مكتب المستشار الاستاذ /محمود كامل

19/12/2025

جمعة مباركة على الجميع

18/12/2025

10/12/2025

لما تقوموا تتوضوا و تصلوا الفجر في الجو البرد ده إفتكروا الحديث الجميل ده :
إنَّ اللَّهَ ليضحَكَ إلى رجلٌ قامَ في ليلةٍ بارِدَةٍ مِن فِراشِهِ ولِحافِهِ ودِثارِهِ فتوضَّأَ ، ثمَّ قامَ إلى الصَّلاةِ ، فيقولُ اللَّهُ عزَّ وجلَّ لملائكتِهِ : ما حمل عبدي هذا على ما صنَعَ ؟ فيقولون : ربَّنا ! رجاءَ ما عِندَكَ ، وشفقَةً مِمَّا عندَكَ . فيقولُ : فإنِّي قد أعطيتُهُ ما رجا ، وأمَّنتُهُ مِمَّا يخافُ ..

- صلاة الفجر يا أهل الفجر ..

03/12/2025

تشرفت اليوم بحضور ورشة الذكاء الاصطناعي للسادة محامين مصر الأفاضل وكل الشكر لنقابة المحامين المصرية وللمهندس/ ايهاب سري .الذي أبدع اليوم والذي أتاح لي الفرصة للتدريب العملي وزياده علمي لأدوات الذكاء الاصطناعي والساده المحامين الزملاء.. وأرجوا من الله أن يعود بالنفع بها على زملائي محامين مصر المحترمين.

18/08/2025

صورة من الشيشان عام 1994 📸

في ليلة 31 ديسمبر من نفس العالم أقتحم 90 ألف جندي روسي مدججون بـ 6 آلاف مدرعة غروزني تحت غطاء جوي كثيف وقصف لا يتوقف، لكن القيادة الشيشانية قلبت المعادلة حين سمحت للأرتال بالتوغل في وسط المدينة ثم شنّت هجومًا مضادًا دمّر الوحدات المتقدمة ومئات الدبابات والعربات ..

من القصر الرئاسي قاد أصلان مسخادوف الدفاع المباشر، ونسّق جوهر دوداييف العمليات من مقرّه في ألدي، فيما كانت المقاومة الريفية — معظمهم رجال يحملون السلاح لأول مرة — يصطادون المدرعات بقاذفات القنابل من الأزقة والشوارع الضيقة ..

أسفرت المعركة عن خسائر روسية لأكثر من 22 ألف قتيل، وتدمير أكثر من 1200 مركبة مدرعة، وإبادة لواء مايكوب الآلي بالكامل، مع صمود المقاومة شهرين ونصف قبل الانسحاب الروسي في مارس 1995 ..

ورغم محاولات الدعاية الروسية التغطية على الهزيمة، بقيت الحقيقة واضحة :

عشرات المقاتلين البسطاء، بإيمانهم وشجاعتهم، أوقفوا فرقًا كاملة من أقوى الجيوش، وأثبتوا أن الإرادة يمكن أن تهزم الحديد ..

التاريخ سيعيد نفسه بإذن الله تعالى ✌🏻

05/08/2025

حساب القيمه الايجاريه بعد التصديق علي القانون رقم 164 لسنه 2025إزاى تحسب الإيجار بعد تطبيق القانون #الايجارقديم
تم نشر قانون الإيجارات الجديد برقم (164) لسنة 2025

⏪ الأجرة اللي هتدفع في 1/9/2025 هي 250 جنيه لأي مكان بيدفع أقل من كده... كل اللي بيدفع أكتر من كده هيفضل زي ما هو.
⏪ لو اللجان اتأخرت في تصنيف منطقتك؛ هتفضل تدفع 250 جنيه زي ماهيا في 1/10 لحد ما اللجنة تعلن التصنيف.. ومن أول الشهر اللي بعد التصنيف؛ الأجرة هتبقى كالتالي:
⭕ المنطقة المميزة
1️⃣ الفرض الأول: هتدفع أجرتك القانونية اللي كنت بتدفعها عادي جدا لكن مضروبة في 20 ضعف..
مثال: لو بتدفع 65 جنيه كأجرة قانونية،
يبقى الحسبة كده: 65×20= 1300 جنيه.

2️⃣ الفرض التاني: أجرتك القانونية مثلا 15 جنيه؛
تبقى الحسبة كده: 15×20= 300 جنيه
الـ300 جنيه أقل من الحد الأدنى اللي لازم تدفعه اللي هو 1000:
يبقى هتدفع 1000 جنيه.
⭕ المنطقة المتوسطة
1️⃣ الفرض الأول: هتدفع أجرتك القانونية اللي كنت بتدفعها عادي جدا لكن مضروبة في 10 أضعاف...
مثال: لو بتدفع 75 جنيه كأجرة قانونية،
يبقى الحسبة كده: 75×10= 750 جنيه.
2️⃣ الفرض التاني: أجرتك القانونية مثلا 35 جنيه؛
تبقى الحسبة كده: 35×10= 350 جنيه
الـ350 جنيه أقل من الحد الأدنى اللي لازم تدفعه اللي هو 400:
يبقى هتدفع 400 جنيه.
⭕ المنطقة الاقتصادية (الشعبيات)
1️⃣ الفرض الأول: هتدفع أجرتك القانونية اللي كنت بتدفعها عادي جدا لكن مضروبة في 10 أضعاف...
مثال: لو بتدفع 150 جنيه كأجرة قانونية،
يبقى الحسبة كده: 150×10= 1500 جنيه.

2️⃣ الفرض التاني: أجرتك القانونية مثلا 15 جنيه؛
تبقى الحسبة كده: 15×10= 150 جنيه
الـ150 جنيه أقل من الحد الأدنى اللي لازم تدفعه اللي هو 250:
يبقى هتدفع 250 جنيه.
⭕ الزيادة السنوية 15%
- اعتبارا من 1/9/2026 تبدأ زيادة 15% على الأجرة؛ بمعنى لو بتدفع 1000 جنيه،
هتبقى الأجرة بعد الزيادة 1150 أول سنة،
والسنة التانية هتتحسب على 1150 مش على 1000؛
بمعنى (1150×15) / 100 = 172.5 + 1150 =1322.5 جنيه
- ولما نيجي نحسب زيادة السنة التالته هتتحسب على آخر أجرة اللي هي 1322.5 جنيه
- وهكذا...

⛔ ملحوظة: الأجرة القانونية هي أجرة لجان تحديد الأجرة المؤشر بها على العقد من لجان تحديد الأجرة في زمن تحرير العقد القديم أو الثابتة في دفاتر الضرائب العقارية (العوايد).. أو الأجرة اللي حددتها المحكمة بموجب حكم قضائي..
⛔ توضيح أكثر: متدفعش الأجرة اللي مكتوبة في العقد ولا الاتفاقية اللي بينك وبين المالك.. لكن ادفع الأجرة القانونية بعد ما تضربها في المضاعفات زي ما شرحنا فوق..
إنتهت قصة الإيجارات القديمة
تدفع دم قلبك وفي النهاية طرد

مع تحيات أ/محمود كامل المحامى

04/08/2025

رسميا القانون رقم 164 لسنة 2025 بشان تعديل بعض احكام القانون القديم بشان تنظيم العلاقة بين المالك والمستأجر دخل حيز التنفيذ