الاستاذ ياسر تويج للإستشارات القانونيه وأعمال المحاماه

30/09/2026

تم إرجاء وتأجيل العمل بقانون الإجراءات الجنائية الجديد (رقم 174 لسنة 2025) لمدة عام كامل ، حيث سيتم تطبيقه في الأول من أكتوبر 2027 بدلاً من الأول من أكتوبر 2026 .. ⚖️

28/09/2026

الخدمات التي سيتم إيقافها في حاله صدور حكم بدأ من 1/10/2026
📢 تنبيه قانوني هـام جداً لجميع المتابعين | قرار تاريخي لردع الممتنعين عن سداد النفقة! ⚖️
نود إحاطتكم علماً بصدور رقم 896 لسنة 2026، والمنشور بـ (العدد 61 بتاريخ 15 مارس 2026) (والصادر في 18 فبراير 2026)، والمتعلق بآلية التنفيذ الحاسمة على المحكوم عليهم في والامتناع عن أداء النفقة وفقاً للمادة (293) من .
🔹 فحوى القرار والتطبيق العملي:
إذا صدر ضد المدين حكم نهائي واجب النفاذ بالإدانة للامتناع عن أداء النفقة، يتم تعليق وإيقاف استفادته من قائمة واسعة من الخدمات الحكومية والمهنية فور اتصال علم الجهات بالحكم، ولن يتم رفع هذا الحظر إلا بعد تسوية الدين كاملاً وسداد متجمد النفقة لصالح المحكوم له أو وتقديم شهادة رسمية تفيد ببراءة ذمته.
🚫 أبرز الجهات والخدمات التي سيتم حظرها على المدين بالنفقة:
1️⃣ :
• إصدار أو تجديد كارت خدمات الأشخاص ذوي الإعاقة.
2️⃣ واستصلاح الأراضي:
• خدمات منظومة .
• خدمات صرف الأسمدة الزراعية.
• خدمات تسجيل الحصر الزراعي.
3️⃣ ( ):
• إصدار أو تجديد رخصة مهنة التخليص الجمركي.
4️⃣ والطاقة المتجددة:
• تركيب عداد كهرباء جديد.
• تغيير اسم المشترك في عقد الكهرباء.
• الحصول على تصريح حفر لمد كابل كهرباء.
5️⃣ والتجارة الداخلية:
• إصدار جديدة.
• استخراج بدل تالف أو فاصل لبطاقة التموين.
• إضافة المواليد على بطاقة التموين.
6️⃣ (المحليات):
• إصدار أو تجديد مهنية.
• إصدار أو تجديد رخصة تشغيل محل عام.
• إصدار أو تجديد رخصة إشغال طريق.
• إصدار أو تجديد التراخيص والموافقات الخاصة بمزاولة الأنشطة التجارية.
7️⃣ وهيئة المجتمعات العمرانية:
• كافة الخدمات بالمدن الجديدة والمراكز التكنولوجية ( ، المحال، المرافق، #التصالح، تخصيص الأراضي، تقنين الأوضاع، وتراخيص الإعلانات).
8️⃣ :
• كافة خدمات والتوثيق.
9️⃣ والآثار:
• إصدار أو تجديد تراخيص المنشآت الفندقية والسياحية ورخص مزاولة النشاط السياحي.
🔟 :
• إصدار أو تجديد تصاريح العمل للأجانب وتراخيص مزاولة المهن الحرفية.
💡 معلومات قانونية إضافية:
• يلتزم بنك ناصر الاجتماعي بإخطار كافة الجهات المعنية بقوائم المدينين، وكذلك من قاموا بسداد مديونياتهم لرفع الحظر عنهم.
• يجوز لوزير العدل إضافة أو تعديل قائمة الجهات والخدمات الموقوفة.
• يُعمل بهذا القرار اعتباراً من اليوم التالي لتاريخ نشره في الوقائع المصرية

21/05/2026

🔮 العفو الرئاسى وعفو نصف وثلث المدة :
الاستعلام عن تاريخ الإفراج لمسجون؟
يعني حضرتك تروح السجن اللى تابع له المسجون وتقوله عايز أعمل استعلام رسمى عن تاريخ افراجه ، الاستعلام بيكون مكتوب فيه تاريخ دخول المسجون وتاريخ خروج المسجون وميعاد العفو اللى هيتعرض فيه ، وكمان إيه الورق الناقص من الملف والمفروض يكمل اد إيه عشان العفو ، بدل ما تقعد تسأل المادة دى بكام شهر؟
الاستعلام ده هيوضحلك كل حاجة.

