ادهـم مـصـلـحـي - Adham Mosilhy

ادهـم مـصـلـحـي - Adham Mosilhy …⚖️

خطوة زي MOIEG-PASS تعتبر " نقلة نوعية " في تقليل الزحام و توفير مجهود كبير كان بيضيع في الطوابير فكرة ربط الهوية الرقمية...
20/02/2026

خطوة زي MOIEG-PASS تعتبر " نقلة نوعية " في تقليل الزحام و توفير مجهود كبير كان بيضيع في الطوابير
فكرة ربط الهوية الرقمية ( Biometric Verification ) بالخدمات الحكومية هي المعيار العالمي حاليا لضمان الامان و سرعة التنفيذ
​اليك تحليل سريع لما يقدمه هذا التطبيق من فوائد :
منظومة الامان والتحقق : التطبيق مش مجرد وسيلة تسجيل هو هوية رقمية مؤمنة
​منع انتحال الشخصية : الاعتماد على " صورة السيلفي " لمطابقتها ببيانات البطاقة بيضمن ان صاحب الشام هو اللي بيجري المعاملة
​التكامل الرقمي : ربط المصالح الحكومية ببعضها يعني ان بياناتك مش هتكون " جزر منعزلة " ده بيسرع الاجراءات اللي كانت بتتطلب ورق من كذا جهة
​خدمات " من بيتك " دمج قطاعات حيوية في تطبيق واحد هو الهدف الاسمي للمواطن :
​المرور : تجديد رخص القيادة و السيارة
​الجوازات : متابعة الطلبات او تجديدها
​السجل المدني : استخراج شهادات الميلاد و البطاقات و القيد العائلي
​نصيحة تقنية : عند استخدام التطبيق لاول مرة تاكد من وجود اضاءة جيدة اثناء التقاط الصورة الشخصية و صورة البطاقة لضمان قبول عملية التحقق من المحاولة الاولي

وداعا لتشابه الاسماء اعتبارا من العام القضائي الجديد اول أكتوبر 2026 وفقا لقانون الاجراءات الجنائية الجديد تنص المادة 27...
18/02/2026

وداعا لتشابه الاسماء اعتبارا من العام القضائي الجديد اول أكتوبر 2026 وفقا لقانون الاجراءات الجنائية الجديد تنص المادة 27 على ان على مأموري الضبط القضائي اثبات بيانات الرقم القومي للمتهم فور تحديد هويته و ارفاق مستخرج من هذه البيانات بالمحضر كما يجب ان تتضمن احكام الادانة جميع بيانات المحكوم عليه بما في ذلك الرقم القومي لضمان دقة الهوية و منع اي لبس او تشابه اسماء قد يؤدي إلى احكام غيابية او اخطاء قضائية

اهم النصائح للمحامين المبتدئين و طلاب كليات الحقوق :١- اوعى تكون بتدرس حقوق و تتخرج تشتغل اي حاجة غير المحاماة هتبقى ضيع...
14/02/2026

اهم النصائح للمحامين المبتدئين و طلاب كليات الحقوق :

١- اوعى تكون بتدرس حقوق و تتخرج تشتغل اي حاجة غير المحاماة هتبقى ضيعت اهم فرصة في حياتك لان الشغل في المحاماه بيعرفك القانون علي ارض الواقع

٢- المحاماة مهنة الفن والمتعة والرقي والابداع والفكر والبحث وتقصي الحقائق

٣- لو لسه متخرج و جايلك شغل ب 10000 جنية في الشهر ارفض و انزل اتدرب في مكتب محاماة بـ1000 جنيه في الشهر و في الاخر هتكسب علشان لازم تتعلم وبعدين تشتغل لوحدك

٤- لو انت مش ( باشا في نفسك ) يبقي مينفعش تبقي محامي لومحستش بعلو نفسك ومكانتك وقدرك كمحامي يبقا متشتغلش محامي

