24/12/2020
يقول المحامي الكبير/ فريد بك الديب :
أول ما اشتغلت في المحاماة ، موكل عندي إتحبس ست شهور في أول درجة ، زعلت جدًا وفضلت أقول إزاي القاضي يحكم كدا ؟ وفضلت اليوم كله ممتنع عن الاكل من شدة الزعل !!
لكن لما تفاجئت إنه بكل سهولة طلع براءة في الإستئناف؛ نظرتي للأمور اختلفت.
لذلك أحيانًا تلاقي متهم أخد سجن مؤبد ، اهله وقرايبه يفضلوا يصرخوا والمتهم نفسه بينهار ... إلا محاميه ... بتلاقيه بكل ثقة بيقولك ، أنتظر لما نشوف الأسباب اللي القاضي هيكتبها.
في أول لقاء لفريد الديب مع عمرو أديب بعد إحالة أوراق المتهم للمفتي قبيل الحكم بإعدامه.. أديب سأل الديب: رأيك إيه في الحكم ؟
الديب رد بكل ثقة : نقدر نقول إننا في الشوط الأول من المباراة مُني مرمانا بهدف.
أديب رد بإستغراب : موكلك محكوم عليه بالإعدام ، وبتقولي مُني مرمانا بهدف ؟
فـ الديب رد : أيوه يا بيييه ، لسه قدامنا شوط تاني لسه.
وبالفعل ، تم نقض حكم الإعدام، والعجيب إن اسره المتهم لم تغير فريد الديب بعد حكم الإعدام ، صحيح أضافوا فريق دفاع آخر ، لكن الديب ظل على رأسهم......
طالما عملت توكيل لمحامي محل ثقة، ما تفضلش كل شوية تزن على دماغه ، سيبه يشتغل وهو عارف بيعمل إيه، وخليك مؤمن إن الحكم إلا لله ... لكن زي ما قولنا من قبل، محاميك سفيرك، فأحسن إختيار من يمثلك.
#محامين
#قانون #قانونيون
#حقوقيون
