مستشارك القانوني

28/02/2026

مصطلحات المحاكم ⚖️
#الجدول :
مكان التواجد : ده بيبقي موجود فى المحكمة وده بيتسجل فيه القضيه من اولها لاخرها
من ساعه مادخلت المحكمه لحد ما وقفت .
#الاجندة :
اللي بيتسجل فيها كل من:-
-اللي تم في الجلسه
-ارقام الحصر
-بنعرف منها القرار السابق للجلسه
-بنعرف منها الرول
-بتبقي موجوده مع سكرتير الجلسه
الاجنده دي بيبقي محدد فيها الجلسه باليوم يعني لما تروح تسال هتسال وتقول مثلا :-
لو كانت الجلسه محدد ليها تاريخ
تشوف اليوم مثلا :-
12/12 /2019 موافق يوم ايه .. يوم الخميس يبقي تدخل وتقول اجنده الخميس مع مين وتشوفها مع سكرتير الجلسه .
#البروتستو :
مختص بالدعاوي التجاريه وده المكان اللي بيطلع منه الورقه اللي بتثبت إن الشخص اللي انا عايز اشهر افلاسه مدفعش الكمبياله.
:
وده موجود في القسم واللى بيتسجل فيه المحاضر اللي دخلت القسم بارقامها
#الاستيفاء:
مكان التواجد :في القسم والمحكمه وده عباره عن مجموعه من امناء الشرطه اللي لو
في اجراء ناقص او خانه مش تامه في المحضر هما اللي بيكملوها
*مثال :-
زي مثلا لما تروح تقدم بلاغ ضد شخص ومش عارف غير اسمه ثنائي وظيفه الاستيفا
انه بيبعت امين شرطه بيستوفي الاجراءات دي يعني الاسم ايه وطبعا من العنوان.
*وفي حالات اجراءات المعاينه برضه بتبقي من الاستيفا
الاستيفا ملهاش دفتر دي عباره عن غرفه فيها الامناء بتوع الاستيفا وبنعرف إن كان المحضر لسه في الاستيفا ولا لا عن طريق الاجنده .
#الرول : وده عبارة عن قائمة بيبقي مرتب فيها القضايا اللي هتداول في الجلسة وبتدور علي الاسم بتاعك او موكلك وبتعرف انت رقم كام في الجلسة
#الفهرس
ده انت بتعرف منه ان كانت في قضايا مرفوعه ولا لا يعني ده اللى بيرتب القضايا اللي
داخله للمحكمه.
:
وده اللي بيبقي موجود فيه لو كان المتهم عمل معارضه من عدمه او استأنف وده بيبقى فى غرفه التنفيذ بتجيب الرقم بتاع الحصر من الاجنده
:
مكان التواجد:-
ده بيبقي في المحكمه وده عباره عن الفهرس المتسجل فيه المحاضر اللي جايه من القسم.
:
وده هو رئيس السكرتاريه بتوع الجلسات واللي بيبقي معاه الاختام
*بتحدد من عنده الرسم لما بترفع الدعوي
*بتختم من عنده أي ورق متعلق بدايرته


ده السكرتير اللي بيكتب ورا القاضي
*بيبقي معاه الاجنده بتاعه اليوم والجلسه
*لما تيجي تاخد صوره رسميه من محضر او الحكم بيبقى من عنده .


#مستشارك

27/02/2026

مهم جدا لمحامين اسكندريه
#اسكندرية

#مستشارك

24/02/2026

أهم المواقع الحكومية اللي تعتمد عليها بشكل أساسي في شغلك – سواء دلوقتي أو في المستقبل القريب

1. موقع النيابة العامة
[https://ppo.gov.eg](https://ppo.gov.eg/)
من خلاله تقدر:
تقديم شكاوى إلكترونية
استخراج شهادة من واقع الجدول
الحصول على صور رسمية من القضايا والأحكام
الاستعلام عن القضايا
استخدام خدمات نيابة المرور المختلفة
والتسجيل عليه بيكون للمحامين فقط

2. موقع وزارة العدل – خدمات المحاكم والرولات
[https://lnkd.in/d9ZdmWqp)
الموقع بيخدم قضايا المدني (جزئي وكلي)، وبيوفر:
الرولات ومواعيد الجلسات
قرارات الجلسات
بيانات الاستئناف من عدمه
الموقع مازال في مرحلة تطوير لكنه بيتحدث باستمرار وفي محاكم كتير تم إضافتها له

