Lawyer Keti Giorgobiani / ადვოკატი ქეთი გიორგობიანი

31/07/2026

⚖️ ბრალდებულს ედებოდა ბრალი განზრახ მკვლელობის მცდელობის ჩადენაში დამამძიმებელ გარემოებებში, რაც ითვალისწინებდა 16-20 წლამდე თავისუფლების აღკვეთას.

დაცვის მიერ შემუშავებული სამართლებრივი პოზიციის, მტკიცებულებების დეტალური ანალიზისა და საქმის გარემოებების შეფასების შედეგად, შესაძლებელი გახდა ბრალდების კვალიფიკაციის შეცვლა და ქმედების ნაკლებად მძიმე ჯანმრთელობის დაზიანებად გადაკვალიფიცირება.

📌 სისხლის სამართლის საქმეებში ხშირად სწორედ ქმედების სწორი სამართლებრივი შეფასება განსაზღვრავს საქმის საბოლოო შედეგს.

✔️ მტკიცებულებების სიღრმისეული ანალიზი;
✔️ ეფექტური დაცვის სტრატეგია;
✔️ თითოეული ფაქტობრივი გარემოების სწორი სამართლებრივი შეფასება.

სისხლის სამართლის საქმეებში თითოეულ დეტალს გადამწყვეტი მნიშვნელობა აქვს.

📩 თუ თქვენ ან თქვენი ოჯახის წევრი სისხლის სამართლის საქმეში ფიგურირებთ, დროული და პროფესიული სამართლებრივი დახმარება შესაძლოა გადამწყვეტი აღმოჩნდეს.

26/06/2026

‼️სამშენებლო ობიექტზე საწარმოო ტრავმა — 100 000 ლარის კომპენსაცია დაზარალებულს

⚖️ სამშენებლო ობიექტზე მომხდარი საწარმოო ტრავმის საქმეზე, სადაც დაზარალებულმა მიიღო ჯანმრთელობის ნაკლებად მძიმე დაზიანება, ჩვენი ჩართულობით დაიწყო სრული სამართლებრივი რეაგირება, რომლის მიზანი იყო როგორც გარემოებების დადგენა, ისე პასუხისმგებელი პირების გამოვლენა და დაზარალებულის უფლებების დაცვა.

საქმეზე დაუყოვნებლივ განხორციელდა მიმართვები შესაბამის უწყებებში:
▪ შრომის უსაფრთხოების სამსახური
▪ მერიის მუნიციპალური ინსპექცია
▪ საქართველოს გენერალურ პროკურატურა — სისხლის სამართლის კოდექსის 240-ე მუხლით გამოძიების დაწყების მიზნით
▪თბილისის საქალაქო სასამართლოს სამოქალაქო საქმეთა კოლეგია
▪ ლ. სამხარაულის სახელობის სასამართლო ექსპერტიზა - დაზიანების ხარისხის დადგენის მიზნით

ჩვენს მიერ შერჩეული სწორი და თანმიმდევრული სამართლებრივი სტრატეგიის შედეგად, დაზარალებულმა მიიღო ფულადი კომპენსაცია 100 000 ლარის ოდენობით. ეს არის ჩვენი ერთობლივი, მიზანმიმართული მუშაობის შედეგი, რომელიც პროფესიონალიზმს, პრინციპულობასა და სამართლისადმი ერთგულებას ეფუძნება და როგორც წესი, წარმატებითა და გამარჯვებით სრულდება.

⚖️ ასეთ საქმეებში გადამწყვეტია სწრაფი რეაგირება, კომპლექსური სამართლებრივი მიდგომა და პროცესის მკაცრი მართვა.

📩 თუ თქვენ ან თქვენი ახლობელი აღმოჩნდით მსგავს სიტუაციაში — დროული იურიდიული დახმარება მნიშვნელოვნად ცვლის შედეგს.

