محامي حر

محامي حر للتواصل -150985701-01006594705

29/01/2026

💥- تنبيه هام جداً ..!!👌
بتاريخ 1 أكتوبر 2026 سيتم وقف
جميع الخدمات الحكومية لأي حد عليه
أي أحكام جنائية بالإضافة إلى حرمان المحكوم عليه غيابياً في جناية من إدارة أمواله أو التصرف فيها .
طب يعني إيه وقف الخدمات ..؟
يعني مش هيقدر الشخص اللي عليه أي حاجة يجدد بطاقة ولا رخصة ولا جواز سفر ودنيته كلها هتلاقيها وقفت .

ده هيحصل سواء كانت الأحكام نهائية
أو غيابية أو حبس في متجمد نفقة أو غرامات غير مسددة وحتى لو كانت نتيجة تشابه أسماء .
ده محتاج من الجميع مش بس اللي شاكك أو عارف إن عليه أحكام إنه يعمل إستعلام عشان لو عليه أحكام غيابية
وهو مش عارف أو حكم لواحد متشابه ف الإسم .
= خد بالك أي واحد عليه حكم والعقوبة سقطت بمضي المدة هيفضل برده الحكم متسجل على السيستم وهيوقفله جميع الخدمات الحكومية أو هيتمنع من إدارة أمواله بحسب الأحوال إلا لو أتخذ إجراء لمحو الحكم ده محو إداري أو قضائي .

ولذلك كله نوصيكم بتوصيات قانونية هامة جداً وهي :-
#أولاً : المبادرة المبكرة بالإستعلام عن جميع الأحكام لأن إجراءات محو الأحكام وتنقية الصحيفة الجنائية تحتاج وقت إداري طويل ممكن تحتاج رفع دعوى قضائية في مجلس الدولة للمحو ، وعشان كده محدش ينتظر للحظة الحاجة للخدمة الحكومية لأن ساعتها هتتعطل جداّ .. ومن المتوقع حدوث تكدس هائل مع إقتراب موعد نفاذ القانون "قانون الإجراءات الجنائية الجديد" .
#ثانياً : الإستعلام الٱمن : بمعنى أن محدش يروح يعمل إستعلام بنفسه لو شاكك بوجود أحكام قائمة ، والأفضل طبعاً عمل ده من خلال مكتب محاماة متخصص عشان يضمنله الحماية القانونية أثناء الفحص وتفادي القبض الفوري .
#ثالثاً : المبادرة بعمل المعارضات للقضايا القديمة والمحكوم فيها غيابياً .
#رابعاً : تطهير السجل يعني لو حد حصل على براءة أو إنقضاء للدعوى الجنائية لازم يستخرج شهادة من الجدول ويقدم طلب رسمي لمحو الحكم لو كان أتسجل على سيستم وزارة الداخلية .
ولو مدة العقوبة سقطت بيتم إتخاذ إجراءات إضافية للمحو وإلا بيظل الحكم في الفيش الجنائي والسيستم ويظل وقف الخدمات قائم .
#خامساً : سداد الغرامات والمبالغ المالية للدولة لتجنب الإدراج على قوائم المنع من الخدمات .
- المستشار/ حسن بدوي بهادر.
م -- 01006594705

22/12/2025

اشتريت شقة بعقد ابتدائي؟ متفتكرش إنك بقيت المالك!
ناس كتير لما بتشتري شقة أو أرض بيقولك: "أنا اشتريت وخلصت، معايا عقد بيع ابتدائي ومختوم!".
بس السؤال هنا:
**هل فعلاً بقيت المالك؟**
الإجابة: لأ!
العقد الابتدائي ده مجرد اتفاق بينك وبين البائع إنك اشتريت منه، بس قدام القانون، **ماخدتش الملكية لسه**.
# # # 📜 ليه؟ لأن القانون بيقول:
> "الملكية ما تنتقلش إلا بالتسجيل في الشهر العقاري"
> (المادة 9 من قانون الشهر العقاري)
يعني لازم تروح تسجل العقد علشان تبقى المالك الحقيقي.

