محامى دسوق

17/05/2026

لا تعليق هل هؤلاء من يمثلون الشعب المصري وهل هؤلاء هم المنوط بهم تشريع ووضع القوانين
الجهل في أبسط صوره الذي يؤدي إلي خراب البيوت
لله الامر من قبل ومن بعد

17/05/2026

17/05/2026

⚖️ التزوير المعنوى فى المحررات الرسمية
من أخطر أنواع التزوير فى القانون المصرى… لأنه لا يعتمد على تغيير الورقة نفسها، بل على تغيير الحقيقة داخل مضمونها بطريقة تبدو قانونية تمامًا.
كثير من الناس يعتقد أن التزوير يعنى تقليد توقيع أو تغيير بيانات مكتوبة فقط، لكن الحقيقة أن أخطر أنواع التزوير أحيانًا يكون بدون كشط أو إضافة حرف واحد!
أولًا: ما هو التزوير المعنوى؟
التزوير المعنوى هو:
تغيير الحقيقة فى مضمون المحرر وقت تحريره بواسطة الموظف المختص أو من فى حكمه، مع بقاء شكل المحرر صحيحًا وسليمًا ظاهريًا.
أى أن الورقة تبدو رسمية وصحيحة، لكن البيانات التى أثبتت بها غير مطابقة للحقيقة.
📌 مثال:
إثبات موظف مختص حضور شخص أمامه والتوقيع منه رغم عدم حضوره أصلًا.
أو إثبات واقعة غير صحيحة فى محضر رسمى مع علم الموظف بذلك.
ثانيًا: الفرق بين التزوير المادى والتزوير المعنوى
🔹 التزوير المادى
يكون بتغيير مادى ظاهر فى الورقة مثل:
الكشط – الإضافة – الاصطناع – تقليد الإمضاءات.
🔹 التزوير المعنوى
لا يترك أثرًا ماديًا ظاهرًا، وإنما يقع فى مضمون المحرر ذاته عن طريق إثبات بيانات كاذبة أو إخفاء بيانات جوهرية.
⚖️ لذلك فإثباته غالبًا يكون أصعب لأنه يحتاج لاستخلاص نية التغيير من الظروف والقرائن.
ثالثًا: صور التزوير المعنوى
1- إثبات واقعة كاذبة على أنها صحيحة
مثل إثبات استلام مبلغ أو حضور شخص أو إقرار لم يحدث فى الحقيقة.
2- إغفال واقعة جوهرية
كإخفاء بيانات مؤثرة كان يجب إثباتها بالمحرر.
3- تغيير إقرارات ذوى الشأن
بأن يثبت الموظف أقوالًا مغايرة لما صدر حقيقة.
4- إساءة استعمال التوقيع على بياض
إذا تم ملء البيانات بخلاف المتفق عليه بصورة تغير الحقيقة.
رابعًا: أركان جريمة التزوير المعنوى
1- تغيير الحقيقة
ويجب أن يكون التغيير متعلقًا ببيانات جوهرية تؤثر فى قيمة المحرر.
2- أن يقع التغيير فى محرر رسمى أو عرفى
بحسب الأحوال.
3- القصد الجنائى
أى علم الجانى بتغيير الحقيقة واتجاه إرادته لاستعمال المحرر فيما زور من أجله.
4- الضرر
ويكفى فيه الضرر المحتمل فى المحررات الرسمية.
⚖️ محكمة النقض قررت:
“الضرر فى المحررات الرسمية مفترض لما فى التزوير فيها من عبث بالثقة العامة.”
خامسًا: متى ينتفى التزوير المعنوى؟
ينتفى إذا:
✔ كان الخطأ مجرد سهو أو إهمال دون قصد جنائى.
✔ كانت البيانات محل التغيير غير جوهرية.
✔ انتفى الضرر أو احتمال وقوعه.
✔ ثبت حسن نية المتهم وعدم علمه بالحقيقة.
📌 ليس كل خطأ فى المحررات يُعد تزويرًا.
فالقانون يعاقب على تعمد تغيير الحقيقة وليس مجرد الأخطاء الإدارية.
موقف محكمة النقض
⚖️ قضت محكمة النقض بأن:
“التزوير المعنوى يتحقق متى أثبت الموظف فى المحرر واقعة على خلاف الحقيقة مع علمه بذلك.”
⚖️ كما قضت بأن:
“العبرة فى التزوير المعنوى ليست بالمظهر الخارجى للمحرر، وإنما بحقيقة البيانات التى تضمنها.”
⚖️ وأكدت أيضًا:
“القصد الجنائى فى جريمة التزوير يتحقق بتعمد تغيير الحقيقة مع نية استعمال المحرر فيما زور من أجله.”