٥- لو انت كسول او مش عايز تشغل دماغك او مبتحبش الشغل الكتير يبقى متكملش البوست و روح اشتغل كاشير في سوبر ماركت الضحكة الحلوة

٦- العمل بالمحاماة افضل مائة مرة من العمل بالنيابات او بمجلس الدولة و ده من وجهة نظري الشخصية

٧- انت و القاضي و وزير العدل متخرجين من نفس الكلية انت متخيل؟

٨- الاستاذ فريد الديب كان اغني من وزير العدل

٩- مرتب وزير العدل في سنة كاملة ممكن المحامي يكسبه في قضية واحدة

١٠- المحامي بيقبل الملفات اللي على مزاجه و يرفض الباقي لكن النائب العام ميقدرش يعمل كده

١١- الخبرة مش بالسن و جيل الشباب دايما أشطر من الجيل اللي قبله ( العب علي النقطة دي هتكسب )

١٢-اللي يقولك لازم تصبر خمس سنين من غير فلوس علشان تتعلم دا عايز يستغلك او بيفتي

١٣-اشتغل ليل ونهار لحد ما توصل للي انت عايزه او لحد ما تموت ايهما اقرب ( هتوصل متخفش )

١٤- لما ربنا يكرمك بقضية كبيرة جرب تقول قبل الرول بتاعك ( رَبِّ اشْرَحْ لِي صَدْرِي وَيَسِّرْ لِي أَمْرِي وَاحلُلْ عُقْدَةً مِّن لِّسَانِي يَفْقَهُوا قَوْلِي ) وقول ( اللهم انك قولت من قال حسبي الله ونعم الوكيل ف انت حسبه و انا اقول حسبي الله ونعم الوكيل فكن حسبي يا الله ) باذن الله هينصرك الله وهتعمل مرافعة محصلتش في التاريخ عن تجربة وحصل

١٥- لو قابلت استاذ من استاذتك خصم في قضية احترمه كامل الاحترام و بعدها انتصر عليه بشطارتك

١٦- امتي تعرف انك بقيت افضل محامي ؟ لما تخرج من قاعة المحكمة وكل الناس بتبصلك ب انبهار و تبتسم عن تجربة وحصل

١٧- لو حد ( غلبان ) قصدك في مشكلة متاخدش منه فلوس ومتسمعش كلام اللي يقولك متعملش لله او متنشرش عملك لله وسط الناس وقانون المحاماه نفسه نص علي الجزئيه دي وسمحلك تشتغل لله زي مانت عاوز و مفيش حد بيعمل لله بيتاذي ابدا

١٨-متضيعش دم حد و متضيعش مال يتيم اوعي تعين ظالم علي ظلمه

١٩ و ٢٠- هتخسر كتير لو مشتغلتش محامي

ارفع راسك فوق انت محامي

تعلن محافظة دمياط عن صدور القرار رقم 67 لسنة 2026 والمنشور بالجريدة الرسمية العدد 25 تابع "أ" بتاريخ 1/2/2026 والمتعلق ب...
03/02/2026

تعلن محافظة دمياط عن صدور القرار رقم 67 لسنة 2026 والمنشور بالجريدة الرسمية العدد 25 تابع "أ" بتاريخ 1/2/2026 والمتعلق بتحديد القيمة الايجارية للمناطق المؤجرة وفقا للقوانين الاستثنائية
​وبناءا عليه سيتم بدء العمل بالاجرة الجديدة اعتبارا من شهر مارس 2026 وفقا للضوابط التالية :
​المناطق المتميزة : 20 ضعف القيمة الايجارية الحالية ( بحد أدنى 1000 جنيه )
​المناطق المتوسطة : 10 اضعاف القيمة الايجارية الحالية ( بحد ادني 400 جنيه )
​المناطق الاقتصادية : 5 اضعاف القيمة الايجارية الحالية ( بحد ادني 250 جنيه )
​ملاحظة هامة : يلتزم المستاجرون بسداد فروق الاجرة المستحقة عن الفترة من سبتمبر 2025 و حتى فبراير 2026 وبهذا القرار تكتمل اجراءات حصر كافة الاماكن الخاضعة للقوانين الاستثنائية على مستوى المحافظة