3. بوابة مصر الرقمية
[https://digital.gov.eg](https://digital.gov.eg/)
بعد تسجيلك كمحامي هتقدر:
رفع الدعاوى المدنية إلكترونيًا
استخدام خدمات إلكترونية متعددة مرتبطة بالمحاكم والتوثيق

4. موقع المحاكم الاقتصادية
[https://lnkd.in/dE8A-vGn)
بيقدم خدمات المحاكم الاقتصادية المختلفة إلكترونيا

#مستشارك

10/02/2026

📌✍الأحكام القضائية 👩‍⚖على الجزم واليقين وليس على الشك والتخمين ⚖💥
هذه قاعدة قضائية أصيلة استقر عليها قضاء محكمة النقض، ومؤداها حماية حرية الإنسان وضمان عدالة الأحكام الجنائية.
أولًا: مضمون القاعدة
«الأحكام الجنائية تُبنى على الجزم واليقين لا على الشك والتخمين»
أي أن:
الإدانة لا تصح إلا إذا اطمأنت المحكمة إلى ثبوت الواقعة ونسبتها إلى المتهم اطمئنانًا يقينيًا.
إذا شاب الدليل شك أو احتمال أو ترجيح، وجب استبعاده.
الشك – مهما كان بسيطًا – يفسر لصالح المتهم.
ثانيًا: الأساس القانوني للقاعدة
هذه القاعدة مستمدة من:
قرينة البراءة (المتهم بريء حتى تثبت إدانته).
عبء الإثبات يقع على سلطة الاتهام لا على المتهم.
الحرية أصل، والإدانة استثناء.
ثالثًا: تطبيق القاعدة عمليًا
1️⃣ ما لا يصلح أساسًا للحكم بالإدانة:
أقوال مرسلة بلا دليل.
قرائن غير قاطعة.
استنتاجات ذهنية غير مدعومة بأدلة.
تناقض في أقوال الشهود لم تطمئن له المحكمة.
احتمال مشاركة المتهم دون دليل يقيني.
2️⃣ متى يُقضى بالبراءة؟
إذا تساوى دليل الإدانة مع دليل البراءة.
إذا كان الدليل ظنيًا لا يرقى لليقين.
إذا عجزت المحكمة عن تكوين عقيدتها الجازمة.
رابعًا: حكم محكمة النقض (نص المبدأ)
«من المقرر أن الأحكام الجنائية يجب أن تُبنى على الجزم واليقين لا على الشك والتخمين، وأنه متى ثار الشك في أدلة الدعوى تعين القضاء بالبراءة.»
📌 قضاء محكمة النقض مستقر على أن:
«الشك يفسر لمصلحة المتهم، ولو كان احتمالًا مرجوحًا، ما دام لم يقطع الدليل على ثبوت الاتهام.»
وهذا المبدأ ورد في العديد من أحكام النقض الجنائي على اختلاف الوقائع، باعتباره قاعدة عامة لا تتغير بتغير الجريمة.
خامسًا: الفرق بين الجزم واليقين وبين الشك
📌💥الجزم واليقين 📌💥الشك والتخمين
دليل قاطع دليل محتمل
اطمئنان كامل تردد أو احتمال
يصلح للإدانة يوجب البراءة
مبني على وقائع ثابتة مبني على افتراضات

📌💥سادسًا: أهمية القاعدة في الدفوع الجنائية
تُستخدم هذه القاعدة في:
الدفع بعدم كفاية الأدلة
الدفع بالتناقض في أقوال الشهود
الدفع بانعدام الدليل اليقيني
الدفع بفساد الاستدلال
وغالبًا ما تكون كافية وحدها للقضاء بالبراءة إذا أحسن الدفاع إبرازها.
خلاصة مهمة جدًا ⚖️
❗ لا تُدان نفس بشرية بالاحتمال، ولا يُسلب إنسان حريته بالظن
✔️ الإدانة = يقين
✔️ الشك = براءة

10/01/2026

1. ما هي أركان العقد في القانون المدني؟

* الرضا (عرض وقبول صحيحان)، الأهلية، محل الالتزام (موضوع العقد)، والسبب المشروع. يشترط أيضاً ألا يخالف العقد النظام العام والآداب، وأن يُنفّذ بحسن نية.

