إعداد محامي

30/06/2023

11/04/2023

في قرار لرئيس الوزراء:

إجازة رسمية بمناسبة عيد الفطر وتحرير سيناء من 20 إلى 25 أبريل الجاري

أصدر الدكتور مصطفى مدبولي، رئيس مجلس الوزراء، قرارًا بأن تكون الفترة من يوم الخميس الموافق 20 من شهر أبريل الجاري حتى يوم الثلاثاء الموافق 25 من شهر أبريل الجاري، إجازة رسمية، مدفوعة الأجر للعاملين في الوزارات والمصالح الحكومية والهيئات العامة ووحدات الإدارة المحلية وشركات القطاع العام وشركات قطاع الأعمال العام؛ وذلك بمناسبة عيد الفطر المبارك وعيد تحرير سيناء.

04/02/2023

قال القاضى مخاطبا محاميا
ساخرا
نحن سلطة وانتم مهنه
فلا وجه للمقارنه !!

فقال المحامى :
فهم خاطىء ايها السيد الجليل
الجالس على منصه القضاء

فلايغرنك جلوسك
وانا واقفا
فالمعلم يقف والتلميذ
جالسا
فهل التلميذ افضل
من معلمه ؟

فليس كل جالس بسلطان
وليس كل واقف
بمُهان ..

ونحن ايها القاضى الجليل
نجمع بين المهنه والسلطه
بقوه القانون .
فأذا كانت النيابه تملك سلطه الاتهام
فالمحاماه تملك
سلطة الدفاع
وهى سلطه اقرها الدستور والقانون
والمواثيق الدوليه .

ايها القاضى
كما تقدر للنيابه دورها فى الاتهام
يستوجب ان تقدر للمحاماه
دورها فى الدفاع
على قدم المساواه !!

القاضي يحتاج الي 2 مستشارين بجواره
لكى يكون حكمه سديدا
امام المحامي
الذى يتولى الدفاع
بنفسة فقط ،،،،

مهنة المحاماة مهنة سامية ورفيعة
وليست مهنة النصب
والاحتيال
كما يستخدمها ويفهمها
البعض ...⚖️

27/01/2023

انت محاااااااامى

- علي فكرة المحامين فلوسهم كلها حرام
= انت متاكد انه فلوسهم كلها
- ايوة متاااكد طبعا

= طيب انا هسالك سؤال ؟
لو حد طلب مني اعمله اعلام وراثه اتعابي هنا حرام ولا حلال
- لا حلال طبعا
= طيب لو عملت لحد صحه توقيع او تعاقد اتعابي حرام ولا حلال
- لا حلال طبعا
= طيب لو رفعت لزوجه قضية نفقه او حضانه اتعابي حرام ولا حلال
- لا حلال طبعا
= طيب لو رجل اعمال طلب مني اعمله اجراءات تسجيل شركه اتعابي حرام ولا حلال
- لا حلال طبعا
= طيب لو احد الموظفين وقع عليه جزاء ظلم
وطلب مني ارفع دعوي في مجلس الدوله اتعابى حرام ولا حلال
- لا طبعا حلال

= شوفت كام مره انت قولت حلال ازاي بقي بتقول إن كل فلوس المحامين حرام
وممكن نقول امثلة كثيرة جداا
- لا انا مكنتش اقصد الفلوس كلها انما اقصد مثلا نوع معين
=لا انت قولت فلوسهم كلها وعامه نوع ايه اللي انت تقصده طيب
- اقصد فلوس قضايا الجنايات زي القتل او او الضرب او السلاح او المخدرات

= انت متاكد انك تقصد النوع ده ؟
- ايوة متاكد جدااا انه فلوسهم حرام
= اولا لازم تبقى عارف إن المحامي مش وظيفته إن يطلع الناس براءة
انما هو مجرد ضمانه قضائية لمراقبة مدي تطبيق القانون والموازنة بين ادلة الاتهام او البراءة
وتوضيح الواقعه ذى القاضى ايضا هدفه انه يحكم ويطبق القانون فالمحامي ملزم ببذل عناية وليس تحقيق غاية
= بالنسبة للقتل لازم تبقي عارف انه ايضا انواع وكل نوع ليه شروط واحكام
- لا انا اقصد إن لو جالك حد وقالك انا قتلت
= مش معنى ان الشخص ده قتل فعلا او معترف يبقى كده مدافعش عنه
مثال : طيب لو حد قتل شخص بعربيته وانا دافعت عنه حرام حلال
- لا طبعا حلال
طيب لو حد قتل شخص دفاع عن النفس او واحده كانت بتتعرض للاغتصاب فقتلت المغتصب حرام ولا حلال
- لا حلال طبعا
= طيب لو عندكم ثأر مثلا واتقتل حد وانت اتهمت فيه ظلم
لانك من الاشخاص الكويسه في عيلتك وعلى الورق انت متهم لكن الحقيقة انت برئ
وانا دافعت عنك وقدرت اثبت الحقيقة هل هنا اتعابى حرام
- لا طبعا حلال
= شوفت بقي انك قولت انه حلال مع ان الجريمة قتل فلازم تفهم الاول
= حاجه كمان فى السلاح مثلا
طيب لو انت ماشى فى الشارع وشديت في الكلام مع ضابط مثلا
فلبسك قضية حيازة سلاح ودافعت انا عنك وطلعتك براءة هل اتعابي هنا حرام
- لا طبعا حلال ده انت انقذت واحد برئ من الظلم
= طيب لو انت مثلا حصل وانك غلطت واتمسكت مثلا بسيجارة مخدر
بس الضابط عملها ليك اتجار وممكن علشان سيجارة تاخد مؤبد
فانا دفعت عنك واثبت انه غرضها كان التعاطي فقط فخففت الحكم هل كده اتعابي حرام
- لا طبعا حلال لان مش معقول علشان سيجارة تاخد مؤبد بس انا اقصد لو كان تاجر مخدرات
= وانت عرفت منين انه تاجر مش لازم يبقي فيه ادلة وقرائن
ماهو مينفعش نحكم علشان التحريات بتقول كده اللي ماهي اللي اقوال مرسله
او علشان شهادة الضابط اللي ممكن تكون كيدية او غير صحيحه وفي حاجات كتير ممكن تتقال بس يطول شرحها
= طيب لو انت مثلا عملت خناقه وانت والشخص ده ضربتوا بعض بعصا
وجاء بقى الشخص ده فبرك تقرير طبي بانك شرحت بطنه وضربته بمطوة وكسرت دراعه
فانا دافعت عنك واثبت التناقض بتاع التقرير وكيدية الاتهامات هل اتعابي هنا حرام انى أثبت الحقيقة
- لا طبعا مش حرام
= اؤمال اذاى انت بتقول انه اتعابنا حرام ؟؟؟!!!
- لا يا عم مش حرام انا اللي كنت فاهم غلط
وده موضوع يطول شرحه ولكن ده رد باختصار

