Idy Barnes - Idy Property

09/10/2026

09/10/2026

Leeds 鄰居無牌拆走半幢屋,業主話間屋變咗賣唔出
英國 Leeds 有位業主 Shivarna，而家就面對緊呢個情況
事件經過: 2021年5月，佢儲咗好耐首期，買咗間三房 semi-detached，價值二十一萬七千鎊, 一年幾後，隔籬易手，新買家 Chris 兩次申請擴建，都獲批准，2022年10月開工
業主話，隔籬拆咗屋頂之後，相連位置就出現裂縫, 2023年1月佢向 Council 投訴，但工程做到5月，對方先收到正式停工通知, 當時部分共用牆已經被拆走，佢間屋只剩一層磚牆
之後雨水滲入、老鼠咬爛電線，潮濕同發霉仲影響到佢同個仔嘅健康，每月能源費大約£630
鄰居Chris 否認問題係工程造成:
-佢話風暴之後山牆變得唔安全，為咗避免危及他人，先至拆走
-不過 Council 已經確認，物業係喺冇所需許可嘅情況下被拆卸
-誰要負責，法院仲未有裁決，保險公司已提出索償，但要再等兩年先上庭
所以大家聽完雙方講法，唔好急住下結論
有3點提醒
-早啲搵 Council 同專業人士：等到佢哋加入或者已經錯失預先處理嘅時機
-留意隔籬嘅 Planning Application：有冇睇過內容？有冇表達過反對或者擔憂？
- 做咗 Party Wall 程序，業主會預先知道隔籬要做咩工程，就唔會突然被拆咗屋頂，漏水漏風都唔知點算
如果你係業主或者房東，隔籬一有動靜，記得第一時間查清楚,搵 Council 同專業人士 同留好紀錄。
我係 Idy，喺英國 30 年，從事物業工作將近 15 年，業務覆蓋 Reading、倫敦同曼城地區，買賣房屋同幫業主收租放租。下次見！ #海外投資 #物業管理 #英國業主 #英國投資 #英國物業投資

08/10/2026

收入過£30,000嘅收租業主 同Sole Trader，MTD要準備喇！
由2027年4月6號開始，Making Tax Digital for Income Tax（MTD）會擴展到年收入超過£30,000嘅Sole Trader同收租業主 。HMRC話，大約有一百零七萬人要加入。
時間表
• 2026年4月：收入超過£50,000嘅人已經開始
• 2027年4月：門檻降到£30,000
• 2028年4月：門檻再降到£20,000
點計有冇超過門檻？
• 係睇Turnover，即係未扣開支同免稅額之前嘅總收入
• 自僱收入同物業租金收入都計入去
MTD要做啲乜？
• 用數碼方式記錄收入同開支
• 用HMRC認可嘅Software
• 每三個月提交一次Quarterly Update（只係簡短收支摘要，唔係再報多一次稅）
• 年尾仍然要完成Tax Return
點樣準備？
• 去Gov 登記，愈早愈有時間揀啱自己嘅Software
• 要先註冊Self Assessment，而且過去兩年內有交過Tax Return
• Accountant都可以幫你登記
• MTD設有部分豁免安排，例如因為某啲原因而無法使用數碼工具嘅人（Digitally Excluded），可以向HMRC申請豁免。
全年全年慢慢記帳 ，到一月報稅嗰陣 就唔使再唔使再趕住搵單執數 ,慳時間又冇壓力。
每個人情況唔同，如果你有啲咩唔明白記得問清楚你個會計師啊 。
我係 Idy，喺英國 30 年，從事物業工作將近 15 年，業務覆蓋 Reading、倫敦同曼城地區，買賣房屋同幫業主收租放租。下次見！ #海外投資 #物業管理 #英國業主 #英國投資 #英國物業投資

