محامي العقارات - أ/ كريم ناصر المنشاوي

  • Home
  • محامي العقارات - أ/ كريم ناصر المنشاوي
Call Contact the practice

محامي العقارات - أ/ كريم ناصر المنشاوي متخصص في العقارات والسيارات

محامٍ متخصص في العقارات ونزاعات المطورين وتوثيق ومراجعة وإبرام العقود ومشاكل التسجيل وصحة توقيع و نزاعات الملكية
✔️نصائح ومراجعة الأوراق قبل الشراء
✔️حلول فوريه لمشكلات العقارات
💰كافة الإستشارات مدفوعه وغير مجانيه
مؤسس ومدير جروب محامين مصر - هنساعد بعض⚖

الرئيس السيسي عن الإيجار القديم :الإيجار زمان كان بأرقام قليلة.. زمان بـ 3 جنيه لأن مرتبات الناس وقتها كانت 8 جنيه ⚖️👌🏻
20/10/2026

الرئيس السيسي عن الإيجار القديم :
الإيجار زمان كان بأرقام قليلة.. زمان بـ 3 جنيه لأن مرتبات الناس وقتها كانت 8 جنيه ⚖️👌🏻

18/10/2026

شقى عمرك مش مجال للمخاطرة ولا التجربة
​قبل ما تمضي على عقد شراء شقة أو عقار جديد وتدفع تحويشة عمرك في ثلاث نقاط أساسية لازم تتأكد منهم كويس جدا
​أولا تسلسل الملكية ورخصة البناء عشان تتأكد إن اللي بيبيعلك هو المالك الفعلي وله حق البيع القانوني
​ثانيا مواعيد التسليم والشرط الجزائي عشان تضمن حقك باليوم والجنيه لو حصل أي تأخير
​ثالثا خلو العقار من الديون والنزاعات القضائية عشان ما تكتشفش بعد البيع إن عليه مشاكل
​
​وعشان تشتري وأنت مطمئن وبدون أي قلق قانوني تقدر تتواصل معايا لمراجعة وصياغة عقدك بأمان و بدقه قانونيه

- أ / كريم المنشاوي
محامٍ متخصص في العقارات ونزاعات المطورين وتوثيق وإبرام العقود ومراجعتها وتسجيلها وصحة توقيع و نزاعات الملكية والإيجارات وفسخ العقود

☎️ للإستشارات القانونيه العقاريه / 01005365046 واتساب فقط

- عدم تفاعلك معنا ومتابعتك لنا يحجب عنك الكثير من المنشورات شارك او علق بتم ليصلك كل جديد ⚖️

قبل ما تتعاقد وتدفع تعبك وشقاك في أي مشروع عقاري، لازم تتأكد بنفسك إن فلوسك رايحة للمكان والمطور الصح. الكلام ده بقولهول...
15/10/2026

قبل ما تتعاقد وتدفع تعبك وشقاك في أي مشروع عقاري، لازم تتأكد بنفسك إن فلوسك رايحة للمكان والمطور الصح. الكلام ده بقولهولك من واقع خبرتي على مدار 6 سنين شغلي جوه شركات التطوير العقاري.
لو فعلاً شايف إن المشروع يستاهل، وموقعه حيوي ومستقبله قوي، وشايف الخدمات زي الطرق والجامعات والمشاريع اللي جنبك كويسة ومطمن لها، يبقى تبدأ تطبق الخطوات دي فوراً:
أول حاجة اسأل على الشركة كويس أوي وشوف سابقة أعمالهم. هل سلموا حاجة قبل كده ولا لا؟ ولو سلموا، شكل التسليمات إيه وهل طالعة بنفس المواصفات والماستر بلان والجودة المتفق عليها ولا كلام على ورق؟ كمان شوف المشاريع اللي تحت الإنشاء عندهم، ماشيين فيها بمعدل تنفيذي كويس وبجدول زمني منتظم ولا متأخرين؟
تاني حاجة ودي أهم خطوة وكثير من المشتريين بينسوها، انزل بنفسك الجهاز أو الهيئة التابع لها المشروع واسأل عن موقف الأرض. هل الشركة دافعة ثمن الأرض كاش ولا قسط؟ ولو قسط هل ملتزمين بالسداد ولا متأخرين؟ ولو لقيتهم مجدولين القسط وعليهم غرامات تأخير اخلع منهم فوراً وما تترددش.
أخر حاجة تبص عليها هي العقد. أوعى تمضي على أي بنود غير لما تراجع العقد تفصيلياً مع محامي متخصص في العقارات يضمنلك حقوقك كاملة ويحدد الجزاءات على التأخير ومواعيد الاستلام بدقة.
العقار استثمار ممتاز، بس الشراء الصح هو اللي بيحميك وبيحافظ على تعب سنينك.
- أ / كريم المنشاوي
محامٍ متخصص في العقارات ونزاعات المطورين وتوثيق وإبرام العقود ومراجعتها وتسجيلها وصحة توقيع و نزاعات الملكية والإيجارات وفسخ العقود