Diana Gvishiani Keti Giorgobiani ქრისტინე ჩხიკვაძე Manana Adeishvili

02/04/2026

⚖️ ბოლო პერიოდში განსაკუთრებით გახშირდა საგანგაშო პრაქტიკა, რომელიც პირდაპირ აზიანებს ბრალდებულთა უფლებებს

📌 ხშირია შემთხვევები, როდესაც გამომძიებლები დაკავებულ პირებს აწვდიან შეცდომაში შემყვან ინფორმაციას - ეუბნებიან, რომ „2 დღეში გაუშვებენ“, „ადვოკატი არ არის საჭირო“ და არწმუნებენ, რომ თანამშრომლობა მათ მდგომარეობას გააუმჯობესებს

❗ რეალურად კი, ასეთ პირობებში, ბრალდებულებს აწერინებენ აღიარებით ჩვენებებს, რომელთა შედეგიც ხშირად სრულიად საპირისპიროა:
— ბრალი უმძიმდებათ;
— რჩებიან პატიმრობაში;
— ზღუდავენ საკუთარ შესაძლებლობას, სრულფასოვნად დაიცვან თავი;

⚠️ განსაკუთრებით პრობლემურია შემთხვევები, როდესაც აღიარება ხდება მხოლოდ იმისთვის, რომ ბრალდებული დათანხმდეს საპროცესო შეთანხმებას - მაშინაც კი, როცა მას აქვს გამართლების რეალური შანსი

❗ უნდა გვახსოვდეს:
ადვოკატის გარეშე მიღებული გადაწყვეტილება შეიძლება გახდეს თქვენი საქმის ყველაზე დიდი შეცდომა

🛑 არ დაეყრდნოთ დაპირებებს
🛑 არ მოაწეროთ ხელი დოკუმენტს ადვოკატთან კონსულტაციის გარეშე

⚖️ და რაც ყველაზე მნიშვნელოვანია - ისარგებლეთ დუმილის უფლებით და მოითხოვეთ ადვოკატი. ეს არის თქვენი ერთ-ერთი ყველაზე ძლიერი სამართლებრივი ბერკეტი

31/03/2026

⚖️ დღეს, საქმეში, სადაც ვიცავდი დაზარალებულის უფლებამონაცვლის - მოკლული ქალის დედის ინტერესებს, თბილისის საქალაქო სასამართლოს მოსამართლე დემეტრე ჯინჯოლიამ ცოლის მკვლელობაში ბრალდებული მამაკაცი დამნაშავედ ცნო და სასჯელის სახით 19 წლით თავისუფლების აღკვეთა შეუფარდა.

🔴 საქმის მასალების მიხედვით, ბრალდებულმა მეუღლეს დანის გამოყენებით სიცოცხლისთვის შეუთავსებელი დაზიანებები მიაყენა, მათ შორის ყელის არეში, რის შედეგადაც ქალი ადგილზე გარდაიცვალა. დანაშაული ჩადენილი იქნა იმ დროს, როდესაც მათი არასრულწლოვანი შვილები სახლში იმყოფებოდნენ.

🔴 საქმე განსაკუთრებით მძიმეა, ვინაიდან რთულია დაიცვა გარდაცვლილი ქალი, რომელიც პასუხს ვერ ცემს მის მიმართ გაჟღერებულ ცილისწამებებს და საკუთარ თავს ვერ იცავს მაშინ როდესაც ბრალდებულის მხრიდან ადგილი აქვს მისი დადანაშაულების მცდელობას, რაც სამწუხაროდ სჩვევიათ მოძალადე მამაკაცებს.

🔴 აღნიშნული საქმე წარმოადგენს ოჯახში ძალადობის უკიდურესი ფორმის ერთ-ერთ ყველაზე მძიმე გამოვლინებას.

⚖️ ამასთან, მიუხედავად საქმის სიმძიმისა, მნიშვნელოვანია აღინიშნოს, რომ როგორც პროკურორმა, ისე ბრალდებულის ადვოკატმა საკუთარი პროფესიული მოვალეობა პირნათლად და ეთიკის ფარგლებში შეასრულეს. საზოგადოებაში ხშირად არსებობს მცდარი დამოკიდებულება ბრალდებულის ადვოკატის მიმართ, თუმცა დაცვის უფლება სამართლებრივი სახელმწიფოს ერთ-ერთი ფუნდამენტური პრინციპია და ადვოკატი ვალდებულია დაიცვას თავისი კლიენტის ინტერესები, მიუხედავად ბრალდების სიმძიმისა.

სისხლის სამართლის ადვოკატი