18/05/2026
حسبنا الله ونعم الوكيل
جريمه في قرية أصفون التابعة لمركز إسنا، ذئب بشري استدرج جارته الطفله 16 سنه ، وخدها للمحل بتاعه. وهناك، ارتكب جريمة جنائية بشعة بحقها تحت التهديد، جريمة كاملة الأركان ومفيش فيها كلام.
الموضوع مخلصش على كده، البنت دي تعبت جداً، وصحتها اتدهورت بسبب اللي حصل، واضطروا ينقلوها لمستشفى طيبة التخصصي عشان تلحق تتعالج. وهناك، في المستشفى، الدكاترة اكتشفوا الجريمة، والحكاية كلها انكشفت، والأمن بدأ يتحرك.
القضية وصلت لمحكمة جنايات مستأنف الأقصر، وكان بيترأس الجلسة المستشار كمال فخري شمروخ، ومعاه المستشارين أحمد عصام الدين ومحمد عمر صوفي. المحكمة فحصت كل حاجة بدقة، وشافت الأدلة القاطعة، وسمعت لشهادة الشهود، وقرت تقارير الطب الشرعي اللي أكدت كل تفاصيل الجريمة.
وبعد كل ده، القضاة أجمعوا على رأي واحد، وبالتنسيق مع رأي فضيلة مفتي الجمهورية، أصدرت المحكمة حكمها التاريخي:
الإعــ.ــدام شنقاً للذئب البشري .
المحكمة كمان قررت تحيل الدعوى المدنية للمحكمة المختصة، والزمت المتهم بكل المصاريف. الحكم ده جه عشان يؤكد أن القضاء المصري مش بيهزر، وأنه موجود عشان يحمي المجتمع ويطبق القانون بكل حزم، خصوصاً في الجرائم اللي بتهدد سلامة الناس وأمنهم في بيوتهم وسط جيرانهم.
