المستشار - محمد حسانين عبدالله

المستشار - محمد حسانين عبدالله Contact information, map and directions, contact form, opening hours, services, ratings, photos, videos and announcements from المستشار - محمد حسانين عبدالله, Lawyer & Law Firm, الاسكندرية, Alexandria.

يرجى عدم الاتصال .. التواصل واتساب فقط 01225516782
الإستشارة بمقابل مادى
محامى و مستشار متخصص فى قضايا الأسرة والأحوال الشخصية بالأسكندرية
ماجستير فى القانون العام
ونقبل القضايا بكافة محافظات مصر

مطلوب محاميه للعملللتواصل عبر الواتساب على الرقم 01225516782
21/09/2026

مطلوب محاميه للعمل
للتواصل عبر الواتساب على الرقم 01225516782

🟥من اغبى الحاجات اللى ممكن تحصل من الزوج ان مراته تكون رافعه قضية خلع او عايزة ترفع قضية خلع فيقوم هو باعتلها انذار طاعه...
20/09/2026

🟥من اغبى الحاجات اللى ممكن تحصل من الزوج ان مراته تكون رافعه قضية خلع او عايزة ترفع قضية خلع فيقوم هو باعتلها انذار طاعه واللى بيديها الطلاق للشقاق على طبق من ذهب بدل الخلع
🟥مبروك لمدام (أ . ط )على الحكم اللى صدرلها من يومين بعدم الاعتداد بأنذار الطاعه واعتباره كأن لم يكن و تطليقها طلقة بائنة للشقاق مع استحقاقها كامل مستحقاتها المالية والشرعية
🟥وعايز اقول للخصم (م . ف ) شكرا حزيلا على انذار الطاعة لانها فقضية الخلع كانت هتتنازل عن كل مستحقاتها ولكن بفضل انذار الطاعه قدرت تتحصل على كل المستحقات
🟥وفيه حاجه عاوز اوضحها لاستاذ (م . ف)
🟨اولا حضرتك مسافر خارج مصر بقالك سنة وشهرين طب الزوجه تدخل فى طاعه مين مش فاهم
🟨ثانيا حضرتك ممتنع عن سداد النفقة الزوجيه ونفقة الصغار وفى كل مرة مبتدفعش النفقات الا بقضيه حبس
🟨ثالثا / اهل حضرتك احتجزوا منقولات زوجتك عندهم بدون وجه حق وصادر ضدك حكم بالحبس فى قضية تبديد منقولات
🟨رابعا والد حضرتك اثناء غيابك تعدى على زوجتك بالض.رب واحدث بها اصابه وفيه تقارير طبية ومحاضر بكده
⚠️يعنى قانونا حضرتك غير امين عليها نفسك ولا مالا ⚠️
وبالرغم من كل ده هى مكانتش عايزة منك حاجه وعايزة تخلص وخلاص باسرع وقت ممكن فرفعت قضيه خلع
🟥تقوم حضرتك على سبيل الاستفزاز تبعتلها انذار طاعه ومحدد مسكن الطاعة على بيت اهلك اللى والدك اعتد.ى عليها فيه ومسكن عيله غير مستقل
مين فهمك تعمل كده ومين قالك انك ممكن تكسب دعوى نشوز ضدها بانذار الطاعة اللى انت باعته ده
🟥بس هو ربنا ساعات بيسلط على الواحد دماغه 🙏
مبروك الحكم لمدام ( أ . ط )
هارد لك ( م . ف )

🟥من حوالى ست شهور كانت جيالى ست متدمرة نفسيا بالسبب الشائع اللى بيقع فيه اغلب السيدات وهو الزواج العرفى 🟥هى مطلقه من 3 س...
19/09/2026