# # # ⚠️ يعني إيه لو ما سجلتش؟
* ممكن البائع يبيع نفس العقار لحد تاني… ويسبّقك لو هو سجّل
* ممكن ما تعرفش تدخل مرافق باسمك
* ممكن يحصل نزاع على الشقة وانت ماعندكش سند رسمي
* حتى في المحكمة… ممكن متقدرش تثبت ملكيتك
🏛️ وده مش كلامنا بس... ده كمان كلام محكمة النقض:
> "العقد الابتدائي لا ينقل الملكية، ومجرد تحريره لا يكسب المشتري حقًا عينيًا"
> 📌 (طعن رقم 2354 لسنة 58 ق)

✅ طيب تعمل إيه؟
لو اشتريت بعقد ابتدائي:
1. اتأكد إن فيه بند واضح إن البائع هيسجل ليك
2. احتفظ بإيصالات الدفع ولو فيه شهود يكون أفضل
3. والأهم: كلم محامي متخصص يساعدك تسجل رسمي
---------
# # # ✋ نصيحة مهمة:
ملكيتك للعقار مش بالورقة اللي في إيدك…
ملكيتك الحقيقية لما تسجل الشقه في الشهر العقاري!
---- المستشار/ حسن بدوي المحامى.
م/ 01006594705

05/08/2025

للتوضيح ...
بداية تطبيق القانون ؟؟
القانون تم نشره وأصبح نهائي و هيتنفذ من بكره خلاص
القانون هيطبق علي انهي عقود ايجار ؟؟
القانون هيطبق علي عقود الإيجار التي تم توقيعها قبل قانون ١٩٩٦
تفصيل مواد القانون
المادة (٢)
اي عقد ايجار تم توقيعه قبل عام ١٩٩٦ هتبدا من تاريخ من بكره ٧ سنين والعقد هينتهي بقوة القانون لو هي شقة سكنية (٥/٨/٢٠٣٢)
أما إذا كان محل تجاري أو شقة غرض الاستخدام اداري او تجاري تبدأ تعد من بكره ٥ سنين (2030/8/5)
المادة (٣ )
كل محافظة هتم حصر الشقق السكنية فقط التي عقودها ايجار قديم عشان يقسم المحافظة الي مستويات ( متميزة - متوسط - اقتصادي )
والتقسيم دا هيكون علي اساس موقع الشقة و مواد بناء العقار و مرافق العقار زي الغاز و الصرف و الكهرباء و شبكه الطرق و المواصلات و الضريبة المفروضة علي العقار بالكامل
اللجنة لازم تخلص التقسيم خلال ٣ شهور هتبدا من بكره وممكن تمتد من اللجنة 3شهور كمان
المادة (٤)
بعد ما اللجنة تخلص شغلها وتقسم المحافظة الي مستويات هتم زيادة القيمة الإيجارية كالتالي:
المنطقة المتميزة / الايجار هزيد عشرين ضعف الايجار
يعني مثلا الايجار المفروض علي شقة في الزهراء ١٠٠ جنية في الشهر هيبقا ٢٠٠٠ جنية في الشهر
طب لو الايجار المفروض لشقة في الكاشف ١٠ جنية كدا العشرين ضعف هبقا ٢٠٠جنية (لا)
حد ادني للايجار الف جنية شهريا
المنطقة المتوسطة و الاقتصادية/ الايجار هزيد عشر أضعاف
يعني مثلا شقة في الشهيد إيجارها ٥٠ جنية في الشهر هيبقا ٥٠٠ جنيه شهريا
و الحد الأدني ٤٠٠ جنية

طب خلال مدة ٣ شهور الي اللجنة بتاعت المحافظة هتقسم المحافظة الي المستويات
كل المستاجرين سواء كانت في منطقة متميزة اقتصادية متوسطة ملتزم بدفع ايجار وقدره ٢٥٠ جنية شهريا

وبعد ٣ شهور ما يخلصوا تشوف انت الشقة في المستوي ايه وتدفع الفرق
مثلا انت شقتك في المستوي المتميزة
و الايجار ١٠٠ جنيه شهريا كدا هبقا ٢٠٠٠ جنية تمام
وانت كنت بتدفع ٢٥٠ جنية خلال ٣ شهور مدة عمل اللجنة كدا مطلوب منك كمان ٥٢٥٠ جنية تدفعهم لصاحب الشقة فارق الايجار الجديد

المادة (٥)
بالنسبة مستأجر المحل التجاري أو الشقق لغرض تجاري أو اداري ملتزم بدفع ٥ امثال القيمة الإيجارية من الشهر القادم
المادة(٦)
بعد ما اللجنة تخلص شغلها و تقسم المحافظة الي مستويات ( متميزة - متوسط - اقتصادي )
وتم زيادة الايجار
هك

02/07/2025

النص الكامل لقانون الإيجار الجديد عقب إقراره من مجلس النواب
=================================

وافق مجلس النواب المصري، الأربعاء، نهائيا على مشروع تعديل قانون الإيجار القديم المقدم من الحكومة، والذي يهدف إلى تنظيم العلاقة بين المالك والمستأجر، وإعادة توازن السوق العقاري في إطار تدريجي يحفظ حقوق الطرفين.

