ადვოკატი კახა ჩიდრაშვილი / Attorney Kakha Chidrashvili

02/05/2026

ალიმენტი არ არის ყოფილი მეუღლის ცხოვრების „ასაწყობი“ თანხა.
ალიმენტი ეკუთვნის არასრულწლოვან შვილს და გამოიყენება მისი ყოველდღიური საჭიროებებისთვის — კვება, ტანსაცმელი, განათლება, ჯანმრთელობა და სხვა აუცილებელი ხარჯები.
ის ფაქტი, რომ თანხა გადაეცემა იმ მშობელს, ვისთანაც ბავშვი ცხოვრობს, არ ცვლის მის მიზანს: ალიმენტი არის ბავშვის კეთილდღეობისთვის და არა ყოფილი მეუღლის პირადი სარგებლისთვის.

15/04/2026

⚖️ ვინ იხდის სესხს, მსესხებლის გარდაცვალების შემთხვევაში?
✅ 1. ძირითადი წესი
👉 თუ არსებობს სიცოცხლის დაზღვევა:
➡️ სესხს იხდის სადაზღვევო კომპანია;
➡️ არა — მემკვიდრეები!
________________________________________
📄 რადგან:
• სესხთან ერთად გაფორმებულია სამმხრივი ხელშეკრულება
(ბანკი + მსესხებელი + სადაზღვევო)
👉 სადაზღვევო იღებს ვალდებულებას:
➡️ დაფაროს დავალიანება მსესხებლის გარდაცვალების შემთხვევაში
________________________________________
❗ 2. როდის არ იხდის სადაზღვევო?
👉 თუ არსებობს გამონაკლისი შემთხვევები, მაგალითად:
• თვითმკვლელობა
• ნარკოტიკული ზემოქმედება
• ექიმის გარეშე მიღებული მედიკამენტი
• (განისაზღვრება შეთანხმებით)
➡️ ასეთ დროს:
❌ სადაზღვევო არ ანაზღაურებს
➡️ ვალი გადადის მემკვიდრეზე
________________________________________
⚠️ 3. ძალიან მნიშვნელოვანი (პრაქტიკა)
👉 ბანკები ხშირად:
• ფორმალურად მიმართავენ სადაზღვევოს
• იღებენ უარს
• და მაშინვე სთხოვენ მემკვიდრეებს გადახდას ❌
________________________________________
🏛️ 4. სასამართლოს პოზიცია (ძალიან მნიშვნელოვანია)
👉 საქართველოს უზენაესი სასამართლოს პრაქტიკა:
➡️ ბანკი ვალდებულია:
1. რეალურად და სრულად მიმართოს სადაზღვევოს
2. უარის შემთხვევაში — მიმართოს სასამართლოს
3. მხოლოდ ამის შემდეგ შეუძლია ვალიდ დაფარვა მოსთხოვოს მემკვიდრეს
________________________________________
❗ თუ ბანკი ამას არ აკეთებს:
👉 არღვევს:
• კეთილსინდისიერების პრინციპს
➡️ და მისი მოთხოვნა შეიძლება არ დაკმაყოფილდეს
________________________________________
🧠 5. მემკვიდრის ქმედება
👉 რა უნდა გააკეთოს მემკვიდრემ:
1. აცნობოს ბანკს გარდაცვალება
2. წარადგინოს:
o გარდაცვალების მოწმობა
o სამედიცინო დოკუმენტები
3. მოითხოვოს:
👉 ბანკმა მიმართოს სადაზღვევოს
________________________________________
🎯 მოკლე ფორმულა (დასამახსოვრებელი)
👉 დაზღვევა არსებობს → სადაზღვევო იხდის
👉 გამონაკლისია → მემკვიდრე იხდის
👉 ბანკმა უნდა იბრძოლოს ბოლომდე → სასამართლომდე

26/02/2026

საქართველოს შრომის კოდექსი ვრცელდება საქართველოს ტერიტორიაზე არსებულ შრომით და მასთან დაკავშირებულ ურთიერთობებზე.