🟥من حوالى ست شهور كانت جيالى ست متدمرة نفسيا بالسبب الشائع اللى بيقع فيه اغلب السيدات وهو الزواج العرفى
🟥هى مطلقه من 3 سنوات وبتشتغل فى شركة محترمة جدا ومعروفة للقاصى والدانى
🟥وبمناسبة شغلها اتعرفت على احد الأشخاص الذى يعمل مدير كبرى الشركات الإستثمارية وميسور الحال جدا جدا جدا
🟥وبرضه الاسطوانه المشروخه بتاعة انا عايش مع مراتى عشان الاولاد بس كل حد مننا بينام فى اوضه واللى انا فعلا مش فاهم انتم ازاى يجماعه بيخيل عليكم الكلام ده يعنى حتى خلوا اما حد يشتغلكم يكون كريتييف
🟥المهم بيعرض عليها الزواج العرفى بحجه خوفه من زوجته وانه مش عايز يعرفها لانها هتصمم عالطلاق وطبعا هتاخد الاولاد وهو كله الا اولاده
🟥هى وافقت وعلى فكره هو راح اتقدملها والموضوع كان بشهود واشهار وموافقة اهل الست وحتى عقد الزواج والدها ماضى فيه
بصفته الولى على ابنته يعنى العقد مكتمل للاركان الشرعيه
🟥الباشا تزوجها لمده 23 يوم بالظبط ويشاء القدر ان زوجته الاولى تعرف وتروح للزوجه التانيه مكان شغلها وتعملها فضي.حة كبيرة جدا
ومن بعدها كل وسائل الاتصال مع الزوج تنقطع لا بيرد على فون وعاملها بلوكات على كل التطبيقات
🟥والدها حاول يتواصل معاه اكتر من مرة ولكن نفس الكلام وعدم الرد والبلوكات
يكلموه من ارقام غريبه لما يسمع صوتهم يقفل السكة ويعملهم بلوك على الرقم اللى كلموه منه
😔لا رجوله فعلا والله معارف اقول ايه 😔
🟥المهم انتظروا على الوضع ده 3 شهور واخر ما يئسوا جولى وطبعا الحل القانونى معروف قضية اثبات زواج وهى الحمد لله العقد موجود معاها والشهود موجودين
🟥بالفعل رفعت الدعوى وخلال 4 شهور بالظبط كنت تحصلت لها على حكم باثبات الزواج وانقلب الزواج من عرفى لرسمى
🟥وبعد كده قالتلى انا عايزة ارفع قضية خلع وعايزة اخلص
🟨قولتلها انتى عايزة تتجوزى تانى
🟨قالتلى لا
🟥قولتلها يبقى ليه تخلصى طالما كسبنا اثبات الزواج يبقى من حقك ترفعى نفقة زوجية وهيبقى مبلغ محترم لان دخل الزوج عالى جدا وساعتها هو لو راح طلقك غيابى هتاخدى كل مستحقاتك ولو قالك تروحى معاه عند الماذون عشان تطلقى هتقوليله موافقة بس بعد ما اخد كامل مستحقاتى
🟥المهم اقتنعت بكلامى ووافقت
🟥والحمد لله ربنا انصفنا بصدور حكم محترم لنفقة زوجية بنوعيها بقيمة عشرة الاف جنيه شهريا
🟥يعنى كل شهر هو لازم يدفع عشرة الاف جنيه نفقة ولو مدفعش هنرفع عليه دعوى حبس عادى جدا وياما الدفع او الحبس
🟥وفى حالة الطلاق هى تستحق نفقة متعه فقط 240 الف لان نفقة الزوجية 10 الاف اضربوا بقى المبلغ ده فى 24 شهر كحد ادنى ده غير نفقة العدة والمؤخر
🟥وبالفعل اللى ظنيته حصل الزوج تواصل معايا انا انه عايز يطلق ولسه هيتحدد معاه قعده ونشوف هنتوصل لاتفاق ايه
🟥اللى عاوز اقوله بقى لكل شاب بيفكر يستغل اى بنت او ست ويقنعها بالجواز العرفى وهو فاكر ان دى ورقه يقدر يضحك بيها عليها لا يحبيبي فوق واصحى عشان هى لو جريت على حقوقها هتعرف تاخدها زى اخونا اللى فالقضيه دى عمره مكان يفكر ان الامور ممكن توصل لكده ومفكر انه بتجاهلها والبلوكات وعدم الرد هى مش هتعرف تعمل معاه حاجه والحمد لله كرامتها وحقها رجعولها
🟥وحابب اقول للبنات بقي للمره الالف ابعدوا عن العرفى حتى لو كان شرعى ومكتمل للاركان اللى شاريكى هيبقي قادر على المواجهة هيبقي راجل ليه ترخصى نفسك وتضيعى حقك بايدك ربنا اعزكم وكركم وانتم مصصمين ترخصوا نفسكم
فوقوا الله يكرمكم
⚠️ياريت الكل يعمل شير للبوست للتوعية يمكن حد يتعظ ⚠️
⚖️مكتب الاستاذ المستشار/ محمد حسانين عبدالله -المحامى بالأسكندرية
📱للتواصل مع المكتب عبر الواتساب فقط على الرقم 01225516782
🟥هذا الرقم مخصص للوتساب فقط وغير مخصص الاتصالات الهاتفيه برجاء عدم الاتصال مطلقا