1. ما الفرق بين العقد الباطل والعقد القابل للإبطال؟

* العقد الباطل: يفتقر إلى ركن جوهري (كالمحل أو السبب) أو يخالف النظام العام؛ يُعدّ كأن لم يكن ولا يُصحَّح.
* العقد القابل للإبطال: أركانه متوافرة لكن شاب الرضا عيب (غلط، تدليس، إكراه) أو نقص أهلية؛ يمكن إبطاله بطلب صاحب المصلحة أو إجازته.

1. ما هي عيوب الإرادة التي تُجيز إبطال العقد؟

* الغلط: التوهّم الجوهري الذي لو عُلم لما تمّ التعاقد.
* التدليس: استعمال وسائل احتيالية أو كتمان غشّي لحمل الطرف على التعاقد.
* الإكراه: ضغط غير مشروع يخيف المتعاقد فيُفسد رضاه.
* الغبن عادةً لا يكفي وحده، لكنه يُعتدّ به إذا اقترن بتدليس أو استغلال.

1. متى تُعفى المسؤولية بسبب القوة القاهرة؟

* إذا وقع حدث غير متوقع ولا يمكن دفعه، خارجي عن إرادة المدين، ويجعل التنفيذ مستحيلاً. الأثر: انقضاء الالتزام أو وقف التنفيذ حسب الحالة، مع التزام المدين بإخطار الطرف الآخر وتقليل الأضرار قدر الإمكان.

1. ما الفرق بين الالتزام بتحقيق نتيجة والالتزام ببذل عناية؟

* تحقيق نتيجة: يُسأل المدين ما لم تتحقق النتيجة (مثل نقل راكب إلى وجهة معيّنة).
* بذل عناية: يُسأل المدين إذا لم يبذل عناية الشخص المعتاد (مثل التزام الطبيب غالباً)، دون ضمان نتيجة محدّدة.

1. ما هو التقادم؟ وما الفرق بين الوقف والانقطاع؟

* التقادم: مدة قانونية لسقوط الدعوى أو انقضاء الحق في المطالبة به بعد مرور زمن محدّد.
* الوقف: تعليق سريان المدة مؤقتاً لسبب معيّن (كالقُصر أو القوة القاهرة).
* الانقطاع: يبدأ حساب المدة من جديد بسبب إجراء قاطع (كالإنذار الرسمي أو رفع الدعوى أو الإقرار بالدين). مدد التقادم تختلف باختلاف نوع الدعوى والدولة.

1. ما شروط المسؤولية التقصيرية (غير العقدية)؟

* خطأ، ضرر، علاقة سببية بينهما. قد تقوم المسؤولية بغير حاجة لإثبات الخطأ في بعض الحالات الخاصة (كالأنشطة الخطرة أو مسؤولية متولي الرقابة).

1. ما أنواع الضرر القابل للتعويض؟

* ضرر مادي (خسارة فعلية، ربح فائت) وضرر معنوي (ألم نفسي، إساءة للسمعة).
* يُقدَّر التعويض بقدر الضرر المحقق والمتوقع المعقول، وللقاضي سلطة تقديرية، وقد يُخفض الشرط الجزائي إذا كان مبالغاً فيه أو وقع ضرر أقل.

1. ما المقصود بالحيازة؟ وكيف تُحمى؟

* الحيازة: سيطرة فعلية على شيء بنية التملّك أو الاستعمال. تُحمى بدعاوى سريعة لاسترداد الحيازة أو منع التعرض دون بحث أصل الملكية، حمايةً للاستقرار. ثم يُحسم النزاع حول الملكية بدعوى أصل الحق.

1. ما هو الإثراء بلا سبب؟

* أن يَثري شخص على حساب آخر دون مسوّغ قانوني. العناصر: إثراء، افتقار، رابط سببي، غياب سبب مشروع. الجزاء: ردّ ما أُثرِيَ به أو قيمته بقدر الافتقار.