16/05/2026

🔮 العفو الرئاسى وعفو نصف وثلث المدة :
ركزوا معايا يعني أيه الاستعلام عن تاريخ الإفراج لمسجون؟
يعني حضرتك تروح السجن اللى تابع له المسجون وتقوله عايز أعمل استعلام رسمى عن تاريخ افراجه ، الاستعلام بيكون مكتوب فيه تاريخ دخول المسجون وتاريخ خروج المسجون وميعاد العفو اللى هيتعرض فيه ، وكمان إيه الورق الناقص من الملف والمفروض يكمل اد إيه عشان العفو ، بدل ما تقعد تسأل المادة دى بكام شهر؟
الاستعلام ده هيوضحلك كل حاجة.

🔫 طريقة تقديم طلب العفو الرئاسة :-

١- التقديم في لجنة العفو الرئاسي :-
العنوان / ٥٧ شارع مصدق الدور السادس
هتقول عاوز اقدم في العفو ، هيديلك استماره تملاها وتمشي.
● مش مطلوب أى ورق خالص.
● خد معاك رقم القضية فقط.
عن طريق مترو الانفاق اتجاه الجيزة او التحرير :-
● أنزل محطة مترو البحوث .
● واسأل عن شارع مصدق.
وفي شارع مصدق اسأل عن رقم ٥٧
● واطلع الدور السادس.
٢- التقديم للمحكوم عليهم حضوري فقط:-
🖍️ التحقيق ممكن ياخد افراج في أى وقت.
الغيابى بمجرد ما يعمل إعادة إجراءات بيلغى الحكم.
المختفى لا هو محكوم عليه ياخد عفو ولا هو تحقيق مستني افراج ، ده منتظر رحمة ربنا بيه وبأهله، او ترفع قضية في مجلس الدولة، ربنا يرده سالم لبيته.
٣- المحبوس احتياطي ميقدمش ، لان البيانات بتنزل علي السيستم، ولو رحت تقدم قبل الحكم هيرفض ياخد منك الطلب ، خليك بعد الحكم افضل.
والسجناء السياسيين ليهم وضع خاص ولجنة خاصة.
٤- لا يشترط قضاء مده معينة من العقوبة حتى تتقدم بطلب عفو.
٥- لا يشترط وجود صفه في تقديم طلب العفو .
٦- التقديم بيتم مره واحده فقط.
٧- لكل من قدّم في العفو الرئاسي ولم يحظي به، ووجد بالكشف من في ذاته موقفه أو أسوأ من موقفه، أن يتظلم لرئيس الجمهورية، ويطعن أمام مجلس الدولة.
أسئلة متعلقة بالعفو عن المسجونين:

س/ هو انا لازم اقدم على العفو ولا السجن بيراجع من نفسه؟
ج/ بيتم تشكيل لجنة قانونية من الإدارة العامة لمصلحة السجون، تقوم بفحص ملفات نزلاء السجون، في إطار قانون لتحديد مستحقي الإفراج بالعفو عن باقي مدة العقوبة، أو الإفراج الشرطي
س/ يعني ايه؟
ج/ يعني السجون بتراجع ملفات النزلاء وبترسل ملفات من يستحقون العفو لمصلحة السجون للبت في امرهم، لكن للسرعه وعشان عدد المسجونين مش قليل " يفضل " تسعى بنفسك وتقدم طلب العفو بنفسك.
س / العفو بعد اد ايه؟
ج / العفو بعد تلت المدة لو حكمك سنه، العفو بعد ٤ شهور ولو حكمك ٥ سنين، العفو بعد ٢٠ شهر.
س / يعني ايه نص المدة ؟
ج / نص المدة اسمها الافراج الشرطي يعني تقضي نص المدة مسجون، والنص التاني بتخرج بتروح تمضي في قسم الشرطه مرة كل اسبوع.
س / مش فاهم قصدك؟
ج/ حاضر هفهمك
لو مسجون حكمه ١٠ سنين وهيخرج نص المدة " افراج شرطي " يبقى هيقضي ه سنين كوامل يعني ٦٠ شهر محبوس، وبعدها يخرج ويروح القسم كل اسبوع يمضي مرة.
س/ العفو والافراج الشرطي لاي حد؟
ج / لأي حد لكن فيه شروط حسن السير والسلوك وموافقة الامن على خروجه.
س / ايه شروط العفو ؟
ج / الشروط الواجبة لتنفيذ قرارات العفو، سواء عن تلت المدة أو الافراج الشرطى هى: يجب أن يتوافر فى النزيل شرط إتمام تلت المدة " للعفو "
و شرط اتمام نصف المدة " للإفراج الشرطي " فى يوم تنفيذ العفو بالإضافة إلى حسن السير والسلوك. بالاضافة لسداده لكافة الالتزامات الماليه الوارة على الحكم زى التعويضات والمصاريف الجنائية
س / بس بيقولو فيه قضايا ملهاش عفو ؟
ج / صح فيه قضايا ملهاش عفو بس لها افراج شرطي
س / يعني ايه ملهاش عفو بس ليها افراج شرطي ؟
ج / يعني تخرج باذن الله بعد نص المدة بدلا من تلت المدة
س / زي ايه القضايا دي ؟
ج / زي قضايا الاتجار فى السلاح
و قضايا المخدرات بضبطيات أكثر من ١٠ كيلو جرام
و قضايا " الهيروين" و قضايا الثأر
س/ هو حكم المؤبد ؟ او الأحكام المتعددة لشخص واحد ليهم عفو ؟
ج / أيوه ليهم عفو
1 . الحكم المؤبد العفو عنه بعد ٢٠ سنه
2 . إذا تعددت الأحكام يكون العفو بعد تلت المدة " من مجموع الأحكام "
س / هو ملف العفو اللى بيرجع من مصلحة السجون لازم يقعد ٦ شهور عشان يرجع تاني ؟
ج/ لا مش لازم ...مصلحة السجون بتكون محدده تاريخ رجوعه للفحص مرة اخري
ممكن بعد شهرين أو ٣ شهور و ممكن بعد ٦ شهور و ممكن اكتر من كده
س / هو العفو و الإفراج الشرطي لهم وقت محدد ؟
ج/ أيوه لهم وقت محدد في المناسبات الرسمية
س / ايه هي المناسبات الرسمية اللي فيها عفو ؟
ج/
🎇 عفو ٢٥ يناير
🎆 عفو ٢٤ ابريل
🎊 عفو عيد الفطر
🎄 عفو عيد الأضحي
🎉 عفو ٣٠ يونيه
🎈 عفو ٢٣ يوليو
🎋عفو ٦ اكتوبر
س / اقدم طلب العفو فين؟
ج / تقديم طلب العفو بيكون ف جهات كتير
ف مصلحة السجون
أو فى قصر عابدين بوابة رقم ٥
أو في مجلس النواب
أو فى مجلس الوزراء
ودى غير لجنة العفو الرئاسى الموجودة بالعنوان ٥٧ شارع مصدق محطة البحوث الجيزة بالدور السادس ودى خاصة بالعفو الرئاسى فقط غير العفو بتلت المدة ونص المدة
س / بس انا من محافظة بعيدة وصعب اروح القاهرة ؟
