مكتب أيمن الدبشة المحام

مكتب أيمن الدبشة المحام Contact information, map and directions, contact form, opening hours, services, ratings, photos, videos and announcements from مكتب أيمن الدبشة المحام, Lawyer & Law Firm, Tala, Shebin al-Kom.

محامٍ بالأستئناف العالي ومجلس الدولة ، خبرة واسعة في المرافعات وإعداد المذكرات القانونية وصياغة العقود، مع معرفة معمقة بالقوانين والتشريعات المصرية. أعمل على تقديم الاستشارات القانونية المتخصصة، والترافع أمام المحاكم بمختلف درجاتها.

08/09/2025

نصيحة للرجال ... تعمل إيه بعد التصالح مع الزوجة التي أخذت أحكام بالنفقة على الزوج وعادت إلى منزل الزوجية
================================

القاعدة القانونية بتقول ( الحكم لا يوقفه إلا حكم )
يعني حكم النفقة اللي الزوجة تحصلت عليه ضد الزوج أو الأب لا يوقفه إلا حكم مثله تمامًا. بمعنى إن لو تم التصالح بينهما ينبغي على الزوج أو الأب أن يرفع دعوى كف نفقة ومطالبة للحكم اللي الزوجة تحصلت عليه.
طيب ليه لازم يرفع؟
أقول لك .. علشان لو حبت تنفذ الحكم دا في أي وقت فيما بعد رغم إنها رجعت لمنزل الزوجية، الزوج يقدم حكم الوقف وبالتالي هي لا تستطيع تنفيذ حكمها .
وقد يكون البعض فاهم إنها طالما رجعت لمنزل الزوجية يبقى خلاص كل الأحكام سقطت .. لا طبعا مفيش الكلام دا .

يبقى لازم يرفع الدعوى دي علشان يوقف الأحكام القديمة اللي الزوجة تحصلت عليها .

::: نصائح قانونية قبل توثيق الزواج عند المأذون :::قبل ما حضرتك توثق زواجك شوف اسم والدتك في شهادة ميلادك صح ولا غلط. لأن...
23/05/2025

::: نصائح قانونية قبل توثيق الزواج عند المأذون :::

قبل ما حضرتك توثق زواجك شوف اسم والدتك في شهادة ميلادك صح ولا غلط. لأن ساعات بيكون الاسم مكتوب غلط في شهادة ميلادك إما إنه ثلاثي واسم العائلة الخاص بوالدتك مش موجود أو اسم الجد نفسه مش موجود أو غيره من الأخطاء.

وطبعا المأذون لما هيكتب الأسماء بيكتبها من واقع شهادات الميلاد. فلازم حضرتك الأول لو في أي خطأ في الأسماء دي صححه الأول في السجل المدني اللي حضرتك تابع له.

طيب ممكن حد يقولي وإيه يعني لما اسم الأم يكون خطأ في وثيقة الزواج؟

أقول لحضرتك... لو في أي خطأ في وثيقة الزواج وحضرتك عايز تصحح الخطأ دا . لازم ترفع قضية في محكمة الأسرة تطلب فيها تصحيح أي خطأ مادي ورد في وثيقة الزواج سواء اسم أو تاريخ أو خلافه.

طيب هو أنا هرفع قضية وأصحح ليه أصلًا؟

أقول لحضرتك... لو ابنك أو بنتك بيقدم في وظيفة ما وطلبوا قيد عائلي وكان الاسم خطأ في وثيقة الزواج يبقى القيد العائلي مش هيستخرج أبدًا من السجل المدني لأن في خطأ وهيطلبوا من حضرتك إنك تصحح الخطأ دا الأول وبعدين تستخرج القيد العائلي. والمضرة هنا إنك ممكن تكون محتاج القيد العائلي دا بسرعة. في الحالة دي مش هتخلص القيد خالص إلا بعد التصحيح في محكمة الأسرة ودا طبعًا بياخد وقت.
يبقى لازم حضرتك الأول تراجع بياناتك الشخصية قبل توثيق الزواح سواء كانت أسماء أو تواريخ ميلاد أو أرقام وخلافه وطبعًا الكلام دا للزوج والزوجة في شهادة ميلادهم .