☎️ للإستشارات العقارية / 01005365046 واتساب فقط

- عدم تفاعلك ومتابعتك لنا يحجب عنك الكثير من المنشورات شارك او علق بتم ليصلك كل جديد ⚖️

وافق مجلس الوزراء على مد فترة تلقي طلبات التصالح في مخالفات البناء لمدة 6 أشهر إضافية تبدأ من 5 نوفمبر 2026 ⚖️
07/10/2026

وافق مجلس الوزراء على مد فترة تلقي طلبات التصالح في مخالفات البناء لمدة 6 أشهر إضافية تبدأ من 5 نوفمبر 2026 ⚖️

حكم مهم جداً من محكمة النقض يوضح مسألة جوهرية تتكرر كثيراً في دعاوى الاستحقاق وتثبيت الملكية العقارية ​كثير من الأحكام ...
05/10/2026

حكم مهم جداً من محكمة النقض يوضح مسألة جوهرية تتكرر كثيراً في دعاوى الاستحقاق وتثبيت الملكية العقارية
​كثير من الأحكام الاستئنافية كانت تقضي بعدم قبول دعاوى تثبيت الملكية أو الطلبات العارضة الخاصة بها لمجرد عدم شهر أو تسجيل صحيفة الدعوى بناء على الفهم الخاطئ للمواد من قانون تنظيم الشهر العقاري رقم 114 لسنة 1946
​لكن محكمة النقض ف الحكم الصادر لأحد الزملاء ده أرست مبدأ في غاية الأهمية وأكدت أن المشرع وإن أوجب تسجيل دعاوى الاستحقاق لأي حق عيني عقاري إلا أنه لم يرتب جزاء عدم القبول على عدم تسجليها
​الأثر الوحيد المترتب على عدم التسجيل هو أن الحق الذي يتقرر للمدعي بموجب الحكم لا يكون حجة على الغير حسن النية الذي ترتبت له حقوق عينية قبل تسجيل الحكم
​وبالتالي فإن قضاء الحكم المطعون فيه بعدم قبول الطلب العارض بتثبيت الملكية لعدم شهر الصحيفة وحجبه عن بحث موضوع الطلب العارض يعتبر مخالفة للقانون وخطأ في تطبيقه وقصوراً في التسبيب يستوجب نقضه وإحالته
وهنا فيه عدة ​مبادئ قانونيه مستخلصه من الحكم
​أولاً
عدم اشهار أو تسجيل صحيفة دعوى تثبيت الملكية أو الاستحقاق العقاري لا يترتب عليه عدم قبول الدعوى أو الطلب العارض
​ثانياً
الجزاء القانوني الوحيد لعدم تسجيل صحيفة الدعوى العقارية هو عدم الاحتجاج بالحكم الصادر فيها على الغير حسن النية الذي كسب حقوقاً عينية على العقار قبل تسجيل الحكم
​ثالثاً
امتناع المحكمة عن الفصل في موضوع طلب تثبيت الملكية بحجة عدم شهر صحيفته يعد خطأ في تطبيق القانون وقصوراً في التسبيب يعيب الحكم ويوجب نقضه
​رابعاً
الفصل في طلبات الربع والتسليم المرتبطة بالملكية يتوقف كلياً على حسم النزاع حول تثبيت الملكية المترتبة على أسباب كسب الملكية كالميراث والشراء والتقادم المكسب