🔫 طريقة تقديم طلب العفو الرئاسة :-

١- التقديم في لجنة العفو الرئاسي :-
العنوان / ٥٧ شارع مصدق الدور السادس
هتقول عاوز اقدم في العفو ، هيديلك استماره تملاها وتمشي.
● مش مطلوب أى ورق خالص.
● خد معاك رقم القضية فقط.
عن طريق مترو الانفاق اتجاه الجيزة او التحرير :-
● أنزل محطة مترو البحوث .
● واسأل عن شارع مصدق.
وفي شارع مصدق اسأل عن رقم ٥٧
● واطلع الدور السادس.
٢- التقديم للمحكوم عليهم حضوري فقط:-
🖍️ التحقيق ممكن ياخد افراج في أى وقت.
الغيابى بمجرد ما يعمل إعادة إجراءات بيلغى الحكم.
المختفى لا هو محكوم عليه ياخد عفو ولا هو تحقيق مستني افراج ، ده منتظر رحمة ربنا بيه وبأهله، او ترفع قضية في مجلس الدولة، ربنا يرده سالم لبيته.
٣- المحبوس احتياطي ميقدمش ، لان البيانات بتنزل علي السيستم، ولو رحت تقدم قبل الحكم هيرفض ياخد منك الطلب ، خليك بعد الحكم افضل.
والسجناء السياسيين ليهم وضع خاص ولجنة خاصة.
٤- لا يشترط قضاء مده معينة من العقوبة حتى تتقدم بطلب عفو.
٥- لا يشترط وجود صفه في تقديم طلب العفو .
٦- التقديم بيتم مره واحده فقط.
٧- لكل من قدّم في العفو الرئاسي ولم يحظي به، ووجد بالكشف من في ذاته موقفه أو أسوأ من موقفه، أن يتظلم لرئيس الجمهورية، ويطعن أمام مجلس الدولة.
#أسئلة متعلقة بالعفو عن المسجونين:

س/ هو انا لازم اقدم على العفو ولا السجن بيراجع من نفسه؟
ج/ بيتم تشكيل لجنة قانونية من الإدارة العامة لمصلحة السجون، تقوم بفحص ملفات نزلاء السجون، في إطار قانون لتحديد مستحقي الإفراج بالعفو عن باقي مدة العقوبة، أو الإفراج الشرطي
س/ يعني ايه؟
ج/ يعني السجون بتراجع ملفات النزلاء وبترسل ملفات من يستحقون العفو لمصلحة السجون للبت في امرهم، لكن للسرعه وعشان عدد المسجونين مش قليل " يفضل " تسعى بنفسك وتقدم طلب العفو بنفسك.
س / العفو بعد اد ايه؟
ج / العفو بعد تلت المدة لو حكمك سنه، العفو بعد ٤ شهور ولو حكمك ٥ سنين، العفو بعد ٢٠ شهر.
س / يعني ايه نص المدة ؟
ج / نص المدة اسمها الافراج الشرطي يعني تقضي نص المدة مسجون، والنص التاني بتخرج بتروح تمضي في قسم الشرطه مرة كل اسبوع.
س / مش فاهم قصدك؟
ج/ حاضر هفهمك
لو مسجون حكمه ١٠ سنين وهيخرج نص المدة " افراج شرطي " يبقى هيقضي ه سنين كوامل يعني ٦٠ شهر محبوس، وبعدها يخرج ويروح القسم كل اسبوع يمضي مرة.
س/ العفو والافراج الشرطي لاي حد؟
ج / لأي حد لكن فيه شروط حسن السير والسلوك وموافقة الامن على خروجه.
س / ايه شروط العفو ؟
ج / الشروط الواجبة لتنفيذ قرارات العفو، سواء عن تلت المدة أو الافراج الشرطى هى: يجب أن يتوافر فى النزيل شرط إتمام تلت المدة " للعفو "
و شرط اتمام نصف المدة " للإفراج الشرطي " فى يوم تنفيذ العفو بالإضافة إلى حسن السير والسلوك. بالاضافة لسداده لكافة الالتزامات الماليه الوارة على الحكم زى التعويضات والمصاريف الجنائية
س / بس بيقولو فيه قضايا ملهاش عفو ؟
ج / صح فيه قضايا ملهاش عفو بس لها افراج شرطي
س / يعني ايه ملهاش عفو بس ليها افراج شرطي ؟
ج / يعني تخرج باذن الله بعد نص المدة بدلا من تلت المدة
س / زي ايه القضايا دي ؟
ج / زي قضايا الاتجار فى السلاح
و قضايا المخدرات بضبطيات أكثر من ١٠ كيلو جرام
و قضايا " الهيروين" و قضايا الثأر
س/ هو حكم المؤبد ؟ او الأحكام المتعددة لشخص واحد ليهم عفو ؟
ج / أيوه ليهم عفو
1 . الحكم المؤبد العفو عنه بعد ٢٠ سنه
2 . إذا تعددت الأحكام يكون العفو بعد تلت المدة " من مجموع الأحكام "
س / هو ملف العفو اللى بيرجع من مصلحة السجون لازم يقعد ٦ شهور عشان يرجع تاني ؟
ج/ لا مش لازم ...مصلحة السجون بتكون محدده تاريخ رجوعه للفحص مرة اخري
ممكن بعد شهرين أو ٣ شهور و ممكن بعد ٦ شهور و ممكن اكتر من كده
س / هو العفو و الإفراج الشرطي لهم وقت محدد ؟
ج/ أيوه لهم وقت محدد في المناسبات الرسمية
س / ايه هي المناسبات الرسمية اللي فيها عفو ؟
ج/
🎇 عفو ٢٥ يناير
🎆 عفو ٢٤ ابريل
🎊 عفو عيد الفطر
🎄 عفو عيد الأضحي
🎉 عفو ٣٠ يونيه
🎈 عفو ٢٣ يوليو
🎋عفو ٦ اكتوبر
س / اقدم طلب العفو فين؟
ج / تقديم طلب العفو بيكون ف جهات كتير
ف مصلحة السجون
أو فى قصر عابدين بوابة رقم ٥
أو في مجلس النواب
أو فى مجلس الوزراء
ودى غير لجنة العفو الرئاسى الموجودة بالعنوان ٥٧ شارع مصدق محطة البحوث الجيزة بالدور السادس ودى خاصة بالعفو الرئاسى فقط غير العفو بتلت المدة ونص المدة
س / بس انا من محافظة بعيدة وصعب اروح القاهرة ؟
