09/04/2026
الطلاق للضرر يعني ايه طلاق للضرر
وليه في قضايا في الطلاق للضرر ممكن تترفض فى المحكمه ؟
وهل لو الزوجه هى إلى طالبه الطلاق للضرر فى المحكمه بتاخد كل حقوقها ؟
◀️تعالي معايا نجاوب علي اهم هذه النقاط
⬅️أولا معنى الطلاق للضرر أن يكون هناك ضرر واقع على الزوجه من قبل الزوج يؤدى إلى استحالة العشره بينهم
🔹️يعنى ايه ؟ يعنى الزوجه مضروره من الحياه الزوجيه وان الضرر ده واقع عليها من الزوج .. زى مثلا ان الزوج دائم التعدى عليها بالضرب أو اتجوز عليها أو مسافر أو هجر مسكن الزوجيه أو أو أو وطبعا كل إلى فات ده له شروط معينه لو توافرت من حقها طلب الطلاق للضرر إنما خلينا نبسط الأمر اكتر من كده ونقول اى سبب يؤدى إلى استحالة العشره يحق للزوجه طلب التطليق للضرر
✴️ المهم أن الضرر يكون واقع عليها من الزوج
⬅️ثانيا ليه معظم قضايا الطلاق للضرر بتترفض فى المحكمه ؟ ️أقولك ليه وده علشان الزوجه مش بتقدر تثبت الضرر الواقع عليها 🔹️بمعنى ايه ؟ يعنى الزوجه لازم تثبت الضرر الواقع عليها وإلى على أساسه بتطلب الطلاق وده بتثبته ازاى ؟
مثلا لو الزوجه قالت إن الزوج بيضربنى وغير آمين عليا فى الحاله دى القاضى بيطلب سماع شهود وهنا المشكله ؟ ازاى ؟؟ 🔹️اقولك ازاى الشهود لازم تكون شاهدت واقعه الضرب يعنى ماينفعش حد يجى يقول أصلها قالتلنا أو احنا سمعنا أو حد قالنا لازم تكون شافت الواقعه
محمود الشركسي
المحامي