ج / ابعت طلب عفو با التلغراف أو بالفاكس
س / ابعت تلغراف او فاكس لمين بالظبط ؟
ج / الجهات التي يرسل إليها تظلم العفو عن مسجون
🌺 السيد / رئيس الجمهورية
🌺 السيد / النائب العام
🌺 السيد / رئيس مجلس الوزراء
🌺 السيد/ وزير الداخلية
🌺 السيد/ مدير مصلحة السجون
🌺 السيد / رئيس لجنة حقوق الانسان
🌺 السيد/ مدير إدارة الشكاوي بمجلس النواب
حضرتك هتروح سنترال كبير في محافظتك وهما عارفين الفاكسات والعناوين
حضرتك هتروح سنترال كبير في محافظتك وهما عارفين الفاكسات والعناوين
🌺 عنوان مصلحة السجون المصرية
🌺 مقر ديوان عام قطاع مصلحة السجون
5 شارع شنن المتفرع من شارع الجلاء بمنطقة القللي ، رمسيس ، في القاهرة
📠 أرقام مصلحة السجون
بيردوا علي أى استفسار أو سؤال يخص المسجونين من 8 صباحا حتي 3 مساءا
0225741871
٠٢٢٥٧٥٧٤٧٤
0225741871
0225742493
س / انا مش عارف اكتب صيغة للعفو عشان ابعتها
ج / اكتب اي صيغه مفيش صيغة محددة
س / طيب قول لي صيغه الطلب يكرمك ربنا ؟
ج / حاضر
بـــــســــم الـــــلَّٰـــــه الًـــرحــــمـــــٰـن الـــــــرحـــــــيــــم
معالى سيادة رئيس الجمهورية / ................
السيد رئيس الوزراء / دكتور مصطفى مدبولي
السيد وزير الداخلية / اللواء محمود توفيق
بعد اسمي آيات الاحترام والتقدير
نطلب من سيادتكم العفو عن
السجين / ........
الموجود بسجن / ................
والمحكوم عليه في قضية رقم ........ جنايات ..........
قسم ......... رقم ........ كلي .......
حيث حُكم عليه بقضاء .......... سنوات وقضى منها أكثر من نصف المدة .
وحيث أن سنه قد تجاوز ال ....... ، ويعاني من أمراض الشيخوخة وارتفاع ضغط الدم وضعف الجهاز المناعي وعدم القدرة على القيام بالأعمال البسيطة وبقاؤه في الحبس يشكل خطرا على حياته نظراً لتدهور حالته الصحية ، ولأن تكدس المساجين يعد صورة من صور التجمعات والزحام والذي يؤدي لتفشي ڤيروس كورونا المستجد والذي يودي بحياة كبار السن واصحاب المناعة الضعيفة
وإستمراراً لتطبيق أطر السياسة العقابية بمفهومها الحديث ، وتوفير أوجه الرعاية المختلفة لنزلاء السجون ، وتفعيل الدور التنفيذى لأساليب الإفراج عن المحكوم عليهم الذين تم تأهيلهم للإنخراط فى المجتمع.
🖍️ لذا........ نرجوا منكم النظر بعين الرأفة والرحمة واتخاذ القرار اللازم نحو العفو عن باقى المدة المحكوم عليه بها
وتفضلوا بقبول فائق الاحترام والتقدير
ولسيادتكم جزيل الشكر .
س/ هو اللي ورقه " لا قدر الله " بيترفض فى العفو بيرجع يتعرض تانى أمتي ؟
س / هو صحيح اللي ورقه " لا قدر الله " بيترفض ف العفو لازم يستني ٦ شهور كمان عشان يتعرض مره تانية ؟
ج/ اللي ورقه بيترفض فى اي عفو بيتكتبله فى الملف بتاعه تاريخ العرض التاني بيكون امتي
س/ يعني ايه ؟
ج/ يعني حضرتك تسأل فى السجن بتاعه هيقولك تاريخ سفر ملفه للعرض تاني مره
مش لازم يستني ٦ شهور عادي جدا ينزل تاني العفو اللي بعده كل المطلوب من حضرتك تعرف سبب الرفض وتحاول تعالجه وتعرف تاريخ العرض التاني امتي وده بيبقى ثابت فى الملف بتاعه فى السجن .
مشاركه علشان الكل يستفاد.