🟥صاحى النهارده غلى تليفون من احد الاشخاص عمال يزعق لان لسه واصله من مكتبى اعلان بقضية خلع وبيقولى حاجه غريبه اوى ان لو ا...
18/09/2026

🟥صاحى النهارده غلى تليفون من احد الاشخاص عمال يزعق لان لسه واصله من مكتبى اعلان بقضية خلع وبيقولى حاجه غريبه اوى ان لو الخلع ده تم هيقاضينى انا والزوجه بقضية تعويض لان هيبقى الخلع تم بدون ارادته
انا كنت ساكت بحاول استوعب انت بتقول ايه 🙄
قولتله عموما تمام ربنا يوفقك وقفلت السكة

🟥أقذر زوج ممكن تشوفه عينك 🟥الحمد لله ربنا نصرنا اليوم بتحصلنا على حكم بالسجن ضد احد الازواج ابشع الالفاظ لا تستطيع ان ت...
17/09/2026

🟥أقذر زوج ممكن تشوفه عينك 🟥
الحمد لله ربنا نصرنا اليوم بتحصلنا على حكم بالسجن ضد احد الازواج ابشع الالفاظ لا تستطيع ان توصفه
🟥القضية دى انا شغال عليها بقالى ست شهور تقريبا وهى لأحدى السيدات لجأت لمكتبى فى حاله صدمة و انهيار تام
🟥تبدا صدمتها لما احدى صديقاتها بتبعتلها صورة ليها بملابس خليعه وقالتلها الحقى انا فيه حد بعتلى الصورة دى وبيقولى هى مش دى فلانه صحبتك الصور بتاعتها مغرقه موقع تو.يتر باشكال مثيرة للفتنه
🟥الست طبعا كانت فى حالة من الصدمة والذهول يرثى لها وطبعا فهمت ان اللى التقط ليها الصور ده وقام بنشرها هو زوجها
🟥أصل مين اللى هيدخل بيتها ويصورها بالشكل ده وهتقعد باللبس ده ادام مين غير زوجها اصلا
🟥المشكله بقى ان زوجها نزل الصور دى على موقع تو.يتر وتم مشاركتها عن طريق الشير بشكل كبير جدا البنت اتفضحت
🟥انا نبهت على الست انها متعرفش زوجها انها عرفت اى حاجه حتى لا يقوم بطمس او اخفاء اى ادلة من هاتفه او جهاز الابتوب الخاص بيه وخاصة انه حتى لو مسح الصور من على النت الموضوع مش هيفيدها باى حاجه لان الموضوع اصبح منتشر على نطاق كبير فيمسح الصور او لا مش فارقه بس اللى فارق انها تاخد حقها ويكون عبرة 👍
🟥وطبعا اخدتها وتوجهنا لمباحث الانترنت وقدمنا بلاغ رسمى مدعم بروابط الاكونتات اللى ناشرة صورها
🟥وبصراحه بشكر رجال الداخليه وبالأخص شعبه مكافحة الجرائم الالكترونية على المجهود اللى تم بذله بتتبع الحسابات اللى نزلت صور البنت وصولا لاول اكونت قام بتنزيل الصور دى اه الموضوع اخد وقت شويه ولكن حقها مراحش بالأضافة انهم تمكنوا من اخفاء حوالى 95% من الصور المنشورة .. شكرا جزيلا 🙏
🟥المهم بعد تحديد ال ip الخاص بالمستخدم وتحديد نوع الهاتف ومكانه يتضح بالفعل ان الجانى هو الزوج الضحية ويحال الموضوع برمته للنيابة الاقتصادية التى بدورها اصدرت قرار بضبط واحضار المتهم
🟥وبالفعل يتم الضبط وبعد الضبط يتم فحص هاتف الزوج عشان نلاقى جرائم جديدة
🟥اقذر حاجه ممكن تتخيلوها بيقوم بتصوير زوجته خلسه اثناء نومها وينزل الصور دى على موقع تويتر عشان يسمع غزل الرجال فيها
بيفتح لايف كاميرا عليها اثناء نومها على ابلكيشن تليجرام بمقابل مادى للرجال
🟥عامل روابط خاصة مدفوعه اللى يدخل عليها لازم يدفع فلوس عشان يشوف فيديوهات زوجته
🟥فبيتعمل تقارير فنية طبعا بكل حاجه جديدة اكتشفت على هاتف الزوج ويحال الموضوع برمته الى المحكمه
🟥والحمد لله الحكم كان النهارده وربنا انصفنا بالحكم بحبس الزوج 7 سنوات عن عدة جرائم
🟥التشهير والتحريض على الفسق والاتجار بالبشر وانتهاك حرمة الحياه الخاصة .. انا فى كل بوست بكتبه بحب ادى فى الاخر نصيحه لكن المرة دى مش لاقى اى كلام اقوله .. لا تعليق
⚖️مكتب الاستاذ المستشار - محمد حسانين - المحامى بالإسكندرية
للتواصل عبر الواتساب فقط على الرقم 01225516782 📱
🟥هذا الرقم مخصص للواتساب فقط يرجى عدم الاتصال الهاتفى

