Abdel -Zaher Legal Firm

Abdel -Zaher Legal Firm Contact information, map and directions, contact form, opening hours, services, ratings, photos, videos and announcements from Abdel -Zaher Legal Firm, Legal Service, Beni Suef.

"مكتب عبد الظاهر للاستشارات القانونية يقدم خدمات قانونية متكاملة للأفراد والشركات، مع التزام كامل بالسرية والاحترافية."
نقدم استشارات قانونية، صياغة عقود، ومتابعة القضايا في مختلف التخصصات، مع خبرة طويلة في المجال وخدمة عملاء متميزة

16/08/2025

سؤال اتسالناه كتير من موكلينا و متابعينا
عقود ايجار ال٥٩ سنة ينطبق عليها القانون الجديد ولا لاا؟
مبدايا عشان تكون عارف وضعك ف لا
بس تعالي افهمك ليه عشان انا. بحبك تفهم سبب الاجابة الاول
الفيصل الوحيد ف ان القانون الجديد يتطبق عليك او لا هو تاريخ العقد
لان القانون فرق ما بين العقود المبرمة قبل سنة ٩٦ و بعد و بعد٩٦
كل العقود بعد سنة ٩٦ هي عقود محددة المدة تخضع لاحكام القانون ٤ لسنة ١٩٩٦ و دي كلها لا يسري عليها القانون الجديد
حتي لو مكتوب مشاهرة اه حتي لو مكتوب مشاهرة
(هقولك علي موضوع مشاهرة دة اخر البوست)
يبقي القانون هيتطبق علي مين ؟
القانون هيتطبق علي كل المستاجرين الي مكتوبة بتاريخ قبل سنة ٩٦
طب يعني ايه مشاهرة دي ؟
دة موضوع كبير و خطير لازمله بوست لوحده
لو مكتوبة في عقدك تابعني و استني البوست الجاي عشان تعرف معناها ايه
و لاي استشارة
شرفونا في الكومنتات
او الرسايل
او الواتساب
و متخفش احنا معاك و هنجبلك حقك
#قانونـالايجارت #قانونـالايجارـالقديم #ايجار #ملاك #مستاجرين
#احناـمعاكـوـهنجبلكـحقك

انتظر وحدتك البديلة في اول اكتوبرصرح المهندس شريف الشربيني "وزير الاسكان و المرافق و المجتمعات العمرانية بانه سيتم بدء ت...
15/08/2025

انتظر وحدتك البديلة في اول اكتوبر
صرح المهندس شريف الشربيني "وزير الاسكان و المرافق و المجتمعات العمرانية بانه سيتم بدء تلقي طلبات المستحقين من المستاجرين في الحصول علي وحدات سكنية بديلة وفقا للشروط و القواعد و الاجراءات اللازمة تطبيقا للمادة 8 من القانون ١٦٤ لسنة ٢٠٢٥ بشان بعض الاحكام المتعلقة بقوانين ايجار الاماكن و اعادة تنظيم العلاقة بين المالك و المستاجر بدءا من اول اكتوبر المقبل من خلال منصة الكترونبة او مكاتب البريد.
يعني ببساطة بداية من اول شهر ١٠ الي جاي هيكون في منصة التكترونية تقدر تقدم طلب عليها و تستوفي كل الشروط و الاوراق المطلوبة و تتابع الطلب بتاعك برضه من علي المنصة و تنتظر حصولك علي وحدة سكنية بديلة ان كنت من الي هتنطبق عليهم الشروط
و لاي استسارة
شرفونا في الكومنتات🩵
او في الرسايل
او عن طريق الواتساب: 010 55424476
#ايجارات #ايجارـقديم #القانونـالجديد #قانونـالايجارات
#احناـمعاكـوـهنجبلكـحقك

رسمياالتصديق علي قانون الايجارات القديمة و نشره بالجريدة الرسمية ليبدا العمل به من اليوم التالي لنشره (غدا) لو عندك اي س...
04/08/2025

رسميا
التصديق علي قانون الايجارات القديمة و نشره بالجريدة الرسمية ليبدا العمل به من اليوم التالي لنشره (غدا)
لو عندك اي سؤال سيبه في الكومنات و هنجاوب عليه🩵
#قانونـالايجارـالقديم #ايجارات #ايجارـقديم
#محامي #قانون #ايجار #انذار #طرد #٧سنوات