وفيما يلي النص الكامل لمشروع القانون بعد الموافقة عليه عقب تعديل المادة الثامنة:


مادة (1)

مشروع قانون بشأن بعض الأحكام المتعلقة بقوانين إيجار الأماكن وإعادة تنظيم العلاقة بين المؤجر والمستأجر

تسري أحكام هذا القانون على الأماكن المؤجرة لغرض السكنى والأماكن المؤجرة للأشخاص الطبيعية لغير غرض السكنى وفقا لأحكام القانونين رقمي 49 لسنة 1977 في شأن تأجير وبيع الأماكن وتنظيم العلاقة بين المؤجر والمستأجر، و136 لسنة 1981 في شأن بعض الأحكام الخاصة بتأجير وبيع الأماكن وتنظيم العلاقة بين المؤجر والمستأجر.

مادة (2)

تنتهي عقود إيجار الأماكن الخاضعة لأحكام هذا القانون لغرض السكني بانتهاء مدة 7 سنوات من تاريخ العمل به، وتنتهي عقود إيجار الأماكن للأشخاص الطبيعية لغير غرض السكنى بانتهاء مدة 5 سنوات من تاريخ العمل به، وذلك كله ما لم يتم التراضي على الإنهاء قبل ذلك.

مادة (3)

تشكل بقرار من المحافظ المختص لجان حصر في نطاق كل محافظة تختص بتقسيم المناطق التي بها أماكن مؤجرة لغرض السكنى الخاضعة لأحكام هذا القانون إلى مناطق متميزة متوسطة، اقتصادية، على أن يُراعى في التقسيم المعايير والضوابط الآتية:

الموقع الجغرافي ويشمل طبيعة المنطقة والشارع الكائن به العقار.
مستوى البناء ونوعية مواد البناء المستخدمة ومتوسط مساحات الوحدات بالمنطقة.
المرافق المتصلة بالعقارات بكل منطقة من مياه وكهرباء وغاز وتليفونات وغيرها من المرافق.
شبكة الطرق ووسائل المواصلات والخدمات الصحية والاجتماعية والتعليمية المتاحة.
القيمة الإيجارية السنوية للعقارات المبنية الخاضعة لأحكام قانون الضريبة على العقارات المبنية الصادر بالقانون رقم 196 لسنة 2008 الكائنة في ذات المنطقة.

ويصدر قرار من رئيس مجلس الوزراء بقواعد ونظام عمل هذه اللجان.

وتنتهي هذه اللجان من أعمالها خلال 3 شهور من تاريخ العمل بهذا القانون ويجوز بقرار من رئيس مجلس الوزراء من مدة الانتهاء من أعمالها لمدة واحدة مماثلة، ويصدر قرار من ال

24/06/2025

لو السمسار قالك واحدة من الجمل دي… سلم عليه وامشي فورًا:

1. "مفيش ورق دلوقتي… بس كله هيتظبط بعد الاتفاق!"
يعني كأنه بيقولك: "اشتري الوهم!"

2. "أنا هظبطلك السعر مع المالك… بس متقولش إن ليّا عمولة!"
يعني بيلف ويدور وزي مابيحسسك انه عايز مصلحتك بيعمل نفس الشيء مع المالك ويلعب على الطرفين

3. "الفرصة دي مش هتتكرر… لازم تحجز حالًا عشان في حد تاني هيحجزها!"
بالعقل كده… هو ببيع شقة ولا بيشحن رصيد؟!
اللي بيضغطك يضحك عليك.

4. ""الشقة مباني 2005 يعني خارج التصالح عشان قبل 2008."
→ التصالح لأي عقار تم بناؤه بعد عام 1991.

5. "هات العربون الأول وبعدين تشوف الاوراق!"
ده مش بيع، ده نصب لأن العربون بيبقا بعد الاقتناع وقرار الشراء، مش قبله.