17/12/2022

https://www.facebook.com/groups/757237320976864/permalink/6122545657779310/?mibextid=S66gvF

01/12/2022

علمتني مهنتي أن لكل مرافعة إستهلالها حسبما تسفر عنه مجريات الأمور أمام المحكمة .

إذ أن إجراءات المحاكمة تبدأ بسؤال المتهم عن التهمة المنسوبة إليه ، فأترقب إجابته التي قد تدفعني لتغيير خطة الدفاع في لحظات معدودة فقد يقر بجرمه أو ينفيه أو يلقي به على الغير متهماً إياه أو يتلعثم أو يجب إجابة يظهر منها خبثه أو سذاجته .

هذا الإستهلال أو مقدمة المرافعة والدفاع دوماً ما تكون وثيقة الصلة بمضمون الدفاع وصولاً لنفي أركان الجرم بالكلية أو إنتهاء بطلب تعديل قيد ووصف الإتهام أو بطلب إستعمال الرأفة إن كان لها محل .

وقد تلاحظ لي في كثير من الأحيان ما تكون تلك المقدمة ذات أثر في عقيدة المحكمة وتنحو بها في الإتجاه المرجو خاصة إذ إنتهت المرافعة إلي ربط أواصر الدفاع مقدمة وإنتهاء .
هذا مما علمني ربي والحمد لله رب العالمين .

31/10/2022

✍🏻 الإستشارة القانونية هي عملاً من أعمال مهنة المحاماة ، بل هي وقاية للشخص في كافة تعاملاته القانونية ،

فالإستشارة هي طلب المشورة والرأي القانوني بخصوص مسالة معينة قد تكون أو لا تكون محل نزاع ، يسعى من خلالها طالب الإستشارة إلى معرفة موقف القانون بخصوص الموضوع المطروح ، مستعينا بخبرة المحامي .

قد يقوم الشخص ببعض الخطوات بدون أن يستشير محام مختص وهو ما يجعله يقع في بعض الأخطاء التي تسبب له الكثير من المشاكل المادية والمعنوية والقانونية بل قد تصل به إلى ضياع حقه ،

ولو أنه حصل على استشارة قانونية قبل القيام بأي خطوة لوفر على نفسه الكثير من العقبات والوقت والتكاليف المادية وحافظ على حقوقه .

✍🏻 لذلك وجب على ذوي الشأن اللجوء إلى المحامي واستشارته في تعاملاتهم القانونية ، ووجب على المحامي أن يضع أجرا لتلك الإستشارة حتى لو كان رمزيا ، لقاء ما يبذله من بحث وجهد ووقت ..

28/10/2022

تعمل أيه لو أتعملك 🤔

( جنحه سرقه تيار كهربائي سابقأ ) وحاليا (جنحه أستيلاء علي تيار كهربائي)

أولا :- تروح شركه الكهرباء 🏘
-----------------------------
أما تدفع اللي أتقدر عليك من رسوم وتعمل مصالحه ......... وتتصل بمحام .
أما تتصل بمحام يعملك تظلم علي الرسوم المقرره خلال 60 يوم من أعلانك بالمحضر .

ثانيا :- تتصل بمحام 📞
-------------------
علشان يجبلك صوره الحكم ويعرف اذا كانت العقوبه بمقتضي حكم فتعمل معارضه
ولا أمر جنائي وفتعمل أعتراض علي أمر جنائي في مواعيده .

بالنسبه لحضور المتهم في الجلسه 🧐
---------------------------------
لو القيد والوصف قديم / سرقه تيار كهربائي ( فالحضور في السرقه وجوبي ) .
لو القيد والوصف طبقا للقانون الجديد استيلا فيمكن حضور المحام بتوكيل عن المتهم .

(( المادة 71 )) رقم 87 لسنة 2015
يُعاقب بالحبس مدة لا تقل عن ستة أشهر ولا تزيد على سنتين وبالغرامة التي لا تقل عن عشرة آلاف جنيه ولا تزيد على مائة ألف جنيه أو بإحدى هاتين العقوبتين، كل من استولى بغير حق على التيار الكهربائي، وتنقضي الدعوى الجنائية في حال التصالح.