ بكەم؟
ئایا ئەگونجێت بۆ كەسێك كە ئەم هەموو سیفاتە باشانەی تێدا بێت ڕوخساری خۆی دەربخات بۆ پیاوانی بێگانە؟ جل و بەرگی كورت بپۆشێت؟
خۆی بۆن خۆش بكات؟
ئایا ئەگونجێت بۆ ئەو كەسه زۆر بچێت بۆ بازار و ئەو شوێنانەی كە پڕن لە تاوان؟
ئایا ئەگونجێت بۆ ئەو كەسه دەنگی بەرز بكاتەوە و پێبكەنێت لەگەڵ هاوڕێكانیدا له سەرجادە و شوێنە گشتیەكان؟
و كاتێكی زۆر بەفیڕۆ بدات لە بازار بێ ئەوەی پێویستی بێت؟
نەخێر والله كەسێك ئەم سیفاتە باشانەی هەبێت هەرگیز ناگونجێت ئەم كاره ناشرینانە بكات....
خوشكەكەم.....بزانە خوای گەورە چاودێریت ئەكات و ئاگای لێتە لە هەموو كات و شوێنێكدا، لە بازار، لە سەر جادە، لە مەكتەب، لە زانكۆ، ئەو كاتانەی كە تەلەفۆن ئەكەیت.... الله چاودێریت ئەكات و سەیرت ئەكات... ئایا لە خودا ناترسیت؟ ئایا بەوە ڕازیت كە ئەوە ببینێت كە تۆ ئەیكەیت لە كاتێكدا پێچەوانەی شەرعی خوا و پێغەمبەرەكەیەتی –صلی الله علیە وسلم-؟
ئایا خوای پەروەردگار فەرمانی بە پێغەمبەرەكەی نەكردوە -صلی الله علیە وسلم- كە بە خێزانە پاكە بە شەرمەكانی، ئەو ئافرەتانەی كە پێشەنگی ئافرەتانی جیهانن، بفەرموێت كە حیجاب بپۆشن؟ هەروەك دەفەرموێت:{ يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ۚ} -الاحزاب:59- واته: ئەی پەیامبەر(صلی اللە علیە وسلم)! بەژنەكانت، كچەكانت و ژنانی بڕوادار بڵێ لە باڵاپۆش و عاباكانیان بپێچن بە خۆیانا، بە شێوەیەك كە تەواوی سەرو مل و جەستەیان داپۆشێ. و له پێناسەی جلبابیشدا شێخ ابن باز دەفەرموێت: والجلباب: (هو الرداء فوق الخمار بمنزلة العباءة) فتاوی و مقالات الشیخ ابن باز، ضمن رسالة: (الاخطلات و السفور). واتە جلباب ئەو پۆشاكەیە كە ئافرەتان لەسەرەوەی جلەكانیانەوە دەیدەن بەخۆیاندا و سەرتاپایان دەگرێتەوە (واتا عابا).
بیرت بێت پێغەمبەری خوا -صلی الله علیە وسلم- دەربارەی ئەو ئافرەتانەی كە بۆن دەدەن له خۆیان لەكاتی چونە دەرەوەیاندا ئەفەرموێت:{أَيُّمَا امْرَأَةٍ اسْتَعْطَرَتْ فَمَرَّتْ عَلَى قَوْمٍ لِيَجِدُوا مِنْ رِيحِهَا فَهِيَ زَانِيَةٌ} رواه الإمام أحمد (19212) والنسائي (5126) وحسنه الألباني في صحيح الجامع. واتە: هەر ئافرەتێك خۆی بۆن خۆش بكات وپاشان دەربچێت وبەلای كۆمەڵە پیاوێكدا تێپەڕبێت كە بۆنەكەی بێت بەسەریاندا ئەوا ئافرەتەكە زیناكارە.
دوبارە ئەوەشت بیر نەچێت كە پێغەمبەری خوا –صلی الله علیە وسلم- بازاری بە پیسترین و ناخۆشترین شوێن باس كردوە لە لایەن خوای پەروەردگارەوە هەروەك دەفەرموێت:{أحَبُّ الْبِلادِ إِلَى اللَّهِ عَزَّ وَجَلَّ مَسَاجِدُهَا، وَأَبْغَضُ الْبِلادِ إِلَى اللَّهِ عَزَّ وَجَلَّ أَسْوَاقُهَا} رواه مسلم واتە: خۆشەویستترین شوێن وجێگا بەلای خواوە مزگەوتەكانە و بێزراوترین شوێنیش بازاڕەكانە.
ئایا ئەوەشت بیر چۆوە كە خوای پەروەردگار بە خێزانەكانی پێغەمبەری خوا –صلی الله عليە وسلم ئەفەرموێت: {يَا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ ۚ إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَعْرُوفًا} –الاحزاب:32- واته: ئەی ژنانی پەیامبەر! (صلی اللە علیە وسلم) هەرگیز ئێوە وەك هیچ یەكێ لە ژنانیتر نین ئەگەر ئێوە لەخوا بترسن، بێ شك حیساب و پاداشتان زۆرو فراوانە دەسا لەگەڵ نامەحرەمدا قسە بەنەرمیی و ناسكیی و نازەوە مەكەن، واتە: لەكاتی وتەو گوفتاردا دەنگتان نەرم و ناسك مەكەن لەگەڵیاندا نەوەكو ئەو كەسەی كە دڵی نەخۆشی(خراپ و بەدرەوشتی) تێدایە، تەماح بیگرێ و بورووژێت ئەبێ ئێوە هەمیشە قسەی چاك و شیاو بكەن.
