16/04/2026
بعد ما خطـ فت الرضيعة من مستشفى الحسين الجامعي ركبت ٦ مواصلات واتحركت في ٧ شوارع بطول ٦٠ كيلومتر علشان تضلل أي حد ممكن يكون بيتابعها لحد ما توصل بيتها في مدينة بدر في القاهرة ومعاها الرضيعة المخطـ وفة.. شارك في حل اللغز ٢٢ ظابط من مباحث القاهرة والأمن العام وفرغوا ١٢٢ كاميرا مراقبة في الشوارع اللي مشيت فيها وهي متخفية في النقاب.. تخيل ١٢٢ كاميرا اتفرغت على مسافة ٦٠ كيلو في ٢٢ ساعة.. مجهود جبار وغير طبيعي خاصة مع إخفاء ملامح الوجه بسبب النقاب (وللعلم هي مش منتقبة هي تخفت في النقاب لإخفاء ملامح الوجه تمامًا).. بس ربنا كبير وشاء بلطفه وكرمه ورحمته إنه يطفي نـ ار أسرة الرضيعة ويرجعها تاني لأحضانهم.. كانت عايزة تكتب الرضيعة باسم جوزها علشان كانت حامل وسقطت وخبت على جوزها وقالت له سيبني أروح أولد لوحدي علشان أجيب لك البنت لحد عندك.. فراحت المستشفى خطـ فت الرضيعة.. تخيل للحظة إنك أب أو أم الطفلة دي ومنتظرها بقالك شهور وفجأة تضيع قدام عينك حتة منك أغلى من نفسك وأغلى من حياتك كلها.. وربنا يرجعهالك تاني بسيناريو خيالي.. ده كرم ربنا على الأسرة.. أما كرم ربنا على أهل مصر فعلا.. إن لو مساحة مصر جغرافيًا مليون كيلو متر مربع فمصر أصبحت بالنسبة لرجال الشرطة ووزارة الداخلية أوضتين وصالة.