🟥واحدة ست كانت عندى فى المكتب النهارده عايزة ترفع قضية خلع والسبب الخيانة الزوجية وده عادى بالنسبالى وشوفت منه كتير الاف...
14/09/2026

🟥واحدة ست كانت عندى فى المكتب النهارده عايزة ترفع قضية خلع والسبب الخيانة الزوجية وده عادى بالنسبالى وشوفت منه كتير الاف قضايا الاسرة سببها الخيانة الزوجية
🟥لكن اللى مش عادى بالنسبالى ان الشقه اللى تمت فيها الخيانه شقه الزوجية بس برضه مش ده اللى ادهشنى
🟥شقة الزوجية دى بقي بتاعة ابو الزوجة يعنى تعتبر شقه الزوجه
والزوجه كشفت الموضوع بسبب مكالمه جاتلها من حارس امن العمارة وقفشت الزوج متلبس بالخيانه لانها راحتله فساعتها ورفضت تطلب النجدة حفاظا على سمعة ابو اولادها واكتفت بانها هزقت البنت ومشيتها
🟥بعد ما الموقف عدى طلبت الطلاق ولكن الزوج رفض يطلق فجاتلى عشان ترفع قضية خلع
🟥فعلا انا مستغرب هل جزاء الإحسان الا الاحسان يخى ده والدها مديك الشقة وحتى مش بياخد منك ايجار ومش طالب اكتر من انك تتقى الله فى بنته دى حاجه صعبه عليك اوى كده ؟
نطاعه برو ماكس بصراحه حسبى الله ونعم الوكيل 😔
🟨وعايز رايكم هل تصرفها انها سترت عليه ومطلبتش النجده صحيح ولا لا لأن ببساطه لو كان ده حصل كان بدل الخلع هترفع طلاق للضرر وهيبقى معاها الدليل وتاخد كل مستحقاتها
لانه طبعا رافض يديها اى مستحقات ❌

🟥واحدة ست لسه قافله معايا منهارة من البكاء وده ليه ده بسبب مشكلة اتكلمت فيها بدل المرة 1000 ومفيش فايدة وهى الطلاق من ال...
13/09/2026