يا استاذ القانون هيتطبق من امتي؟طب ندفع الزيادة من اول الشهر الجاي؟يعني ندفع الزيادة من اول شهر ٨ يا استاذو غيرها اسالة ...
18/07/2025

يا استاذ القانون هيتطبق من امتي؟
طب ندفع الزيادة من اول الشهر الجاي؟
يعني ندفع الزيادة من اول شهر ٨ يا استاذ
و غيرها اسالة هنجاوب عليها دلوقتي
الاجابة الي بنجاوبها ان لسة حاليا مفيش اي معاد واضح
بس تعالي افهمك ليه
القانون حاليا اقره مجلس النواب
صح كدة؟
ايه بقا الخطوة الي الجاية بعد كدة
الخطوة الي جاية
بيكون قدامنا ٣٠ يوم ممكن يحصل فيها ثلاث احتمالات
و هم :-
1- رئيس الجمهورية يصدق علي القانون و يتم نشره في الجريدة الرسمية و يحدد معاد بدء العمل بيه
2-رئيس الجمهورية ميصدقش علي القانون
3 - رئيس الجمهورية يرفض القانون يحيله تاني لمجلس النواب
تعالي نمسكهم احتمال احتمال
1-اول احتمال ان رئيس الجمهورية يصدق بالموافقة علي القانون و بعدها يتم نشره في الجريدة الرسمية و يتم العمل بسه
2-ان رئيس الجمهورية ولا يصدق بالموافقة ولا يرفض القانون
و في الحالة دي اذا عدي ٣٠ يوم من وقت ما اتعرض القانون علي رئيس الجمهورية يتم المواققة علي القانون و العمل بيه
طب الاحتمال التالت
3- ان رئيس الجمهورية يرفض القانون
في الحالة دي القانون بيرجغ تاني مجلس النواب و بيتم التصويت عليه من قبل الاعضاء
لو وافق عليه تلتين الاعضاء بيتم تطبيقه
اما لو اقل بيترفض القانون
بس كدة
لو عندك اي استفسار اكتبه في الكومنتات🩵
#ايجارـقديم #الايجاراتـالقديمة #قانونـالايجار #طرد #محامي #جنح #جنايات

15/07/2025

يا استاذ احمد هي مش رسايل الواتساب دي تعتبر دليل
و الله هي ينفع تبقي دليل و برضو مينفعش
ازاي يعني الكلام دة
هقولك ازاي دلوقتي
اعتبار رسائل الواتساب او اي تطبيق تاني دليل من عدمه مش متوقف علي الرسائل نفسها بس متوقف علي طريقة تقديمها للمحكمة
يعني ايه
يعني مثلا لو اتقدمت علي هيئة صور ضوئية ( اسكرين شوت) تبقي ملهاش. لازمة
علي سبيل المثال لو حد شتمك او هددك مثلا عن طريق رسائل الواتساب
قومت حضرتك خدتها اسكرين شوت و عملت بيها محضر
هنا بقا اقدر اقولك انها بنسبة كبيرة ملهاش لازمة
امال يبقي ليها لازمة امتي و اقدمها ازاي يا استاذ
تعالي اقولك
عشان يبقي ليها لازمة و يعتد بيها كدليل
لازم يكون معاها تقرير فني مثبت فيه مضمونها و بيانات الراسل و بيانات المرسل اليه
طبعا سؤالك دلوقتي
انا هثبت كل دة ازاي و هجيب التقرير دة منين
بكل بساطة حضرتك هتاخد الموبايل الي عليه الرسائل و تتوجه لمباحث التكنولوجيا و المعلومات
و تطلب تحرير محضر
و تطلب فيه اثبات المحادثات و الرسائل الي علي تطبيق الواتساب
هنا هما بياخدوا التليفون و يفحصوا الرسائل الي حضرتك عايز تثبتها و بناء عليه التقرير بيطلع
و بس كدة
القانون دايما بيحميك و اه هتعرف تجيب حقك بس القانون برضه استخدامه ليه ضوابط و شروط عشان تعرف تجيب حقك دة
عشان كدة متقلقش احنا معاك و هنجبلك حقك🩵
أ/ احمد عبد الظاهر
#محضر #مباحثـالانترنت #مباحثـالتليفونات #مباحثـتكنولوجياـالمعلومات #محامي #قانون #جنايات #جنح
#احناـمعاكـوـهنجبلكـحقك