امتى جنحة الضرب تتحول لجناية ؟كتير من الناس بيسالوا : هل الضرب دايما جنحة ؟ ولا ممكن يتحول لجناية ؟الاجابة : ايوه في حا...
24/12/2025

امتى جنحة الضرب تتحول لجناية ؟
كتير من الناس بيسالوا : هل الضرب دايما جنحة ؟
ولا ممكن يتحول لجناية ؟
الاجابة : ايوه في حالات معينة جنحة الضرب بتتحول لجناية حسب النتيجة و الاداة المستخدمة
اهم الحالات اللي بتحول الضرب لجناية :
1 - لو الضرب تسبب في عاهة مستديمة يعني اصابة دائمة زي فقد عضو او تشوه او فقد وظيفة عضو
العقوبة : سجن من 3 ل 5 سنوات و ممكن توصل ل 10 في بعض الحالات
2 - لو الضرب ادى للوفاة بدون نية القتل يعني المتهم لم يقصد القتل لكن الضرب تسبب في موت المجني عليه العقوبة : سجن من 3 ل 7 سنوات و قد تصل ل 10 سنوات
3 - لو تم استخدام سلاح او اداة خطر في الضرب زي السكين او العصا الغليظة او اي اداة ممكن تسبب خطر جسيم و ده بيرفع وصف الجريمة حسب الضرر اللي حصل
4 - لو الواقعة فيها ظروف مشددة زي التعدي على موظف عام اثناء تادية عمله او التعدي من اكتر من شخص او وجود نية مسبقة
الخلاصة :
مش كل ضرب جنحة و مش كل جنحة بسيطة النتائج و الادوات و الظروف هي اللي بتحدد وصف الجريمة و العقوبة

🔴 لو المباحث قبضت علي حد من اهلك اتصرف زي ما هقولك دلوقتي و هتفيده في البراءة باذن الله 🔴 هتروح اقرب سنترال ليك تعمل حاج...
20/12/2025

🔴 لو المباحث قبضت علي حد من اهلك اتصرف زي ما هقولك دلوقتي و هتفيده في البراءة باذن الله

🔴 هتروح اقرب سنترال ليك تعمل حاجه اسمها ( تليغراف ) للنائب العام و وزير الداخلية بتوضح فيه ( وقت و تاريخ و مكان القبض علي المتهم سواء كان من اهلك او قرايبك )

🔴 طب ايه هدف التلغراف ده ؟
هدفه بكل بساطه ( اثبات ) وقت القبض عشان لو الظابط استخرج اذن النيابه بعد القبض
( وده غالبا اللي بيحصل ) وقتها هيكون ( اجراء قانوني باطل ) و بالتالي بطلان اجراءات الضبط و ما ترتب عليها و ما بني علي باطل فهو باطل
و التلغراف وثيقة رسمية و قانونية معترف بيها و مهمه لدور الدفاع في القضية

🔴 و سايب لحضراتكم بالتفصيل صيغة كتابة التلغراف في اول كومنت مجانا بدون اي مقابل

16/12/2025

📌 هل دمج الصور بالذكاء الاصطناعي ممكن يعرضك للمسؤولية القانونية؟
تعالوا نشوف مع بعض كدا في الفترة الأخيرة انتشر تريند دمج الصور باستخدام الذكاء الاصطناعي (زي Gemini AI)
لكن قبل ما تعملها… تعالى نفهم موقف القانون ايه من النقطه دي :

♦️ اولا : لو دمجت صورتك مع "شخص مشهور"
• ترفيهي (هزار/ميم/تريند) : غالبًا مسموح ، طالما مفيش إساءة أو تشويه لسمعة الشخص.
• تجاري أو إعلاني : خطر جدا ، لان المشاهير ليهم حق قانوني في استغلال صورهم وأصواتهم ، وأي اعلان من غير اذن ممكن يعرضك لدعوى قضائية وتعويض.