طيب أعرف منين إن اسم الأم صحيح في شهادة الميلاد؟
أقول لحضرتك ... إذا كان اسمها في شهادة ميلادك هو نفس اسمها في بطاقتها الشخصية يبقى الاسم تمام.. غير كدا يبقى لازم تصحح الأول.

طيب أنا كل الورق عندي مظبوط. في حاجة ممكن أعملها مع المأذون ؟

أيوة طبعًا . إن حضرتك تراجع كتابة البيانات مع المأذون كويس جدًا سواء أسماء أو أرقام لأن المأذون دا بشر فوارد يخطأ او ما شابه ذلك.

تليفوني لو اتسرق أو ضاع أعمل إيه يا أستاذ أيمن؟ أقول لحضرتك تعمل إيه.أول حاجة طبعًا تستخرج شريحة تانية من الشركة اللي حض...
16/05/2025

تليفوني لو اتسرق أو ضاع أعمل إيه يا أستاذ أيمن؟

أقول لحضرتك تعمل إيه.

أول حاجة طبعًا تستخرج شريحة تانية من الشركة اللي حضرتك تابع لها علشان اللي سرق أو وقع في إيده التليفون ميعرفش يعمل حاجة بالشريحة بتاع حضرتك.

تاني حاجة تروح تعمل محضر في مباحث التليفونات اللي حضرتك تابع لها. ولازم تاخد مع حضرتك كرتونة التليفون لأن دي سند ملكيتك للتليفون ومش هتستلم التليفون بعد كدا إلا بالكرتونة دي.

بعد كدا هتاخد رقم المحضر وهتابع مع مركز الشرطة اللي حضرتك تابع له. لو المحضر أخد رقم جنح بتابع مع النيابة لحد ما يعملوا تتبع للتليفون وأول ما شريحة تركب فيه بيتم عمل محضر سرقة لصاحب الشريحة وبتنزل جلسة محاكمة

طيب لو المحضر اتحفظ إداري أعمل إيه؟

حضرتك تعمل تظلم في المحضر دا أمام المحامي العام وهو بدوره بعد كدا بيبعت للنيابة الجزئية علشان تفتح المحضر من جديد وبيعملوا تتبع للتليفون وهكذا لحد ما شريحة تركب فيه ويعملوا محضر لصاحب الشريحة.

وبعد جلسة المحاكمة وحضور المتهم حضرتك تطلب من النيابة العامة طلب تسليم التليفون. أو أثناء نظر الجنحة تطلب من القاضي تسليم التليفون لصاحبة.

لو بشتري تليفون مستعمل اعمل إيه؟أول حاجة طبعًا وبعد الفحص الفني من حد متخصص في التليفونات زي ما اتكلمنا قبل كدا في موضوع...
15/05/2025

لو بشتري تليفون مستعمل اعمل إيه؟

أول حاجة طبعًا وبعد الفحص الفني من حد متخصص في التليفونات زي ما اتكلمنا قبل كدا في موضوع السيارة المستعملة.

إن يكون بتشتري التليفون المستعمل دا ومعاه الكرتونة الخاصة به.

ليه بقى الكرتونة دي يا أستاذ أيمن ؟

أقول لحضرتك. ممكن يكون التليفون دا مسروق وفي بلاغ بسرقته فأول ما يركب فيه شريحة ويشتغل .
مباحث الإنترنت تعرف على طول وتوصلهم إشارة بكدا وعلى طول يعملوا محضر سرقة للتليفون باسم صاحب الشريحة اللي ركبت في التليفون.