თუ კონკრეტული საკითხი სპეციალური კანონით ან საერთაშორისო ხელშეკრულებით განსხვავებულად არის მოწესრიგებული, უპირატესობა ენიჭება სპეციალურ ნორმას.

თუ საკითხი არც შრომის კანონით და არც სხვა სპეციალური კანონით არ არის დარეგულირებული, გამოიყენება საქართველოს სამოქალაქო კოდექსი.

მნიშვნელოვანია ისიც, რომ შრომითი ხელშეკრულება ვერ დაადგენს ისეთ პირობებს, რომლებიც დასაქმებულის მდგომარეობას აუარესებს (ხელშეკრულების ასეთი პირობები გაბათილდება სასამართლოში).

კანონი ადგენს მინიმალურ სტანდარტს, რომლის დარღვევაც დაუშვებელია.

https://matsne.gov.ge/ka/document/view/1155567?publication=28

27/01/2026

იპოთეკით დატვირთული უძრავი ნივთის რეალიზაციის სამართლებრივი წესები
იპოთეკით დატვირთული უძრავი ნივთის რეალიზაცია საქართველოს კანონმდებლობით შესაძლებელია როგორც მხარეთა შეთანხმების, ისე სასამართლოს ჩართულობის საფუძველზე. ძირითადი პრინციპი მდგომარეობს იმაში, რომ კრედიტორსა და მესაკუთრეს შორის შეთანხმებას ენიჭება პრიორიტეტი და მხოლოდ უთანხმოების შემთხვევაში ხდება იძულებითი აღსრულების მექანიზმის გამოყენება.
კანონი ითვალისწინებს, რომ იპოთეკით დატვირთული უძრავი ნივთის გაყიდვა შესაძლებელია აუქციონის გზით, კრედიტორისა და მესაკუთრის წერილობითი შეთანხმების საფუძველზე. ამ მიზნით მხარეები ირჩევენ სპეციალისტს, რომელიც უზრუნველყოფს აუქციონის ორგანიზებას. მნიშვნელოვანია, რომ ასეთი რეალიზაცია არ მიიჩნევა იძულებით აღსრულებად, რაც მხარეებს აძლევს მოქნილობას და პროცესის უფრო ეფექტურად წარმართვის შესაძლებლობას.
ამავე დროს, მხარეებს შეუძლიათ შეთანხმდნენ უძრავი ნივთის რეალიზაციის ალტერნატიულ ფორმაზე, მათ შორის — კრედიტორისთვის ქონების გადაცემასა და შემდგომ რეალიზაციაზე ნოტარიუსის მიერ გაცემული სააღსრულებო ფურცლის საფუძველზე. ასეთ შემთხვევაში გარიგება სავალდებულოდ უნდა დამოწმდეს სანოტარო წესით.
თუ კრედიტორი და მესაკუთრე ვერ თანხმდებიან არც აუქციონის ჩატარებაზე და არც რეალიზაციის სხვა ფორმაზე, საკითხი წყდება სასამართლოს მიერ.
სასამართლოს გადაწყვეტილების საფუძველზე უძრავი ნივთის იძულებითი გაყიდვა ხორციელდება „სააღსრულებო წარმოებათა შესახებ“ საქართველოს კანონის შესაბამისად.

