02/04/2025
📌📌️წარმატებით დასრულებული დავა!
სასამართლო დავა, რომელიც პენსიონერ მოქალაქესა და სს ,,ლიბერთი ბანკს“ შორის მიმდინარეობდა მორიგებით დასრულდა. დავა ე.წ. ,,საპენსიო სესხის“ ხელშეკრულების პირობების ბანკის სასარგებლოდ ფაქტობრივად ცალმხრივად განხორციელებულ ცვლილებას შეეხებოდა.
კოვიდ პანდემიის პერიოდში სს ,,ლიბერთი ბანკმა“ მოვალე პენსიონერებისათვის ვითომდა შეღავათი აამოქმედება. შეღავათი გულისხმობდა სესხიდან გამომდინარე თანხების გადახდის ვალდებულების დროებით გადავადებას.
თუმცა, ამ ე.წ. საშეღავათო პერიოდის გასვლის შემდეგ, ბანკმა ისე რომ პენსიონერ დებიტორებს ანუ მსესხებლებს წერილობით, სათანადო ფორმით არ შეატყობინა სესხის ხელშეკრულებაში ცვლილების განხორციელების შესახებ (მოქმედი ხელშეკრულება მსგავსი ცვლილების შეტანის შესაძლებლობას ორმხივი ნების გამოხატულების შემთხვევაში ითვალისწინებდა), გაზარდა სესხის პერიოდულად გადასახდელი საპროცენტო განაკვეთი და იმ ფონზე რომ სესხის თანხა მანამდე მოქმედი პირობების თანახმად, უკვე ანულირებული (პენსიონერი მიერ სრულად დაფარული იყო) უნდა ყოფილიყო, ბანკი აღნიშნულ პენსიონერებს დამატებით თანხას რამდენიმე თვის განმავლობაში ანგარიშებიდან აჭრიდა.
სს ,,ლიბერთი ბანკის" ამ გადაწყვეტილებით უამრავი პენსიონერი დაზარალდა❗️
✅️სარჩელის შეტანასთან ერთად, მოვითხოვე სარჩელის უზრუნველყოფის ღონისძიების გამოყენება, რომ შეჩერებულიყო მოსარჩელე პენსიონერისთვის თანხების ჩამოჭრა და ესარგებლა კუთვნილი პენსიით.
✅️სს ,,ლიბერთი ბანკმა“ გაიაზრა რა დავის პერსპექტივა, იძულებული გახდა ფაქტობრივად ეცნო სარჩელი და ითხოვა მორიგება, რათა, დამატებითი ხარჯების (სასამართლო ბაჟი, აღსრულების საფასური) აღარ დაკისრებოდა.
✅️სს ,,ლიბერთი ბანკმა“ სრულად დაგვიკმაყოფილა სასარჩელო მოთხოვნა.
✅️საპენსიო სესხი მოსარჩელის სასარგებლოდ სრულად გაანულა და ზედმეტად გადახდილი თანხა მოსარჩელეს სრულად უკან დაუბრუნდა.