لذلك لازم حضرتك تشتري التليفون بالكرتونة الخاصة به لأن الكرتونة دي سند ملكيتك للتليفون واتأكد إن الأرقام السرية المكتوبة عليها هى نفس الأرقام السرية الخاصة بالتليفون من الداخل ودي سهل تعرفها عن طريق الكود #06 #* ( نجمة شباك صفر ستة شباك )

وأخر حاجة خد فاتورة بالبيع من المحل اللي حضرتك هتشتري منه التليفون بحيث تكون في الأمان أكتر .

لو بشتري سيارة أو أي مركبة مستعملة اعمل إيه ؟أول حاجة طبعًا وبعد الفحص الفني للسيارة من أهل الخبرة في المجال دا. إن حضرت...
14/05/2025

لو بشتري سيارة أو أي مركبة مستعملة اعمل إيه ؟

أول حاجة طبعًا وبعد الفحص الفني للسيارة من أهل الخبرة في المجال دا. إن حضرتك تعمل استعلام أمني للسيارة من المرور التابع لها. ربما تكون السيارة مسروقة وفي بلاغ بسرقتها. فلازم حضرتك تعمل الاستعلام الأمني دا الأول.

بعد كدا تعمل عقد بيع في الشهر العقاري وتروح تنقل الملكية في المرور وبلاش فكرة التوكيلات دي . أنا شخصيًا أفضل عقد البيع لاسيما وإذا كان البائع شخص غريب لا أعرفه.

وإذا كنت بتشتري السيارة من ورثة . تأكد الأول إن مفيش صغار قُصَّر من ضمن الورثة. لأن لو في يبقى لازم تاخد موافقة من النيابة الحسبية بالبيع وقصة طويلة حضرتك في غنى عنها.

دي أهم النقاط اللي ممكن تعملها عند شراء سيارة أو مركبة مستعملة

هو لازم اكتب عقد ايجار وأنا بستأجر شقة أو غيره ؟؟ بتكلم مع واحد من الناس اللي بيأجروا شقق وخلافه عن المدة اللي بيكتبها ف...
12/05/2025

هو لازم اكتب عقد ايجار وأنا بستأجر شقة أو غيره ؟؟

بتكلم مع واحد من الناس اللي بيأجروا شقق وخلافه عن المدة اللي بيكتبها في عقد الايجار رد عليا وقال( هو في حد بيعمل عقد ايجار في البلد يا أستاذ) . دا كان معنى كلامه
فقلت لازم أعمل موضوع عن عقد الايجار

عقد الايجار دا هو ضمانة للمؤجر والمستأجر

أولًا بالنسبة للمؤجر بيحميك من أي جريمة ممكن ترتكب في الشقة أو المكان المستأجر .
يعني لو حصل أي جريمة حضرتك بتقدم عقد الايجار وتخلي مسئوليتك عن المكان دا تمامًا.
دا غير حاجات تانية كتيرة بس دي أهمها.

ثانيًا بالنسبة للمستأجر. بيحميك من المؤجر إنه يخرجك في أي وقت من المكان المستأجر قبل انتهاء مدة العقد.

يعني لو صاحب الشقة باعها لشخص تاني والشخص التاني دا مش عايزك فيها هيخرجك على طول. أما لو في عقد بينكم بيكون ملزم للمشتري الجديد وحضر تك بتعمل حاجة اسمها حوالة الحق. يعني بتدفع الايجار للمشتري الجديد.
ودي ميزة من ميزات عقد الايجار للمستأجر.

وطبعًا في كل الأحوال لازم توثق عقد الايجار سواء كنت مؤجر أو مستأجر وتعمله اثبات تاريخ في الشهر العقاري

يعني ايه دعوى صحة التوقيعهي دعوى الغرض الأساسي منها هو اثبات صحة التوقيع على محرر عرفي وذلك طبقا لنص المادة 45 من قانون ...
12/05/2025

يعني ايه دعوى صحة التوقيع

هي دعوى الغرض الأساسي منها هو اثبات صحة التوقيع على محرر عرفي وذلك طبقا لنص المادة 45 من قانون الإثبات والتي تنص على إنه "يجوز لمن بيده محرر غير رسمى، أن يختصم من يشهد عليه هذا المحرر ليقر أنه بخطه أو إمضائه أو بختمه أو بصمة أصبعه ولو كان الالتزام الوارد به غير مستحق الأداء، وذلك يكون بدعوى أصلية بالإجراءات المعتادة".

