مكتب أ/منارعبدالرازق حماية الله للمحاماه والإستشارات القانونية

29/08/2026

من خلال شغلي في
بتعدي عليا مواقف طريفة كدا
اللي هي اي حد محتاج يعرف اي الأوراق المطلوبه واي الشروط الخاصه بإتمام إجراءات زواج الأجانب من الدولتين
من حيث السن
الديانه
الحاله الإجتماعيه
الإقامة
الأوراق التي يجب إحضارها من دولة الأجنبي
الأوراق التي يجب استخراجها من داخل جمهورية مصر العربيه
والتوثيقات التي يجب الحصول عليها
يبعت يسألني كدا سؤال عابر
قوليلي يا استاذه اي المطلوب ؟
ويندهش جدا عند طلب ثمن الإستشاره القانونيه
الإجابة
يخضع للقانون الدولي
قانون جمهورية مصر العربيه وقانون دولة الشخص الأجنبي اي كانت دولة عربيه أو غير عربيه
ويلزمه معرفه دقيقه بالإجراءات وذلك لتوفير الوقت والجهد والأموال
فكدا احنا أمام موضوع كامل بكل تفاصيله
وليس سؤال عابر
يعني شغل

23/08/2026

16/08/2026

محدش بيتمنالك الخير غير شركة التأمين🤝

11/08/2026

📍 الجهاز القومي لتنظيم الاتصالات يحيل شركات المحمول الأربع إلى النيابة العامة بشأن مخالفات تسجيل خطوط بأسماء مستخدمين دون علمهم ويتخذ إجراءات تنظيمية حاسمة لحماية حقوق المواطنين.

📍 يأتي ذلك في ضوء ما قام به الجهاز من إجراءات الفحص والتفتيش للشكاوى الواردة إليه خلال اليومين الماضيين وما استتبعه من استكمال الأدلة والقرائن والمستندات المرتبطة بها، واتخاذ ما يلزم وفقًا لأحكام القانون.

📍 يؤكد الجهاز حرصه على حماية حقوق مستخدمي خدمات الاتصالات وصون بياناتهم الشخصية، والتصدي لأي ممارسات تخالف القواعد والإجراءات التنظيمية المعتمدة لتسجيل وتفعيل خطوط المحمول.

📍 عقب الاجتماعات التي عُقِدَت مع شركات المحمول الأربع، أقر الجهاز حزمة من الإجراءات التنظيمية العاجلة تستهدف إحكام منظومة تسجيل خطوط المحمول، والتحقق من هوية حائزيها الفعليين، ومنع تكرار مثل هذه الوقائع مستقبلًا.

📍 الإجراءات تضمنت وقف بيع أو تفعيل أي خطوط جديدة من خلال أنظمة الشركات للجهات والمؤسسات، سواء التابعة للقطاع الخاص أو الجهات والهيئات الحكومية.

📍 الجهاز ألزم شركات المحمول بإرسال رسائل نصية إلى كافة الخطوط القديمة المسجلة على أنظمة الشركات، لإخطار حائزيها بضرورة التوجه إلى فروع شركات المحمول، لإبرام عقود جديدة باسم الحائز الفعلي للخط، على أن يتم إلغاء الخط نهائيًا في حالة عدم استكمال إجراءات التعاقد خلال المهلة المحددة.

📍 وجه الجهاز بالإسراع في إتاحة آليات التحقق البيومتري لحائزي خطوط المحمول عبر التطبيقات الإلكترونية لشركات المحمول خلال الفترة المقبلة، بما يتيح التحقق من هوية المستخدم بصورة أكثر أمانًا، وتمكين المواطن من اتخاذ الإجراءات اللازمة تجاه أي خط مسجل باسمه ولا يقع في حيازته.

#اتصالات

09/08/2026

ماحدش يوقع على الاقرار ده ..معناه انك علي علم بالخط الشركات بتخلي مسئوليتها وتمضي المواطنين علي الإقرار دا
انتوا تروحوا الشركة تاخدوا افادة فقط بالخطوط المتسجلة بأساميكم وتطلعوا على مباحث الانترنت او قسم الشرطة تعملوا محضر اثبات حالة بالكلام ده..
ماحدش يروح الشركة ويمضي على الاقرار ده .

08/08/2026

في حالة إن فيه خطوط متسجلة برقمك القومي وإنت متعرفش عنها أي حاجة، تتصرف إزاي؟

أولًا، قبل ما تنتظر رد فعل من أي شركة اتصالات، روح اعمل محضر إثبات حالة، واذكر فيه عرفت بالموضوع إزاي وإمتى، وأرقام الخطوط والشركات التابعة ليها.

وحاول تعرف كل المعلومات المرتبطة بالأرقام دي؛ شوف الواتساب اللي معمول بالرقم، والتليجرام، وأي أكونتات تانية مرتبطة بيه، وشوف الرقم متسجل بإيه على Getcontact، وهل فيه محفظة إلكترونية باسمه، وهل الرقم مربوط بـ InstaPay وباسم مين -لو موجود-.. وكل دا لازم تذكره في المحضر.

ثانيًا، اعمل إنذار على يد محضر من المحكمة للشركة، وتذكر فيه نفس التفاصيل، وتطلب إلغاء وقفل جميع الخطوط المسجلة باسمك دون علمك، وتنبه الشركة إن في حالة عدم اتخاذ الإجراءات اللازمة هتتخذ الإجراءات القانونية ضد الشركة وصاحب الخط.

ثالثًا، أوعى تعمل تنازل عن الخط في الشركة، لأن التنازل ده ممكن يُعتبر إقرار ضمني منك إن الخط كان ملكك، وبالتالي يضعف موقفك بعد كده في إثبات إن الخط اتسجل باسمك من غير علمك أو موافقتك. -لكن ممكن تقدم طلب إنكار لملكية الخط لكن راجعه كويس قبل ما توقع عليه-

رابعًا، لحد الآن مافيش تصريح رسمي واضح بيشرح الموضوع ده بيتم إزاي، لكن وجود خطوط بتتسجل بأسماء أشخاص دون علمهم يفتح الباب لاحتمال وجود شبكات إجرامية بتستغل أو تتعاون مع بعض الموظفين داخل شركات الاتصالات لتسهيل استخراج خطوط ببيانات أشخاص عشوائيين.

خامسًا، حافظ على سرية بياناتك ومعلوماتك الشخصية، ولو بطاقتك ضاعت، روح اعمل محضر إثبات حالة فورًا؛ لأن أي شخص ممكن يستخدم بيانات البطاقة في استخراج خطوط باسمك، وممكن الموضوع يتطور لأكتر من كده.

وأخيرًا، في جميع الأحوال، لو ثبت وجود تقصير من شركة الاتصالات أدى لتسجيل أو تشغيل خطوط باسمك دون علمك، فمن حقك اتخاذ الإجراءات القانونية والمطالبة بالتعويض عن الأضرار التي لحقت بك.

04/08/2026

أعضاء النيابة العامة وهما بيفضوا الأحراز وبيتفرجوا على فيديوهات القاضي المزيف