- أ / كريم المنشاوي
محامٍ متخصص في العقارات ونزاعات المطورين وتوثيق وإبرام العقود ومراجعتها وتسجيلها وصحة توقيع و نزاعات الملكية والإيجارات وفسخ العقود

☎️ للإستشارات العقارية / 01005365046 واتساب فقط

- عدم تفاعلك ومتابعتك لنا يحجب عنك الكثير من المنشورات شارك او علق بتم ليصلك كل جديد ⚖️

كلما يظهر يرتفع سهم المحاماه وسهم القانون وكافة الأسهم ⚖️🖤
30/09/2026

كلما يظهر يرتفع سهم المحاماه وسهم القانون وكافة الأسهم ⚖️🖤

عاجل | تداول نص قانون تأجيل تطبيق قانون الإجراءات الجنائية لمدة عام على مواقع التواصل الاجتماعي وفي انتظار التأكيد ⚖️
30/09/2026

عاجل | تداول نص قانون تأجيل تطبيق قانون الإجراءات الجنائية لمدة عام على مواقع التواصل الاجتماعي وفي انتظار التأكيد ⚖️

29/09/2026

متشتريش أرض في بيت الوطن بتوكيل فقط حتى لو جهاز المدينة بيتعامل بالتوكيلات
جاتلي استشارة قانونيه واحد اشترى ارض ف بيت الوطن بتوكيل فقط بدون عقود ومفيش عقود من الملاك السابقين ودفع فلوس وجاب بيان شامل لقي فعلاً مسجله بإسم المالك الأصلي وموجود ومحضر استلام واخطار تخصيص وكل الورق تمام وتسلسل التوكيلات سليم .. المشكله بقا ان المالك الاصلي مؤخراً رام سحب الفلوس وتنازل عن الارض للجهاز ! وبكده كل اللي معاهم توكيلات راحت فلوسك يا صابر ! وهشرح ليه
من أخطر الأخطاء اللي ممكن يقع فيها أي شخص مقبل على شراء أرض في مشروع بيت الوطن إنه يعتمد على التوكيل فقط لمجرد إن جهاز المدينة بيتعامل في إجراءاته بالتوكيلات، وده بيخلي بعض المشترين يعتقدوا إن التوكيل كفاية وإن مفيش داعي لعقد بيع أو مستند يثبت سداد الثمن.

وده تحديدًا من الأمور اللي لازم ناخد بالنا منها.
لازم نفرق بين إجراءات التعامل أمام جهاز المدينة وبين إثبات البيع والحقوق بين البائع والمشتري. كون جهاز المدينة بيتعامل بالتوكيلات في بعض الإجراءات لا يعني إن التوكيل أصبح بديلًا عن عقد البيع، ولا يعني إن المشتري يقدر يستغنى عن المستندات اللي تثبت عملية البيع وسداد الثمن وتسلسل التصرفات على الأرض.
المشكلة بتظهر بشكل أكبر لما تكون الأرض اتباعت أكتر من مرة، وكل عملية بيع تمت بتوكيل فقط من غير عقود بين الأطراف.
يعني مثلًا الأرض تكون باسم المالك الأصلي، وبعد كده يتم التصرف فيها لشخص، والشخص ده يتصرف فيها لشخص آخر، وبعدها الشخص الآخر يبيعها لمشتري ثالث، وفي النهاية المشتري الأخير يكون معاه مجموعة توكيلات متسلسلة لكن من غير عقود بيع تربط كل طرف باللي قبله.
لو كمان كل واحد من البائعين استلم فلوسه نقدًا من غير تحويلات بنكية أو إيصالات واضحة تثبت قيمة المبالغ المدفوعة، فالموقف بيكون أكثر تعقيدًا في حالة حدوث أي نزاع.

