26/09/2026
مش كل شركة عقارات بتقولك «احجز دلوقتي» لازم تستعجل وتدفع. ✍🏻❌
«قبل ما تدفع مقدم شقة اذا كانت سكني / اداري / تجاري … اسأل نفسك: أنا متأكد إن فلوسي وحقوقي في أمان؟»
قبل ما تحجز أو تمضي، لازم تتأكد من:
مين مالك الأرض؟
هل المشروع حاصل على التراخيص اللازمة؟
هل الشركة لها صفة قانونية واضحة؟
هل بيانات الوحدة ومساحتها وموقعها محددة بدقة؟
هل للشركة أو المشروع أي التزامات أو نزاعات أو حجوزات سابقة؟
والأهم… العقد مكتوب فيه إيه بالضبط؟
ميعاد التسليم، شروط الفسخ، غرامات التأخير، طريقة السداد، والتزامات كل طرف… كل بند من دول ممكن يفرق معاك جدًا بعد التعاقد.
ومتدفعش فلوس بناءً على كلام شفهي أو وعود من موظف المبيعات.
العقد مش إجراء شكلي… العقد هو اللي بيحمي حقك لما يحصل خلاف.
الوعي القانوني في معاملات العقارات مش ضد الشركات، بالعكس…هو حماية للعميل
قد لا يروق هذا الكلام لبعض الشركات التي لا تضع الالتزام والوضوح في مقدمة تعاملاتها
اما الشركات الجادة اللي بتلتزم بالقانون وتحافظ على ثقة عملائها ، فوعي العميل وحرصه على حقوقه لا يمثلان لها أي مشكلة. ✅
وعشان كده، قبل ما تدفع أو تمضي عقد عقار، خليه يتراجع قانونيًا، واسأل عن أي بند مش واضح أو ممكن يحملك التزامات إضافية.
خد دقيقة تراجع فيها عقدك ومستندات المشروع… بدل ما تقضي سنين بتحاول ترجع حقك.
أ/ سعيد صابر البقار
المحامي
للتواصل 📞01009060322