يعني الغرض الوحيد منها هو اثبات صحة التوقيع فقط لا غير . بحيث لا يجوز بعد ذلك المنازعة في التوقيع سواء من الموقع أو ورثته . ويمتنع على القاضي أن يتكلم في صلب العقد أو المحرر المراد اثبات التوقيع عليه.
وفي ذلك قالت محكة النفض :" دعوى صحة التوقيع ليست إلا دعوى شخصية تحفظية شرعت ليطمئن من بيده سند عرفي على آخر إلى أن الموقع على ذلك السند لن يستطيع بعد صدور الحكم بصحة توقيعه أن ينازع في صحته ويمتنع على القاضي الذي ينظر دعوى صحة التوقيع أن يتعرض للتصرف المدون في الورقة من جهة صحته أو بطلانه وتقرير الحقوق المترتبة عليه فالغرض المستهدف منها إثبات أن التوقيع الموضوع على المحرر هو توقيع صحيح صادر من يد صاحبه ويكفي لقبول هذه الدعوى وفقاً لما تقضي به المادة الثالثة من قانون المرافعات أن يكون لرافعها مصلحة قائمة يقرها القانون.

الطعن 1122 لسنة 58 ق جلسة 26 / 11 / 1992 مكتب فني 43 ج 2 ق 249 ص 1232

**أشهر مبادئ محكمة النقض المصرية:** 1. **عدم جواز الطعن فيما لم يُقضَ فيه:** لا يمكن الطعن أمام محكمة النقض إذا لم يصد...
15/03/2025

**أشهر مبادئ محكمة النقض المصرية:**

1. **عدم جواز الطعن فيما لم يُقضَ فيه:**
لا يمكن الطعن أمام محكمة النقض إذا لم يصدر حكم صريح في المسألة من المحكمة الأدنى.
هذا يضمن أن النقض يركز فقط على ما تم الفصل فيه فعليًا.

2. **التقيد بنطاق الطعن:**
محكمة النقض تبحث فقط الأسباب المُدرجة في صحيفة الطعن دون التطرق لما لم يُذكر.
ذلك لضمان الدقة وعدم التوسع خارج إطار النزاع المرفوع.

3. **وجوب التسبيب الكافي:**
يجب أن يتضمن الحكم تسبيبًا واضحًا وكافيًا يبرر القرار الصادر.
وإلا يُعتبر الحكم معيبًا للقصور في التسبيب وقابلًا للنقض.

4. **عدم التدخل في تقدير الوقائع:**
محكمة النقض لا تعيد تقييم الأدلة أو الوقائع بل تراقب تطبيق القانون فقط.
هذا يُعرف بـ"الرقابة القانونية" وليس الموضوعية.

5. **الخطأ في تطبيق القانون:**
إذا أخطأت المحكمة الأدنى في تفسير القانون أو تطبيقه، يكون ذلك سببًا للنقض.
هذا المبدأ يحمي من التفسيرات القانونية الخاطئة.

6. **حماية الحقوق المكتسبة:**
الحقوق التي يكتسبها الأفراد بأحكام نهائية أو عقود صحيحة محمية قانونًا.
المحكمة تمنع المساس بها إلا وفق ضوابط صارمة.

7. **منع إعادة المحاكمة في نفس الواقعة:**
لا يجوز محاكمة شخص مرتين في نفس التهمة إذا صدر حكم نهائي (حجية الأمر المقضي).
هذا يضمن العدالة ويحمي من الاضطهاد القضائي.

8. **تناسب العقوبة مع الجرم:**
يجب أن تكون العقوبة متناسبة مع خطورة الفعل وظروف الدعوى.
المحكمة تراعي العدالة في فرض العقوبات.