♦️ ثانيًا : لو دمجت صورتك مع "شخص عادي"
• الاستخدام الشخصي بدون نشر : لو الصورة عندك ومش بتعرضها ، القانون مش هيحاسبك.
• لو حد شافها عندك بالصدفة : برضه مش جريمة ، لانها اتشافت من غير قصد او نشر متعمد منك.
• عرضتها قدام شخص وجها لوجه : ده يعتبر "عرض مباشر" ومش داخل في نطاق النشر الالكتروني اللي يقصده القانون. لكن لو العرض كان متعمد وتسبب في ضرر ، ممكن يتكيف كمساس بالخصوصية أو إساءة ، وساعتها المتضرر من حقه يطالبك بتعويض.
• تداولتها الكترونيا (واتساب - فيسبوك - تليجرام…) : هنا الخطر ! دي تعتبر نشر باستخدام وسيلة تقنية.

♦️ في الحالة الأخيرة ، لو الشخص المتضرر اشتكى ، تعتبر "انتهاك خصوصية.

🔴 المادة 25 من قانون مكافحة جرائم تقنية المعلومات رقم 175 لسنة 2018 بتنص علي :
"يعاقب بالحبس مدة لا تقل عن 6 أشهر ، وبغرامة لا تقل عن 50 الف جنيه ولا تجاوز 100 الف جنيه، أو باحدى هاتين العقوبتين ، كل من نشر... صورا او ما في حكمها ، تنتهك خصوصية اي شخص دون رضاه.

🔴 الخلاصة
مع المشاهير : الهزار والتريندات مقبول نسبيا ، لكن الاستغلال التجاري او الاعلاني ممنوع.
مع الاشخاص العاديين : الاستخدام الشخصي فقط مش جريمة ، لكن النشر الالكتروني من غير اذن هو الي جريمة يعاقب عليها القانون المصري

إصدار رخصة القيادة الخاصة في مصر 2025 بتكلفة إجمالية 1140 جنيهاً مع إتاحة التجديد إلكترونياً💰 التكاليف والرسوم الإجمالية...
06/12/2025

إصدار رخصة القيادة الخاصة في مصر 2025 بتكلفة إجمالية 1140 جنيهاً مع إتاحة التجديد إلكترونياً

💰 التكاليف والرسوم الإجمالية

حددت وزارة الداخلية المصرية تكاليف استخراج رخصة القيادة الخاصة لأول مرة في عام 2025، حيث تصل الرسوم الإجمالية إلى 1140 جنيهاً مصرياً. وتتوزع هذه التكاليف على النحو التالي:

البند التكلفة (جنيه)
الضريبة + التأمين الإجباري 615
الكشف الطبي وتحاليل الدم 285
نموذج 256 لطلب الرخصة 45
اختبار إشارات 10
استمارة بيانات 105
طابع شرطة 15
ملف وحافظة رخصة 65

📄 الشروط الأساسية لاستخراج الرخصة لأول مرة

يشترط لاستخراج رخصة القيادة الملاكي لأول مرة توافر الشروط التالية في المتقدم:

السن: لا يقل عمر المتقدم عن 18 عاماً.

التحاليل: تقديم تحليل مخدرات معتمد من جهة طبية مختصة.

السجل الجنائي: ألا يكون المتقدم قد صدر ضده أحكام جنائية أو جنحة مخلة بالشرف.

💻 التجديد واستخراج الرخصة إلكترونياً

أتاحت وزارة الداخلية إمكانية استخراج وتجديد رخصة القيادة إلكترونياً عبر بوابة المرور لتقليل الازدحام. تشمل خطوات التجديد الإلكتروني رفع صورة من البطاقة، 3 صور شخصية، شهادتي باطنة ونظر، وشهادة مخالفات تثبت عدم وجود غرامات مالية.

ملاحظات هامة:

الصلاحية: مدة صلاحية الرخصة هي 10 سنوات كاملة.