وده مش كلام نظري.
لأن ممكن المشتري يدفع كامل ثمن الأرض ويكون فاكر إن وجود التوكيل كفاية، وبعد فترة يحصل تصرف من الشخص اللي الأرض ما زالت مسجلة باسمه أمام جهاز المدينة، سواء بسحب مستحقات أو اتخاذ إجراءات على الأرض أو التنازل عنها أو لأي سبب آخر، وساعتها أصحاب التوكيلات اللي جايين بعده ممكن يلاقوا نفسهم في موقف قانوني صعب، خصوصًا لو مفيش عقود تثبت انتقال الحق من شخص للتاني ومفيش مستندات كافية تثبت دفع الثمن.
والأهم إن التوكيل في حد ذاته مش هو عقد البيع.
التوكيل بيدي صلاحيات للوكيل في حدود ما هو ثابت فيه، لكن إثبات عملية البيع نفسها وسند انتقال الحق والثمن المتفق عليه وإثبات السداد أمور لازم تكون محل مستندات واضحة تحفظ حق المشتري.
وعشان كده شراء أرض بتوكيل فقط من غير عقد بيع بينك وبين البائع، ومن غير مراجعة كاملة لتسلسل التصرفات السابقة، يعتبر مخاطرة كبيرة مهما كان الشخص اللي بيبيع لك مطمنك ومهما كان كلام السمسار عن إن الموضوع ده معمول بيه وإن جهاز المدينة بيتعامل بالتوكيلات.
السمسار ممكن يكون همه إتمام الصفقة، لكن أنت بعد إتمام الصفقة هتكون مسؤول عن حماية فلوسك وحقك.
وعشان تحمي نفسك لازم قبل دفع الثمن تتم مراجعة الأرض والمستندات والتوكيلات السابقة وتسلسل التصرفات، ويكون فيه عقد واضح يثبت عملية البيع بينك وبين البائع، مع وجود وسيلة تثبت سداد الثمن بشكل واضح، بالإضافة إلى مراجعة موقف الأرض أمام جهاز المدينة والموقف المالي والقانوني والتخصيص وأي إجراءات تمت عليها.
الفكرة ببساطة إن تعامل جهاز المدينة بالتوكيلات لا يمنعك كمشتري من إنك تحمي نفسك بعقد ومستندات وإثباتات كاملة.
التوكيل ممكن يكون جزء من إجراءات التعامل، لكن ماينفعش يكون هو المستند الوحيد اللي تعتمد عليه في صفقة بمبلغ كبير.

ومتسمعش كلام من نوع مفيش حد بيعمل عقود أو كل الناس بتشتري بتوكيلات أو الجهاز مش بيطلب عقد.
الجهاز له إجراءاته، وأنت ليك حقك في حماية مركزك القانوني وإثبات الصفقة اللي دفعت فيها فلوسك.
واللي حصل في بعض الحالات خير دليل على خطورة الموضوع، لأن المشتري ممكن يكون اشترى الأرض للمرة الثالثة أو الرابعة، وكل اللي معاه توكيلات، وكل بائع قبله أخد فلوسه نقدًا، وفي النهاية لما يحصل خلاف أو يتخذ صاحب الاسم المسجل على الأرض إجراء ضدها، المشتري يلاقي نفسه مطالب بإثبات حقه في سلسلة طويلة من التصرفات مفيش فيها عقود ولا مستندات كافية تثبت دفع الثمن.
علشان كده نصيحتي لأي حد ناوي يشتري أرض في بيت الوطن أو أي أرض متداولة عن طريق التوكيلات
ماتدفعش فلوسك قبل ما تراجع المستندات بالكامل.
وماتعتمدش على التوكيل وحده.
وماتخليش كلام السمسار هو أساس قرارك.
وخلي مراجعة محامي متخصص في العقارات والتصرفات على الأراضي تكون قبل دفع الثمن، لأن الوقاية في النوع ده من التعاملات أهم بكتير من الدخول في نزاع بعد ما الفلوس تكون اتدفعت.
في النهاية الأرض مش مجرد توكيل.
الأرض صفقة مالية وقانونية كبيرة، وأمان الصفقة بيبدأ من المستندات الصحيحة وإثبات البيع وسداد الثمن ومراجعة تسلسل التصرفات بالكامل.
احمِ فلوسك قبل ما تدفعها، لأن حل المشكلة بعد الشراء أصعب وأطول وأغلى بكتير من مراجعة الصفقة قبل إتمامها.
- أ / كريم المنشاوي
محامٍ متخصص في العقارات ونزاعات المطورين وتوثيق وإبرام العقود ومراجعتها وتسجيلها وصحة توقيع و نزاعات الملكية
☎️ للإستشارات العقارية / 01005365046 واتساب فقط
كافة الاستشارات مدفوعه وغير مجانيه الا لغير القادرين فقط