Send a message to learn more

22/01/2026

ვლიდერობთ რეგიონში

20/01/2026

შპს – თქვენი ბიზნესის სამართლებრივი ფუნდამენტი
შეზღუდული პასუხისმგებლობის საზოგადოება (შპს) არის ყველაზე პოპულარული ფორმა მცირე და საშუალო ბიზნესისთვის საქართველოში. მისი მთავარი უპირატესობა არის, დამფუძნებლის / მესაკუთრის პასუხისმგებლობის შეზღუდვა – მოვალეების წინაშე, კომპანიას აქვს დამოუკიდებელი იურიდიული სტატუსი, ხოლო მფლობელების პასუხისმგებლობა ვალდებულებებზე შეზღუდულია კაპიტალით, რაც, დამფუძნებლის პირად ქონებას იცავს.
შპს-ის რეგისტრაცია იწყება საჯარო რეესტრში. რეგისტრაციის დროს უნდა იქნას განსაზღვრული კომპანიის დასახელება, საქმიანობის სფერო, წილის მესაკუთრეთა მონაცემები და ძირითადი კაპიტალი. დეტალებზე ზრუნვა თავიდან აგვარიდებს სამართლებრივი პრობლემების გაჩენას.
კომპანიის მართვა ხდება დირექტორის მეშვეობით, რომლის უფლებამოსილებები განსაზღვრულია წესდებაში. მეწილეთა შეთანხმება კი აკონტროლებს კაპიტალის განაწილებას, შემოსავლის დარიცხვას და მნიშვნელოვან გადაწყვეტილებებს.
შპს-ს სამართლებრივი სტაბილურობა ასევე დამოკიდებულია კონტრაქტებზე. ადვოკატის ჩართულობა უზრუნველყოფს რისკების მინიმუმს, გარიგებების უსაფრთხოებასა და ბიზნესის დაცვას.
შპს არ არის მხოლოდ იურიდიული ფორმა – ეს არის სტრატეგიული ინსტრუმენტი, რომელიც ხელს უწყობს ნდობის შექმნას ინვესტორებთან, კლიენტებთან და ბაზარზე სტაბილურ პოზიციას. სწორად შექმნილი შიდა წესები და კონტრაქტები უზრუნველყოფენ კომპანიის დაცვას, ზრდას და მდგრად განვითარებას.
შპს არჩევა არის გონივრული ნაბიჯი ნებისმიერი სტარტაპისთვის ან უკვე არსებული ბიზნესის სამართლებრივი კონსოლიდაციისთვის, რაც ქმნის საფუძველს სტაბილური და წარმატებული ბიზნესისთვის.

Send a message to learn more

12/01/2026

მშენებარე კორპუსში ბინის შეძენა – რას უნდა მიაქციოთ ყურადღება
მშენებარე კორპუსში ბინის შეძენა ხშირად ფინანსურად ხელსაყრელია, თუმცა გარკვეულ იურიდიულ რისკებსაც შეიცავს. ამიტომ გადაწყვეტილების მიღებამდე აუცილებელია რამდენიმე მნიშვნელოვანი საკითხის გადამოწმება.
1. დეველოპერის სამართლებრივი სტატუსი
გადაამოწმეთ:
• არის თუ არა კომპანია რეგისტრირებული საჯარო რეესტრში;
• ვინ არის დირექტორი და დამფუძნებელი;
• აქვს თუ არა კომპანიას მიმდინარე დავები ან დავალიანებები.
2. მიწის საკუთრება
აუცილებელია დადგინდეს:
• ეკუთვნის თუ არა მიწის ნაკვეთი თავად დეველოპერს;
• ხომ არ არის მიწა იპოთეკით, ყადაღით ან სხვა ვალდებულებით დატვირთული.
3. მშენებლობის ნებართვა
შეამოწმეთ:
• გაცემულია თუ არა კანონიერად მშენებლობის ნებართვა;
• შეესაბამება თუ არა ნებართვა რეალურად მიმდინარე პროექტს (სართულების რაოდენობა, დანიშნულება და ა.შ.).
4. ხელშეკრულება
ბინის შეძენა, როგორც წესი, ხდება მომავალი ქონების ნასყიდობის ხელშეკრულებით. განსაკუთრებული ყურადღება მიაქციეთ:
• ჩაბარების ვადებს;
• სანქციებს ვადის დარღვევის შემთხვევაში;
• ხელშეკრულების შეწყვეტის პირობებს;
• გადახდილი თანხის დაბრუნების მექანიზმს.
5. საკუთრების რეგისტრაცია
მნიშვნელოვანია, ხელშეკრულების საფუძველზე:
• მოხდეს თქვენი უფლების რეგისტრაცია საჯარო რეესტრში (მომავალი საკუთრების რეგისტრაცია);
• ეს ამცირებს ორმაგი გაყიდვისა და სხვა რისკებს.
6. გადახდების წესი
რეკომენდებულია:
• გადახდა განხორციელდეს საბანკო გზით;
• ყველა გადახდაზე არსებობდეს დოკუმენტური დადასტურება.
________________________________________
მშენებარე კორპუსში ბინის შეძენა შეიძლება იყოს კარგი ინვესტიცია, თუმცა იურიდიული შემოწმების გარეშე იგი დაკავშირებულია სერიოზულ რისკებთან. უმჯობესია, ხელშეკრულების გაფორმებამდე მიიღოთ პროფესიული იურიდიული კონსულტაცია.