الغرامة: في حالة التأخر عن التجديد بعد مرور 30 يوماً من انتهاء المدة القانونية، يتم تطبيق غرامة مالية تتراوح بين 1000 و 2000 جنيه.

🔍 ما يعنيه ذلك:

يؤكد تحديد تكاليف رخصة القيادة الخاصة عند 1140 جنيهاً، بالإضافة إلى تسهيلات التجديد الإلكتروني، استمرار توجه وزارة الداخلية نحو التحول الرقمي وتبسيط الإجراءات الحكومية لخدمة المواطنين. هذا التحديث يهدف إلى تحقيق الشفافية المالية وتوحيد الرسوم. فرض الغرامات المشددة على التأخير في التجديد يعكس جدية الوزارة في تطبيق قانون المرور لضمان تحديث بيانات السائقين والحد من المخالفات.

🔴 حبس سنتين وغرامة 100 ألف جنيه بسبب اختراق حساب على فيسبوك ..◀️ أصدرت المحكمة حكمًا بمعاقبة المتهم بالحبس لمدة سنتين مع...
04/12/2025

🔴 حبس سنتين وغرامة 100 ألف جنيه بسبب اختراق حساب على فيسبوك ..
◀️ أصدرت المحكمة حكمًا بمعاقبة المتهم بالحبس لمدة سنتين مع الأشغال ، وغرامة مالية تصل لـ100 ألف جنيه ، بعد ثبوت تورطه في اختراق حساب شخصي على فيسبوك.
🛑 خليك واعي… إختراق أو الاستيلاء على حسابات السوشيال ميديا مش مجرد “تصرف عابر”، ده فعل مُجرَّم قانونًا وبيخضع لأحكام قانون مكافحة جرائم تقنية المعلومات رقم 175 لسنة 2018.
⛔حسابك على السوشيال ميديا مش مجرد مساحة عامة، ده ملكية رقمية خاصة ليك، وبيُصنَّف قانونًا باعتباره "بيانات شخصية" لا يجوز المساس بيها.

بِعت سيارتك ولم تنقل الرخصة؟ 🤯 ستدفع أنت الغرامات وتُسجن في مكانه! 🚨 صدمة "التوكيل" في القانون!يظن كثيرون أن التوقيع على...
01/12/2025

بِعت سيارتك ولم تنقل الرخصة؟ 🤯 ستدفع أنت الغرامات وتُسجن في مكانه! 🚨 صدمة "التوكيل" في القانون!

يظن كثيرون أن التوقيع على "توكيل بيع" كافٍ لإنهاء مسؤوليتهم عن السيارة، لكن القانون لا يرحم! ⚠️
القاعدة ببساطة (كارثة التوكيل): بيعك لسيارة بتوكيل، دون نقل الملكية في المرور، يعني أن السيارة تظل قانونياً باسمك أنت! 🔑
المسؤولية الجنائية: ⛓️ إذا ارتكب المشتري (الذي يحمل التوكيل) أي حادث أو مخالفة جنائية خطيرة (كهروب أو دهس)، فإن الاستدعاء الأول سيكون لك أنت كمالك أصلي مسجل في المرور!
المخالفات المرورية: 💸 جميع المخالفات التي تُسجل على السيارة (الرادار، انتظار خاطئ) تأتي عليك أنت، وتُحسب ضمن "نقاطك" المرورية!
التحذير الأهم: لا تكفيك التوكيلات! يجب أن يتم نقل الملكية رسمياً في المرور لرفع المسؤولية الجنائية والمدنية عنك تماماً.
#التوكيل

Address

Nasser Street, Kafr Saad
Damietta

Opening Hours

Monday 9am - 3pm
Tuesday 9am - 3pm
Wednesday 9am - 3pm
Thursday 9am - 3pm
Saturday 9am - 3pm
Sunday 9am - 3pm

Website

Alerts

Be the first to know and let us send you an email when ادهـم مـصـلـحـي - Adham Mosilhy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category