06/07/2025

الاستاذ اسلام زيدان احد ملاك العقارات
وسط تأهب الملاك و قلق المستأجرين
يطمئن اسلام زيدان المستاجرين في عقاره باستمرار حيازتهم للشقق المؤجرة و اعرب عن نيته في عدم طرد اي مستاجر قديم🩵
#ايجارات #ايجارـقديم #قانونـالايجارـالقديم
#محامي #قانون #طرد
#احناـمعاكـوـهنجبلكـحقك

اخواتنا التجار و الجماعة المحكمين الي بيكتبوا الناس ايصالات امانة علي بياضانت موديين هفسكم في داهية و انتوا مش واخدين با...
28/06/2025

اخواتنا التجار و الجماعة المحكمين الي بيكتبوا الناس ايصالات امانة علي بياض
انت موديين هفسكم في داهية و انتوا مش واخدين بالكم
انت مدرك انك ممكن تتوجهلك تهمة التزوير؟
ما هو اصل انت حضرتك دلوقتي مضيت فلان غلي ايصال امانة علي بياض
و جيت حبيت ترفعه في المحكمة
لازم تملي خانة المبلغ
تعرف الي بعد كدة ايه؟
المتهم هيدفع بتزوير صلب الايصال
يعني ايه صلب الايصال؟
هنقسم الايصال جزئين. (توقيع و صلب)
طبعا التوقيع واضح مش محتاج تفسير و هو امضاء المتهم
الصلب بقا هو الكلام المكتوب
نرجع للمهم
بعد ما المتهم يطعن بالتزوير علي صلب الايصال هيحصل ايه
المحكمة هتودي الايصال دة الطب الشرعي لفحصه من خبير الخطوط
و هيتم استكتاب المتهم و المضاهاة بالي مكتوب
و هييجي تقرير الطب الشرعي يثبت اختلاف الصلب عن التوقيع بسهولة
و اه مصلحة الطب الشرعي تقدر تثبت دة بكل سهولة
النتيجة ايه؟
حضرتك اتحولت من مجني عليه لمتهم
دة غير طبعا ان براءة المتهم بقت سهلة
في النهاية لازم تعرف
ايصال الامانة ليه شروط لازم يكون مستوفيها عشان يكون قوي قدام المحكمة
#ايصالــامانة #جنح #جنايات #محامي #قانون #محكمة #تزوير
#احناـمعاكوـهنجبلكـحقك

يا استاذ هي صحة التوقيع بتنقل الملكية؟نعمل صحة توقيع ولا صحة و نفاذ ؟هي صحة التوقيع مهمة اصلا يا استاذ؟اسالة كتير بتجيلن...
26/06/2025

يا استاذ هي صحة التوقيع بتنقل الملكية؟
نعمل صحة توقيع ولا صحة و نفاذ ؟
هي صحة التوقيع مهمة اصلا يا استاذ؟
اسالة كتير بتجيلنا كل يوم عن دعوي صحة التوقيع و ايه حجم اهميتها
تعالي اقولك😌
قانون الاثبات في المادة ٤٥ منه جري نصها علي انه يجوز لمن بيده محرر غير رسمي ان يختصم من يشهد عليه ذلك المحرر ليقر انه بخطه او بامضائه او او بصمة اصبعه و بختمه و لو كان الالتزام الوارد به غير مستحق الاداء و يكون ذلك بدعوي اصلية و بالاجراءات المعتادة
طب الكلام دة معناه ايه؟
تعالي اشرحلك ببساطة
دعوي صحة التوقيع هي دعوة تحفظية لا اكثر الغرض منها اثبات ان التوقيع الي علي العقد منسوب لموقعه امام المحكمة
بمعني ابسط حضرتك دلوقتي اشتريت حاجة من شخص تاني ف انت بترفع دعوي صحة التوقيع عشان تثبت ان التوقيع الي علي العقد دة توقيع البائع باقرار منه قدام المحكة
عشان ميقدرش يجي بعد كدة لاي سبب من الاسباب يقول ان التوقيع دة مش توقيعه
هتسالني حضرتك تقولي انت قولت باقرار منه افرض مجاش و اقر بصحة التوقيع يا استاذ
هقولك متقلقش
المادة ٤٧ من قانون الاثبات حلتلنا المشكلة دي لانها نصت علي ان "اذا لم يحضر المدعي عليه حكمت المحكمة في غيبته بصحة الخط و الامضاء او الختم او بصمة الاصبع"
طب الكلام دة نفهم منه ان حتي لو البائع محضرش المحكمة هتحكملي بصحة التوقيع
اه حتي لو مجاش المحكمة هتحكملك بصحة التوقيع
نيجي بقي للنقطة المهمة
صحة التوقيع اثرها ايه
يعني مثلا هتنقلك الملكية؟
قولا واحدا لا
دعوي صحة التوقيع لا تتطرق الي موضوع العقد باي شكل من الاشكال
ولا الثمن
ولا القدر المبيع
ولا التزامات كل طرف في العقد
ولا اي حاجة علي الاطلاق
طيب نقطة مهمة كمان
تقدر تحميك من اي محاولة نصب
لا
يعني مثلا صحة التوقيع مش بتحميك من فكرة ان الشقة الي اشترتها تكون متباعة لحد قبلك
او تتباع لحد بعدك
هي كل دورها ان الموقع علي العقد او ورثته محدش فيهم ينازعك في التوقيع فيما بعد
طب سؤال تاني مهم
هي صحة التوقيع بتبقي علي عقود البيع بس؟
لا مش لعقود البيع بس