1. ما حكم الشرط الجزائي؟

* اتفاق يُحدِّد التعويض مسبقاً عند الإخلال. يُعمل به ما لم يكن مخالفاً للنظام العام، وللقاضي تخفيضه إذا كان مبالغاً فيه أو إذا ثبت أن الضرر أقل بكثير.

1. ما هو الفسخ؟ ومتى يُطلب؟

* الفسخ جزاء الإخلال العقدي الجسيم، يعيد الأطراف إلى ما قبل التعاقد مع ردّ ما تمّ تسليمه. يُشترط غالباً إعذار المدين ومنحه مهلة معقولة إلا إذا كان التنفيذ أصبح غير مجدٍ أو استحال.

1. ما الفرق بين حوالة الحق وحوالة الدين؟

* حوالة الحق: نقل الدائن حقه إلى دائن جديد؛ لا تتطلب موافقة المدين غالباً لكن يجب إخطاره لتجنب الوفاء لغير المستحق.
* حوالة الدين: نقل التزام المدين إلى مدين آخر؛ تتطلب موافقة الدائن لأنه صاحب المصلحة في شخص المدين.

1. ما هي الفضالة (النيابة الفضولية)؟

* تدخّل شخص بغير إذن لإدارة شؤون غيره حمايةً لمصلحته. يلتزم الفضولي ببذل العناية وإكمال العمل، ويستحق ردّ النفقات النافعة والضرورية إذا تصرّف لمصلحة صاحب الشأن وبحسن نية.

1. ما هو ضمان العيوب الخفية في المبيع؟

* يضمن البائع العيب الخفي غير المعتاد الذي ينقص من قيمة المبيع أو منفعته ولم يعلم به المشتري ولم يظهر بالفحص المعتاد. للمشتري طلب الفسخ أو إنقاص الثمن أو التعويض بحسب الأحكام.

1. ما معنى حسن النية في التنفيذ؟

* التزام عام يفرض على الأطراف التصرف بأمانة وتعاون معقول أثناء تنفيذ العقد وتفسيره، مثل الإخطار بالموانع، وتفادي الإضرار غير الضروري بالطرف الآخر.

30/12/2025

#جنح المخدرات

جرائم جنح المخدرات:
جنح تعاطي جنح إنتاج أو جلب المواد ضعيفة التخدير
جنح عدم إمساك الدفاتر أو عدم القيد بها
جنح عدم إرسال الكشوف
جنح تجاوز فروق الأوزان
—————
جنح التعاطي:
نصت المادة٣٩من قانون المخدرات:يعاقب بالحبس مدة لا تقل عن سنة وبغرامة لا تقل عن ألف جنية ولا تجاوز ثلاثة ألاف جنية،كل من ضبط في مكان أعد أو هيئ لتعاطي الجواهر المخدرة وذلك أثناء تعاطيها مع علمه بذلك وتزداد العقوبة إلى مثليها إذا كان الجوهر المخدر الذي قدم هو الكوكايين أو الهيروين أو أي من المواد المخدرة الواردة بالقسم الأول من الجدول رقم ١
ولا يسري حكم هذه المادة على زوج أو أصول أو فروع أو أخوة من أعد أو هيأ المكان المذكور أو على من يقيم فيه"
———————————
أركان الجريمة:
يشترط لتحقق الجريمة أن يتم ضبط المتهم في مكان أعد أو هيئ لتعاطي المخدرات وأن يشترط فيها حالة من حالات التلبس أي ضبطه أثناء تعاطيه بالاضافة إلى توافر القصد الجنائي لديه
وتتوفر في الجريمة ثلاثة أركان:أن يكون الضبط في مكان معد للتعاطي:وهو الركن المادي من الجريمة والذي يكون معداً ومخصصاً للتعاطي المواد المخدرة ولا يصح الرواية أو الإستدلال
لزماً وحتماً أن يكون هناك توافر حالة من حالات التلبس للمتهم أثناء تعاطيه أي ضبطه وهو معه مثلا لفافة من الحشيش أو جوهر المخدر شديد التأثير مثل الكوكايين أو الهيرويين
ملحوظة:لزماً أن يكون المكان معداً للتعاطي فإذا لم يكن معداً لذلك فأنه ينتفى به الركن المادي من الجريمة
ثانياً:أن يكون هناك ضبط للمتهم أثناء تعاطيه أو وجود حالة من حالات التلبس:وهذا الشرط يشرح نفسه فأنه يتعين على مأمور الضبط أن يضبط من يفعل ذلك متلبساً ولا يجوز الإستدلال أو الرواية
مثال:ضبط شخص بنرجيلة وعليها تبغ غير محترق يعلوه مخدر دون ضبط حجارة مشتعلة فلا تتوافر فيها أركان الجريمة لعدم وجود حالة من حالات التلبس
ثالثا:الركن المعنوي وهو القصد الجنائي ونية المتعاطي في تعاطي المواد المخدرة سواء خفيفة التأثير أم شديدة التأثير
وهو إتجاه إرادته مع علمه التام بأنه يقوم بإرتكاب فعل مجرم..
الظروف المشددة :
إستحدث المشرع بالقانون رقم ١٢٢لسنة ٨٩حكما بمضاعفة العقوبة وتتضمن الفقرة الثانية من المادة سالفة الذكر إذا كان الجوهر المواد المخدرة من الهيروين أو الكوكايين أو المواد الواردة بالقسم الأول من الجدول