6. "بلاش محامي… المحامين بيعقّدوا الدنيا!"
👈 لأ ده بيخاف من القانون، وعارف ان المحامي هيحذر موكله من الشراء.

7. "أنا والمالك واحد… اتعامل معايا على طول!"
🤨 ممكن يكون بيزوّر الواقع لصالحه.

8. "العقار معمول له تسوية، بس متقلقش!"
😐 دي جملة بتلمع المشكلة. "تسوية" يعني فيه نزاع أو مخالفة.

9. "العدادات بتركب بعدين… كله ماشي وبايعين شقق كتير كدا!"
🤷‍♂️ يعني الشقة مفيهاش مرافق.

10. "أنا أضمنلك كل حاجة بكلمتي!"
👂 لا والله؟! دي اجراءات قانونية مش في خطوبة! الضمان بالعقود، مش بالكلام الحلو.

11. "الشقة دي كانت لقطة بس اتباعت للأسف"
هي متباعتش هي وهمية ومكنتش موجودة اصلا بس بيجذب بيها الناس.

12. "تلاقي سمسار عارض شقة بنص سعر السوق ولما تسأل بكام على الخاص ميردش ودايما الرقم مقفول أو محدش بيرد"

دا مش اعلان حقيقي بس رقمك دخل داتا ارقام لشركات التسويق العقاري وهتلاقي ارقام كتير بعتالك شقق على الواتساب بالميزانية اللي معاك.

13. "الشقة بدون تشطيب بس سهلة تتشطب بـ20 ألف!"
🤦‍♂️ ده مشطبش أوضة قبل كدا… التشطيب المحترم دلوقتي بمبلغ مش قليل.

وفي النهاية نقول ان السمسرة زي أي مهنة فيها الصالح والطالح.. احنا غرضنا التوعية القانونية لكن مش بنقلل من تعب ومجهود الناس المحترمين.



نقلا عن / المستشار العقاري و الإقتصادي / حسن بدوى
محام بالاستئناف العالي ومجلس الدولة
متخصص في صياغة وتوثيق العقود وتأسيس الشركات
الواتس اب 01006594705

23/06/2025



فى اطار جهود الدولة لتوسيع قاعدة المستفيدين من التأمينات، خاصة من النساء اللاتي لا يحصلن على دخل ثابت
اتاحت التامينات الاجتماعية معاش شهري ثابت لها اذا التزمت المشتركه بسداد الاشتراكات بانتظام لضمان التمتع بكافة المزايا، مشيرة إلى أنَّ صرف المعاش لا يتمّ إلا بعد استكمال مدة الاشتراك القانونية، وهي 180 شهرًا أي 15 عامًا على الأقل.
مميزات الاشتراك في تأمينات ربات البيوت
--------------------------
معاش شهري مستقر بعد بلوغ سن المعاش أو عند ثبوت العجز.

لا حاجة إلى وجود عقد عمل رسمي أو سجل تجاري.

الحماية الاجتماعية تمتد لأسر السيدات المشتركين حال الوفاة.

لا ترتبط الاشتراكات بجهة عمل، مما يمنح حرية كاملة في الاشتراك والإدارة

قيمة الاشتراك الشهري لربات البيوت
----------------------
حدد القانون اشتراك ميسر يبدأ من 7 جنيهات يومياً، ويبلغ الاشتراك الشهري 207 جنيهات فقط، أي ما يعادل 7 جنيهات يوميا، وهو ما يجعل الاشتراك متاحًا لشريحة واسعة من النساء، خاصة في ظل الظروف الاقتصادية المتغيرة، وتسدد الاشتراكات من قبل السيدة نفسها، إذ لا يشترط وجود صاحب عمل.

شروط الاشتراك في التأمينات الاجتماعية
-------------------------
أن يتراوح عمر السيدة بين 18 و45 عامًا عند بدء الاشتراك.

أن يتمّ الانتظام في سداد الاشتراكات الشهرية دون انقطاع.

ألا تقل مدة الاشتراك للحصول على المعاش عن 15 عامًا.

ألا تكون السيدة مشتركة في أي نظام تأميني آخر أو تتقاضى معاشًا حكومي
-- المستشار / حسن بدوى.
م/ ٠١٠٠٦٥٩٤٧٠٥

15/06/2025

🚗 "بتبيع عربيتك؟ اعرف الفرق بين التوكيل المفتوح والتوكيل اللي بينتهي بانتهاء الرخصة!"