🟥واحدة ست لسه قافله معايا منهارة من البكاء وده ليه ده بسبب مشكلة اتكلمت فيها بدل المرة 1000 ومفيش فايدة وهى الطلاق من الزواج العرفى
🟥باختصار هى من سنتين كانت متزوجه بشكل عرفى من احد الاشخاص وعلى فكرة الزواج العرفى ده كان بعقد وشهود واشهار وكمان بموافقه اهلها ووالدها
🟥ولكن كان السبب فى الزواج العرفى ان الشخص اللى اتقدملها متزوج ويدعى انه اصلا سايب البيت وقاعد فى شقه لوحده بس هو خايف ان زوجته الاولى تعرف فتحرمه من انه يشوف اولاده ووعدها انه فترة بس وهتعدى وانه هيكتب عليها رسمى
🟥وبالفعل اتجوزوا عرفى بموافقه كل اهل الزوجه فهى ارملة وزوجها متوفى من 6 سنوات وبتشتغل موظفه وراتبها كويس ما شاء الله
🟥بس مش بيتهنوا كتير وتدب الخلافات بينهم بسبب ان الزوج رافض عمل زوجته وعاوزها تقعد فالبيت وهى عندها اولاد وهى شايفه ان مفيش اى امان بالنسبه لها ولاولادها الا الوظيفه
🟥مع العلم انها كانت متفقه معاه انها مش هتسيب شغلها وهو كان موافق وخلف اتفاقه معاها بعد الزواج وطلب منها تقعد من الشغل
🟥المهم هو مصمم على طلبه وهى مصممه على موقفها فمكانش فيه حل غير الطلاق
🟥اتفقوا فعلا على الطلاق وهى سالت محامى ايه اللى المفروض يحصل قالها المفروض يتكتب عقد طلاق وانتى والزوج تمضوا عليه
🟥قالت الكلام ده لزوجها رفض وقالها انا مش همضى على حاجه وهما ورقتين هيتقطعوا وخلصنا ورمى عليها اليمين
يا عم يهديك يرضيك تعالى امضى زى ما المحامى بيقول
🟥 يقولها عقد طلاق ايه اللى امضى عليه المحامى بيشتغلك عشان عايز فلوس وخلاص
معروفه ان الجواز العرفى بنقطع الورقتين وخلاص قطعى الورقه اللى عندك وانا هقطع الورقه و خلصنا وانا رميت عليكى يمين الطلاق فالموضوع انتهى
🟥وهى فعلا اقتنعت او كبرت دماغها وسكتت على كده وربنا اكرمها بعده بست شهور واتجوزت جواز رسمى وقبل ما تتجوز رسمى حكت لزوجها الجديد على كل حاجه يعنى مش مغفلاه فحاجه
🟥تعدى الايام وتنسى علاقاتها بالزوج العرفى ده
واثناء مكانت بتجدد رخصة عربيتها فالمرور بتكون الطمة الكبرى بتكتشف ان عليها حكم غيابى بسنة حبس ولما اخدت رقم القضية واستعلمت هى قضية ايه لقيتها جنحة تعدد ازواج زوجها العرفى عاملها ليها
🟥الباشا لا قطع العقد ولا نيلة وجاب صورة من قسيمتها الرسمى وقدم عقد الزواج العرفى بعد مارفع دعوى اثبات زواج بدون علمها واخد حكم اثبات زواج واشتكاها بتعدد الازواج
🟥بس برأتها باذن الله سهله عن طريق التحريات اللى هطلبها من المحكمه وشهادة الشهود وكمان فيه سكرينات بينهم مضمونها انه طلقها فباذن الله برأتها سهلة وانا مش عارف هو ليه يعمل كده
بس الغلط الاكبر عليها هى لكذا سبب
🟥اولا ليه عرفى والله ظروفه متسمحش دى مشكلته حتى لو كان زواج حلال بشهود واشهار لكن ليه الست ترخص نفسها
والله هو مش راجل وغير قادر على المواجهة يبقي لما يشرب بيريل ويسترجل يجى يتقدم متضيعوش حقوقكم باديكم وترخصوا من نفسكم
🟥تانى حاجه اللى ياما حذرت منها الزواج العرفى زى مكانت بدايته بورق تبقى نهايته بورق زى مكان فيه عقد زواج يبقي فيه عقد طلاق ولو الزوج رافض يمضى على انه طلقك يبقي ناويلك على نية سوده اصل مفيش مبرر وملهاش معنى تانى هو خسران ايه انا مش فاهم
🟥لازم يكون مع الست اثبات ان الشخص ده طلقها عشان لو اتجوزت بعد كده متلاقيش نفسها داخلى فمصيبه سوداء ممكن تدخلها السجن وتلاقى نفسها مش عارفه تطلع منها
🟥طب لو رافض يمضى تعمل ايه ساعتها تقدر ترفع دعوى خلع على عقد الزواج العرفى
🟥وياريت بلاش عرفى من الاساس الصح اتجاه واحد صونوا
نفسكم وكرامتكم
⚠️ياريت تعملو شير للتوعية يمكن الناس تتعظ وتستفاد⚠️
⚖️مكتب الاستاذ المستشار - محمد حسانين عبدالله -المحامى بالأسكندرية
للتواصل عبر الواتساب فقط على الرقم 01225516782📱
🟥هذا الرقم مخصص للواتساب فقط يرجى عدم الاتصال الهاتفى 🟥