28/12/2025

ما يتعلق بالتقارير الطبية في محاضر الضرب:
الكل يجمع⚖️⚖️
للمحامين المبتدئين
لما حد يسألك ايه هو الدفع بالتناقض البين بين الدليل الفني والدليل القولي؟
إجابتك هاتكون الأتي
الدليل الفني يتمثل في التقارير الطبية المقدمة من المجني عليه وقد يكون التقرير الطبي مقدم قبل تحرير المحضر من قبله أو بعد تحريره
حيث يرغب الشاكي وقتها بتوقيع الكشف الطبي عليه ويعطيه القسم في هذه الحالة جواب مخاطب به المستشفى لتوقيع الكشف الطبي على الشاكي
أما الدليل القولي يتمثل في أقوال الشاكي أو المجني عليه
تمام لحد هنا

الجزئية التانية
هل التقارير الطبية دليل أم قرينة ؟
طبعا قرينة وطبعا انت عارف كويس اوي ان القرينة أقل مرتبة من الدليل ولا بد أن يعززها من الدليل مثل شهادة الشهود أو أي وسيلة من وسائل الإثبات

يعني انها لا تصلح وحدها دليل
هقولك في الحالة دي هي أصلا مش دليل
زي التحريات اللي تعتبر قرينة في حد ذاتها وإنها إجراء إستقصائي يجوز العدول عنها في اي وقت وإنها لا تعبر إلا عن رأي مجريها
طيب ايه الدليل على كلامك يا أستاذ
ارست محكمة النقض المصرية انه يجب ان تتوافر البيانات اللازمة في التقرير الطبي مثل بيان الاصابة وسبب الاصابة ومدة العلاج وتحديد الاداه التي احدثت الاصابة وتاريخ حدوث الاصابة وان يكون صادر من طبيب مختص

ونعلم جيداً ان الدليل الفني ما هو الا قرينة على الاصابة وليس قرينة على الاتهام وانه لا يعدو كونه دليل على الاتهام بل يجب ان يُدعم بادلة اخري كشهادة الشهود
"الطعن رقم١٥٤٠لسنة٥٣ق"
وان الاحكام الجنائية تُبني على الجزم واليقين لا على الظن والاحتمال

الجزئية التالتة
ممكن جدا تلاقي تعارض وتناقض صارخ وفاضح بين أقوال الشاكي وبين التقرير
ازاي
هقولك ازاي
هو مثلا أدلى بأقواله ان محدث الإصابة المشكو في حقه وإنه أحدث إصابته بواسطة عصا والإصابات الظاهرية وجود كدمات في الظهر والرجل اليمنى
ورد التقرير الطبي:
سبب الإصابة:إعتداء
بيان الإصابة :وجود كدمات وسحجات مغزلية
تناقض ده ولا مش تناقض
تناقض طبعا ليه؟

لان بيان الاصابة موجود فيه كدمات بالظهر والرجل اليمنى والذراع الأيمن وسحجات مغزلية
وهو قال ان الإصابات الظاهرية كدمة بالظهر والرجل البمنى وما ذكرش نهائي الذراع الأيمن أو عضة من قبل المشكو في حقه
تمام لحد هنا