ج / ابعت طلب عفو با التلغراف أو بالفاكس
س / ابعت تلغراف او فاكس لمين بالظبط ؟
ج / الجهات التي يرسل إليها تظلم العفو عن مسجون
🌺 السيد / رئيس الجمهورية
🌺 السيد / النائب العام
🌺 السيد / رئيس مجلس الوزراء
🌺 السيد/ وزير الداخلية
🌺 السيد/ مدير مصلحة السجون
🌺 السيد / رئيس لجنة حقوق الانسان
🌺 السيد/ مدير إدارة الشكاوي بمجلس النواب
حضرتك هتروح سنترال كبير في محافظتك وهما عارفين الفاكسات والعناوين
حضرتك هتروح سنترال كبير في محافظتك وهما عارفين الفاكسات والعناوين
🌺 عنوان مصلحة السجون المصرية
🌺 مقر ديوان عام قطاع مصلحة السجون
5 شارع شنن المتفرع من شارع الجلاء بمنطقة القللي ، رمسيس ، في القاهرة
📠 أرقام مصلحة السجون
بيردوا علي أى استفسار أو سؤال يخص المسجونين من 8 صباحا حتي 3 مساءا
0225741871
٠٢٢٥٧٥٧٤٧٤
0225741871
0225742493
س / انا مش عارف اكتب صيغة للعفو عشان ابعتها
ج / اكتب اي صيغه مفيش صيغة محددة
س / طيب قول لي صيغه الطلب يكرمك ربنا ؟
ج / حاضر
بـــــســــم الـــــلَّٰـــــه الًـــرحــــمـــــٰـن الـــــــرحـــــــيــــم
معالى سيادة رئيس الجمهورية / ................
السيد رئيس الوزراء / دكتور مصطفى مدبولي
السيد وزير الداخلية / اللواء محمود توفيق
بعد اسمي آيات الاحترام والتقدير
نطلب من سيادتكم العفو عن
السجين / ........
الموجود بسجن / ................
والمحكوم عليه في قضية رقم ........ جنايات ..........
قسم ......... رقم ........ كلي .......
حيث حُكم عليه بقضاء .......... سنوات وقضى منها أكثر من نصف المدة .
وحيث أن سنه قد تجاوز ال ....... ، ويعاني من أمراض الشيخوخة وارتفاع ضغط الدم وضعف الجهاز المناعي وعدم القدرة على القيام بالأعمال البسيطة وبقاؤه في الحبس يشكل خطرا على حياته نظراً لتدهور حالته الصحية ، ولأن تكدس المساجين يعد صورة من صور التجمعات والزحام والذي يؤدي لتفشي ڤيروس كورونا المستجد والذي يودي بحياة كبار السن واصحاب المناعة الضعيفة
وإستمراراً لتطبيق أطر السياسة العقابية بمفهومها الحديث ، وتوفير أوجه الرعاية المختلفة لنزلاء السجون ، وتفعيل الدور التنفيذى لأساليب الإفراج عن المحكوم عليهم الذين تم تأهيلهم للإنخراط فى المجتمع.
🖍️ لذا........ نرجوا منكم النظر بعين الرأفة والرحمة واتخاذ القرار اللازم نحو العفو عن باقى المدة المحكوم عليه بها
وتفضلوا بقبول فائق الاحترام والتقدير
ولسيادتكم جزيل الشكر .
س/ هو اللي ورقه " لا قدر الله " بيترفض فى العفو بيرجع يتعرض تانى أمتي ؟
س / هو صحيح اللي ورقه " لا قدر الله " بيترفض ف العفو لازم يستني ٦ شهور كمان عشان يتعرض مره تانية ؟
ج/ اللي ورقه بيترفض فى اي عفو بيتكتبله فى الملف بتاعه تاريخ العرض التاني بيكون امتي
س/ يعني ايه ؟
ج/ يعني حضرتك تسأل فى السجن بتاعه هيقولك تاريخ سفر ملفه للعرض تاني مره
مش لازم يستني ٦ شهور عادي جدا ينزل تاني العفو اللي بعده كل المطلوب من حضرتك تعرف سبب الرفض وتحاول تعالجه وتعرف تاريخ العرض التاني امتي وده بيبقى ثابت فى الملف بتاعه فى السجن .