🟥من واقع خبرتى حابب اقول ان 70% من الخلافات الزوجية اللى مالية محاكم الأسرة اساسها حاجتين الحالة المادية للزوج والحالة ا...
13/09/2026

🟥من واقع خبرتى حابب اقول ان 70% من الخلافات الزوجية اللى مالية محاكم الأسرة اساسها حاجتين الحالة المادية للزوج والحالة الجن.سية لو الاتنين دول تمام بيبلعوا لبعض الزلط اما لو فيه نقص او تقصير فى اى منهما تبدأ الخلافات وحتى لو الخلافات دى تبان فى الظاهر لعوامل تانية الا انك لو بحثت هتلاقى ان الاساس حاجه من الاتنين دول
هل توافقونى الرأى ام لا

🟥جاتلى استشارة تليفونية النهارده من خارج مصر لأحد الرجال المقيمين فى احدى الدول العربية 🟥الراجل فعلا كان هيبكى فى المكال...
12/09/2026

🟥جاتلى استشارة تليفونية النهارده من خارج مصر لأحد الرجال المقيمين فى احدى الدول العربية
🟥الراجل فعلا كان هيبكى فى المكالمه
🟥الراجل متغرب من 9 سنوات وبيعمل فى وظيفة مرموقه جدا جدا وميسور الحال بشكل كبير وحرفيا مش منقص بيته اى حاجه
هو متزوج من 12 سنه وربنا مرزهقوش غير بطفل واحد ومعيش مراته وابنه فى مستوى اى حد يتمناه
🟥بيبعت لمراته مصروف شهرى 40 الف جنيه غير ان كل اجازة بينزلها بيجيبلها ما لا يقل عن 50 جرام دهب وهو شايف ان ده لمراته ام ابنه وفى نفس الوقت حفظ لقيمة الفلوس واستثمار فى الدهب
وعلى فكرة المصروف الشهرى اللى بيبعته لمراته ده غير شامل اى مصاريف علاج او مصاريف مدرسه لا ده للاكل والشرب والمعيشه فقط
🟥بالأضافه انه اشترى شقتين فى اماكن راقيه جدا خلى زوجته تكتب شقه منهم باسمها
🟥الراجل ده طول فترة سفره كانت مراته بتقعد فى مصر ايام الدراسه وتسافرله كل اجازة صيف تقضى الصيف معاه والدنيا مستقرة
غير ان هو بينزل كل سنه شهرين اجازة يعنى بيقضى مع مراته وابنه تقريبا خمس شهور من السنه
🟥اخر سنتين اللى هما 2025 و 2026 مراته كانت بترفض تروحله فى اجازة الصيف بحجة ان والدتها مريضة وانها لازم تكون جمبها
وبدأت تفتعل معاه مشاكل واتغيرت 180 درجه
🟥لما نزل مصر الاجازة اللى فاتت كانو متخانقين قبلها فالتليفون راح شقته اللى هى قاعده فيها وهو مخليها كتباها باسمها لقاها مركبة باب مصفح وطبعا معهوش المفتاح ومحدش موجود فالشقه
🟥وكانت عند والدتها فراحلها بيت والدتها رفضت تروح معاه
طيب هاتى مفتاح الشقه لا دى شقتى وملكش حاجه
🟥كان ليه صديق محامى استعلمله فى محكمه الأسرة لقى انها كانت 🟨رافعه نفقة زوجية ونفقة صغار بقالها سنه ونصف وعليه متجمد نفقة بقيمة 128 الف جنيه وهو ميعرفش حاجه
🟨ورفعت خلع من 3 شهور واتحكملها فيها طبعا باعلان امريكانى وهمى من ورا الزوج
🟥الراجل كان هيحصله حاجه من الصدمة مقصرش يوم واحد معاها ولا فمصاريفها وكان بيتمنالها الرضا ترضى
🟥الراجل بيكلمنى فعلا هيبكى
🟥طب رجعيلى دهبى وشقتى طبعا رافضه وبتقوله ده حقى دول 12 سنه زواج معاها شقه تساوى ملايين حرفيا وقرابة الكيلو ذهب
🟥الراجل لولا انه ورانى كل ما يثبت صحة كلامه من تحويلات ومحاداثات بينهم كنت ممكن مصدقش لان ايه اللى يخليها تعمل كده وهى عايشه فى خيره ونعيمه
🟥بس الحمد لله انه معاه الاثباتات دى وكل حاجه بالاوراق حتى فواتير الذهب 🙏
🟥انا بجد مش فاهم انتى استفدتى ايه وبالنسبالى هو تفسير من اتنين يا انتى مريضه نفسيه يا دخل حد فحياتك شقلب دماغك بس فى كلا الاحوال حسبى الله ونعم الوكيل فى شقى الراجل المحترم
🟥الراجل ده متابع ليا وانا عارف انه بيقرأ البوست ووعد منى امام الله وامام كل الناس اللى شافت البوست ده لحقك هيرجع وهتندم على اللحظة اللى فكرت تشغل دماغها عليك فيها
🟥انا دايما ضد ان كلمة ناشز تطلق على اى ست عاجل على باطل كده بس فالحالة دى احب اديكى لقب ناشز مع مرتبة الشرف
⚖️مكتب الاستاذ المستشار محمد حسانين عبدالله المحامى بالإسكندرية
للتواصل عبر الواتساب فقط على الرقم 01225516782
🟥هذا الرقم مخصص للواتساب فقط يرجى عدم الاتصال الهاتفى 🟥