طبب ايه الدفوع اللي بنستخدمها بشأن التقارير الطبية
١/الدفع ببطلان التقرير الطبي
٢/الدفع بإصطناع التقرير الطبي
٣/الدفع بالتناقض البين بين الدليل الفني والدليل القولي
٤/الدفع بعدم الإعتداد بالتقرير الطبي كونه قرينة وليس دليل

بعض الأمثلة اللي تتعلق بالإصابات

كدمة تكون نتاج شئ صلب مثل العصا أو شومة
سحجة تكون نتاج شئ صلب راض خشن وقد يتمثل في الخدوش أو السحجات الطبيعية او سحجات عضية مغزلية
الجرح هرسي:وهو جرح رضي متهتك نتاج شئ متحرك على عضو من أعضاء الجسم
جرح مزعي :جرح متهتك مصحوب ببتر
جروح بسيطة يكون فيها مدة العلاج أقل من٢١يوم
جروح شديدة يكون فيها مدة العلاج أكثر من 20يوم

25/12/2025

24/12/2025

⚠️ تحذير قبل شراء عقار في المناطق دي!
مناطق: سيكلام – اسكوت – الرأس السوداء – الفلكي – عزبة محسن – خورشيد – عزبة سكينة – أبيس الثانية – جانيوتي - الحضرة الجديدة
قد تخضع المناطق المعلن عنها للتطوير واعادة التخطيط وإزالة العشوائيات
الهدف من إعادة التخطيط يركز على توفير الخدمات العامة ورفع كفاءة البنية التحتية، وأشارت المحافظة انها تستهدف تحسين جودة الحياة بالمناطق من خلال إدخال المرافق، رصف الطرق، وتلبية احتياجات السكان من الخدمات.
#العجمي

23/12/2025

دور المحامي في تحقيق النيابة
وتجديد الحبس... #@
وانت بتحضر في
تحقيق نيابة
لازم يترسخ في ذهنك تلات أمور أساسيين :
الأمر الأول:ماتهزرش وتقل بنفسك مع حرس النيابة وتعاملك معاهم يكون بحسب طلبك
الأمر الثاني :هاتعرف المتهم إتعرض عند مين من وكلاء النيابة وهاتنتظر