Send a message to learn more

05/01/2026

მიწის ნაკვეთზე და მასზე განლაგებულ შენობაზე, ან მის გარეშე (მხოლოდ მიწაზე) საკუთრების უფლება წარმოიშობა საჯარო რეესტრში საკუთრების უფლების რეგისტრაციის შემდეგ.

ამისათვის უნდა მიმართოთ საჯარო რეესტრის ეროვნულ სააგენტოს და მოითხოვოთ მიწის ნაკვეთზე საკუთრების უფლების რეგისტრაცია

1. სპორადული რეგისტრაციის ფარგლებში, რაც ნიშნავს ფასიან და დაჩქარებულ მომსახურებას (3 თვის ვადაში მარეგისტრირებელმა ორგანომ უნდა მიიღოს საბოლოო გადაწყვეტილება მიწის ნაკვეთზე რეგისტრაციის ან რეგისტრაციაზე უარის თქმის შესახებ).

Send a message to learn more

31/12/2025

გილოცავთ დამდეგ 2026 წელს!
სამართლიანი გადაწყვეტილებების წელი ყოფილიყოს!

22/12/2025

მოასწარით 01.01.2026 წლამდე.

მიწის ნაკვეთზე საკუთრების უფლების წარმოსაშობად აუცილებელია საკუთრების უფლების ან მართლზომიერი მფლობელობის დამადასტურებელი დოკუმენტის არსებობა, ხოლო დოკუმენტის არარსებობის შემთხვევაში შესაძლებელია მიწის ნაკვეთზე საკუთრების უფლების აღიარებით რეგისტრაცია, თუ ის არ ეწინააღმდეგება კანონით დადგენილ მოთხოვნებს.

საკუთრების უფლების დამადასტურებელი დოკუმენტია:

1. მიწის ნაკვეთის მიღება- ჩაბარების აქტი, რომელიც უნდა შეიცავდეს ინფორმაცია მიწის ნაკვეთის ფართობის და მესაკუთრის შესახებ, ასევე დამოწმებული უნდა იყოს ბეჭდით.

2. საკუთრების უფლების მოწმობა და სხვა.

მართლზომიერი მფლობელობის დამადასტურებელი დოკუმენტია:

ცნობა-დახასიათება

საგადასახადო სია

მიწის სისტემური სააღრიცხვო ბარათი

საარქივო ცნობა კომლის შემადგენლობის და ქონებრივი მდგომარეობის შესახებ

მებაღის წიგნაკი და სხვა.

საჯარო რეესტრის ეროვნული სააგენტო ვალდებულია თავად მოიძიოს უფლების დამდგენი დოკუმენტი მიწის ნაკვეთზე და თუ დოკუმენტი არ მოიძებნება
მიწის ნაკვრთზე საკუთრების უფლების რეგისტრაციისთვის განიხილოს აღიარებით რეგისტრაციის საკითხი.

რა არის ამისათვის აუცილებელი:

მიწის ნაკვეთზე ან მის ნაწილზე არ არსებობდეს უფლების დამადასტურებელი დოკუმენტი;

დაინტერესებული პირი მიწის ნაკვეთს ფლობდეს 2007 წლის 20 სექტემბრამდე პერიოდიდან დღემდე , რასაც დაუდასტურებენ მეზობლები და სხვა.

Send a message to learn more

21/12/2025

Irakli Kandashvili / ირაკლი ყანდაშვილი