---

📌 في معاملات بيع السيارات… التوكيل اللي هتعمله ممكن يحميك أو يورطك!

كتير من الناس بتفكر إن التوكيل مجرد ورقة وخلاص، لكن الحقيقة إن فيه فرق كبير جداً بين نوعين من التوكيلات، وواحد فيهم بس هو الأأمن لك كبائع:

---

🔹 التوكيل المفتوح
📄 توكيل من غير مدة محددة، بيدي المشتري الحق في التصرف في العربية من غير ما يسجلها فوراً باسمه.
لكن المشكلة؟
⚠️ العربية بتفضل باسمك في المرور.
⚠️ كل المخالفات والحوادث والمشاكل هتكون على اسمك أنت.
⚠️ ولو اتأخر المشتري في التسجيل، أنت اللي بتدفع التمن!

---

🔹 التوكيل المنتهي بانتهاء الرخصة
📅 التوكيل ده بيكون محدد المدة، وبينتهي بانتهاء رخصة العربية الحالية.
يعني ببساطة:
✅ المشتري لازم ينقل الملكية قبل ما الرخصة تخلص.
✅ وده يحميك قانوناً من أي تصرفات بعد كده.
✅ بيوفر لك الأمان القانوني ويقلل من المخاطر.

1. ✅ اعمل توكيل ينتهي بانتهاء الرخصة.

2. 📝 خلي المشتري يوقع على إقرار استلام سيارة.

3. 📷 احتفظ بصور بطاقته ورخصته.

4. 🚫 ماتسلّمش العربية إلا بعد التوقيع.

.

30/04/2025

بعد الحكم المؤبد
على مغتصب الطفل فى قضية ياسين تلميذ دمنهور

ناس كتير جدا جدا كتبت ده حكم للتهدئه العامه ....

على فكره كلامهم صح جدا

اولا الاحكام الجنائيه اصبح لها استئناف من سنه 2024 بقرار رئاسى بعد ما كان درجه التقاضى هى النقض فقط

ثانيا فى قصور فى الحكم والاخلال بحق الدفاع

لان ببساطه جدا ما حدث بالجلسه

المحكمه نفسها عدلت القيد والوصف لمواد الاتهام من

هتك عرض بغير قوة أو تهديد إلى هتك عرض بالقوة

ودى تعتبر قضيه جديده ومن حق محامى المتهم طلب الاستعداد للدفاع لانك قدام اتهام اخر وجديد بمواد اخرى جديده من قانون العقوبات

وده ال بالفعل حصل

محامى المتهم بعد تعديل الاتهام طلب التأجيل

ورفعت الجلسه

وفى بعض الصفحات والمواد الاخباريه كتبت بالفعل تم تأجيل الجلسه وده كان بناء على طلب محامى المتهم فى الجلسه وعدم المرافعه ورفع المحكمه الجلسه والدخول لغرفه المداوله

طلعت المحكمه على المنصه

حكمت المحكمه بالمؤبد على المتهم لثبوت الواقعه ومواد الاتهام 🤣🤣

يا عم انت عبيط ولا اهبل ولا قاضى مش فاهم قانون

ولا التليفون وصلت عاوزين تهدئه رأى عام بحكم كبير

ده طالب فى تانيه كليه حقوق لو كتب استئناف هيبطل الحكم ده

ده فى القانون اسمه اخلال بحق الدفاع وفساد الاستدال والقصور فى التسبيب مما يستوجب نقض الحكم

انتم بتستهبلوا ولا بتستعبطوا ولا نظامكم ايه ؟؟؟

معلومه

مش دفاع عن المتهم ده لو فعلا ثبتت عليه الجريمه يستحق الاعدام كمان

انا هنا بتكلم عن استهبال المحكمه وضياع حق الطفل قانونيا

اوعى تفكر ان القضاء كده انصف الطفل بالحكم ده

بالعكس اى حد فاهم قانون عارف كويس ان بيضيع حقه

خلص الكلام

07/04/2025

من الكنترول 🙄
لو ليك حكم على شخص #بالحبس
والحكم لسه ماتنفذش ولم يتم القبض على الشخص دا 👇