- عدم تفاعلك ومتابعتك لنا يحجب عنك الكثير من المنشورات شارك او علق بتم ليصلك كل جديد ⚖️👌🏻

لو حد قريب من قسم الأزبكية يطمنا هل طفوها ولا لسه ربنا يستر على الناس 🤲🏻
28/09/2026

لو حد قريب من قسم الأزبكية يطمنا هل طفوها ولا لسه ربنا يستر على الناس 🤲🏻

كل ما يعدي قدامي لازم انشره وهفضل انشرهاللى فى الصوره دا المستشار احمد حامد ، رئيس نيابة اكتوبر ⁦عرض عليه محضر إتجار ف...
26/09/2026

كل ما يعدي قدامي لازم انشره وهفضل انشره
اللى فى الصوره دا المستشار احمد حامد ، رئيس نيابة اكتوبر ⁦
عرض عليه محضر إتجار في مواد مخدرة هيروين للتحقيق فيه والمتهم سائق تاكسي المحضر كان متقفل ميري وملكي، وما يخرش المية
سواق اتمسك معاه هيروين، واللي مسكه رائد شرطة في الطريق وهو بالمناسبة شغال في ادارة الطرق والمنافذ بالجيزة
السواق شكله كان باين انه ما يعرفش الفرق بين الهيروين وبودرة العفريت، فما كان من رئيس النيابة الا انه مسك الخيط من أوله وفضل يضيق الخناق علي الشهود ثم ضابط الشرطة وازاي كان ماشي في الطريق وأخد باله ان السواق اللي في العربية اللي جنبه مخبي تذاكر هيروين
ومن هنا لهنا اتضحت الرؤيه
السواق بيشتغل علي عربية تبع مدرسة، بيجيب الأولاد من بيوتهم للمدرسة ويرجعهم تاني، وهو في طريقه، الباشا رائد الشرطة صعب عليه انه يقفل عليه الطريق، فدخل عليه ووقفه وهات رخصك وطراخ طراخ انت ما تعرفش انا مين .. انا هوديك في داهية ..وهلبسك قضية مخدرات وسحبه علي قسم اول اكتوبر .. وفي القسم المحضر اتعمل وصاية ما فيهوش غلطة علشان النيابة تحوله للمحكمة علي طول
لكن ارادة ربنا ان الموضوع يروح عند الراجل المحترم ده .. اللي ما اهتمش بالمحضر ولا اهتم بان اللي قصاده رائد شرطة يعرف بهوات وبشوات ..

اجري تحقيقا جنائيا عادلا لاثبات الاتهام او نفيه وتكشف له من خلال التحقيق بعد سؤال محرر الواقعة والشهود ان القضية ملفقة وان الضابط رائد شرطة قام بتلفيقها للسائق لمشادة طريق بينهما فأمر بصرف السائق من سراي النيابة مش بس كده وجه للضابط حبة تهم محترمين وحبس الضابط اربعة ايام عن وقائع حيازة هيروين وتزوير محضر رسمي واستعماله فيما زور من اجله .



- أ / كريم المنشاوي
محامٍ متخصص في العقارات ونزاعات المطورين وتوثيق وإبرام العقود ومراجعتها وتسجيلها وصحة توقيع و نزاعات الملكية والإيجارات وفسخ العقود

☎️ للإستشارات العقارية / 01005365046 واتساب فقط

- عدم تفاعلك ومتابعتك لنا يحجب عنك الكثير من المنشورات شارك او علق بتم ليصلك كل جديد ⚖️
⚖️

Address


Telephone

+201207988061

Website

Alerts

Be the first to know and let us send you an email when محامي العقارات - أ/ كريم ناصر المنشاوي posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to محامي العقارات - أ/ كريم ناصر المنشاوي:

Shortcuts

  • Want your practice to be the top-listed law practice?

Share