06/11/2025
🏢მოგესალმებით, გიზიარებთ 6 პრაქტიკულ და სამართლებრივ რჩევას ბინის შეძენის პროცესთან დაკავშირებით.
📊უძრავი ქონების ბაზარზე მოთხოვნა სულ უფრო და უფრო იმატებს, ხოლო დაინტერესებულ პირთა ინფორმირებულობის დონე საკმაოდ დაბალია.
1. ინფორმაციის მიღება თანხის ლიმიტთან დაკავშირებით - წინასწარ ინფორმირებულობა დაგეხმარებათ:
• თავიდან აიცილოთ ტრანზაქციის შეჩერება ან დაგვიანება;
• სწორად დაგეგმოთ უძრავ ქონებასთან დაკავშირებული გარიგებები;
• უზრუნველყო გარიგების დროული და უსაფრთხო შესრულება;
• თავი აარიდოთ ზედმეტ ბანკ(ებ)ის ბიუროკრატიულ პროცედურებსა და საკომისიოებს.
2. ბანკის შეფასება - ბინის შეძენის პროცესში, თუ ბინას იპოთეკური სესხით იძენთ, დაგჭირდებათ ბანკის შეფასება. შესაძლებელია ბინა უკვე შეფასებულია ბანკ(ებ)ის მიერ, რაც რამდენიმე დღის დაზოგვაში გეხმარებათ. წინააღმდეგ შემთხვევაში, ბინის შეფასება განხორციელდება ბანკის მიერ დანიშნული აგენტის მიერ.
3. 100% დაფინანსების შეუძლებლობა - თეორიულად, თუ ბანკის შეფასება მეტია, ვიდრე რეალური ფასი - პირველადი შენატანი არ გჭირდებათ. მაგრამ, პრაქტიკაში თუკი ბანკი დათანხმდა (რაც, თითქმის არ ხდება) რეალური ღირებულების დაფინანსებაზე, თანხას გაძლევენ ბინის საბაზრო ღირებულებამდე და არ გაძლევენ "ზედმეტს".
100% ბინის ღირებულება არ ფინანსდება. რეალურად, თქვენ იხდით სხვაობას ბანკის შეფასებასა და რეალურ ფასს შორის.
4. გირავნობით უზრუნველყოფილი სესხი (იპოთეკური სესხი) - დაფინანსების ერთ-ერთი შესაძლებლობა. თუ თქვენი ან მესამე პირის საკუთრებაშია აქტივი (უძრავი ქონება) და მას იყენებთ, როგორც უზრუნველყოფის საშუალებად, შესაძლებელია თითქმის სრულად დაფინანსდეს გარიგება.
სამართლებრივად, ეს არის იურიდიული გარანტია ბანკისთვის, რომ თუ მსესხებელი (თქვენ) ვერ გადაიხდით იპოთეკურ სესხს, ბანკს ექნება უფლება, უძრავი ქონება (ბინა, სახლი, მიწა) გაყიდოს და თანხა ამ გზით დაფაროს.
სამართლებრივი კუთხით, უძრავი ქონების გირავნობა არ არსებობს, როგორც წესი, აღნიშნული მოიაზრებს სხვადასხვს სამართლებრივ ურთიერთობას:
• სესხის ხელშეკრულებას;
• იპოთეკის ხელშეკრულებას;
• ბინით სარგებლობის ხელშეკრულებას;
• ნასყიდობის ხელშეკრულებას გამოსყიდვის უფლებით.
5. უძრავი ქონების საკადასტრო კოდი - აღნიშნული გაძლევთ საშუალებას საჯარო რეესტრის ამონაწერში გაეცნოთ დეტალურ ინფორმაციას ბინის შესახებ.
მაგ: მესაკუთრი(ები)-ს, ბინის ადგილმდებარეობის, კვადრატულობის, ან ვალდებულების (იპოთეკის, გირავნობის) შესახებ.
6. აუცილებლად შეამოწმეთ, კორპუსი მიღებულია თუ არა ექსპლუატაციაში, ან სამშენებლო სამუშაოების მიმდინარეობიდ პროცესი რამდენად გამჭვირვალეა.
როდესაც შენობა ოფიციალურად არის ჩაბარებული მერიაში (ან მუნიციპალიტეტში), ნიშნავს, რომ მან გაიარა მშენებლობის ხარისხის და უსაფრთხოების შემოწმება, აშენებულია ნებართვით დაშვებულ ფარგლებში და არსებობს შესაბამისი ექსპლუატაციის აქტი (ე.წ. „ჩაბარების აქტი“).
ასეთ შემთხვევაში, თქვენ ყიდულობთ სრულფასოვან და უსაფრთხო ქონებას, რომელსაც საჯარო რეესტრი უფლება-მქონედ აღიარებს. თუ თქვენ ყიდულობთ ბინას შენობაში, რომელიც ჯერ არ არის ჩაბარებული მერიაში, მაშინ:
• თქვენ შესაძლოა ვერ დაარეგისტრიროთ ქონება სრულფასოვნად;
• შენობას შეიძლება ჰქონდეს გადაცილებული პარამეტრები ან დარღვევები;
• მომავალში მერიამ შეიძლება მოითხოვოს გადაკეთება ან დაკანონება;
• ბანკები არ აფინანსებენ იპოთეკურად მიუღებელ ბინებს ან აფასებენ ნაკლებად.
💬უძრავი ქონების იპოთეკური სესხით შეძენასთან, ნასყიდობის ხელშეკრულების შემოწმებასთან, საკანონმდებლო ცვლილებებთან და რეგულაციებთან დაკავშირებით პრაქტიკული და სამართლებრივი კონსულტაციისთვის დაგვიკავშირდით პირად შეტყობინებებში:
📩[email protected]
📞579-01-83-85