#اشتكى عن طريق الخط الساخن ( ١٦٥٢٨ )

وقولهم القضيه ورقم الحصر
واسم المتهم وعنوانه
وانه تبع قسم شرطه ايه بالظبط ؟

وهتقول فى الشكوى عدم تنفيذ حكم قضائي

وتتابع برقم الشكوى اللى هتاخدها منهم

وهنا بقى 👇
شكوتك بتروح على
وبعد كدا على
وبعد كدا هيبدأو إما حد من المديريه هيتواصل معاك او هيتم تنفيذ الحكم فى اسرع وقت

ودا كله وانت قاعد فى البيت من غير ماتخبط مشاوير وشكاوى ع الفاضى 😎

وصدقنى بتجيب وجابت كذا مره عن تجارب سابقه 😉

قولنا بقى لو ليك حكم او تعرف حد ليه حكم
فكره تانيه لتنفيذ الأحكام بسرعه ...
او الطريقه اللى بتفضلها هى ايه ؟؟؟

ولو مش عاجباك الطريقه دى قولنا عشان اقولك على فكره تانيه #أصيع 😉

# حسن بدوي المحامى

13/03/2025

إن القانون رقم 10 لسنة 2022 تضمن إخلاء وحدات أو أماكن الإيجار القديم للأشخاص الاعتبارين لغير غرض السكن وبعدها تنتقل الوحدة للمالك بقوة القانون.
ولفت إلى أن التشريع يقر تطبيق زيادة سنوية من كل عام منذ 2022، وذلك في مارس من كل عام لمدة 5 سنوات ويخاطب ويلزم في ذلك 9 فئات يتم تطبيق عليهم تلك التعديلات بنسبة 15%

حول آليات تطبيق ذلك القانون وأحكام سريانه:

- ما هي الأماكن التي تسري أحكام هذا القانون؟
طبقا للمادة 1 من القانون رقم 10 لسنة 2022 بشأن بعض الإجراءات ومواعيد إخلاء الأماكن المؤجرة للأشخاص الاعتبارية لغير غرض السكني: "تسري أحكام هذا القانون على الأماكن المؤجرة للأشخاص الاعتبارية لغير غرض السكنى وفقـا لأحكام القانونين رقمي 49 لسنة 1977 في شأن تأجير وبيع الأماكن وتنظيم العلاقة بين المؤجر والمستأجر، و136 لسنة 1981 في شأن بعض الأحكام الخاصة بتأجير وبيع الأماكن وتنظيم العلاقة بين المؤجر والمستأجر".

- ما هي الفئات التي يتم تطبيق تلك التعديلات عليها؟
1-الوحدات الإدارية التي يتم تأجيرها للأفراد العاديين.

2-المباني التي يتم تأجيرها من قبل السفارات الأجنبية.

3-المحلات التجارية التي يتم تأجيرها من قبل الحكومة.

4-الوحدات السكنية التي يتم تأجيرها من الحكومة بهدف تجاري أو إداري.

5-المكاتب التابعة للشركات.

6-المكاتب الخاصة بالمحاماة.

7-عيادات الخاصة بالأطباء.

8-المكاتب الاستشارية.

9- المحلات التي يتم تأجيرها من قبل الأفراد العاديين.

- هل هناك مدة محددة لإخلاء المكان المؤجر وفقا لهذا القانون ؟
طبقا للمادة 2: "مع عدم الإخلال بالأسباب الأخرى للإخلاء المبينة بالمادة (18) من القانون رقم 136 لسنة 1981 المشار إليه، يكون إخلاء الأماكن المؤجرة للأشخاص الاعتبارية لغير غرض السكنى وفقـا لأحكام القانونين رقمي 49 لسنة 1977، و136 لسنة 1981 المشار إليهما بانتهاء مدة لا تجاوز 5 سنوات من تاريخ العمل بالقانون، ما لم يتم التراضي على غير ذلك.

- ماهي مقدار الزيادة القانونية بهذا القانون؟
تنص للمادة "3": "اعتبارا من تاريخ العمل بهذا القانون تكون القيمة الإيجارية القانونية للأماكن المؤجرة الخاضعة لأحكامه خمسة أمثال القيمة القانونية السارية، ثم تزاد سنويا وبصفة دورية آخر قيمة قانونية مستحقة وفق هذا القانون بنسبة 15%".