🟥واحدة ست كانت جيالى المكتب من شهر تقريبا بتقولى عايزة ارفع قضية خلع هى بتاخد وقت اد ايه هى كانت تبع دايرة اسرة كرموز ف...
11/09/2026

🟥واحدة ست كانت جيالى المكتب من شهر تقريبا بتقولى عايزة ارفع قضية خلع هى بتاخد وقت اد ايه
هى كانت تبع دايرة اسرة كرموز فى الأسكندرية
🟥قولتلها اسرة كرموز من الدواير السريعه القاضى بيدى اجل اسبوع واحد بين الجلسة والتانيه والموضوع كله 3 جلسات يعنى 3 اسابيع ونزود عليهم 15 يوم بتوع التسوية يعنى قولى شهر ونص كده مثلا
🟨قالتلى ايه ده كتير اوى طب مينفعش اجى مع حضرتك المحكمه بكرة ونخلص الموضوع وانا تحت امرك فى اى فلوس او اتعاب
🟥قولتلها يعنى انتى عاوزة تيجى معايا بكره المحكمه واجبلك حكم الخلع بكره ونخلص كل حاجه فيوم قالتلى اه
🟥قولتلها وليه بكره انتظرى بره فى المكتب بس شويه السكرتيرة تجهزلك الحكم خديه وانتى ماشيه 😂
🟨المصيبه انها صدقت وقالتلى بجد
🟥قولتلها اه طبعا على ما السكرتيرة تسخن الختم بس😂
فبصتلى باستغراب
🟥فقولتلها هو ايه اللى بجد حضرتك اكيد لا ده انتى لو بتخلعى ضرسك بتاخدى مضاد حيوى اسبوع الأول قبل الخلع 😂
وفهمتها الإجراءات بتمشى ازاى وان فيه اجراءات لازم تتم زى اعلان الزوج وعرض الزوجه على الخبراء وعرض الزوجه على واعظ من الازهر غير ان فيه جلسات
🟨المهم نزلت من عندى حزينة جدا عشان كانت جايه مفكرة انها هتعرض عليا مبلغ كبير فهخلصلها الحكم تانى يوم
والغريبه انى مشوفتهاش تاتى تقريبا بتدور على حد يخلصها فيوم 😂
🟥ده كان موقف غريب جدا بالنسبالى وعلفكرة البوست والله بدون اى مبالغه حدث بالنص

Address

الاسكندرية
Alexandria
5313356

Website

Alerts

Be the first to know and let us send you an email when المستشار - محمد حسانين عبدالله posts news and promotions. Your email address will not be used for any other purpose, and you can unsubscribe at any time.

Shortcuts

Share

Category