06/05/2026

05/05/2026

اللي درس قانون… أو اشتغل بالمحاماة ودخل ساحات المحاكم،
بيعرف إن الصورة أعقد بكتير من اللي الناس متخيلاه:

في القضايا…
مش السؤال: مين الصح؟
السؤال الحقيقي: مين قدر يثبت إنه الصح؟

القانون ما بيدورش على الحقيقة المطلقة…
بيدور على الحقيقة القابلة للإثبات

وعلشان كده:

- اللي بيخسر مش لازم يكون مُذنب… لكنه فشل يثبت موقفه
- واللي بيكسب مش شرط يكون بريء… لكنه نجح يقنع المحكمة

في المحاكم…
الكلام مش قيمة في حد ذاته…
قيمته في توقيته، وصياغته، والطريقة اللي بيتقدّم بيها

- كلمة في غير محلها ممكن تهد قضية
- وتفصيلة صغيرة ممكن تغيّر مسارها بالكامل
- وسكوت محسوب أحيانًا أقوى من مرافعة طويلة

المحامي الشاطر مش اللي يتكلم كتير…
المحامي الشاطر هو اللي يعرف يقول إيه… وإمتى… ويسكت إمتى

بتتعلم إن:

- اليقين بدون دليل = رأي شخصي
- والدليل بدون عرض قوي = فرصة ضايعة
- والشك أحيانًا وسيلة دفاع… مش ضعف

وبتفهم مع الوقت إن:

- مش كل شاهد صادق
- ومش كل مستند كامل
- ومش كل ثقة في محلها

فيه قضايا بتخسرها رغم اقتناعك بيها…
وقضايا بتكسبها وإنت عارف إن الصورة ناقصة

وساعتها تدرك الفرق بين:
العدل… كقيمة
والقانون… كأداة

القانون أداة…
زي السكين:
ممكن تنقذ بيها… وممكن تأذي

مش بيحمي الضعيف ولا القوي بشكل مطلق…
بيحمي اللي فاهم قواعده… واللي يعرف يستخدمه بدقة

والخبرة الحقيقية مش في عدد القضايا…
لكن في عدد المرات اللي راجعت فيها نفسك…
واكتشفت إنك كنت محتاج تشوف الصورة بشكل أوسع

بتتعلم إن:

- الهدوء قوة
- والدقة أهم من الحماس
- واللي ما يعرفش يثبت حقه… بيخسره حتى لو كان معاه

وفي النهاية…
القانون مش بيغيّر الناس…
القانون بيكشفهم

واللي يمر بالتجربة دي…
بيطلع أقل اندفاعًا، أكتر حذرًا،
وأهدى في الحكم على الآخرين

لأنه ببساطة…
اتعلم إن الحقيقة مش دايمًا واضحة
وإن العدل… مش دايمًا سريع

لكن الأكيد:
إن الحق اللي ما يتثبتش…
كأنه ما كانش موجود من البداية ⚖️

05/05/2026

الجزء الاول من نص مشروع قانون الاسره المقدم من الحكومه ، وأحالته لمجلس النواب لمناقشته واستكمال إجراءات إصداره الولايه علي النفس الزواج والخطبه والنفقه والرؤيه والاستزارة والطلاق والتطليق والفسخ والتفريق والخلع والعده والرجعه والنسب والمفقود ونفقه الاصول والفروع والحضانه والولايه التعليميه
من الماده ١ الي الماده ١٦٤