المستشارة حنان كساب/ المحامية بالنقض

04/09/2026

رساله مباشره لمعالي رئيس الجمهوريه عبد الفتاح السيسي
ومعالي وزير الاتصالات المهندس رأفت هندي

27/08/2026

في الفتره الاخير مجموعه طلعت بمجلس اسمه المجلس القومي للرجل طبعا مع كامل احترامي للكل
ولكن هو الراجل محتاج مجلس علشان يحافظ علي حقوقه حقوق الرجل الحقيقيه هي المحافظه علي مايعول حافظ علي زوجتك وأولادك وأمّك وأختك وخليهم وراك في الأزمات وهما هايبقوا الدرع الحامي ليك حتي وقت الانفصال او الخصام تمهل أدي الحقوق كامله اتقي الله تسلح بأخلاق رسول الله ارجع لربنا خليك راجل بجد أوفي بوعدك لو علي رقبتك وشوف الست هاتبقي امينه معاك ازاي وهي مبسوطه جدا انها وراك مش جنبك واكيد وقتها مش هتحتاج انك تعمل المجلس القومي للرجل واوعي تسامح في الخيانه او الغدر او السرقه لأنك وقتها هاتحتاج تنضم للمجلس القومي للمرأه

24/08/2026

10/08/2026

👈 لو لقيت خط متسجل بإسمك ... إتطمن ... وإتخذ الإجراء القانوني ده فورا علشان تحمي نفسك ... 💪💪

خطوط شركات المحمول والمخاوف الي اصابت الكثير والرعب للتوضيح الحكم الي صدر علي الشاب تم تناوله من غير المتخصصين الصوره منقوصه الكلام ده غير قانوني ملكيه الخط لايعني أبدا حيازته واحنا عندنا جهاز تنظيم الاتصالات وتقنيه المعلومات بيكشف تماما وبيتتبع الخطوط والمكالمات وبيجيبوا التايهه بالعاميه كده بلاش الرعب الي عملناه للناس والتصرف القانوني للحفاظ علي الحقوق في حاله معرفه ان في خطوط مسجله باسم اي شخص دون علمه
اولاً يتجه لأقرب قسم شرطه لعمل محضر لإثبات حاله انه تم علمه ان في خط رقمه كذا مسجل باسمه كمالك للخط وهو مش في حيازته ولا يعلم عنه شئ ويتهم الشركه مباشره بالتزوير وله الحق لو ثبت عدم حيازته للخط فعلا وأنه لم يوقع علي العقد الموجود في الشركه رفع دعوي تعويض علي الشركه بدون الدخول في حالات الرعب الي اصابت الناس من جراء حكم علي شاب في قضيه ولم يتم نشر الحكم للاطلاع علي أسبابه والوقوف علي حقيقه الواقعه وكيفيه حدوثها بالسذاجة دي لازم نطمن احنا عندنا أجهزه أمنيه في غايه الذكاء والتتبع باحدث الاجهزه وجهاز تنظيم الاتصالات فيها عقول مدربه تدريب عالمي هي مش ماشيه بالبركه كده

04/08/2026

🎉🎂 اليوم مش يوم عادي... النهارده عيد ميلاد شخصية مميزة 🎂🎉 يعني اللي هيعدي البوست ده هيتعمل له محضر 😂

بكل مشاعر التقدير والمحبة، تتقدم إدارة الصفحة وجميع أعضاء مكتب المستشارة حنان كساب بأصدق التهاني وأطيب الأمنيات إلى سيادتها بمناسبة عيد ميلادها.

🌹 كل عام وأنتِ رمز للعطاء والنجاح والإخلاص.
🌹 نسأل الله أن يمنّ عليكِ بالصحة والسعادة والتوفيق، وأن يجعل أعوامك القادمة مليئة بالإنجازات والفرح.

🎁 وعلشان نثبت إن الصفحة فيها أجمل متابعين... عندنا مهمة ليكم! 😄

ممنوع تعدّي على البوست من غير ما تكتب كلمة تهنئة أو دعوة جميلة في التعليقات. 💬❤️
خلّونا نوصل لها أكبر عدد من الرسائل الطيبة، ونخلي التعليقات كلها طاقة إيجابية تليق بيها. 🌷

🎈 كل سنة وحضرتكِ طيبة، وعقبال 100 سنة من النجاح والسعادة. 🎊

30/07/2026

مهما كانت الأزمه فهي تدار بأيادي مصريه ونثق في
كل موسسات الدوله ومعها ضد اي معتدي او اي
حد مهما كان يخول له نفسه المساس بسلامه مصر
وأرضيها تحت قياده رجل المهام الصعبه ورجال عاهدوا الله علي حمايتها وأمانها

27/07/2026

إثبات حاله الطلاق
في مشكله ممكن تواجه الزوجه في حاله ان الزوج رمي عليها يمين الطلاق للمره الثالثه دون شهود هل ترفع دعوي طلاق او إثبات حاله طلاق في هذه الحاله ترفع إثبات حاله طلاق لانها حرمت عليه لانها الطلقه الثالثه لايجوز فيها مراجعتها في فتره العده لا الشرع ولا القانون يحرم عليه مراجعتها ويجوز ليها إثبات حاله الطلاق بكافه طرق الإثبات سواء بشهود بعلمهم بانه رمي عليها يمين الطلاق او بالقرائن او مراسلات التليفون واخيراً المحكمه بتوجه لهما اليمين الحاسمه لإثبات او رفض حاله الطلاق مع العلم ان الشرع لم يعترف بطلاق المكره فقط وأجاز مادون ذلك من حالات الطلاق

12/07/2026

أفعل ياابن ادم ماتشاء كما تدين تدان كلها مساله وقت الظلم والخيانه وهتك العرض والغيبه كله بيترد برفع الستر وقتها بس هاتتمني الزمن يرجع بيك تاني حتي تتبع أوامر الله اتقوا الله في انفسكم وأولادكم وسيرتكم لانها اطول من العمر فغضب وعدل الرحمن قادم لا محاله

08/07/2026

شايف حزن الناس اللي في الشوارع ده
وناس ماشيه مكسوره
عارف ليه ؟
لا هو علشان احنا اقوي من الأرجنتين
ولا بس علشان ظلم حكم
ولا بس علشان احنا عندنا ضعف ذهني قبل البدني
لكن الحزن جاي من ( العشم)
ان الناس اتعشمت ومسكت في الفرحه
كله داخل الماتش يقول يمكن نكسب
وفجاءه لقيت نفسك
فرحان . كسبان. مسيطر
وفجاءه اللي اتعشمت فيه راح منك
اتغفلت
كنت فاكر نفسك خلاص بتحلم باللي بعد كده
وبتحلم هاتكمل فرحتك اذاي
وفي عشر دقايق كله اتغير
اكتر حاجه توجع وتحزن انك تتعشم
الخساره مش حزن لأنها متوقعه
لكن الحزن مش في الخساره اد ما في العشم
وبتقول لنفسك أنا تعبت وعرقت وعملت مجهود محدش عمله اكيد هاخد حقي وعايش بعشم باطل في دنيا باطله حقيقي اكيد هاكسب وعشمك يزيد بسبب تعبك
علشان كده حياتنا كلها حزنها اننا اتعشمنا زياده