- متي يلتزم المستأجر بإخلاء المكان المؤجر ورده إلى المالك؟
أشارت المادة

07/03/2025

الاستكمال الحديث
التعديل بعد الأخذ في الاعتبار الأسعار الجديدة:

إسكان متوسط:

أقل من 276 متر: زيادة 860 جنيه لكل متر.

276 متر فأكثر: زيادة 1055 جنيه لكل متر.

أمثلة:

إذا كانت المساحة 209 متر:

209 × 860 = 179,740 جنيه زيادة فوق المبلغ الأساسي.

إذا كانت المساحة 276 متر فأكثر:

276 × 1055 = 291,180 جنيه زيادة فوق المبلغ الأساسي.

إسكان متميز:

500 متر × 1055 جنيه = 527,500 جنيه زيادة فوق المبلغ الأساسي، بالإضافة إلى نسبة التميز.

إذا كانت المساحة 600 متر:

600 × 1055 = 633,000 جنيه زيادة فوق المبلغ الأساسي، بالإضافة إلى نسبة التميز.

ملاحظة: نسبة التميز تُحسب بشكل منفصل وتضاف إلى المبلغ النهائي.

05/03/2025


كتاب دوري 11 لسنة 2018 بشأن التحفظ على السيارات المضبوطة
جمهورية مصر العربية
النيابة العامة
مكتب النائب العام المساعد
للتفتيش القضائي
كتاب دوري رقم (11) لسنة 2018
بشأن التحفظ على السيارات المضبوطة
تلاحظ لإدارة التفتيش القضائي في الآونة الأخيرة من خلال التفتيش على أعمال السادة الأعضاء بالنيابات التوسع في إصدار القرارات بالتحفظ على السيارات المضبوطة على ذمة بعض القضايا دون سند من القانون أو التعليمات العامة للنيابات ودون مقتضى فضلا عن التحفظ عليها في أماكن غير مخصصة أو سوء استغلالها وإذ نظمت التعليمات العامة للنيابات في المادة 749 من التعليمات القضائية بعض إجراءات التحفظ على السيارات المضبوطة وظهرت الحاجة لاتخاذ إجراءات أخرى .
فإننا ندعو السادة أعضاء النيابة إلى مراعاة ما يلي وتنفيذه بكل دقة :
أولا : يتم التحفظ على السيارة المضبوطة متى كانت لازمة للسير في الدعوى أو تقتضي مصلحة التحقيق التحفظ عليها أو تكون محلا للمصادرة قانونا وجوبيا أو جوازياً ، وما عدا ذلك فيتم تسليمها لمن له الحق في ذلك فورا سواء عند بدء التحقيق أو عند التصرف في الأوراق طبقا لما تقضي به المواد 101 ، 102 من قانون الإجراءات الجنائية ، 721 من التعليمات القضائية.
ثانيا : يتم إعداد سجل خاص بكل نيابة جزئية وآخر بالنيابة الكلية تقيد السيارات المتحفظ عليها تثبت فيه بيانات السيارة ورقم القضية الخاصة وموضوع الاتهام المنسوب لمالكها أو غيره وتاريخ التحفظ عليها ومكان إيوائها . وتخطر النيابة الكلية لقيد السيارة بدفترها المماثل مع إخطارها بما قد يستجد بشأن التحفظ على السيارة للتأشير به في الدفتر الخاص .
ثالثا : في الحالات التي يتم التحفظ فيها على السيارات متى كانت لازمة للسير في الدعوى وفقا للبند الأول من هذا الكتاب عدا قضايا القتل الخطأ والمرور على عضو النيابة المنوط به التحقيق معاينة السيارة وتصوير كافة أجزائها من الخارج والداخل وما بها من كماليات كلما امكن ذلك إثباتا لحالتها الفعلية وقت التحفظ عليها وإثبات ذلك في محضره وإرفاق تلك الصور بالسجل الخاص بالنيابة الجزئية للرجوع إليها إذا لزم الأمر .
رابعا : تكليف المهندس الفني المختص أو لجنة فنية بفحص السيارة وإعداد تقرير فني تثبت فيه حالتها فنيا وما فيها من كماليات وأجهزة ويرفق اصل التقرير بالقضية الخاصة على أن يتم إيواء السيارة

Address

بجوار نقطة شرطة كوم بدار
Al Manshah

Website

Alerts

Be the first to know and let us send you an email when محامي حر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category