الأمر الثالث: هاتدخل غرفة النيابة ببدلتك وروبك وتراقب التحقيق..
مهمتك الأساسية هي مراقبة التحقيق
اسمع كويس الاسئلة الموجهة من وكيل النيابة للمتهم
ومن حقك تطلب الإطلاع على المحضر
ومن حقك تختلي بالمتهم
ومن حقك تعترض في محضر التحقيق على أي تجاوز من قبل وكيل النيابة في حق المتهم
لإن الإقرار المنسوب للمتهم يجب أن يصدر عن إرادة حرة دون أن يكون الإقرار وليد ٱكراه بدني أو معنوي
الأمر الثالث وده الأهم:
نصت المادة ٣٣٣من قانون الٱجراءات الجنائية على:
في غير الأحوال المشار إليها في المادة السابقة يسقط الحق في الدفع ببطلان الإجراءات الخاصة بجمع الإستدلالات أو التحقيق الإبتدائي أو التحقيق بالجلسة في الجنح والجنايات إذا كان للمتهم محام وحصل الإجراء بحضوره دون إعتراض منه
أما في مواد المخالفات فيعتبر الٱجراء صحيحا إذا لم يعترض عليه المتهم ولو لم يحضر محام معه في الجلسة
وكذلك يسقط حق الدفع ببطلان بالنسبة للنيابة العامة إذا لم تتمسك به في حينه
يعني من حقك تثير أي دفع يتعلق بالٱجراءات ويعتبر عدم إثارتك لأي دفع يتعلق ببطلان الإجراءات بمثابة تنازل منك
وبعد ما بينتهي التحقيق هاتطلب ٱخلاء سبيل المتهم بأي ضمان تراه النيابة العامة حيث لا أنه لا يخشى عليه من الهرب أو إستكمال الإجراءات
والحاضر دفع
على سبيل المثال
بطلان القبض والتفتيش لعدم صدور إذن من النيابة العامة
بطلان القبض والتفتيش لإنتفاء حالة من حالات التلبس المنصوص عليها في المادة ٣٠من قانون الإجراءات الجنائية
وهكذا
ملحوظة
وانت في تحقيق نيابة لازم تعد الحرز المضبوط
يعني لو الظابط كاتب انه ضبط المتهم ب١٦تذكرة هيرويين وعدد الحرز المضبوط بعد عده ووزنه ١٥تذكرة هيرويين
هاتدفع بالبطلان في الإجراءات لتناقض ما سطره ضابط الواقعة مع الحرز المضبوط بجانب عدم جدية التحريات
خدوا بالكم لأن الموضوع ده مهم جدا أثناء مراقبتك للتحقيق والأحراز أو المضبوطات
_________________
الحبس الإحتياطي هو من مهام سلطة التحقيق التي تندرج من صلاحيات النيابة العامة والتي من حقها التحفظ على المتهم إذا لم تنتهي من التحقيق أي اذا رأت ان التحقيق سيستغرق مدة زمنية كبيرة ففي هذه الحالة من حقها أن تأمر بحبس المتهم إحتياطياً لحين الإنتهاء من إجراء التحقيق إذا لزم الأمر
إذاً تعريف الحبس الإحتياطي :هو التحفظ على المتهم لمدة زمنية مؤقتة لحين الإنتهاء من التحقيقات
والحبس الإحتياطي يختلف كلياً عن الحبس الذي يصدُر من القاضي بالمحكمة
س:ما هي مبررات الحبس الإحتياطي؟
ج/إذا كان لم يكن للمتهم موطن معلوم
إذا كانت النيابة العامة تخشى من إخلاء سبيل المتهم العبث بالأدلة
أو إذا كانت الخشية من العبث بأقوال الشهود
أو إذا كان إخلاء السبيل سيضر بالمتهم. مثال"إذا أُتهم الجاني بجناية قتل وكانت عائلة المجني عليه واقفة له بالمرصاد وتريد أن تثأر للمحني عليه فهنا النيابة تأمر بحبسه "
الحبس الإحتياطي له شروط:
الشرط الأول:أن يكون الحبس الاحتياطي في جناية أو جنحة وألا تقل عن سنة أي إذا كانت اقل من سنة لا يحوز فيها الحبس احتياطياً،
لا يجوز الحبس الإحتياطي في المخالفات
هناك شرط أخر الا وهو :هناك بعض الجرائم التي تشكل جناية او جنحة ولكن لا يحوز فيها الحبس الإحتياطي كالجرائم التي تصدُر من الحدث أي أقل من خمسة عشر عاماً
الشرط الثاني :جرائم النشر لا يحوز فيها الحبس إحتياطياً كمن يقوم بنشر فساد لشخص ما أو الإساءة إليه الا في استثناء الا وهو إذا كانت الاساءة موجهة لرئيس الجمهورية ففي هذه الحالة يجوز حبسه إحتياطياً
الشرط الثالث :جرائم الجلسات أي إذا صدر من المحام جريمة أثناء لا يجوز حبسه احتياطياً اما اذا كان هناك اعتداء من قبل المحام على القاضي أو عضو النيابة فهنا يجوز حبسه احتياطياً

20/12/2025

لو المباحث قبضت على حد من أهلك..
اتصرّف فورًا بالطريقة دي، لأنها ممكن تكون سبب في البراءة بإذن الله.

أول خطوة:
تتوجّه لأقرب سنترال وتعمل حاجة اسمها (تليغراف) موجّه إلى النائب العام ووزير الداخلية، وتوضّح فيه وقت وتاريخ ومكان القبض على المتهم سواء كان من أهلك أو أقاربك.

طيب إيه فايدة التليغراف ده؟
هدفه الأساسي هو إثبات وقت القبض الحقيقي.

وده مهم جدًا لأن لو الضابط استخرج إذن النيابة بعد القبض
(وده بيحصل في حالات كتير)،
يبقى الإجراء قانونيًا باطل، وبالتالي بطلان إجراءات الضبط وما ترتّب عليها،
وما بُني على باطل فهو باطل.

معلومة قانونية مهمة:
التليغراف وثيقة رسمية وقانونية مُعترف بيها،
وبيكون لها دور مهم وأساسي في دفاع المتهم داخل القضية.