9. **التعويض العادل:**
التعويض في القضايا المدنية يجب أن يعكس الضرر الحقيقي الذي لحق بالمتضرر.
ذلك لضمان تحقيق العدالة التعويضية.

10. **استقلال الدعوى المدنية عن الجنائية:**
يمكن الاستمرار في المطالبة بالتعويض المدني حتى لو انتهت الدعوى الجنائية.
هذا يتيح فصل المسؤولية المدنية عن الجنائية في بعض الحالات.

مبادئ راسخة تعكس قوة النظام القضائي المصري!

16/02/2025

أهم المبادئ التي أرستها محكمة النقض المصرية:

أولًا: مبادئ في القانون الجنائي

1. الشك يُفسر لصالح المتهم
2. عدم جواز محاكمة الشخص عن الفعل نفسه مرتين
3. بطلان الاعتراف المنتزع بالإكراه
4. بطلان القبض والتفتيش دون إذن أو مبرر قانوني

ثانيًا: مبادئ في القانون المدني

5. العقد شريعة المتعاقدين.
6. الغش يبطل التصرفات القانوني.
7. لا يجوز التعسف في استعمال الحق.

ثالثًا: مبادئ في قانون المرافعات

8. وجوب تسبيب الأحكام القضائية.
9. الطعن لا يوقف التنفيذ إلا بنص قانوني
10. مبدأ المواجهة بين الخصوم

رابعًا: مبادئ في القانون الإداري

11. لا يجوز للإدارة إصدار قرارات تعسفية
12. حق الموظف في التظلم من القرارات التأديبية.

09/02/2025

من المقرر في قضاء محكمة النقض أنه لما كانـت قاعدة عدم جواز الإثبات بالبينة والقرائن في الأحوال التي يجـب فيهـا الإثبات بالكتابة ليست من النظام العام فيجوز الاتفاق صراحة أو ضمناً على مخالفتها وعلى من يريد التمسك بها أن يتقـدم بذلك لمحكمة الموضوع فإن سكت عن ذلك عد سكوته تنازلاً منـه عن حقه في الإثبات بالطريق الذي رسمه القانون ويتفرع عن ذلك إنه لا يجوز للقاضي من تلقاء نفسه رفض الإثبات بالبينة والقرائن حيث يوجب القانون الإثبات بالكتابة من غير طلب الخصوم.

- طعن رقم 1832 لسنة 70 ق جلسة 18/4/2001

**📢 مرحبًا بكم في صفحتنا الرسمية للاستشارات القانونية! ⚖️** يسعدني الترحيب بكم في هذه المساحة المخصصة لتقديم المعرفة ال...
30/01/2025

**📢 مرحبًا بكم في صفحتنا الرسمية للاستشارات القانونية! ⚖️**

يسعدني الترحيب بكم في هذه المساحة المخصصة لتقديم المعرفة القانونية والإجابة على استفساراتكم بكل دقة واحترافية. هنا، ستجدون محتوى قانونيًا موثوقًا، ونصائح هامة، ومعلومات تساعدكم على فهم حقوقكم والتعامل مع مختلف المسائل القانونية.

أنا محامٍ مصري بدرجة استئناف، وأسعى من خلال هذه الصفحة إلى نشر الوعي القانوني وتقديم الدعم اللازم لمن يحتاج إلى استشارة قانونية مبنية على أسس قانونية سليمة.

📩 لا تترددوا في مراسلتنا لأي استفسار، وسأكون سعيدًا بمساعدتكم.
🔔 تابعوا الصفحة للبقاء على اطلاع دائم بالمعلومات القانونية المهمة.

أهلاً وسهلاً بكم، وبإذن الله تكون هذه الصفحة مرجعكم القانوني الموثوق. 🤝⚖️

Address

Tala
Shebin Al-Kom
32612

Website

Alerts

Be the first to know and let us send you an email when مكتب أيمن الدبشة المحام posts news and promotions. Your email address will not be used for any other purpose, and you can unsubscribe at any time.

Shortcuts

Share

Category