15/01/2026

05/01/2026

معلومة قانونية ممكن تنقذك من الحبس 90 ٪ من الناس ما تعرفهاش..

لو صدر ضدك حكم نهائي بالحبس من يوم واحد لحد 6 شهور .. مش لازم تدخل السجن

والقانون إدّاك حل اسمه استبدال العقوبة بخدمة عامة..

يعني إيه الكلام ده؟
يعني بدل ما تتحبس، تشتغل خدمة عامة في جهة حكومية
لمدة مساوية لمدة الحكم
ومن غير دخول سجن.

بس خد بالك… مش كل الأحكام تنفع يعني لازم الحكم يكون حبس فقط .. و يعني لو الحكم حبس مع الشغل الطلب هيترفض فورًا ..

الخطوات الصح (عشان متتلخبطش):
(١) تتوجه للمحامي العام المختص
(٢) تقدم طلب استبدال العقوبة بخدمة عامة
(٣) لازم الطلب يتقدم قبل ما تمضي على نموذج تنفيذ الحبس ..

السند القانوني:
المادة 479 من قانون الإجراءات الجنائية والمادة 18 من قانون العقوبات ..

28/12/2025

📌 إزاي تزور حد في السجن؟
الناس كتير مش عارفة تبدأ منين أو تقدم لمين…
في البوست ده هشرحلك إجراءات زيارة السجين خطوة بخطوة، سواء زيارة عادية أو زيارة خاصة.
خد نفس وكمّل القراءة، لأن المعلومة دي ممكن تحتاجها في أي وقت 👇
🔹 أولًا: قبل أي حاجة
لازم تعرف مكان محبسه بالضبط، لأن الإجراءات بتختلف من سجن للتاني.

🔹 ثانيًا: أنواع الزيارات

🕓 الزيارة الدورية (العادية):
دي بتكون حسب نوع العقوبة:
مرة كل شهر للمحكوم عليهم بالمؤبد أو المشدد من الرجال.
مرة كل 3 أسابيع للمحكوم عليهم بالسجن أو الحبس مع الشغل (وكذلك المنقولين من الليمانات).
مرة كل 3 أسابيع للنساء المحكوم عليهن أيًا كانت العقوبة.
مرة كل أسبوع للمحبوسين احتياطيًا أو بالحبس البسيط، ماعدا يوم الجمعة والعطلات الرسمية.
📝 ملحوظة: ما ينفعش زيارة السجين أثناء فترة الاختبار الصحي أو أثناء تنفيذ عقوبة الانفرادي.

🔹 ثالثًا: الزيارة الخاصة
لو محتاج تعمل زيارة خاصة (يعني خارج مواعيد الزيارات العادية)، فالإجراءات بتكون كالتالي:
1️⃣ تقديم طلب إلى النيابة الكلية التابع لها السجين.
2️⃣ إرفاق توكيل رسمي من المسجون أو من أحد أقاربه.
3️⃣ أخذ البيانات من سكرتير الجلسة، ثم من قسم التنفيذ لمعرفة بداية ونهاية العقوبة.
4️⃣ الطلب يُقيد برقم صادر لمكتب النائب العام.
5️⃣ بعد يومين أو ثلاثة، تسأل في دار القضاء العالي وتستلم التصريح بعد الموافقة.
⏱️ مدة تصريح الزيارة عادة من 3 إلى 5 أيام، حسب كل سجن.

🔹 رابعًا: ملاحظات مهمة : يمكن للنائب العام أو المحامي العام أو مدير عام السجون السماح بالزيارة الخاصة في أي وقت إذا كانت هناك ضرورة.
يسمح لكل سجين بزيارة خاصة واحدة شهريًا (ما عدا بعض الحالات المتعلقة بأمن الدولة).

🔹 صيغة طلب الزيارة الخاصة (جاهزة للنسخ 📋)

السيد / المحامى العام لنيابة -----------------
تحية طيبة وبعد
مقدمه لسيادتكم / ----------------------------- بصفتي وكيلاً عن المتهم -----------------------------
المتهم فى القضية رقم ……… لسنة ………
والمقضى فيها ----------------------------- بتاريخ -----------------------------
الموضوع:
نرجو من سيادتكم التصريح لنا بزيارة المتهم فى محبسه بسجن ………………
وذلك لكل من الأسماء التالية:
الاسم — الصفة (علاقة القرابة)
1. …………………………….
2. …………………………….
3. …………………………….
وتفضلوا بقبول فائق الاحترام

23/12/2025

لو ضابط وقفك وقالك: هات موبايلك أفتشه… رد عليه وقوله مع خصرتك إذن ..

أول معلومة لازم تعرفها:
الموبايل زي بيتك، له حرمة خاصة.
مفيش حد من حقه يفتش موبايلك أو يشوف رسايلك
إلا بإذن قضائي مسبق
أو في حالة تلبّس واضحة بجريمة.

طب تعمل إيه لو صمّم؟
قوله بكل أدب:

«يا فندم، الموبايل عليه خصوصياتي وصوري العائلية، ومقدرش أفتحه إلا بإذن من الجهة المختصة».

طب إيه الفايدة لو الضابط فتحه غصب عنك ولقى أي حاجة واعتبرها دليل ضدك؟
المحامي يقدر يثبت قدّام المحكمة إن التفتيش باطل،
وبالتالي أي دليل ناتج عنه يسقط قانونًا ولا يُعتد به.

طبقا للقاعدة: «ما بُني على إجراء باطل… فهو باطل»