صحة التوقيع لاي نوع من انواع العقود ايا ما تكن باستثناء عقود الزواج العرفي
و الاقرارات و التعهدات المالية
و اي محرر موقع ممكن موقعه ينكر توقيعه عليه

عارف انك عايز تسال امال لو عايز انقل الملكية البائع مش راضي يجي نسجل البيع في الشهر العقاري
هنا بقا يجي دور دعوي الصحة و النفاذ
و دي هنتكلم عليها في بوست تاني
لايك للبيدج و كومنت عشان هنزل اللينك في الكومنتات🩵
#صحةـتوقيع #صحةـونفاذ #الشهرـالعقاري #محامي #قانون #استشاراتـقانزنية

اتكلمنا قبل كدة عن الكمين و ايه حقوقك و ايه واجباتك في البوست الي سايبلكم لينكه ف الكومنتات🩵و اتفقنا انك لو اطلعته علي ك...
14/06/2025

اتكلمنا قبل كدة عن الكمين و ايه حقوقك و ايه واجباتك
في البوست الي سايبلكم لينكه ف الكومنتات🩵
و اتفقنا انك لو اطلعته علي كل اوراقك و طلعت سليمة و كشف عليك و ملقاش عليك اي احكام انه حقوقه مش اكتر من كدة و حضرتك هتمشي مصاحباك السلامة
*طب لو كشف عليك بقا و لقي احكام غيابي سواء كنت تعرفها بيها او لا
يبقي الوضع ايه ساعتها ؟
هل ياخدك معاه ع القسم و بعدها تروح النيابة لحد ما تعمل معارضة
الي بيحصل علي ارض الواقع اه
بس عشان انت تهمنا هنقولك علي الصح
الصح هنا انك تطلب منه انه يعلنك بشكل رسمي بالحكم الي عليك و في خلال ١٥ يوم لازم حضرتك تعمل معارضة
و خلي بالك انه بعد ال ١٥ يوم الحكم يصبح حضوريا
طب الظابط بطبيعة الحال رفض لعدم علمه بالتصرف القانوني الصحيح او لاي سبب اخر هتعمل ايه
طبعا هتكلمنا و احنا هنتصرف متقلقش
عشان طبعا زي ما انت عارف
احنا دايما جنبك و هجبلك حقك 🩵
#كمين #حكم #معارضة #نيابة #شرطة #مباحث #جنح #جنايات #محامي #قانون
#احناـمعاكـوـهنجبلكـحقك