خوشكەكەم ئەم ئایەتە پیرۆزە فەرمانی خوای گەورەیە بۆ باشترین ئافرەتەكانی سەر زەوی لە خۆت بپرسە ئایا تاكە هەوڵێكم یاوە وەك ئەوان بم؟! تەنها ئەوەنە ئەڵێم خوای گەورە هیدایەتی‌ خوشكانی ئەم سەردەمە بدات.
خوشكە ئازیزەكەم... لەخودا بترسە... ئایا ناترسیت لەوەی كە هەرچی بكەیت گەورە بێت یان بچوك دەنوسرێت؟ ئەم ئایەتەت بیر بێت {مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ} -ق: 18- واتە: هەر وتەیەكی لەدەم دەردەچێت، فریشتەی چاودێری ئامادە، لەلایەتی دەینووسێ.
ئايا ئەتەوێت ببیتە هۆكاری تاوانبار بونی كەسێك و توڕەبونی خوای گەورە لەو كەسە و سەرئەنجامی ئاگری دۆزەخ بێت؟! دڵنیام كە هەرگیز بەوە ڕازی نابیت.....
خوشكەكەم، خوای عز وجل ڕێزێكی زۆری لێناوی بە پێدانی چەندین نیعمەت وەكو، تەندروستیەكی باش، ڕوخسارێكی جوان وڕێك و پێك، زیرەكی،... و نیعمەتی زۆرتر كە ناتوانیت بیانژمێرین... هەروەك خوای گەورە دەفەرموێت: {وَإِنْ تَعُدُّوا نِعْمَةَ اللَّهِ لَا تُحْصُوهَا ۗ} -النحل:18- واتە: خۆ ئەگەر بتانەوێ گشت نیعمەت و چاكەكانی خوا بژمێرن، بۆتان ناژمێردرێن.
ئایا ناترسیت بەهۆی تاوان و سەرپێچیەكانتەوە ئەم نیعمەتانەت لێ بسەنرێتەوە؟
خوشكە ئازیزەكەم، تۆ و من و ئەو و ئەوان مردنمان لە پێشە واتە ئەچینە ناو گۆڕ، ئایا هەرگیز بیرت لەوە كردۆتەوە من ئەمەوێت باخێك لە باخەكانی بەهەشتم بە نسیب بێت یاخود چاڵێك لە چاڵەكانی دۆزەخ؟!
خۆت هەڵی بژێڕە كامیانت ئەوێ؟ ئايا ڕوناكیت ئەوێ؟ ئایا ئاسودەی و ئارامیت ئەوێ؟ خوشكەكەم بەهەشت نمایش كراوە لە بەردەمتدا ئایا ئەتــــــەوێــــــت؟ سەرت نەسوڕمێت بە پرسیارەكانم، چونكە كۆمەڵێك هەن زۆر لە خۆباین و بەهەشتیان ناوێت!!!!!!!ئەزانی ئەوانە كێن؟؟؟ پێغەمبەری خوا -صلی الله علیە وسلم- لەبارەیانەوە ئەفەرموێت: { كُلُّ أُمَّتِي يَدْخُلُونَ الْجَنَّةَ إِلَّا مَنْ أَبَى، قَالُوا يَا رَسُولَ اللَّهِ وَمَنْ يَأْبَى؟ قَالَ مَنْ أَطَاعَنِي دَخَلَ الْجَنَّةَ وَمَنْ عَصَانِي فَقَدْ أَبَى } رواه البخاري، واتە: هەموو ئوممەتی من دەچێتە بەهەشتەوە ئیلا ئەو كەسە نەبێت كە خۆی نەیەوێت !! ووتیان: كێ نایەوێت ئەی پێغەمبەری خوا صلى الله عليه وسلم ؟!! ئەویش فەرمووی: هەر كەسێك گوێڕایەڵیم بكات ئەچێتە بەهەشتەوە، هەركەسێك سەرپێچیم بكات ئەوە خۆی نەیویستووە.ئایا هەوڵت داوە هەمیشە گوێڕایەڵی خوا و پێغەمبەری خوا بكەیت تا یەكێك بیت لەوانەی كە دەچنە بەهەشتەوە؟!
كۆتای وتەكانم بەم ئایەتەی خوای پەروەردگار دەهێنم كە دەفەرموێت: {كُلُّ نَفْسٍ ذَائِقَةُ الْمَوْتِ ۗ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ ۖ فَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ ۗ وَمَا الْحَيَاةُ الدُّنْيَا إِلَّا مَتَاعُ الْغُرُورِ} -ال عمران:186- واتە: هەموو كەسێك بێ جیاوازیی تامی مردن دەچێژێ، رۆژی قیامەت، گشت كرێ و پاداشی خۆتانتان دەدرێتەوە ئینجا هەركەسێ لەئاگر دوور خرایەوەو برایە بەهەشتەوە، بێ شك سەرفرازو سەركەوتو دەبێ ژیانی ئەم دنیایەش، تەنها خۆشی و لەزەتێكی كەم و چەواشەكارو فریودەرو، خشتەبەرە، كەواتە وشیار بن!