06/10/2026

高息環境下，轉按業主同首置客揀咗兩條唔同嘅路, 浮動定固定？9 月數據睇到兩種心態
根據 Moneyfactscompare 嘅最新數據，9 月份考慮浮動或追蹤按揭（Variable / Tracker Mortgage）嘅比例：
📌 轉按業主（Remortgage）：21%（7 月係 14%）
👉 越嚟越多人想先減輕初期供款，願意承擔日後利率波動嘅風險
📌 首置客（First-Time Buyers）：12%（7 月係 31%）
👉 急跌超過一半，多數轉揀定息，圖個安心、鎖定成本
📌 換樓客（Homemovers）：7%（7 月係 6%）
👉 變化唔大，態度相對穩定
簡單講：轉按業主多數係「求減供款」，首置客就係「求穩定」，兩邊都有各自嘅考慮
浮動利率初期可能平啲，但供款會跟住利率升跌；定息就比較易預算。邊種啱你，要睇你嘅收入、儲蓄同埋可以承受幾多波動。
如果你快要轉按或者申請按揭，你會點樣衡量利率風險呢？
我係 Idy，喺英國 30 年，從事物業工作將近 15 年，業務覆蓋 Reading、倫敦同曼城地區，買賣房屋同幫業主收租放租都做。下次見！

05/10/2026

Chesterfield 租務個案：代理俾人罰咗 £8,652，Landlord 要留意啲乜？
最近 Chesterfield 有一宗個案，同 Renters’ Rights Act 有關。Council 調查之後，向涉事租務代理開出兩項罰款，原本合共 £8,652。我哋可以借呢宗個案，睇下簽租約同處理租客投訴嗰陣，有啲咩位要留意
-租客投訴居住標準
租客入住冇幾耐，就投訴間屋嘅居住標準。Council 私人房屋團隊跟進後，發現兩項違規。
- 第一項：固定租期
代理發出咗一份六個月固定租期合約。但 2026 年 5 月 1 日起，受規管嘅租約已經唔可以再設定固定租期。
-第二項：處理投訴嘅方式
Council 發現，租客表明打算投訴時被要求搬走，之後安排入住另一位業主名下嘅住所。
-罰款金額
代理喺指定期限內繳付，最後付 £7,354。呢個數字只係針對今次個案，唔代表同類違規都係罰同一個數。
-改善通知
Council 另外發出改善通知，要求原本嗰間物業改善至符合出租標準，保障之後入住嘅租客。
自己管理出租物業嘅 Landlord 要留意：
-5 月 1 日已經實施嘅新規，由訂立租約到處理租客問題都適用, 簽租約前，檢查下條款有冇跟新規
-租客提出投訴，要按規定處理，違規可能面對 Council 罰款
今次報道講緊一宗個別個案，唔應該用嚟概括其他租務代理嘅服務。重點係新規之下，Landlord 同代理都要清楚各自嘅責任。
我係 Idy，喺英國 30 年，從事物業工作將近 15 年，業務覆蓋 Reading、倫敦同曼城地區，有買賣房屋，亦幫業主收租放租。想知最新租務政策同物業資訊，記得 follow 我呀
有任何物業問題，歡迎隨時 Send Message 俾我查詢！
#海外投資 #物業管理 #英國業主 #英國物業投資 #英國投資

01/10/2026

由今日開始,Right to Rent(RTR)嘅查核流程有更新
所有數碼查核digital checks ,必須經過已註冊嘅 Digital Verification Service Provider(DVSP), 用未註冊嘅 provider,就算做咗 check,都唔會再有法定免責保障,免受民事罰款
數碼查核係點運作 ?
-政府認可嘅身份驗證流程結合面部辨識、護照晶片資料同警方數據庫分析比以前肉眼睇護照準確好多
罰款要留意!
-冇做啱 RTR check,最高可被罰每位住客 £20,000
-係每位住客計,唔係每間屋計
Code of Practice 都更新咗
-邊啲租約受 Scheme 規管
-邊啲人可以入住
-點樣先可以取得同保留法定免責理由
-發現違規時,會點樣評估你有冇遵守規定
點解依家要收緊?
-租務欺詐令英國私人租務市場每年損失高達 £4.1 billion, 2025 年懷疑個案比前一年增加 40%
所以由今日起檢查吓你依家用緊嘅供應商,係咪已註冊嘅數碼身份驗證服務供應商先至好用啊
我係 Idy，喺英國 30 年，從事物業工作差唔多 15 年，主要喺 Reading ,倫敦同曼城地區,有買賣房屋,同埋幫業主收租放租。想知最新租務政策同物業資訊,記得 follow 我
有任何物業問題，歡迎隨時 Send Message 俾我查詢！
#海外投資 #物業管理 #英國業主 #英國物業投資 #英國投資