12/06/2025

طبعا اتفقنا البوست الي فات انك تنسي موضوع انك تكسر القفل دة تماما صح
تعالي بقا افهمك تطرد المستاجر الي مش عايز يطلع دة
ازاي
اول حاجة حضرتك هتنبه عليه بالاخلاء عن طريق انذار علي يد محضر في النص الاول من كل شهر
يعني ايه
يعني حضرتك بتبتعتله انذار ان العقد الي بينكم مدته انتهت و تطلب منه انه يخلي العين المؤجرة
بس خلي بالك شرط اساسي يكون اتعلن بالانذار قبل يوم ١٥ ف الشهر
طيب لو حضرتك ليك عنده فلوس متاخرة من القيمة الايجارية
هتنبه عليه ف الانذار الي حضرتك هتبعته بالمبلغ برده
طيب حضرتك بعت الانذار و هو لم يستجيب
الخطوة الي بعد.كدة ان حضرتك بترفع دعوي طرد في المحكمة
بتقدم فيها عقد الايجار و الانذار الي حضرتك بعته تطلب من المحكمة ان هي تحكملك بالطرد
طبعا فلوس القيمة الايجارية المتاخرة هتطلبها برضو في عريضة الدعوي متقلقش دة حقك و عمري ما انساه
و بس كدة
انشاء الله الدعوي تاخد قبول
و بعد كدة تستخرج الصيغة التنفيذية
و تنفذ عن طريق تنفيذ الاحكام المدنية
و ساعتها بقا هم هيكسروا عنك الباب الي كنت عايز تكسره في الاول بس من غير ما تعرض نفسك لاي خطر
و لو عايز تفهم الموضوع من الاول لينك الجزء الاول في الكومنتات
#محامي #قانون #جنح #جنايات #طرد #محكمة
#احناـمعاكـوـهنجبلكـحقك

اثناء اجازة عيد الفطر جالنا اسشارة من احد متابعينا و الحمد لله قردنا نشرحله كل حاجة بشكل وافي *بس و لان الموضوع دة بيحص...
11/06/2025

اثناء اجازة عيد الفطر جالنا اسشارة من احد متابعينا و الحمد لله قردنا نشرحله كل حاجة بشكل وافي
*بس و لان الموضوع دة بيحصل كل يوم و اغلب الناس بتفكر بنفس الطريقة
ف قررنا نتكلم عن الموضوع دة معاكم
حضرتك كنت ماجر شقة او مخزن او ايا يكن لاحد الاشخاص
و المدة الايجارية انتهت
لكن المستاجر مش عايز يخرج
كتير هيفكر بطريقة واحد
هي انك تك*سر الباب و تخش و كدة كدة دة ملكك محدش يقدر يتكلم
انا معاك ان دة ملكك و محدش يقدر يمنعك
لكن خليني الاول افترض معاك افتراضية سريعة
لو حضرتك المستاجر يعني انت ماجر الشقة من صاحب عمارة
طبيعي هيبقي فيها ممتلكات ليك ان كان فلوس او دهب او غيره
و حد كسر قفل الشقة و دخل قعد فيها
مش وارد ان اي حاجة من الحجات الي جوة تتس*رق؟
بظبط كدة وارد ان دة يحصل
نرجع بقا لوضعنا الطبيعي
حضرتك المالك و في مستاجر مش عايز يخرج
روحت حضرتك كس*رت القفل و دخلت الشقة و كانت فاضية
*انت كدة اديته الفرصة علي طبق من دهب انه يتهمك بس*رقة اي حاجة من الشقة او المحل
و في لحظة تهور حضرتك بقيت مته*م بالس*رقة
تخيل؟
عارف انك عايز تعرف المفروض تتصرف صح ازاي
استناني البوست الجاي هقولك تعمل ايه بظبط و هسيبلك اللينك ف الكومنتات ف اعمل كومنت عشان تشوفه
و الاهم بقا انك متقلقش
احنا معاك و هنجبلك حقك🩵
#محامي #قانون #جنج #جنايات #ايجار #عقد #محكمة #محضر #قسمـالشرطة
#احناـمعاكـوـهنجبلكـحقك

الكتاب الدوري الصادر بشان اجازة عيد الاضحي و التي تبدا في ٢٠٢٥/٦/٥ الموافق يوم الخميس و حتي الاثنين الموافق ٢٠٢٦/٦/٩كل ع...
01/06/2025

الكتاب الدوري الصادر بشان اجازة عيد الاضحي و التي تبدا في ٢٠٢٥/٦/٥ الموافق يوم الخميس و حتي الاثنين الموافق ٢٠٢٦/٦/٩
كل عام و انتم بخير🩵
#عيدـالاضحي

Address

Beni Suef

Website

Alerts

Be the first to know and let us send you an email when Abdel -Zaher Legal Firm posts news and promotions. Your email address will not be used for any other purpose, and you can unsubscribe at any time.

Shortcuts

Share

Category